芋見好圓

營業中

休息中

一直以來 我不時都會去芋見好圓 買佢嘅台式糖水食呢排仲多咗麵食 所以一定要去食吓啦！🧡#香煎騸牯牛冧肉湯米- 用嘅湯底係牛骨湯- 煎過ge牛冧肉 好香🧡#堂灼騸牯鮮肥牛湯麵- 即場用紅燒牛肉湯底 將鮮肥牛滾至半熟- 配刀削麵 煙靭好食 ❣️第一次食騸牯牛 估唔到都幾好食 肉質鮮嫩 牛肉味濃！套餐配飲品！🧡#仙草凍烏龍奶茶🧡#冬瓜檸檬烏龍茶凍估唔到咁大杯！見到嘅時候都嚇親🤣🤣🧡#黃金紫菜肉鬆蔥蛋餅- 呢個蛋餅令我好驚喜 - 落咗好多紫菜肉鬆- 佢唔會好油膩 美乃滋亦都落得唔多 唔會蓋過咗佢原本嘅味道！ 正！🧡#愛玉芋圓 - 有我最愛嘅錫蘭奶茶底 - 用料好豐富 啖啖都有咬口👍🏻👍🏻- 仲有愛玉 當然好解膩！😛😛唔講唔知 原來芋見好圓 係大角咀 尖沙咀 旺角 上水都有分店！行過路過真係可以去食吓！

喺屯門嘅芋見好圓，呢度嘅騸牯牛肉系列真係值得一試！呢個系列係屯門店嘅獨家特色，能夠品嚐到新鮮嘅騸牯牛肉，口感嫩滑，肉味濃郁。騸牯即閹割的黃牛，閹割時大約一歲。閹割後的牛隻由於激素大幅減少而變得更溫馴，使牛隻得以保存更多脂肪，而且脂肪更會均勻地分佈。真係未見過有餐廳有啊！❤️餐點推薦首先，❤️騸牯鮮肥牛牛丸配關廟刀削麵（$88）係必點之選。牛丸彈牙，配搭刀削麵嘅Q感，湯底鮮香，十分滿足。而❤️沙嗲騙牯牛冧肉煎蛋湯麵（$60）就係另一道驚喜，沙嗲醬嘅香氣同牛肉嘅鮮味完美融合，令人回味無窮。另外，吞拿魚台式蛋餅外皮金黃香脆，內餡鮮美，適合當作小食享用！再加一份巨無霸芋圓1號（$48），綠豆、慧仁、蜜花豆嘅搭配，口感豐富，甜而不膩，特別適合鍾意甜品嘅朋友。最後，記得試下佢哋嘅黑糖古早味綜合刨冰（$45），配料有波霸、芋頭、綠豆、紅豆同蜜花豆，清涼又消暑，真係夏日最佳選擇！除咗屯門, 佢地喺旺角、大角咀、屯門、尖沙咀同上水都有分店。不過，騸牯牛系列只係喺屯門店嘅先有!千祈唔好錯過呀！

這間台式小店看似只有芋圓甜品，但原來晚餐都很不錯。店內每張枱都十分闊落，地方衛生乾淨。晚餐主食都是牛，很適合牛魔王朋友。揀左香煎騙牯牛柳粒煎蛋飯和堂灼騸牯鮮肥牛牛丸湯麵。因為開放式廚房，煎牛肉的香味未上枱已經飄了出來，引得人口水直流。香煎的方式能夠鎖住牛肉的水分，保持其鮮嫩口感，外層則形成金黃色的焦脆，這樣的烹調方法能更好地釋放牛肉的香味。牛肉只做了簡單的調味，一口咬開口裡充滿牛香。半熟煎蛋成了靈魂飯汁，與牛柳粒的油脂混合被飯吸收後十分美味。堂灼騸牯鮮肥牛牛丸湯麵上枱時儀式感滿滿，侍應在你面前小心翼翼將滾燙的湯加入牛肉麵中將牛肉灼熟，看著新鮮的牛肉慢慢灼熟，視覺滿分，湯底清爽而鮮美，帶有淡淡的牛肉香氣，濃而不膩，十分適合搭配麵條。飲品半價大大杯，主動推介半糖少冰，十心貼心。最後當然唔少得要食甜品。黑糖鮮奶巨無霸芋圓2號配料是芋頭、紅豆和波霸組成，搭配濃郁的黑糖鮮奶。巨無霸芋圓真係好巨，但口感依然Q彈，芋頭和南瓜的香味都食到，而且配料十分多，豐富的口感，令人滿足。黑糖刨冰仙草4號的配料是紅豆、小湯圓和波霸，冰粒細膩，入口即化，帶來清爽感，十分消暑。睇返原來都有4間分店，下次去旺角上水都可

前幾日同姑姐去屯門行街～見到呢間幾旺場同埋有騸牯牛食～係屯門店限定我地叫左一米一飯香煎騸牯牛冧肉牛丸湯米$48牛冧肉比較腍～牛丸彈牙新竹米粉爽口～香煎騸牯牛柳粒煎蛋飯$55煎過既騸牯牛味濃郁～勁香牛脂味新鮮既食材往往唔需要太多既調味煎蛋極度流心～撈飯一流招牌玉米爆漿流心蔥蛋餅$58賣相十分吸引，蔥味突出肉眼見既流心＆爆餡～大推跟套餐半價飲品：小芋圓冬瓜茶 ～ 好足料，甜蜜蜜梨山綠茶微甜加布丁～綠茶茶底濃郁，加埋布丁都唔錯搭配套餐甜品減$15：豆花3號～紅豆+芋頭湯底黑糖鮮奶豆花滑捋捋，紅豆甜絲絲巨無霸芋圓4號～鮮草、珍珠、粉粿湯底錫蘭紅茶 ～ 幾特別芋圓真係好巨……1：4無誇張仲要勁多料，好滿足一睇之下發現都好多分店，有旺角、大角咀、屯門、尖沙咀、上水，總有一間係你左近😆

每次喺屯門食完飯都覺得唔太滿足😂😂就會過嚟呢度食👍🏻雖然糖水種類唔多但每一款糖水都好好食通常都會泥食巨無霸芋圓2號啲芋圓勁大粒同煙韌有大大杯刨冰簡直係解暑之選同小食都唔錯～個蛋餅都幾好食🤤

同幾個朋友喺市中心食完晚飯，仲想搵地方坐低傾吓偈，喺糖水店選擇不多之下就求其入咗芋見好圓，一睇餐牌都嚇親，至少都要寫五十蚊落樓，最後揀咗豆花2號（芋圓加珍珠），湯底係黑糖鮮奶，竟然有驚喜，平時唔太鍾意食芋圓嘅我都覺得好好食，口感好好，甜度亦剛剛好。👍🏻每次行過都見到唔係好多人食，仲以為一般般，係有驚喜嘅，服務員妹妹都好好，好有禮貌，我哋亦可以一住食糖水一住慢慢傾偈，因為人流不多，所以都好寧靜。

非常垃圾!!! 圖文不符都預咗，但碗豆腐花，真係成碗花咁，係碎花呀！！！想搵塊大過5蚊銀都難，加埋都唔知有冇四分之一碗。啲芋頭又少，得兩舊鵪鶉蛋🥚🥚咁大粒嘅芋頭仲要係唔焾嘅!🙄🙄🙄最矜貴就係啲紅豆🫘啦！！！唔講仲以為係用日本十勝紅豆，成碗入面加埋有一個湯匙咁多! ！！成碗湯水有7成滿，啲料加埋應該都有三分之一碗🙄🙄🙄 外賣五十幾蚊買水飲🙄評論入面果啲話好足料，唔知佢係咪用杯裝，一定係裝到滿瀉好足料啦！😊

同朋友食完個媽咪雞蛋仔又黎食甜品🥰，好耐無食呢間所以黎幫襯下，因為呢間好坐過鮮芋仙又少人啲🤣～叫完5min都有得食😌🔅仙草2號 ($45)刨冰係偏粗粒，加左煉奶同黑糖～配料幾多，仙草大大粒、約10粒芋圓、紅豆同黑糖珍珠🔅豆花2號 ($45)豆花有一大舊，大概百福正方形size咁上下😃，味道都似似地🤣，幾滑唔會太甜。芋圓都係約10粒，好有咬口好好𡁻😆，仲有啲粉條(?)、黑糖珍珠同寒天，夠晒豐富。錫蘭奶茶就正正常常💬本身其實想食返上次既芋圓4號(仙草+珍珠+粉粿)，但無晒粉粿，淨係俾多份仙草😂，建議無配料可以俾人轉其他，唔使食2份仙草🤪

垃圾 ！ 完全唔知食緊咩！份量比雀仔食？！心唸買份豆花返去食 結果大失所望，嫐到po 負評味道方面：湯底極甜 真係‘糖‘水味！，配料：其他材料少，一望就數得晒，而且份量都唔算好多，唔值呢個價錢主料豆花一般 糖水就一大大兜我食豆花定飲糖水？買左兩碗豆花一號（$45碗）第一碗 一打開 💥豆花碎晒 （提前幫客人攪？唔知以為人哋食剩低 匙羹尋寶咁撈 食得糖水味 完全無豆花味第二碗 正常豆腐磚 食時 食到入面有生綠豆！？（ 有無煮熟街邊店十幾蚊碗豆花 都多過你

其實都聽過呢間甜品店好一段時間見到啲食評好壞參半今日想食甜嘢就終於試試佢😋🥣仙草3號 $45仙草唔係一大pat鋪喺底 反而係切成一塊塊四方形口感超級滑溜軟嫩 帶好淡淡嘅回甘味芋頭有兩大舊 口感軟綿顆粒感唔重唯一就係略顯芋頭味唔突出 只係淡淡芋頭香芋圓係芋頭圓mix蕃薯圓 都有十幾粒前者保留到綿密口感嘅芋頭粒粒 後者就比較香甜口感煙韌而且就算放咗一陣都唔會話軟爛或者黐埋一齊紅豆份量好多 不極都仲有😂保持到粒粒分明形狀又唔會太硬或者咬唔開雖然餐牌上淨係寫著以上三款食材 但其實仲有大量粉粿粉狀同粒狀都有 兩者都係爽脆煙韌口感同樣份量好多 不極都仲有 食完都好有飽足感

約左屯門牛朋友唔知食咩好，搵到呢間有芋圓食就黎試下🤭。舖頭喺時代廣場嗰邊(近輕鐵站嗰個商場)，喺7-11同M記附近，十年都無經過過呢邊真係唔知開左呢間甜品店🤣。價錢同鮮芋仙差唔多，memu選擇都差唔多，不過仲有蛋餅同麵🍜。呢間環境就好啲(因為無咩客😂)，坐得舒服啲。🔅芋圓4號 ($45)有仙草、珍珠、粉粿，配黑糖桂圓紅棗茶。茶唔算好濃，不過配埋咁多配料啱啱好～最緊要係超足料，有成16~18粒芋圓😍！咬落幾煙韌，食到有少少芋頭粒。🔅熱燒仙草 ($48)有芋圓、紅豆、珍珠，配埋燒仙草，口感煙韌軟糯。不過料就唔夠另一碗多，有對比有傷害😂。💬整體都唔錯，環境都ok，價錢合理又夠足料，下次想食應該會揀呢間多過鮮芋仙😳。

係屯門想搵甜品店，一向傾向幫襯小店，多D新鮮感。Search到呢間，見D相都唔差就去左試。店面唔太多客，格局有幾張面壁思過枱，少少奇怪。芋圓4號 (仙草+珍珠+粉粿)個底揀左黑糖桂圓紅棗茶，有淡淡紅棗甜味，唔會甜到過火🤤原本想揀巨無霸芋圓可惜賣曬。份量真係好多，正餐食飽先黎幫襯應該食唔曬🤣黑糖芋圓波霸刨冰刨冰山好立體，側邊圍滿各種芋圓、珍珠等等甜點。食完透心涼，仲俾佢凍到敏感牙齒🥶真心好味同抵食，一定會再幫襯，但唔考慮外賣，堂食質素應該好D。

好喜歡吃芋圓的我，見到這間就忍不住想要試試，有幾款湯底給你選擇。芋圓口感煙韌軟糯，嚼得起勁，剛從台灣旅遊回來，真的覺得很有台灣風味。 我選了芋圓4號（仙草+珍珠+粉粿）湯底是桂花茉莉綠茶（限冷/冰，但也可去冰）芋圓、粉粿、仙草、珍珠全是我最喜愛吃的！有一點桂花放在上面，好看又有清新感，但個人覺得不用再另加上旁邊的桂花蜜已夠甜度朋友選了芋圓1號（綠豆+薏仁+蜜花豆）湯底是錫蘭奶茶湯底不是太重錫蘭奶茶的味道，但是熱的湯底配豆類的口感也不錯

我是台灣人到香港玩，在旅遊的這幾天，天氣很熱很想吃點甜的，剛好就去了這間店，口感很台式，是很道地的台灣口味~料也很豐富，比較有特色的是芋圓真的很大顆、湯底也可以自己選，在台灣目前還沒吃到這種甜點，店的風格是走比較清新可愛的感覺～整體來說很喜歡，畢竟在異地吃到這種家鄉味是件好幸福的事呀！！！！希望台灣也開一間！好吃！！

琴日先啱啱食完屯市嗰間鮮芋仙，排緊隊時候，見到裏面有兩張二人枱空咗，我問服務員點解唔安排入座，佢竟然話要等中間嗰張二人枱嗰位客人走咗之後，安排前邊六位入去先到我地。結果等咗15分鐘嗰位客人仲未走，然後等咗20鐘先入到，竟然都係坐返本身空左嗰兩張二人枱，真好笑！仲要比之前難食咗好多，叫咗熱的芋圓，嚟到竟然係常溫嘅溫度，唔想再幫襯了。今日經過見到依間好似新開冇幾耐嘅芋圓。諗住試吓，但係見佢裏面竟然空無一人，以為會唔好食中伏，點知發現原來味道比鮮芋仙好，份量又多，價錢又比較平。希望佢即使而家冇乜人幫襯都唔會咁快拜拜，因為我決定以後响屯門市中心食芋圓，都會食呢一間，不會去鮮芋仙了。