船皇 (大埔超級城) (已結業)

同男朋友係屋企附近醫肚見到大埔中心開左【船皇】之前食過銅鑼灣嘅分店，印象幾好，見價錢唔太貴，所以就入咗去食😍🍜船皇湯麵 $58牛腩、牛肉片、牛肉丸、雞絲，雞翼、豬肉、豬肉丸& 豬潤 ，勁足料❤️8 款餸😋大大碗❤️好滿足🍹青檸梳打 $15偏酸😌但係勁夠氣🤣用冰碗裝住😌飲落格外爽皮🤣我哋叫咗三款串燒🍡🍡🍡🐔串燒沙嗲雞肉 $14🐟串燒魚餅 $15👅串燒牛舌 $18款款都勁入味同好正，食到停唔到口

某日中午約左朋友到大埔食飯，佢地推介食泰國既船麵甘就跟左佢地去食，呢度係自己揾位坐，之後睇左菜單食咩再去排隊拎食物。麵既份量都幾大碗而且都幾多料嫁，仲可以選擇要河粉金邊粉或者其他麵甘。朋友叫左撈麵，我就叫左碗湯麵食，撈麵仲有撈麵汁配食幾多加幾多。味道都不錯，湯底幾香濃。

每次經過大埔呢間新開無耐的舖頭都俾食客食緊嘅湯底吸引今次決定嚟試試有湯麵撈麵可供選擇要試湯底梗係試湯麵啦🤭粉麵款式唔算多，各有4款選擇我地分別選了*雞絲雞翼湯蛋麵雞翼係鹵水雞翼，蛋麵吸哂湯底嘅精華 雞絲切到好幼細，好容易吸到湯嘅味道 好正好開胃😋*船皇湯金邊粉 船皇每款餸都有一份 有牛腩，牛肉片，牛肉丸，雞翼，雞絲，豬肉，豬肉丸，豬潤金邊粉食落嘅質感同蛋麵不太一樣，比較有口感各有各吸引之處 另叫兩個小食*豬肉生菜包 可以揀唔辣，好正，肉碎炒得好香，醬汁惹味 包住生菜食非常清新*魷魚鬚&雞皮&豬頸肉 串燒嚟講就略嫌太細串，未夠入味同香口*龍眼冰不太甜，龍眼肉都幾多幾爽口

行開大埔超級城，見到有架好有特色既令車，行近發現係間泰底船麵店，裝修好吸睛，就入去填肚。Menu一張睇哂，主要食湯麵/撈麵，半快餐形式，櫃面點完餐再攞餐。友人同我分別都點左湯麵。友人點既牛肉湯麵（$52），主要係幾種唔同既牛肉麵，牛肉軟林肉味香濃，湯底熬得幾好，有肉味得黎唔咸，無味精味。D麵都夠哂入味，亦都唔會好林，好開胃。麵底係可以自己揀既，我地揀左蛋麵，在場都見幾多人揀呢隻麵底。辣度都有得自選，小小既辣醬添左唔少惹味！船皇湯麵（$58）大包圍，豬/牛/雞咩都有D，岩哂選擇困難症既人。值得一提滷水雞翼十分好味👍🏻小食叫左泰式雞翼（$22），經典既泰式辣醬配蘇炸雞翼，最正的配合，雞翼外脆內嫩，肉質一D都唔老。泰式串燒都出名，於是叫左幾串，有沙爹牛肉，牛舌，菠蘿，魷魚。全部都烤得好juicy，容易入口，尤其魷魚，又香又惹味，忍唔住叫多幾串。單串15蚊到，視乎叫邊款，亦有得三串一齊叫。菠蘿大大份，唔酸，但非常開胃。另外都叫左一杯泰仔奶茶（$18）。個杯好別緻，的確好有泰國特色，可以嘗試捧起黎飲😂個人對泰式奶茶認識唔多，但飲得出應該係用煉奶，奶香都幾濃，同埋茶味都同一般奶茶有分別。甜度不能調

之前係銅鑼灣行街嗰陣都已經見過船皇呢間餐廳啦 估唔到宜家係大埔都開左間新嘅 ***我地兩個人叫左兩碗湯麵 分別係雞絲雞翼河粉同豬肉豬肉丸豬潤蛋麵 其實佢有四種麵底可以揀 包括金邊粉 河粉 蛋麵同米粉仲可以自由選擇辣嘅程度 湯底幾香濃 中意濃味嘅朋友應該好啱***至於泰式雞翼有5隻 炸得幾香脆 個人幾中意個串燒魚餅 蘸埋泰式辣汁仲好食串燒牛肋條燒得幾好 唔會太乾或太硬 配埋沙嗲醬好惹味***食到口乾仲可以叫一杯凍咖啡同熱柚子蜜糖茶

最近大埔新開左船皇 難得今晚有時間 就一於去食下 -我地二人叫左個船皇湯金邊粉加一蚊就可以升級做和牛 入面有牛腩 牛肉片 牛肉丸 雞絲 雞翼 豬肉 豬肉丸 非常豐富 唔知食咩好嘅人 揀呢個就唔哂煩😂-另外仲叫咗一個牛腩 牛肉片 牛肉丸撈麵 無論湯麵定撈麵都可以選擇唔同程度嘅辣 -另外我地仲叫左一個小食 泰式炸蝦卷 有3件 唔同一般嘅炸蝦卷 外面係有薯仔絲包住 -不得不叫嘅係串燒 叫左個沙嗲雞肉同蘆筍 雞肉嫩滑 燒得唔會太乾 蘸住沙嗲醬食唔錯 至於蘆筍食落幾多汁 -最後就一定要叫番兩杯泰式飲品先得-泰式奶茶同泰式龍眼冰

去大埔行下啲小店boutique, 行完見到呢間船皇-有架篤篤車響門面，好有泰國風情，點了招牌的船皇湯麵$58 +$1將牛腩變成和牛片，麵底叫了米粉，湯底有牛肉香味，好香濃，有啲似肉骨茶香味，有好多餸，有腩肉片、雞絲、鹵水雞翼、三粒肉丸、一塊炸豬皮，最愛的和牛片，好香牛肉鮮味，有牛油香味，泰式幼身米粉索曬啲湯味，幼身夠淋。船皇撈麵$58朋友叫了船皇撈麵，可在枱上取出撈麵豉油調味，還有泰式辣粉，泰式酸辣汁作為調味，辣粉撈麵好惹味，配麵底，夠彈牙，好滋味，餸菜同湯麵差不多，多了芽菜，好爽脆，因下午飯食好少，仲肚餓，所以再叫多幾款串燒小食，串燒有好多選擇，叫了牛肋條$15配泰式燒烤醬，肉質淋身；串燒牛舌配沙嗲醬；串燒魷魚鬚$18，好煙韌大條$15；還有串燒菠蘿，夠多汁夠清甜$12，還叫了脆脆的炸蝦卷$22，外皮用炸麵條包住，蝦肉彈牙。飲品叫了泰式水果茶跟餐$18，個茶底都係泰色香料味，還有火龍果同橙肉。另外叫了泰式奶茶，跟餐$18，香滑，欣賞呢度用泰式銀色湯碗盛載，甚有風味。

近來泰式船麵在香港越來越多人吃，既然開到來我附近的大埔超級城，我當然要去試一試吧～門面還不錯，是半開放式的餐廳價格不算貴，一碗最大的船麵也不過是＄５８船皇湯麵＄５８有超多配料，牛腩，牛肉片，牛丸，豬肉，豬肉丸，豬潤，雞絲，雞翼（不過吃不到豬潤，好像變了炸豬皮一塊），每樣一塊都已非常多！話說這金邊粉煮得好稔，湯底帶些豬血味，非常濃郁另加一份＄１２的炸豬皮份量也不少，爽口又不淋油，很惹味船皇撈麵＄５８跟湯麵的配料一模一樣，不過撈的麵可以自加醬油，他自帶的醬油咸香十足，不過還是加些辣椒才刺激這裡的辣椒粉是乾身的粉，而不是辣油，很合我意雞翼５隻　＄２２份量還不錯，雖然只有半隻但體積不小串燒牛豬雞　各＄１４已下沙嗲醬在外面，薄薄的一層帶輕輕甜味，不會過韌，值得一試燒菠羅＄１２最正，超ＪＵＩＣＹ記得試！性價比超高，小食都是十多元就有交易，不妨一試

星期四大概晚上6點多抵達，店內只有三四枱客人，好多空位剩，揀咗窗邊梳化位坐，餐廳係快餐店模式，自己揀位坐自己到收銀處比錢點餐，之後收銀員會比個取餐器你，當個取餐器震動嘅時候就可以出去取餐。 因為我地兩個人想試下湯/撈嘅差別，所以分別叫咗一碗船皇湯麵、一碗船皇撈麵+一份炸蝦卷，船皇湯麵可以+$1升級和牛片/+$5升級全碗和牛片(但麵裡面嘅其他料會冇曬)，最後我揀咗+$1個升級優惠。 係取餐處旁邊有杯有水壺可以自行斟水，等咗十分鐘終於可以取餐，第一時間當然食炸蝦卷先，因為怕凍咗唔脆，但原來個炸蝦卷本身就唔係好熱，味道不過不失。到試食個船皇湯麵了，先試個湯底，濃郁但有種薑醋味而且好油，碗麵好少料，只係得一嚿炸豬皮(仲要漏氣唔脆的)、一隻雞翼、3粒豬肉丸、2片和牛片、少少雞絲，點餐嘅時候收銀話冇晒豬潤，所以其他料會比返多少少，但我真係睇唔出邊部分嘅料有比多到囉😒呢碗野料少又細碗又唔好食完全唔值呢個價錢，而且間鋪冷氣好弱定係冇開冷氣，熱到流汗，真係過斜對面食錦麗好過🙄

既然係附近又想食啲野，就行過黎睇下夠多唔多人等位，點知好多吉位，就入左去坐低食個下午茶先第一次食船面，未去過泰國，就評論唔到似唔似啦選擇困難既我，想試湯麵又想試撈麵，揀左陣，最後決定試兩碗細既，一碗湯，一碗撈，想試埋泰仔奶茶，但細碗要用正價$26，結果都係揀左一大碗，一細碗，亦都可以見到份量相差幾多大碗選擇了雞翼雞絲湯河，兩隻雞翼加一堆雞絲，細碗就選擇了牛丸牛肉牛腩河，全部小辣份量黎講，估計大碗係細碗既3倍左右，唔知係咪因為河粉比較濶身，所以大碗都唔算多，如果以正餐黎講，應該唔夠飽先試湯河，湯底好濃郁惹味而且雞翼都好入味，味道有少少似滷水雞翼至於撈河，要加抬面的撈麵豉油，味道有少少酸酸甜甜咁，兩者比較，湯河略勝一籌，下次有機會，我相信會選擇湯河呢至於杯泰仔奶茶，果然同港式奶茶唔同，茶味無咁濃，不過都唔錯，勝在唔太甜不過唔係用碗上，係用杯上，有點失望呢整體不錯

今天嘗試這間新開的船皇,一間泰國船麵的專門店, 在泰國擁有50分間分店的, 但我從未品嚐過真正的泰國船麵, 所以不能作比較, 門外有架 “督督”, 有少許泰國的風味, 食物方便選擇不太多, 只有湯麵, 撈麵,串燒和飲品, 而麵的餸菜只有雞,牛, 豬, 本人應為可以加入蔬菜等選擇, 但可選擇麵的種類(全蛋麵,米分, 河粉, 金邊粉)和麵的份糧(大碗,小碗), 小碗是小朋友的分糧,還可選擇辣度。本人點了雞絲雞翼全蛋麵加凍檸茶, 凍檸茶是用碗上, 很別緻, 很有茶味, 有別於港式檸茶, 但只有一片檸檬, 所以只喝到茶味, 麵的味道尚可, 味道較濃,湯底也較油, 建議湯底可以清一些, 而我選擇小辣,但沒有辣味, 整體來說, 尚算合格,但沒有再吃的想法。

船皇在銅鑼灣開的時候我已光顧一次，好味，值得再encore，今次在大埔超級城有新分店，更加近我，一定要去試下~~~這間船皇是自己找座位、點餐付款、然後再自行取食物。有船麵、撈麵、小食、串燒等，款式夠多。現在更有升級優惠，加$1 就有和牛！豐富晚餐來了凍柚子檸檬梳打 （點麵餐加 $15）銀色碗賣相特別，味道甜甜地帶柚子香，食辣野解渴一流。船皇湯麵 $59包括 $1 和牛、牛丸、雞翼、雞絲、豬肉、豬肉丸、豬潤，有脆卜卜豬皮湯底極濃郁可口，比起在泰國食還要濃，點金邊粉，質地剛好，配料好豐富，和牛美味，雞翼入味，好正。雞絲雞翼撈麵 $48撈麵配特別辣醬，又香又惹味，味道相當不錯，令人吃個不停。還有通菜也是惹味。泰式炸蝦卷 $22/3件價錢相宜，是薯圈絲包著彈牙蝦肉，賣相吸引，味道有水準。另外點的魷魚鬚串燒 $15，泰式辣味夠辣好惹味，質地彈牙可口，這餐非常滿足，要多點再來。

Tea time 諗住試下小d人！Tuk Tuk 車一定坐唔到但如果你願意等，等到有位先叫野食，都可以既我地叫左3個餐，1碗牛1碗雞1碗船皇湯面加一份炸豬皮同3杯野飲個湯好夠味同係泰國食既都似，但牛腩就好似凍冰冰咁放落去雞絲加雞翼呢個係船皇湯面一份豬皮唔止呢度既，實際多多兩舊啦，影前阿仔食左兩舊大大舊野飲都可以啦，但等左好耐都冇叫我地拎，去問佢時仲話我地冇！個女人態度真係麻麻！總括，新開張，立立亂！經理連個清潔阿姐都好似控制唔到咁但野食方便係唔錯既！希望過多兩三個月後管理會有好轉啦！