芝脆雞 (已結業)

幾個月一次的興趣小組飯局，今回輪到K小姐家中舉行，既然K小姐本身是位「無飯」人物，外送速遞薄餅是最快捷便利的選擇，各人異口同聲說PizzaHut吃得太多了，K小姐即是在家中外賣單的寶庫找來幾間Pizza外賣速遞店，芝脆雞？原來大家也未試過，出於貪新鮮的心態，就選了芝脆雞。套餐總是必然之選，這回也不例外，大胃C餐，包了大批一個，意粉／焗飯／炸雞五件／小食中任擇3款，再加上飲品5罐／餐湯／蒜蓉包中任擇1款，才是$232，真的很划算。電話落單後，大概半個多小時就送到，頗有效率呢。薄餅要了環遊世界，等同PizzaHut的至尊，餡料有洋蔥、青椒、辣肉腸、火腿、蘑菇、菠蘿、牛肉、豬肉。厚批果然夠厚，吃時鬆軟好味；餡料份量不賴，真是啖啖肉；而且，馬蘇里拉芝士滿佈批面，絲絲芝香，很有水準的薄餅耶。意粉／焗飯／炸雞五件／小食類，要了兩客百里香燒豬助骨，不過這款小食需每客多補$8，再加一客焗海鮮飯。此外，散叫多一客墨西哥辣肉醬烤腸（$36），覺得這樣叫是最慳錢而又吃得最多貴價食物。一份燒豬助骨真的很大件，燒得甘香，又有少少香脆燶邊，味道誘人，伴有炸薯條，始終外送，薯條不太脆口了；焗海鮮飯無甚驚喜，是不過不

下午1:00食LUNCH~之前我地會叫$95的兩人餐~但次次都覺得太飽~所以今次我地叫左兩個1人餐~皇牌套餐 $32一件炸雞: 呢到的雞好JUICY, 皮脆肉嫩, 唔會炸到好乾~而且仲有好香滑的雞味~西式燒汁牛仔扒飯: 最初見到個樣以為係一D頹飯~D飯好似係珍珠米~唔係間間餐廳都識煲飯~~呢到個飯算唔錯~同埋個汁真係好夾送飯~!! 個扒都唔會太熟~薄薄地~煎得剛剛好~!汽水一罐開心套餐 $31一件薄餅: 蟹柳、粟米、磨菇、肉碎~雖然只係D普通材料~但都焗得好好味~!炸薯王: 雖然似炸左好耐~但不過不失~兩件魷魚圈: 都係炸左好耐~凍曬一件炸雞汽水一罐加埋都係$63~咁樣好抵食~而且好夠飽~如果$95餐就可以自己揀PIZZA款同焗飯款~但如果本身你睇到當日的飯餐都O岩自己食~咁叫兩個1人餐真係會抵食好多~

三隻炸雞需時40分鐘, 我本人完全接受唔到, 更加唔識得去理解廚師係如何精心泡制! 而且當我想詢問店員時, 這位店員完全冇視我嘅存在, 拿起她的私人電話傾談她自己嘅私人事, 服務態度好惡劣! 我完全理解唔到為何如此嘅服務態度竟然可以做到senior! 而且還要不斷在食客面前抹鼻涕, 病是冇罪, 可是在飲食行業, 我相信這些行為有避忌的需要!

我地7點幾叫左外賣，佢話要個半鐘，咁我地話ok, 等啦大概八點半已經到左，但係d野黎錯晒!!!我地叫左一個大批，燒排骨，海鮮意粉，四個羅宋湯結果淨係得我pizza冇錯，冇左個燒排骨，黎左個唔知咩意粉，個湯又變左白湯打返去，又話要等多一個鍾, 火都黎埋以後唔會再叫呢間外賣 !!!!!!!!!!!!!!!!!!!!!!!!

聽人講話好好味喎，又抵食。點知•••••••••••••••••• 真係勁難食囉！好小料呀，個包又厚得濟，冇樣好食，搞倒我浪費左今日既限額！一定冇下次！！請我都唔會食，總之比多少少，食pizzahut都仲好，起碼唔會難食到五個人，每人食左一件已經投降

叫左個二人setB佢話要等5分鐘之後等左成50分鐘，搞到電視劇又冇得睇，又變左食宵夜./.之後佢最後佢好似講笑話咁係度講吾好意思我同佢講，吾好意思？我同佢講:'我同你講吾好意思你比我50分鐘ok?"佢係度Bear住我囉咪去呀但係佢d炸雞同pizza都幾好味！

懶得落街買野食, 所以同老公決定叫CHEESE PIZZA我地都係第一次叫cheese pizza外賣, 叫左個HK$120的外賣快速遞餐任選大批一個+意粉一客+炸雞2件+湯2客送到的時間, 食物都還是溫的~粟米湯:我覺得應該叫"粟米生粉芡"是半透明的, 很淡很淡的黃色, 味道也很淡.....不好吃應該係罐頭粟米湯, 再用1:10的水去煲, 最後打多個生粉芡....墨西哥香辣PIZZAizza上的材料分量適中, 味道都可以, 但個pizza底我就唔係好識欣賞.>.<好難形容個PIZZA, 唔係一般食開PIZZA HUT果種....個PIZZA底好厚, 比厚批更厚, 有約一吋個底好油, 好似炸左咁...個盒底都油哂....食落好似食緊麵包的感覺...但又唔似麵包咁軟, 有d硬又有d韌...炸雞:成件油淋淋的, 是看得出的油淋淋....但味道ok....可惜真係好油....香辣海鮮意粉:最好味就係個意粉啦~說真的....並唔係特別好味...都係一般白汁意粉咁0羅...只不過相比係其他3樣野食....個意粉已經係超哂班.......其實我自己係偏向比喊的, 我老公就話比OK,

上個星期開大食會.好想食PIZZA見依間唔貴所以叫左兩個.好似都係$135兩個批叫咩名就唔係好記得一個好似叫黑椒錦繡大會一個就好似叫千島風情我自己就鍾意食厚批0既依度個批底就真係啱唒我啦唔會好似麵包咁"林"小小脆.D餡啱啱好夠唒因為太多會一路食,一路跌,似食料多過PIZZA我地係自己外賣自取0既雖然拎到返去等到食0既時候唔會好熱但都好味.唔會變乾PIZZA做到咁0既效果,又抵食.真係值得推介呀!!

記得某天於網上「閒逛」時發現了《Cheese Pizza（芝脆雞）》，名字看來有點像《Pizza and Chicken》呢…反正這天「pizza癮」起，那就試試看…於搜尋器找到了《Cheese Pizza》的網站，無論是網頁的外觀設計、套餐的選擇、食物的「獨特」名字及定價等等均與《Pizza and Chicken》如出一轍，兩者均是走大眾化路線之餘，亦「一致」的以炸雞作賣點，簡直就是「雙生兒」般…撥電往《Cheese Pizza》的吉之島分店，店員有禮地說他們不做外賣，並著我致電蝴蝶邨那分店去…order了大約一個多小時後才送到呢，挺慢的說…特別一提，送貨員是女的，真少見耶！不是性別歧視，只是總覺得女生負責送外賣的工作，似乎有點危險呢！（以下簡稱為《CP》及《P&C》）一打開…喔，從外觀來看《CP》的出品跟《P&C》差別不大啊…薄餅加錢轉作五十五十，分別選了墨西哥香辣及環遊世界（吃慣《P&C》的人應會覺得名字親切得很），餡料份量不少、分佈均勻，配料（如「墨西哥香辣」的青辣椒）下得一點也不吝嗇呢！批底又軟又脆的，不論外型、味道及質素均與早期還未當紅的《P&C》一樣…炸雞嘛，從表面看《

同媽媽食lunch,叫左個set A ($85),有6寸pizza、炸雞3件、意粉/飯一客、細份量燒豬骨、細份量小食一客(任揀2款)餐湯/飲品兩客我地就揀左pizza, 炸雞,飯同飲品!個pizza係環遊世界厚批, (仲有得揀薄批同普通批)即刻食好脆!!!炸雞3件,個皮好脆!又唔會好似kfc咁死實實,好juicy仲有個咖哩雞肉飯...好香,仲有好多蘑菇飲品就自己係個雪櫃度拎,道地綠茶要加1蚊overall好好食!!!仲打包左個燒豬骨返去俾老豆食!之前食過好入味(雖然係雪藏野)美中不足係堂食既話好少位,間鋪又細不過一定會再去食

超正既pizze ，叫左個千島海鮮，比起pizza-hut 個餅好鬆軟雖然係叫外賣 但好夠熱 ~~d炸雞又熱又脆^^ 香辣海鮮焗飯10分滿分$135 三個人食~~好飽. ^^慶幸佢開o係蝴蝶村

今日回家睇到張外送paper......好似幾抵食.....最重要係想try下唔同既野....打左五次電話終於接聽~因為家人唔中意咁多肉....所以叫左個新鮮(齊)食....當時即刻問薄pie同超薄脆pie既分別~接聽小姐話超薄脆pie好似餅乾咁.....脆的....咁就要呢個啦~另外仲要左蒜容包...炸雞....香蒜肉c意粉.....咁多樣野120蚊....平啦~等了半個中.....d 野送黎啦~ 一開....好夠熱wor~very good....but....點解個pizza 咁既.....??我們家人要求不高~但d 料痴埋一pet野....濕淋淋....個pie底仲痴住個盒.....見到都唔開胃.....無錯....only d料都ok既...但個餅底唔係咁呀??c 唔開個pizza....一 c 就爛哂唔完整.....好差.....蒜容包....好似係焗完再焗再翻焗....又硬又乾~石頭咩??PIZZA~十分我會俾一分蒜容包~十分我會俾零分意粉....呢個唔差.....真係ok~十分我會俾7分炸雞....呢個都ok~十分我會俾八分但呢間野d服務真係唔得~差差差~我地覺得有問題

新開左未食過諗住試下, 8:30pm 落單外賣, 佢話要等30 min, 好啦, 費事搵其他野食.過左 around 25 min, 打電話去問有未, 佢話 pack 緊, 咁咪落去攞.點知去到佢話未有, 等, 每次一見有後過我落單既都已經有得拎時, 就問d服務員有未, 佢話未出! 幾個服務員繼續係度玩....等到 9:30pm, 後面有人講 (我張單) 咪係度囉!! 真係俾佢激死!! 等左我成個鐘, 有冇搞錯! 返到屋企d野食係凍既, pizza 唔脆, 意粉杰到一 "pat pat", 以後都唔會食囉!!!!

元旦日今日又幫襯左芝脆雞喇, 都係叫左3人A餐9吋PIZZA--因為有人唔食牛, 所以叫左香草烤雞PIZZA, (佢話加倍芝士, 但唔多覺, 好在堂食有芝士粉任加補番數)我都係覺得啖啖肉PIZZA多料D好味D, 仲有今次個批底唔夠脆, (上次真係好脆嘛) 麻麻地 焗海鮮闊條麵--唔錯, 味道比焗飯更好 百里香燒豬排骨--今次試到豬排骨喇, 呢個真係好正, 又冶味又JUICY, 夠大件又有肉, 總之正啦, 必食推介!飲品3罐 (加 $1.00可轉道地飲品)另加一件炸雞--皮脆肉嫩, 掂!總共$130.00今次記得有影相喇, 哈哈!

聖誕節正日出左尖咀睇燈飾, 出面人山人海, 推住百厭仔真係舉步難行. 咪返入屯門先食晚餐囉!之前買餸行過見到PIZZA HUT舊位開左間新野--CHEESE PIZZA, 就決定今晚去試下, 入到去都幾多人, 等左一陣就有位.我地三個大人加埋百厭仔, 叫左個三人餐A, $120.00 包括9吋PIZZA一個+意粉/焗飯/炸雞/小食(任選兩款)+三罐飲品/餐湯 --9 吋 PIZZA一個--估唔到9吋批都有得揀配料, 我地揀左啖啖肉, 係屬於厚批, 分開左六件, 一人都有兩件, 真係幾好味, 好食過舊鋪PIZZA HUT--一客焗海鮮飯, 都唔錯--四件炸雞, 皮脆肉嫩, 我就覺得OK, 但有人話唔太夠味, 各人口味唔同喇--三罐飲品/餐湯 (加$1.00可轉道地飲品)隔離枱叫左燒豬排骨, 聽講都幾正, 下次要試下!CHEESE PIZZA同PIZZA & CHICKEN好類似, 連D套餐都差不多, 但平過PIZZA HUT/PIZZA BOX, 好野! 以後食PIZZA/炸雞唔駛尊登搭輕鐵過安定邨喇順帶一提, 呢度D職員幾NICE, 句句都麻煩你XX/唔好意思/有咩幫到你, 起碼人