31
9
4
電話號碼
2567 6000
營業時間
星期一至日
12:00-22:00
付款方式
現金
其他資料
酒精飲品
外賣服務
食評 (48)
等級4 2016-11-29
202 瀏覽
突然想食炸雞,左諗右諗最終決定芝脆雞。誰知要 $250 先送外賣,睇您想食炸雞可以去得幾盡!殺您。點解硬係要寫錯個髀字呢?講左好多次唔係脾呀,係髀呀,寫肶都正確。一人餐似乎誇張左少少,黑松露蒜香雞柳意粉、招牌肉醬意粉、炸雞上髀 5 件、墨西哥辣肉 pizza 細薄批、百里香燒豬排骨,多謝 $259。黑松露蒜香雞柳意粉,初時望極都唔見黑松露喎,原來一篤仔撻係中間遮住晒,點解唔係撈勻一齊炒架呢?依家要自己猛咁撈先均勻囉!味道麻麻。先烚好意粉墊底,再鋪炒雞柳係面,料還料、意粉還意粉,會意來的。無味乾鞋雞丁,洋蔥味霸道,微微散發青椒及黑椒露香氣,意粉實淨不腍不粉,唔難食。招牌肉醬意粉,有焗過,算您啦。芝士肉醬茄汁都十分淡口,撈大量辣椒仔酸酸辣辣好食好多,幸好有辣肉腸吊吊味,捲著一齊食也不錯。炸雞上髀,賣相唔錯咁喎,乾爽不油淋淋。金玉其外,一撕開層皮,嘩!雞肉乾?一絲絲肉絲清色可見,乾爭爭!重裝甲飛雞!炸雞有硬殼既?等左個幾鐘送咁既貨比我?硬殼食唔到、雞乾食唔到,撕出黎以為多左碟炸魚皮添呀!剩低少少肉咬下,肉汁欠奉,醃味濃郁,部份皮香脆,都唔差。墨西哥辣肉 pizza 細薄批,完全唔辣,肉碎芝士加辣椒,偏淡唔香,餅底又厚又韌,唔夠脆,又係芝士粉同辣椒仔出馬既時候。百里香燒豬排骨,雖乾乾乾但有點咬口,重口味而香草味濃,損下骨幾過癮,合格。食唔晒無緊要,晚餐食埋去。 繼續閱讀
(以上食評乃用戶個人意見 , 並不代表OpenRice之觀點。)
等級4 2015-11-08
1449 瀏覽
芝脆雞大隱隱於市,芝脆雞多數都係被視為係外賣之選,其實呢類煎炸香口菜食,往往都係堂食最有絕佳風味!Pizza: | 環遊世界 |一聽個名,就知道係款「雜錦型」,配料包括洋蔥、青椒、辣肉腸、火腿、蘑菇、菠蘿、牛肉同豬肉等。一個6吋批已經好足料,脹卜卜超多芝士👍🏻👍🏻Pasta: | 松露蒜香雞柳意粉 |感覺有啲似香蒜肉絲意粉,不過加入松露後味道明顯更吸引,亦都更矜貴! 繼續閱讀
(以上食評乃用戶個人意見 , 並不代表OpenRice之觀點。)
等級4 2015-04-19
1996 瀏覽
第一次幫襯,好耐之前 Bowie 大讚話大埔墟炸雞好好食 ﹗今日終可一試。係我研究 menu 期間,聽到有客打黎投訴大尾篤龍尾村外賣未到,已過六十分鐘添呀 ﹗點知位電單車外賣員仲係舖頭度慢調斯理話等多廿分鐘啦 ﹗位收銀妹妹無奈地同個客 say sorry,叫佢等吓囉。服務、態度、環境、衛生、食物都非常強差人意啊 ﹗睇個 menu 都好多選擇喎,有炸雞、炸蝦、豬仔骨、魷魚圈、意粉、薄餅、焗飯、等等。第一次黎、第一次 order ﹗見到有二人套餐一百蚊有找就試吓啦,可選焗飯或焗意粉配一個六吋薄餅,仲有豬仔骨、兩件炸雞、兩款小食、兩杯飲品或餐湯 ﹗嘩,勁抵喎 ﹗錯晒 ﹗原來係豬仔骨併兩件炸雞或另選兩款小食 ﹗好唔清晰呢妹妹。Menu 上面所有飲品都無,只有汽水,點解一早唔講?又唔係 menu 度貼張紙?只係對住我不斷重覆講跟湯或汽水、跟湯或汽水、跟湯或者汽水呀 ﹗我點知您剩係得汽水啫,我諗住唔跟餐散叫凍檸茶麻 ﹗嘔血 ﹗終於 order 完個二人餐喇,依個份量只係夠我一個人食囉,唉 ﹗唯有再加炸雞啦,食完大家七成飽左右,算數,最多夜啲再食過 ﹗除左張枱好細坐得唔舒服外,枱面感覺好油吓 ﹗餐具要自己去櫃攞,自助形式。恐怖非常,好可怕,刀叉羮都油淋淋,仲有過水唔乾淨既清潔劑殘留係刀叉羮上面,白色一達達 ﹗救命,又無水比我地浸洗,唯有嚴格地用紙巾捽乾淨 ﹗我勁想全程只帶手套食囉。最後我除左個意粉外,全部都唔用餐具 ﹗忌廉粟米湯,罐頭忌廉粟米湯,有幾粒粟米碎,罐頭味濃,無意見 ﹗我要落辣椒仔先飲得落。吉烈炸蝦配蛋黃醬,噢 ﹗麵包蝦,只食到麵包糠味道,口感唔錯,炸得好鬆化,但係無味呢 ﹗靠晒啲醬,但我地都唔食醬架呢。麵粉麵包糠同蝦既比例係 3 比 1,真係蝦都差啲搵唔到,最後唯有剝左佢層麵包殼,淨係食裡面隻腍劈劈既蝦仔啦。嘩!仲要有雪藏味喎 ﹗似外購即食炸蝦囉。吉烈炸蝦配蛋黃醬,要將吉烈炸蝦剝皮先食到,蝦仔被厚厚的麵包糠包到實,只食到麵包味囉。唯有去皮淨食蝦仔,仲食到雪藏味 ﹗什錦薄餅細薄批,好精緻咁噃,薄批都好厚。味道、質感、香味、味道、感覺都似微波翻釘 pizza,餅底口脆又韌囉。焗香辣海鮮意粉,溫度都夠熱,但點解份量咁少既?二人餐黎架喎,只得半份。用叉卷四次就無晒喇 ﹗海鮮有一隻魷魚仔同幾粒蟹柳碎,魷魚食落爽口又難得有鮮味喎,好食。香辣汁只不過係面頭落左少量辣椒粉,完全食唔到香辣味,味道似普通白汁仲偏啖口。經我落左大量芝士粉後,嘩 ﹗救得返,個極濃芝士白汁好味呀!香草焗豬仔骨,不過不失,唔難食。重口味,香草味道濃郁,都留有點肉汁,不太乾而有燒烤味,可以試試,一試無妨。炸薯角多脆內嫩,無燶無硬無乾爭爭,合格。炸雞,上髀兩隻,散叫 order 雞上髀要加 HKD2 蚊隻架,無所謂,最緊要好食。主角登場,上面都炸得香脆乾爽,賣相好正。但反轉底部就油淋淋反晒光,入唔到口之餘仲要扯走先得呢 ﹗即叫即炸,肉質嫩滑無比,肉汁非常豐富,熱騰騰出晒煙,加分 ﹗好滿意,炸雞可以再 encore ﹗ 繼續閱讀
(以上食評乃用戶個人意見 , 並不代表OpenRice之觀點。)
等級4 2015-03-24
1398 瀏覽
在九龍區,芝脆雞幾乎都沒有了,但新界仍有數間,可謂平,靚,正,36元有飯,有雞,有汽水或湯,學生還平3元,堂食是半自助式,汽水,餐具自取,餐就店員送上,服務大致ok,炸雞比k字的好,脆同入味,菠菜魚柳飯是炒飯粟米蘑菇低,兩大件魚柳,魚味就冇咩,勝在飯汁香,36元真超值,聽聞薄餅都唔錯,下次要試下 繼續閱讀
(以上食評乃用戶個人意見 , 並不代表OpenRice之觀點。)
(非會員) 2011-10-30
4392 瀏覽
一直都想試呢間平民化既薄餅店, 今日終於叫亞媽唔好煮飯, 買個外賣薄餅試下一去到店舖, 已見到有幾個人等外賣, 我已有心理準備買一個薄餅要等45分鐘囉好喇, 到揀野食既時候喇........其實佢有好多款套餐都幾抵食, 花多眼亂, 又未試過唔知好唔好食, 所以只叫了一個薄餅 -- "環遊世界" (希望無記錯名啦) , 我係叫大批的, $80 一個, 佢既用料同某薄餅店既"超級至尊" 類似等左都唔係好耐, 大約15-20 分鐘就有, 由於住所唔近大埔中心, 所以返屋企都行左二十分鐘返到屋企就拿拿林試味啦, 味道絕對係OK 的, 只係放係盒太耐, 令到餅底唔夠脆, 相信堂食會好好多喇總結黎講, 佢既薄餅質素係好味既, 如果住得唔係遠既, 外賣無妨, 否則堂食都係一個好選擇, 因為套餐款式幾多, 又平, 三十蚊都有交易, 有焗飯焗意粉, 實在係開餐既好地方另外, 我見其他食客好多都叫炸雞, 相信佢既炸雞應該比較出名, 下次可以試下 繼續閱讀
(以上食評乃用戶個人意見 , 並不代表OpenRice之觀點。)