影片
港鐵銅鑼灣站 D4 出口, 步行約2分鐘
繼續閱讀
電話號碼
28850268
開飯介紹
以海鮮為主的一人蒸氣火鍋餐廳，有單點及套餐選擇，餐牌更列出蒸煮時間指引，讓你品嚐最鮮嫩的滋味。座位之間設有拉簾，即使獨自用膳也享有私密空間。
繼續閱讀
附加資料
用餐時間120分鐘
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
9折
八府巡按海套餐 1人蒸氣火鍋晚餐 - 豪歎至尊海鮮、特上肉類
$439
$488
9折
九五之尊套餐1人蒸氣火鍋套餐-豪歎刺身、至尊海鮮、特上肉類
$628
$698
相關文章
Bookmark左呢間蒸氣海鮮鍋好耐，終於約左朋友去食😍 每個位都有一個蒸爐，而每款食材要蒸幾耐亦都有講埋，坐底之後見餐廳有好多缸海鮮，新鮮既保證👍今次我地叫咗兩款套餐，第一款叫九品芝麻套餐，海鮮方面有白蜆、大蜆、扁蟶子、蝦、鮑魚同鮮魚片。白蜆帶有淡淡海味又無沙，而大蜆就更加厚實，咬落去口感豐富。扁蟶子肉質鮮甜！蝦就係個人心目中最愛，肉質彈牙，啖啖都是鮮味。至於鮑魚，滑而不膩，鮮魚片更係鮮嫩，整體海鮮質素好高😋 肉類方面，我揀咗美國肥牛同豚肉，肥牛肉脂肪分佈得宜，豚肉都好好味👍第二款八府巡按套餐就更加豐富，海鮮方面有白蜆、扁蟶子、蝦、北寄貝、元貝、鮑魚、龍蝦同鮮魚片。北寄貝口感滑，元貝肉質厚實，特別要提嘅係龍蝦，肉質好鮮甜，蒸完d 龍蝦肉已經好易挑出。再加上可以揀蟹或者蟶子王，揀左既蟶子王肉質紮實，味道濃郁，依個套餐d海鮮更加高級同正😍每款套餐都有小食、沙律同埋蔬菜拼盤仲可以選擇粥底或者面底，職員見你食到咁上下會幫你煮，真係好貼心。食到好飽好飽最後仲有甜品雲呢拿同芋頭味雪米糍😎
繼續閱讀
CP值爆燈！銅鑼灣一人一鍋蒸海鮮✨同老公撐枱腳嘆海鮮🦞 放工攰攰哋，想食好啲又唔想煩？去銅鑼灣「船渦」就啱晒！呢間一人一鍋蒸氣火鍋餐廳，唔使自己買餸洗切，新鮮海鮮送到你面前，啱晒我哋呢啲懶人😝今次每人叫咗一個套餐:「八府巡按海套餐」($488): 呢個套餐真係超級豐富！海鮮拼盤好震撼🤩 有龍蝦、鮑魚、元貝、蟶子、貴花蚌、白蜆、蝦等等，仲有安格斯牛肉添！龍蝦啖啖肉，仲有膏，肉質彈牙又鮮甜！其他海鮮都好新鮮，完全冇腥味，蒸完仲保持到鮮嫩口感。套餐仲包前菜沙律、炸餃子同芝麻雞翼，同埋蔬菜拼盤同甜品。我就揀咗南瓜芋頭粥做粥底，吸收晒海鮮嘅精華，好鮮甜！「九品芝麻套餐」($258): 抵食之選！海鮮方面有白蜆、大蜆、貴花蚌、蝦、鮑魚同鮮魚片。白蜆帶有淡淡海味又無沙，大蜆就更加厚實，口感豐富。貴花蚌肉質鮮甜！肉類揀咗美國肥牛同雞肉，肥牛油脂分布均勻，雞肉都幾滑，唔會嚡。每人一個蒸爐，仲有指示教你每款食材要蒸幾耐，就算唔識煮嘢都唔怕！👍🏻 飲品方面都好多選擇，有sake、啤酒等等，我哋就一人一支啤酒🍻食物質素高同份量超多，海鮮都幾新鮮，服務態度都唔錯，想食新鮮海鮮又唔想煩？快啲去「船渦」試吓啦！😋
繼續閱讀
放工同事帶我到銅鑼灣食蒸海鮮。來到他的愛店船渦。蒸海鮮不是沒有食過，但這裏的環境有點似來到拉麵店，拉下布簾，就自成一角，若隱若現，又不失私隱度。我們點了兩個套餐，分別是九品芝麻和八府巡按。兩個套餐菜品最大的分別就是，一個多了蟶子王和龍蝦。九品芝麻套餐有：沙律、章魚燒。白蜆、蝦、鮮魚片、大蜆、扁蟶子、鮑魚。美國肥牛、豚肉片三寶丸（牛骨濃汁牛丸、薑汁皮蛋貢丸、招牌墨魚丸）蔬菜拼盤八府巡按套餐有：沙律、餃子、芝麻雞翼。白蜆、蝦、北寄貝、鮑魚、元貝、扁蟶子、鮮魚片、龍蝦及蟶子王一隻。安格斯牛肉、豚肉片。三寶丸（牛骨濃汁牛丸、薑汁皮蛋貢丸、招牌墨魚丸）蔬菜拼盤餐內的海鮮非常新鮮，蝦、鮑魚爽口彈牙。貝類則肥美鮮甜。我的龍蝦雖然細細隻，但是爆膏！餐枱上有指示，每款海鮮要蒸多少分鐘，只要跟着指示就唔會有錯。三寶丸好好食，每款都好有特色，尤其薑汁皮蛋貢丸，薑蓉爆了出來，十分足料！套餐看似份量不多，但是我們不停蒸都食足2個多鐘，加上肉類和蔬菜，其實很夠！最後用蒸海鮮的留下來的水，食埋粥和米粉，鮮味十足，很滿足！鍾意食海鮮的朋友，這間蒸海鮮真的不可以錯過！！
繼續閱讀
我同我朋友同樣都係海鮮愛好者，今次帶咗佢嚟船渦食蒸氣海鮮。每個位都有一個蒸爐，而每款食材要蒸幾耐亦都有mark底，自己想揀食咩海鮮先都得。我哋分別點咗兩個餐，九品芝麻套餐 及 八府巡按套餐，食物有質素，海鮮非常新鮮有保證！八府巡按套餐內容非常豐富，包括有前菜沙律、炸物、海鮮、肉類、三寶丸和時蔬拼盤。前菜沙律非常開胃，炸物係芝麻雞翼和雞軟骨餃子，炸到金黃色，入口香脆可口！海鮮包含白蜆、蝦、北寄貝、鮑魚、元貝、扁蟶子、鮮魚片、龍蝦（半隻）同蟶子皇，每一款海鮮非常新鮮，帶有海水嘅鹹味，基本上都唔使點豉油，都食得出鮮甜味！肉類方面，點選咗安格斯牛片、雞肉，蒸過後肉質鮮嫩多汁！而三寶丸分別係牛骨濃汁牛丸、薑汁皮蛋貢丸、招牌墨魚丸，口感爽口彈牙！最後麵底揀咗魚湯米線，呢個餐真係超級豐盛！九品芝麻套餐呢個套餐嘅份量都唔少，一樣包括有前菜沙律、小食、海鮮、肉類、三寶丸和時蔬拼盤。小食係章魚燒，軟嫩內餡，仲有彈牙嘅章魚，非常好食！海鮮包含白蜆、蝦、鮮魚片、大蜆、扁蟶子、鮑魚，每一款海鮮非常新鮮！肉類方面，點選咗美國肥牛和豚肉片，蒸過後肉質鮮嫩多汁！而三寶丸分別係牛骨濃汁牛丸、薑汁皮蛋貢丸、招牌墨魚丸，口感爽口彈牙！粥底加咗錢點咗蟹膏蟹肉粥，用蟹膏來煮粥實在太正，入口軟綿好吃，非常鮮甜！推薦！
繼續閱讀
呢晚同朋友試新野，唔係特式一人火鍋咁簡單，而係全港首間一人一蒸氣鍋本地餐廳船渦Boat Boat Steam @boatboatsteam用生猛海鮮🦐為主的一人蒸氣火鍋餐廳，🍲高性價比海鮮套餐有四款選擇，用餐時有齊食物種類蒸煮時間的指引，務求讓你食到最鮮嫩嘅鮮味。餐廳座位設有拉簾，私密程度令人"一蘭"拉麵嘅自由空間。同朋友一齊叫左兩個一人一鍋套餐😋🔖八府巡按餐 $488 & 🔖九品芝麻餐 $258另可配拉麵烏冬或星級粥底：蟹膏蟹肉粥+$28醬料區可自取配個人調味，而其實除左牛肉之外，建議海鮮直接放入口食原鮮味。📌八府巡按套餐包括：沙律、炸餃子、芝麻雞翼、白蜆、蝦、北寄貝、鮑魚、元貝、扁蟶子、鮮魚片、龍蝦、蟹／蟶子王(二選一)、安格斯牛肉／豚肉片／雞腿肉(三選二)、三寶丸(牛骨濃汁牛丸、薑汁皮蛋貢丸、招牌墨魚丸)、蔬菜拼盤、南瓜粥底及甜品雪米糍。📌九品芝麻餐包括：沙律、章魚燒、白蜆、蝦、鮮魚片、大蜆、扁蟶子、鮑魚、美國肥牛／豚肉片／雞腿肉(三選二)、三寶丸、蔬菜拼盤，南瓜粥底及甜品雪米糍。餐廳有海鮮魚缸確保來貨新鮮非冰鮮，除左海鮮款式，肉類可以選安格斯牛肉及豚肉片。而每個套餐都有蟹籽青瓜沙律及唔同小食配搭，芝麻雞翼金黃酥脆，雞軟骨餃子肉餡鮮美，亦有香口章魚小丸子各有特色。🎉🥟三寶丸 & 蔬菜拼盤🥬有牛骨濃汁牛丸，薑汁皮蛋貢丸同招牌墨魚丸各一粒，其中我最欣賞的是墨魚丸，爽口彈牙，而且內裡仲有墨魚粒，好味。蔬菜拼盤就有粟米、翠玉瓜、冬菇、金菇、娃娃菜、南瓜，只,需蒸五分鐘清新美味，So frest。本以為美中不足，因為套餐不包括飲品需另外單點，而其實當食到粥底部分已經飲飽食醉，加埋甜品有蘋果味雪米糍，十分飽肚滿足! 好適合同朋友或家人一齊聚餐，又或者獨獨樂一人蒸海鮮都無問題!留意Openrice 訂座預購有多款9-93折優惠套餐啊。
繼續閱讀