良宵 (已結業)

第一次黎何褔堂，特登早半個鐘黎附近等錶位泊車，好好彩附近都算多錶位，等左陣就有成條街有超多打冷鋪，都好熱鬧，良宵就係正corner位，店鋪細細，就坐係門口堂食天口熱，等緊野食期間一定要開罐啤酒佢地有5-6款唔同的手工啤老闆娘好好心機逐支介紹，最後我要左花香味重的澳洲手工啤，好多泡好正！因為野食係即叫即燒，等左大約十至十五分鐘就陸續上菜啦！炸雞皮（左） 原條燒茄子（右）炸雞皮好香、唔油，適合送酒原條燒茄子好好食！出面通常係加garlic同辣椒，但依度唔係佢係用左d鼓油查左係茄子表面，好香濃好惹味是日海鮮有蜆，我地叫左一份，叫左唔辣的又係好好食呀！好香，相信辣味會更惹味櫻花蝦炒烏冬燒雞脾肉、燒鯪魚肉、燒蝦（4隻）所有串燒、小食都好好食，真係值得特登入黎食原來佢地都有做到會，住附近都可以叫，又好食又唔貴

黎親何福堂多數都係打冷，但最近聽朋友講有間串燒店唔錯就黎試下！因為坐的位置唔係好多，所以都幾多人買外賣。佢地有來自台灣，日本同埋香港的手工啤酒，我地飲左3款都十分之唔錯，圖中的香港啤酒飲落超級清爽，同串燒係絕配呀！炸野方面叫左炸雞皮，超級好食！唔會太油又超級香脆！炸燒賣都唔錯。炸茜都幾特別，好小在其他地方搵到。店家配的甜酸同辣辣地既醬都好正！串燒方面就叫了白鱔同雞脾肉，兩者都燒得好juicy，又有油香。另外叫左黑松露烏冬同埋避風塘雞軟骨，都好好食！同埋我覺得上菜方面都好流暢，唔會話隔好耐先有下一碟！哈哈！下次一定會再幫襯！同埋好想試佢地既甜品！🤩

早陣子入多左屯門，所以係屯門搵食多了！有兩晚食完晚飯既時候打算再去搵D甜品食同吹水，咁夜馬馬去到呢間叫良宵既串燒小店喇~第一次去，好多野都賣晒......睇睇MENU，最想食既食塞米蛋糕都冇了，下次要訂定先！試左聞西(芫茜)$32係炸芫茜黎既，又整得幾香！冰鎮蒜芯$24有驚喜！平時比較少食到蒜芯呢樣野，冰鎮左爽爽甜甜既感覺好特別！值得一試~雞翼$24OK喇個雞翼~三重朱古力慕絲$38個三重朱古力慕絲又有驚喜！好好食！第二次去係為左個塞米蛋糕而黎！早一日係IG度預訂左！終於食到喇！食塞米(1磅)$128食落有D似食緊雪糕蛋糕咁，入面有粟米既肉，亦都好重粟米味，幾特別既一個甜品！芫茜餃$24嘩！呢個不得了呀！好好好好食！炸得非常好，而且入面既餡料食得出係好新鮮翠肉瓜$12正常水準！總括 : 良宵係值得再黎既串燒店！

兩個月前見呢間小店新開張試業就嚟試吓，每樣食物都好味又抵食。最記得係條牛仔骨上枱嘅時候真係嚇親，冇諗過咁嘅價錢有咁大條。兩個月後再專程嚟食多次，依然有驚喜。每次我哋兩個人都係叫6,7 樣嘢，每樣都食得出調味煮法係唔同，唔會好似某啲串燒店咁所有食物都係一樣調味。呢度有幾款炸物仲配埋佢哋自製嘅醬汁，食得出真係有heart對質素有執著每次都想食埋甜品但每次都飽到食唔落。。。(而且食完會諗下次幾時再嚟試埋其他嘢。。)暫時最推介係炸廣島蠔~知道小店經營不易，近排好多都捱唔住，希望下次嚟仲有得encore個炸蠔同炸菇😿

良辰美景夜干杯宵思無人夜雨時它取了一個很有詩意的名字。也是一間很有脾性的店，營業時間隨店主心情而開。特意來了兩次，一次傍晚時分說仍未營業、一次則鐵閘落下吃了閉門釘。今天面書說晚上營業，三顧草蘆，終吃得上。餐牌就在門外黑板上，分為炸物、慢煮、串燒三類。店內沒有座位，外面則放了兩張細枱。顧客如要堂食最多容納四人，應主力是做外賣生意。其實拿個酒牌，擺更多的枱在路邊，會有另一番風味。店內白色燈光，拉門設計，感覺像工作辦公地方多於是一間餐館。開放廚房明明是賣點，可惜卻用一幅油畫擋著，不讓路過街坊觀看大廚功架。建議欲要生意擴展，便把廚房玻璃拆掉，直接開放式窗台，日本居酒屋搬，廚師客人互動。燈光真的要換，用黃光射燈有主體性，又或加幾個燈籠罩著燈光，做點外型賣點。食物制作較慢，沒有客人情況下也要等上半小時，應要改善，否則他日客似雲來，便會催單不斷，做壞出品。串燒西班牙豬腩 $58豬腩厚切，但四分一是油膏脂肪。價格較貴，倒不如改用普通豬肉罷了。燒功看得出心機，熟度外層微微焦香，內裡肉保持嫰滑，大啖一咬肉汁溢出。慢煮原條牛仔骨 $90選材或煮法不對，肉質普通也很肥膩。雖然賣相吸引，外型鉅大，回家自己用刀切

屯門開咗呢間可以同朋友聚腳、宵夜傾偈小店。試咗佢好強炸物，好出色，全部炸到好鬆脆乾身，唔會油淋淋！炸物推介羽衣甘藍、餃子、靈芝菇同廣島蠔！呢幾樣我覺得必食，炸羽衣甘藍出面好少食到，屯門都有，超驚喜，好香口。生蠔好juicy鮮味，餃子雖然度度都食到，但佢地嘅餃子好飽滿，而且炸到好香脆唔油膩，，點都要食！另外要提下佢哋自製咗幾款醬汁，芥末汁勁好食！呢個靈芝姑又係勁正，出面食炸菇勁厚粉，呢度炸到好香口，又唔會淋曬兼一口粉另外串燒都好正，特別係魚腐串同埋雞髀肉，一條肉，唔係一粒粒串住燒，一拎埋來時已好香炭燒味，咬落啖啖肉有肉汁，食完一串會想再食仲有避風塘雞軟骨，好正！遲啲要同朋友去再食過其實佢地仲有特色甜品，不過真係一次試唔曬，今次已食咗勁多嘢，希望小店可以keep住水準，一定會再嚟！

新開的一間黃色小店，在門外看到大大隻連豬就吸引到我。我同朋友二人坐在外面，老闆娘非常好客，介紹各樣的招牌菜。避風塘雞軟骨-即炸即炒，非常香口！櫻花蝦炒腸粉-未試過所以即管試下，都幾特別，好食！炭燒牛仔骨-雖然普通咗D，不過份量好多！慢煮豬腩肉-好入味，老闆娘話慢煮咗24小時，真係好用心！粟米蛋糕（甜品）-用原條鮮粟米整成的慕絲蛋糕，食到粟米渣好有口感，還有金薄在上面裝飾，一D都唔求其！總結：絕對會返轉頭幫襯，聽講仲會不定期轉餐牌，一定唔會食厭！

今日去拜完年，同朋友路過仁愛堂街，見到有間新開既鋪頭仲唔洗等位，就膽粗粗咁入去試下～估唔到有驚喜我地一行6人（4大2小），見鋪頭入面唔大（大概夠開2至3張枱），本來打算座出面。但老闆娘怕小朋友凍，建議我地座入面，仲特登拍左兩張枱比我地，老闆娘好貼心。老闆娘話鋪頭仲在試業階段，只係開左一個星期，而且年初一都有開門，有些食物已經賣曬，供應商仲未返到貨。我地就比左budget老闆娘，由佢幫我地發板食咩…佢第一味上既係秘制泡菜，之後係燒多春魚（好味），仲有係炸鯪肉同埋炒烏冬，仲有炸廣島蠔（呢個值得推）同埋泰式腐皮（好好食食完先發覺唔記得影相），最後係燒日本紫薯，仲有燒燒賣同肉丸（我最鐘意食妹仔野）同埋蒜芯（可惜呢個無影到相）。我地仲飲左成6，7包紙包飲品，但老闆娘都再無計我地錢在新年搵一間餐廳唔洗加一加二已經唔簡單，仲要平平地，又可以比兩隻小魔怪慢慢食又唔怕比人趕既地方真係唔多。估唔到仲係食燒烤，而且好好味添雖然地方唔大，但老闆娘好貼心，好有Heart，食物都好有水準答應左老闆娘送篇食評比佢做賀年禮物，祝新年快樂，長做長有註：謝謝老闆娘的貼心招待秘制醬汁好好味