芋見好圓

營業中

休息中

$40買左個大Size嘅鮮嫩仙草，點知料勁少🥲芋頭得一舊😂😂見個鋪頭名諗住喺個主打芋圓啦，點知難食到呢…外面浸到發曬，入門係硬嘅，仙草亦完全睇得出係罐頭貨，失望到就極

呢間野開咗好多年，想試好耐，因為佢好似芋泥專門店，我好鍾意食芋圓，而且覺得開得咁耐應該都唔差先生存到咁耐。終於有機會扚起心肝去買咗碗，點知超難食，都算係數一數二食過難食嘅芋圓。巨無霸芋圓自選配料個名就叫巨無霸芋圓，係大粒嘅，但係得兩粒，少到。。。後尾睇返OpenRice其他相，人哋有3-4粒，都係偏少，但兩粒真係太離譜，另外就係佢好似未煮熟咁，個心係粉同硬，痴線咖都唔知食緊乜自選配料: 仙草凍，小湯丸，粉粿，芋頭- 仙草凍好似罐頭涼粉，份量最多，但我而家係叫大芋圓唔係叫仙草凍呀大佬(佢menu另有仙草凍糖水)- 小湯圓係小丸子，幾款之中食落最正常- 粉粿食落還好，但螢光黃色賣相有啲嚇人- 芋頭好差，好似炆餸嗰啲咁炆到腍晒，千祈唔好幻想係鮮芋仙蜜芋頭個種，我就係以為係嗰種，超級失望湯底揀咗黑糖鮮奶，正正常常冇話太甜都ok

我講出我想食嘅嘢，職員唔幫手提議可以以咩組合，個餐牌講極都表達唔到，問係咪真係一定要咁樣拼，佢哋又答唔到。外賣燒仙草，返到去碗嘢仲熱，出晒煙，但係燒仙草變咗固體，成碗好似食啫喱咁。

口痕想食飯後甜品就嚟咗旺角呢頭買糖水呢排想食芋圓 轉角就見到呢間 佢menu 就比咗好多選擇啦 但我覺得佢menu寫得好差😂😂有啲唔夠清楚我想食啲啫喱類嘅野就叫咗自選 叫咗仙草 布丁 同紅豆有樣野佢幾好係 你叫凍佢會送兩樣料比你 所以其實係5份料 布丁幾好甜同埋有奶味我要咗黑糖鮮奶嘅芋圓 我會話味道正常嘅 芋頭都有芋頭味😂 但就正正常常啦 冇話好好食 都唔會話難食值得一讚嘅係包裝幾好 唔會漏

因為冇諗住寫食評所以冇影相真係好一般，從來唔寫食評今次都要講下叫咗巨無霸芋圓1號，配料有芋頭+紅豆+波霸，芋圓本身有啲寒天粒同粉條。湯底揀咗黑糖鮮奶，個人覺得偏甜三倍大芋圓係噱頭，只有芋圓同蕃薯圓，冇紫薯圓。成碗得三粒大芋圓/蕃薯圓，另外有啲普通大小嘅。芋圓一咬開就feel到係好多木薯粉，肉眼所見有透明木薯粉，得少少芋頭碎。蕃薯圓食落好大陣魚肝油味，覺得應該係落太多魚膠粉，細粒嘅蕃薯圓就好似冇哩陣味。波霸中間偏硬，好似煮唔透咁，但又唔係粉粉啲果種。粉條同寒天就正常。總之就係中伏，唔會再買。

昨天好想食芋圓，咁念住收工去買返屋企食。同事又話呢間好食……咁收工過去買都只不過行10分鐘就到。行到過到去見counter冇人，仲有個牌寫住話過隔離珍珠奶茶嗰邊搵人幫手，好……過到隔離個四眼妹收銀招呼完個外籍人仕就行返入入邊，行嚟行去，又唔係幫手沖茶，又唔係幫手出order, 見到我企係到成5,6分鐘都唔行番出嚟問我要咩（我後面都有人排緊隊），到有出茶同事見我企係到先問我要咩……我話要買芋圓係唔係係呢到比錢？佢就話‘’你過番隔離等，叫同事（金毛男）幫你’‘……好……又過返隔離。因為第一次買，又見到餐牌有一set set賣，咁咪念住叫3個餐……“我要3個餐-芋圓1，2，4餐”跟住問我要咩湯底……吓要選湯底……咁我比後面嗰個買先我睇吓有咩湯底選…………後面嗰個買完，到我買就話芋圓賣哂頂……有冇攪錯呀，頭先嗰個買咗3盒就話賣哂，咁大間舖，嗰時只不過係6點幾半，就話賣哂，間舖要嚟做裝飾㗎，買嘢又冇人係到，收咗一個人錢就話賣哂，唔想做生意就咪鬼開啦……佢哋唔洗準備定d食材嚟賣㗎……呢間仲要係地舖……頂下次有幾想食都唔會幫襯呢間嘢。

不知大家有沒有發現台灣來的手工芋圓店愈開愈多?最近去完旺角TOP商場準備離開時便發現這間 芋見好圓 Moonlike  有芋圓、仙草，還有3倍大芋圓的巨焦霸系列。✨芋圓2號 ($45) 是招牌手工芋圓系列，會有固定的配料。湯底有刨冰款，不過因為要外賣回家就點熱的好了。我選的是錫蘭奶茶(熱)會送很有彈性的粉條。湯底不會很甜，口感很滑順的喔！配料的粉量都幾多，有芋頭、紅豆和波霸，雖然叫"波霸"，感覺像是平時大小差不多的珍珠，不過夠煙韌就好。芋圓則很有嚼勁。整體來說頗不錯，幾喜歡這店的包裝，經歷了長途車回到家也沒有瀉出來！

有日夜晚經過，見到旺角好似有間新開嘅糖水舖所以就吸引咗我行過去買鋪面都幾大得一個糖水哥哥喺度餐牌都幾清楚有圖片，佢最特別嘅地方應該係啲湯底，鍾意甜嘅人可以試吓黑糖牛奶，最後叫咗黑糖桂圓紅棗茶，好適合秋冬滋潤，見佢有豆花以為有豆漿如果加埋就更好見佢係新開想試埋其他嘢所以仲加咗個咖啡凍，佢有分巨型版芋圓同普通芋圓大家可以根據口味考慮一下因為外賣返屋企食所以冇即刻打開，包裝都幾貼心入面仲有一個蓋，咁回家嘅路上就冇咁容易倒瀉。最後仲想稱讚下個職員得佢一個人，本身冇睇到收據，佢仲主動同我確認叫糖水嘅內容同埋收多咗我錢退返俾我，整體印象都好好