良い日涮涮鍋

營業中

休息中

今日同老公經開Mikiki，又好想食放題！就行左入去呢間餐廳，我地揀左嚴選牛肉放題90分鐘！我同老公都揀左夏季嘅新湯底，一人一鍋分別係蕃茄壽喜燒湯同埋冬陰功湯，湯底都幾足料，而且仲好濃郁！肉類都有唔同選擇，包括有嚴選牛肉、特選穀飼、牛舌同埋豬肩肉！我覺得嚴選牛肉幾好味，肉質鮮嫩，脂肪分布都幾平均！另外，豬肩肉肉味濃郁呢！餐廳仲設有自助吧，有唔同嘅蔬菜、火鍋配料可以選擇！我覺得紫薯年糕幾好味，年糕煙靭彈牙，入面內餡有甜甜嘅紫薯，特別！另外，牛丸都好好味，牛肉味好濃郁，彈牙又惹味！蔬菜嘅種類都好多，例如有唔同嘅菇菌類、蔬菜、紅蘿蔔、木耳、蓮藕等等！餐廳仲設有飲品吧，比較特別嘅係，呢間火鍋放題店有咖啡機，有咖啡豆即磨嘅咖啡飲！甜品吧有唔同嘅蛋糕同埋有藍莓、牛奶乳酪提供，真係食到好飽呢！🎀餐廳舒適寬敞，上菜速度快，餐廳店員服務態度好友善，加湯同埋收拾碗碟速度都好快，抵讚

📍良い日涮涮鍋 (新蒲崗)好耐冇食日式火鍋！一人一鍋🍲，火鍋料、甜品、飲品任飲任食勁滿足。我哋揀咗「嚴選牛肉放題90分鐘 $268/位」。想試新嘢所以揀咗豆乳雞白湯、海老豚骨湯。第一round會先上嚴選牛肉、特選穀飼、豬肩肉、牛舌。嚴選牛肉、特選穀飼都唔錯，瘦瘦地但肉質嫩（穀飼會瘦多少少），超適合任食。牛舌肉味濃啲，有少少咬口。豬肩肉質地就比較彈牙，千祈唔好淥太耐。大多數嘅任食配料喺放咗喺自助區。菜夠新鮮同靚。丸類來貨質素唔錯。仲有蛋糕櫃🍰同軟雪糕機🍦。因為有咖啡機，所以可以自製affogato☕️。📍良い日涮涮鍋 (新蒲崗)新蒲崗太子道東638號Mikiki 1樓111號舖

一年四季我都好鍾意打邊爐今次去開Mikiki見有間涮涮鍋未食過就試下主打90分鐘任飲任食套餐有4個，我揀咗中上係嚴選＄268一人一鍋可以同同行者唔同湯底🍲嚴選放題＄268中依個餐食牛當然只食嚴選牛🐮嚴選牛,肉質鮮紅,重牛味,牛肉紋路清晰除咗牛,肉類仲有豚肉,牛舌,雞件追加肉類上得好快👍🏻自助區有丸類,蔬菜🥬麵食,飲品🥤甜品🍮🍨整體幾好~自己一個人食都得唔使兩位起入座👍🏻價錢唔貴

由日本人主理，為大家提供一個優質的日式一人一鍋火鍋放題店的選擇 嚴選牛放題套餐好吸引，第一轉直接上齊牛肉、牛舌、豬肉、雞腿肉！肉片比較薄，滾幾秒就熟點餐過後好快就送上2盤牛肉、1盤牛舌、1盤豚肉同雞件，全部都可以任點嚴選牛肉色澤都唔錯，唔會好肥；牛舌切到薄薄地，淥完食帶有少少嚼勁 一人一鍋超貼心，試左今季新湯底🌱 豆乳雞白湯同🦐海老豚骨湯自助區有多款丸類、蔬菜、炸物、飲品、甜品，加埋都有3-40款，好欣賞佢有好多款菜：西洋菜、唐生菜、娃娃菜、皇帝菜、油麥菜、白菜、粟米等等都有，丸類有貢丸，炸魚蛋、墨魚丸、芝士腸、獅子狗等，甜品有軟雪糕，有牛奶同藍莓味揀，飲品有汽水、咖啡同茶類🍴良い日涮涮鍋 九龍新蒲崗太子道東 638 號 Mikiki 1 樓 111 號舖

一人一鍋的涮涮鍋成為了許多人聚會或獨自放鬆的選擇，「良い日涮涮鍋」提供多種湯底選擇，這次我們分別選了番茄湯底及昆布鏗魚湯底。番茄湯底帶來濃郁的番茄香氣，酸甜可口，令人食欲大增。至於昆布鏗魚湯底則清淡鮮美，適合喜歡清淡口感的我。餐廳使用QR code點選新鮮的肉類，而其他火鍋配料可到自助區自由選擇，可盡情享受。特別一提的是，這次選擇的嚴選牛肉放題，提供90分鐘的肉品無限供應，讓食肉獸，可無限制地享用。這裡環境乾淨舒適，無論是想獨自或與朋友一同歡聚，這裡都是不錯的選擇！

今日去咗Mikiki打邊爐，呢間餐廳已經唔同咗，不過依然一人一鍋！價錢唔算貴，期間限定嘅湯底唔使加錢👍🏻👍🏻我叫咗豆乳雞白湯，清清地，暗暗地有豆乳味，而朋友既海老豚骨湯一黎就勁香蝦既鮮味 🫶🏻而牛肉都唔錯，唔會勁薄！食落唔鞋又有牛味，豬呢出奇好食，嫩粉嫩粉！而出現有多款丸類同菜！仲會keep 住refill 👍🏻欣賞！另外記得食埋雪糕先好走！今日有藍莓味同牛乳味 ，個人比較鍾意牛乳味 🤤!$

🧭 良い日涮涮鍋•新蒲崗🍴新蒲崗太子道東638號Mikiki 1樓111號舖無聊期間碌ig 見到呢個188 有仼食黑毛和牛火鍋。逢星期一至二 夜晚5點後就有。所以即刻OpenRice book定枱，去試吓佢既和牛先一黎到叫左2個特別啲既湯底，豆乳雞白湯，海老豚骨湯。‼️豆乳雞白，絕對唔可以大火，一野就會滾哂哂🥲一發不可收拾⋯⋯麻煩啲職員🙇🏻‍♀️主角🐂🐂登場，一黎個和牛個樣幾靚😍點知一煮變到好細塊，好快就食哂2盤，我地不停encore，發現佢既質素係越嚟越靚，啲肉越嚟越大塊。食多幾盤都回本既😍出面自助吧佢有唔同菜，小量既丸，同有麵 可以選擇。但都較小選擇。飲品🥤佢有烏龍茶同綠茶 俾你自助斟，都不過不失。甜品🍨🍩🧁出面有個小小甜品櫃，有泡芙，朱古力蛋糕，葡撻，軟雪糕。 都滿意既 樣樣都好食

Lunch黎食，好抵😍，期間限定湯底唔使加錢👍🏼仲有自助吧啲菜幾新鮮，自助嘅食物款式算多，仲有甜品同飲品鐵觀音雪糕幾好味，雪櫃嘅甜品…味道怪怪地，可以不試🤪

和家人之前有幫襯過呢個鋪位的前身—日牛涮涮鍋，諗住間隔裝修差不多以為改了名所以入去試下。放題的話，90cm以上的小童便需要收費，如果不吃放題的話，每位點餐也需點多一個餐給小朋友。裡面雖然價錢及食物擺放位置等都跟之前日牛的擺位差不多，是食材卻大有不同；有小量甜品如brownie 、乳酪雪糕，飲品機也只有茶（凍烏龍茶及綠茶）及咖啡機；少了蔬菜及麵類選擇，感覺較日牛遜色⋯不過平日到來人少少，不用等位食下也無妨！

食過最難食嘅火鍋，牛肉質素差，硬到似豬肉，湯底冇味，真係大快活大家樂火鍋都好食過佢多多聲自助區食品真係少得可憐質素又差，蔬菜種類就最多及新鮮，丸得兩三款雪到硬晒，試咗兩款已經唔敢食，散晒烏冬一睇就知質素唔得所以唔敢食，麵餅一款，睇落似放咗好奈都冇人拎唔敢食飲品只得綠茶或烏龍茶（用機斟，並非支裝）自助雪糕機完全冇人敢食，熟食品得一煲應該係飯，我都冇開嚟睇，冇眼睇呢間涮涮鍋開了多年我第一次幫襯，估唔到亦係最後一次，同外面我食開的雖然係平啲，但一分錢一分貨，寧願比多一佰幾拾出去幫襯啲要排隊有質素嘅店舖，唔使浪費一餐 quota （幅相影得幾靚）

這間日式日本任食火煱，繁忙時間也不太多人，環境乾淨，光猛，服務員態度ok。同其日式任食一樣，有幾個set比你揀，中價set晚上6點半前入座有8折，可惜最貴個set無折。 我點咗268 嚴選牛肉，送任食牛舌，牛質素可以接受。一開始就上咗2碟，外加2碟下一等既牛，1碟豬加雞。配料有菜，有姑有丸同面等，都係嗰啲野。而野飲無罐裝，而係汽水機，同道地綠茶。最後發現無雪糕，有啲可惜。QR code落單，隔離枱話落咗2次都無黎，我都一樣，最後都係要自己口講。 總體來說，性價比，各方面是中等，普通。 一個人就可接受。

平日夜晚行airside行到有啲餓地諗住過mikiki壽司郎但又排晒隊咁，就試下呢間唔駛等位嘅90分鐘任食火鍋店。原來呢度係一人一鍋，同frd嚟就可以唔駛就住其他人口味，但我有少少擔心個鍋咁細唔知夠唔夠位淥嘢（事後證明係夠用，水又快滾過大鍋）第一次嚟叫咗個平少少嘅價位試下水溫先，出去夾咗啲菜同菇，返嚟就見到店員擺低一個鍋同四盤肉！無諗過一個人要食咁多肉有少少失算⋯唯有既來之則食之⋯可能平時我食得清淡，食刺身連豉油都唔點果隻，個昆布湯對我嚟講都幾鹹，唔駛其他醬料舊肉已經好夠味，最估唔到佢配料有芫荽可以揀，係芫荽控嘅福音！幾隻肉我最鍾意豬，唔會有臭豬味，又爽口唔肥；雞都幾好，唔鞋口；牛舌係薄切，淥一淥就好快熟，幾爽口但我都係鍾意食厚切；美國牛就麻麻，有少少騷，夾埋辣蘿蔔蓉食就唔覺，下次有機會再試個和牛睇下會唔會好啲。終於消滅完枱上面所有嘢，仲有少少時間諗住食多個甜品，凍嘅有自斟軟雪糕，兩隻味；唔凍嘅有芝士撻同brownies呢啲飽肚嘢。太飽之下只能揀觀音茶軟雪糕，茶味都OK有。其間有兩個小插曲：一個係有客整跌咗嘢飲機個牌，諗住擺返上機，店員就眼明手快截停咗佢，拎返個牌入去廚房清潔完再拎返出

平日晚市去食，見到唔洗等位，諗住價錢ok 所講入去試下點知真係好後悔 寧願食吉野家好過仲好食過佢好多倍唔知係咩原因芝麻醬整到非常稀，稀到好似水咁，近乎無味點完好似冇點咁豉油又好鹹，都唔知想點我叫左蕃茄湯底個湯底又好淡味，溝左好多好多水汽水無氣，又超級甜肉質正正常常，可惜配合嘅湯底醬料唔好食打邊爐啲可選擇嘅配料種類都好少都冇咩野好食當時間舖得4枱人我加單點啲肉都漏單叫3碟黎1碟真係好失望食完都嬲嬲地以後都唔會幫襯

Celebrated my mums birthday.Hot pot individually per person, they have many flavors to choose. I arrived late because of work but as I sat down the force me to pick a soup base ASAP I'm like I didn't even get a few seconds to think😆 i just randomly pick one! I feel the pressure that they're rushing me.They got soft serve icecream and you get to do it yourself! How fun! My kids and I had 2 rounds.Staffs faced were not so welcoming tho. All had black-faced. Pouting while serving but ehh what do yo

叫左最貴個個餐同壽喜燒湯底雖然黎到既牛碟碟個樣碟碟都好靚睇落唔多樣同落左單好快到但講真食落好似平時食既普通肥牛咁冇話特別出色好味而個湯底直情係淡到冇咩味咁濟職員加湯既個壺野都係超淺色店入面既丸類全部都係岩岩冰箱拎出黎咁個面仲有有冰既，種類就同出面其他食既差不多特別記得既係紫薯味年糕條（冇拎到黎食）最貴個餐有包海鮮D海鮮都仲係成舊仲硬既⋯⋯野飲種類少有茶包，咖啡機，汽水機（5-6款）但部汽水機放得超入本人米6要傾前個身先斟到間野22:30關門職員9.9左右就問你仲要唔要用咖啡機⋯因為佢地要關機洗機過多陣就叫你要雪糕既就去拎因為佢地一陣會關機當日雪糕有牛奶同鐵觀音味雪糕都係偏向冰感（雪櫃機都放得超入🤷🏻‍♀️）甜品用一個細雪櫃放住一兜兜既好似有3-4款呢間野既上手都係打邊爐黎聽講個地係滑潺潺同油笠笠既諗住轉左應該唔會啦但入到去都係同樣情況⋯冇咩事都唔會再去呢間到食⋯🙂出遠少少食牛大人好過就算日本人主理都係咁話雖然完全唔覺得似