642
7
4
開飯介紹
人氣串燒酒吧，主打串燒，火侯十足，生熟恰到好處，肉質鮮嫩。而且價錢合理， CP值高。招牌燒原條石斑，香氣撲鼻。
繼續閱讀
營業時間
今日營業
16:00 - 03:00
星期一至五
16:00 - 03:00
星期六至日
14:00 - 03:00
以上資料只供參考, 請與餐廳確認詳情
有關餐廳
有關獎賞計劃
食家推介
相關文章
Frozen Beer 系列 - 超級正, 無得輸, 打咭一流Kirin Frozen Beer $86-$96日本啤酒品牌Kirin出既Frozen Beer，有3款口味(原味/白桃/玫瑰)，我揀佐原味，朋友就飲peach, 我第一次飲, 佢面層有濃厚既啤酒泡, 樣似軟雪糕, 飲落似思樂冰, 勁爽又冰涼，炎夏必飲, 真心推介. 🟢小食-泰式生蝦刺身 $68.0蝦肉新鮮彈牙, 配埋秘製醬汁, 重點醬汁係辣辣的, 好好味, 完全係開胃前菜🟢串燒-燒羊架 $43.0羊架燒完肥而不膩，脂肪均勻入口即溶，羊味濃, 重點可選3/5/7全熟, 好細心-煙燻和牛牛舌 $38.0牛舌唔韌唔鞋口仲粉紅色的，咬落去好爽口同Juicy, 肉汁超豐富又重牛味-鹽燒鮮白鱔串 - $ 58.0白鰻皮燒到脆皮, 魚肉彈牙且鮮, 性價比極高-香蒜燒鮮鮑魚(3隻) $82鮑魚燒到剛剛熟, 好juice, 好鮮味唔韌, 好抵食-香蒜蔥花廣島蠔 $32.0蠔肉漲卜卜, 又柔軟嫩滑, 勁有蠔味, 必食, 值得推介-流心湯圓燒 $23.0又係第一次咁樣食湯圓, 係燒的, 燒到湯圓皮金黃色及脆, 咬入去係流心黑芝麻,真係好正, 好瘋狂, 但食既時候要小心熱到咀仔呀, 真心值得推介
繼續閱讀
每逢Happy Hour🍻都會選擇芝加哥酒場盡興一番，因為有酒飲🍺有波睇👀有串燒食👅氣氛唔錯串燒款式樣樣齊$16/up 好抵食，仲即叫即燒🔥💢香蒜燒鮮鮑魚💢黑松露蝦串💢香蔥燒半殼扇貝💢燒羊上腦肉串💢燒新疆羊臉肉串👅各款海鮮去了內藏，挑了蝦腸開邊燒食得放心，羊肉串唔少得嘅孜然粉，一啲都不騷👍🏻鳳梨燒～甜蜜菠蘿，好多汁💦👍🏻茄子燒(原條）～一絲絲卷來食蒜味十足👍🏻串燒新鮮秋葵(串）～燒完無黏液好爽脆👍🏻燒牛油帆立貝(串）～大大粒，啖啖肉👍🏻時令海魚一夜干~鹹香嫩滑，肉質豐富👍🏻碳燒牛扒～鎖住肉汁，入口軟腍好Juice👍🏻安格斯牛肉露筍串～燒過也不感干身，控制適中樣樣出色惹味直得個人推介👍🏻各款串燒出來已調味好🍻Kirin beer Draught除了原味～我哋較愛💖試新野🌹玫瑰及🍑白桃淡然口感好清新，大大杯食串燒好享受✅留意番啤酒日日有不同優惠，星期一最抵飲✅串燒啲價錢合理，款式多多，燒完🍢成盤起，一次滿足口福😋
繼續閱讀
前排同男朋友黎大埔半日遊, 因為佢喜歡串燒所以黎左呢間一入去先會有花生 $28 一大杯, 好香脆好食酒都有好多款, cocktail, craft beers, whiskey, sake 等, 串燒種類亦非常多, 店有大電視直播足球, 好岩約朋友睇波飲酒, 旺季要訂位Magners Original Apple Cider $58朋友叫左樽帶蘋果香嘅啤酒Safety Caramee $92我叫左杯cocktail 以vodka/bailey 做based 加左caramel 同cream, 入口甜密好好飲😍 簡直好似甜品咁, 超易入口, 不過酒勁都有. 女仔一定會喜歡煙燻和牛舌 $38 / 鹽燒牛舌心 $33前者應該用牛舌根, 相對肉質較腍帶煙燻咸香. 更鍾意牛舌心爽口彈牙嘅口感燒汁牛仔骨 $48份 /燒韓式牛肋條串 $29前者雖然都大份, 不過骨大舊sauce 偏濃味. 較欣賞後者食到牛肉香同軟腍口感鹽燒鮮白鱔串 $58超級推薦推薦😋 燒得皮脆肉嫩, 而富魚油味增甲羅燒 $48滿滿嘅蟹膏, 少量味增更帶出鮮甜, 好食 香蔥燒蟶子皇(隻）$108有2條, 不過略燒耐左縮水燒德國牛肉腸＄28又幾好食, 燒得外皮脆香中間juicy 黑毛豬腩串 $25 炭燒豬頸肉 $22兩款前者比較乾, 後者燒得剛好軟稔而脂肪均勻, 入口彈牙好食密汁燒黑豚肉 $46呢份portion 唔少, 燒得juicy 口感保留彈性. 仲配有2款sauce點完甜甜哋好食. 如果多人share 叫呢個仲抵食d燒豬大腸 $29燒到外脆內軟, 口感幾好, 好香燒土匪雞翼 $25一串有2隻, 燒嘅火喉真係岩岩好外皮焦香而中間肉嫩juicy 有入味, 推薦燒新彊羊臉肉 $24羊騷味濃郁, 但燒得乾左d香草芝士焗雜菌 $45錫紙包住大大份, 有cheese truffle 香好濃郁惹味鳳梨燒 $26菠蘿燒過更香甜多汁🍍
繼續閱讀
打風前踏單車來到大埔，發現呢間酒吧餐廳特別多人，播著本地音樂，特別有感覺。餐廳主打串燒，可以揀既食物款式過百，價錢亦都非常親民。Kirin Frozen Beer $86-$96日本啤酒品牌Kirin出既Frozen Beer，有3款口味，我揀佐原味，朋友就飲peach，面層有一層好濃厚既啤酒泡，有d似日式軟綿綿既雪糕，打咭一流。炸拉絲水牛芝士條 ＄65個人推介必點，芝士條拉絲感十足，拉超過1米都唔係問題，用黎伴酒岩哂。煙燻和牛牛舌 ＄38厚切牛舌爽口彈牙，而且份量大。安格斯牛肉露筍串 ＄38露筍既清甜感完美減低牛肉既油膩感，燒既時間岩岩好。茄子燒 ＄39原條茄子燒，份量大。串燒新鮮秋葵(串） ＄24加上辣粉夠滋味。香蔥燒蟶子皇(隻）＄108超大條蟶子夠新鮮，食落有爽口感。燒羊架(份）＄43配上薄荷醬，食落啖啖肉。招牌燒牛骨髓(串）＄29食落帶滑溜口感，唔係好多餐廳有得食。燒德國牛肉腸(串）＄28黑啤豬肉腸(條）＄26兩款腸各有特色，燒得同樣出色。明太子玉子燒（份）＄58一份有兩件，好厚身，上面既明太子唔算多，不過太多亦會過咸，岩岩好。水牛城燒雞翼（2只）＄25水牛城雞翼做得都幾辣，食開三哥小辣既朋友先好挑戰，或者order小小辣。芝士黑松露大啡菇(隻）＄45芝士份量十足，燒得剛好帶juicy口感。白松露薯條(份）＄98份量極極極大，好似一座山咁，每拿一條都勁驚會跌，好似同朋友玩層層疊一樣。芝加哥串燒酒場 (太和中心) (大埔)大埔大埔太和路15號太和中心地下37號舖#大埔 #太和 #酒吧 #串燒 #Kirin #Bar #Barandrestaurant #FrozenBeer #Beer
繼續閱讀
[ 芝加哥串燒酒場 ]放假同朋友嚟咗大埔區呢間主打串燒🍡嘅酒吧餐廳食嘢加飲返杯🍻。串燒款式近百款，有肉類、海鮮、蔬菜等，口味有辣🌶有唔辣。酒類飲品🍻✿ Little Creatures IPA $49✿ Little Creatures Pale Ale $49餐廳有超過100款即調Cocktail，仲有威士忌、紅白酒、清酒和啤洒等。而澳洲🇦🇺Little Creatures啤酒帶果香味，苦感味綿長。佐酒類✿ 鹽燒雞皮 $16/串✿ 生燒鴨舌 $29/串打頭陣係兩款佐酒小食。雞皮🐔燒到卜卜脆，鴨舌🦆👅口感柔糯，燒得幾入味。海鮮類🐟🦐🦪✿ 鹽燒鮮白鱔串 $58/串✿ 香蒜燒鮮鮑魚(3隻) $82✿ 香蔥燒蟶子王 $108/份海鮮火侯控制得啱啱好。白鱔🎏外皮燒得香脆，肉質結實唔會老；帶殼鮑魚燒得柔軟，帶牛油香味；蟶子每份有兩隻，爽口juicy唔會韌。肉類🥩✿ 風味燒雞腎串 $19/串✿ 大蔥雞髀肉串 $29/串餐廳有約二十款雞肉類🐔串燒。雞腎燒得質韌脆嫩；雞髀肉燒得好嫩滑，一啖肉一啖大蔥好香口。✿ 招牌燒牛骨髓 $29/串✿ 燒和牛胸爽串 $32/串✿ 鹽燒牛舌心 $33/串餐廳有約二十款牛肉類🐮串燒。牛骨髓好滑嫩但唔會好種脂肪感；牛胸爽及牛舌心火侯控制好好，口感軟嫩多汁。✿ 地道燒羊腸串 $22/串✿ 孜然燒羊腩 $26/串呢度有較少食到嘅燒羊腸，羊腸較豬腸/牛腸細粒，口感無咁油膩；而燒羊腩🐏同羊腸一樣羊羶味唔會好重。✿ 招牌燒法國鵝肝 $82/串法國🇫🇷鵝肝口感細膩綿密，油脂豐富，入口溶化。外層帶少少酥炸，燒完唔會化開。👍蔬菜類🥒🥬✿ 燒娃娃菜 $17/串✿ 招牌茄子燒(原條) $39食咁多肉要食蔬菜中和返。燒娃娃菜帶孜然味唔會乾身；原條茄子燒🍆嘅蒜味孜然味好香口，惹味濃郁又juicy。總結🫦 餐廳全部串燒🍡都係即叫即燒🔥，夠晒新鮮同熱辣辣。串燒火侯十足，價錢合理，又有唔同種類酒精飲品🍻，食串燒非常之夾。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿芝加哥串燒酒場 地址：大埔太和路15號太和中心地下37號舖電話：5723 3338✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀