良い日涮涮鍋

營業中

休息中

好耐冇打邊爐，揾到呢間係坑口東港城分店嘅日式火鍋店，dinner 時間去都幾多人，見到個環境都幾企理😊呢間火鍋店主打一人一鍋，90分鐘放題任食，有幾個價錢嘅放題套餐，最貴嘅係霜降黑毛和牛（$398成人/$288小童）🤩唔同級別嘅牛會有唔同嘅價錢，我地就揀左$268嘅嚴選牛 Premium Shabu Shabu Course （$268成人/$218小童）😙🔻湯底方面有好多款，例如係四川麻辣、生姜雞、蕃茄、昆布，仲有新出嘅豆乳白雞湯同海老豚骨湯等，好多都好吸引，我同朋友都揀左壽喜燒湯底，佢會提供一隻生雞蛋🥚，湯底味道濃郁，店員定時會加湯😸🫶🏼🔻呢個course 有🥩嚴選牛肉、🍗雞脾肉同埋豬，一開始會每份肉各上一份，之後就可以手機落單。出面自助嘅食物都有好多款，例如各類嘅🥬蔬菜、丸、麵都有幾種，例如烏冬/拉麵/粉絲等，出面啲食物定時有人fill up, 睇落都好乾淨。🔻個人覺得牛舌同豬幾好食，一盤份量都幾多，而且用電話點嘅食物都黎得齊。☕️飲品有道地烏龍茶同綠茶可以任斟，仲有咖啡機同雪糕機，真係食到好飽🤪呢間火鍋食物同環境都幾好，性價比好高😋

日牛涮涮鍋結業後原址開返間都係一人打邊爐嘅餐廳🍲叫良日涮涮鍋套餐款式價錢跟上一手幾乎一樣🧐今次就入去試下睇下係咪換湯唔換藥✨嚴選牛肉 （$198）🐮要壽喜燒湯底🥚🍢一開始先上一份豬肉，雞肉🍗🍖加埋兩份牛肉🥩🥩雞肉係雪凍咗嘅骰仔咁要啲時間先煮得熟豬肉正常發揮，冇咩特別牛肉就幾靚仔😎冇咩肥膏，食落牛味都重之後再落單後到來嘅牛肉質素同開頭嘅牛肉都係差不多🤟🏻係臨尾每兩碟就多少少肥膏但整體而言每碟都保持到個質素出面個自助吧枱跟上一手嘅一樣款式擺位都冇變過仲多咗少少蔬菜同埋丸類嘅款式🥬🥦🥒餐廳易手後，個裝修就冇咩點變通風都仲係咁焗🔥唯獨係個梳化坐墊轉咗藍色襯返餐廳主題顏色但有個值得加分嘅地方係可以自己掃QR code 落單📲加肉加湯都可以掃QR code 就可以免除好似上一手要搵侍應落單嘅煩惱而且今次嘅侍應態度都唔錯👍🏻加單後都好快上肉🤟🏻呢個價錢打個邊爐性價比高會繼續幫襯🥳

最近到訪新蒲崗MIKKI商場分店的【良い日涮涮鍋】，選擇了90分鐘「嚴選牛肉放題」套餐（$268／位）。店舖主打「一人一鍋」，讓客人各自選擇喜好的湯底，不但避免交叉使用，更加衛生，也能照顧個人口味，特別適合朋友聚會，邊吃邊聊天。選了「豆乳雞白湯」及「蕃茄湯」。豆乳湯底奶香濃郁、口感順滑，雞味亦相當突出；蕃茄湯則酸甜適中，味道清新，用來涮蔬菜或肉類都非常合適。套餐所提供的肉類選擇非常豐富，包括"嚴選牛肉"、"特選穀飼"、"穀飼牛"、"豬肩肉"、"雞腿肉"及"牛舌"。其中牛舌最為出色，切片薄身，入口彈牙有嚼勁，不會過韌，亦保留牛肉香氣，是必試之選。自助區有各式新鮮蔬菜如"唐生菜"、"油麥菜"、"皇帝菜"，以及多款菇類、瓜類等；丸類選擇亦不少，例如"鮮炸魚蛋"、"牛丸"、"芝士腸"、"午餐肉"，另有"烏冬"、"素麵"和"紫薯年糕"等碳水化合物，讓人吃得更飽足。醬料方面亦相當齊備，提供"麻醬"、"蒜蓉"、"辛味蘿蔔茸"、"蔥花等"，可自由搭配。飲品區設有汽水機、咖啡機及多款冷熱茶飲。甜品方面則有牛乳及藍莓味軟雪糕、小蛋糕和其他配料，為整餐劃上完美句號。值得一讚的是店員服務非常周到，不但主動查問

除咗約咗人出城, 基本上都係响東港城食飯~ 多年日牛會員 食咗無數咁多次, 原址依家叫良日 , 心郁郁想試好陣子了, 終於的起心干入黎食, 開心喎 肉嘅質量比以前更好更穩定! 我地欣賞!我地食嘅係 “嚴選牛肉放題 90分鐘” $268/位我嘅係期間限定 - 濃厚豆乳鍋佢嘅係 - 四川風麻辣鍋第一轉 肉肉嚴選牛肉豬肩肉第二轉 肉肉第三轉 肉肉食得開心啊, 我地叫咗三轉肉肉, 水準穩定, 都係咁靚, 要讚!自助配料區 全晚保持住企企理理~有解茶任飲, 咁開心嘅!?好夾打邊邊啊~自助牛奶雪糕, 我 encore 咗幾次~

良い日涮涮鍋之前都食過好幾次，佢呢度有幾個放題，豐儉由人，月頭就食好啲，月尾可以平平哋食都開心🤣🤣今次揀咗：嚴選牛肉放題，可以食足90分鐘，其實好足夠㗎啦！之前試過過佢哋嘅蕃茄湯，幾唔錯～今次就試佢哋新出嘅湯底：豆乳雞白湯！❣️湯底唔錯，幾好飲，嚴選牛肉放題嘅牛肉質素好高，肉味幾濃，而且夠瘦！食多幾碟都唔會覺得滯🤣❣️放題區出面嘅配料選擇都有好多，丸子、蔬菜、粟米、南瓜、烏冬、蟹柳，全部都好啱食！❣️唔單止牛肉出色，其實牛舌、雞肉同埋豬肉都好好味😍😍每次嚟食都食到勁飽！仲有埋甜品，呢個價錢真係性價比好高👍🏻

今時今日打邊爐$128 食90分鐘，仲要幾好食，都算係咁～中午嚟食，叫最平果個set $128，湯底叫左豆乳雞白湯，湯底幾好味，最欣賞佢加湯嘅時候係加返湯底嗰隻湯，唔係加雞湯亦都唔係加水。牛肉幾欣賞佢叫最平嗰個餐都唔會超多肥膏，當然唔會係好靚嘅牛肉，但係呢個價錢我絕對收貨，其他配料選擇唔多，味道正正常常咁野飲選擇都唔多，但好在我唔飲凍飲，我飲茶就夠。唯一唔好就係覺得環境有少少污糟，自助吧出邊有污漬，嘢飲機附近有水漬。

第一次光顧，由打電話詢問開始，職員已經非常耐心解答，又細心講解每個套餐分別，最後我哋揀咗嚴選牛肉套餐，試咗新出嘅蝦豬骨湯，食物質素符合預期，OpenRice訂枱有早鳥八折優惠，性價比高。特別要讚同事”泓”，服務細心周到，記性好，攞枱時記得我哋係打過電話嚟。中途想攞檸檬茶但準備中，我哋就繼續用餐，用餐途中職員竟然為我哋送上兩杯檸檬茶，真係少有會令顧客感受到有用心服務嘅員工👍🏻

做緊星期一至五lunch 90分鐘任食 $100（另加一）好抵食湯底有好幾款，肉都不錯出面好多野食拎不過啲豉油就咁成兜放喺出面衛生情況有啲考慮食食下見到曱甴喺地下爬即刻埋單走人同店員反映都無理到我～～

前身係日牛涮涮鍋一個月最少都去一兩次改名之後同之前裝修冇太大分別都食過幾次唔錯（ 未食過最平嗰款）今日見到午餐＄100位試下啦（最平＄128）點知中伏頭四碟肥牛每片三份一係肉三份二係肥膏用手搣走啲肥膏啲肥膏多到可以變成一碟唔係好似佢咁鋪平一片片喎😓有冇人幫我食咗佢🤣去左幾次都見到個位女侍應服務態度一流（ 唔想做就唔好做啦）

我最近有幸嘗試了這家餐廳的霜降日本黑毛和牛任食體驗，真的是大開眼界！以$199的價格享受90分鐘的任食服務，實在是物超所值。首先，我要說的是這家餐廳的牛肉質量非常高。每一片牛肉都非常嫩滑，牛味濃郁，完全沒有渣。厚薄適中，入口即化。尤其是吧台的牛丸，超彈牙爆曬汁，真的是不得了！環境方面，這家餐廳的裝修非常舒適，吧台區域也非常寬敞。服務員也非常友善，主動提供服務。總的來說，這家餐廳的霜降日本黑毛和牛任食體驗非常值得推薦。下次有機會一定會再來！

大癲!! $199食到90分鐘火鍋放題任食霜降日本黑毛和牛!本身都唔識呢間火鍋店, 同事食過好食🤩即刻要去試試啦🏃🏻‍♀️🏃🏻‍♀️初初以為佢同其他火鍋店一樣淨係頭一碟先有靚牛啦點知真係有驚喜, 叫多兩轉都係靚牛😋真係不得不介紹比大家🤙🏻靚牛果然係靚牛, 牛味滿滿完全冇渣厚薄又適中出面吧台仲有隱藏黑馬- 牛丸🐮超彈牙爆曬汁💦真係不得了呢個開張優惠做到1月9號咋只限坑口呢間店有興趣既朋友要把握機會book位la 🍀想享受優惠就要follow佢官方社交平台就得架啦