興發麵家

營業中

休息中

開左咁多年屹立不倒，真係有佢嘅道理！食過一次佢嘅豬排就好難忘，雖然環境舊裝修簡陋，但佢整嘅野食真係冇取巧，好有心去做。價錢又實惠，每次經過都會幫襯食碗豬排麵，同埋佢d雞翼！會繼續支持香港小店😋

拿拿食評系列 #興發麵家約左住長沙灣既朋友食飯，有考慮過去荔枝角食，感覺比較多選擇，但突然諗起呢一間「長沙灣豬排麵」，就提議左嚟呢到食~佢地全部都系舊式既圓形木摺枱，舖頭只有幾張枱，如果人多的話，需要搭枱！而我地食飯個晚，去到已經8點，所以人都唔算多，3個人自己一張枱，食下野傾下計，飲下嘢~呢一間舖既豬排好特別，佢系好薄切拎去炸，個口感完全唔同出面食到既豬扒，食之前我就中意加少少胡椒粉同埋鼓油，真系好好食！除左豬扒之外，我好中意食腐乳通菜，本身呢個搭配就無得輸！因為我地3個人食，所以再加左個小食Share，就系炸雞翼。如果同豬扒2選1，我一定擇豬扒，但系why not both，哈哈~豬扒米線腐乳通菜淨炸雞中翼而家已經好少舊式既麵家，雖然環境系差啲，但我就覺得錦先有香港既風格，希望十年後佢地依然系到~

再次光顧這間小小麵舖，如常叫炸豬扒麵，一推開舖頭門，就會聞到一陣好濃烈既氣味……雖然炸豬扒size成個碟咁大，但係非常超級薄，話雖然好薄，但又好煙韌彈口。炸豬扒灑上好像係淮鹽既粉，倍添惹味，麵-係用蛋麵。外型似車仔麵既油麵，湯麵內會附有少少雪菜。店舖地方狹小，一個長方形見晒，座位不多。今日座近門口，見老闆正喺鋅盆用洗潔精清洗電飯煲，附近放有不同疏菜，有通菜，唐生菜選擇。鋅盆下方的電飯煲還有米線。淥麵水會作最後把關，淥得乾乾淨淨才送上枱。好味道吖！

如果唔係早幾日見到朋友story話好食經過都係絕對唔會行入去嘅隱世街坊小店🤣而今日放工又去附近 就決定嚟食下叫咗佢個豬扒麵同雞翼麵再叫咗個腐乳通菜加埋都唔洗$80😨佢個麵好食 湯好飲 仲有啲酸菜係上面比起豬扒 雞翼更加好食豬扒炸得脆 粉唔算厚 但肉偏薄而雞翼就炸得好好食好香口👍🏼通菜炒得好靚 好食👍🏼唯一要挑剔嘅就係佢個環境 地方細感覺唔算好乾淨 有啲飛飛係度但地下 檯面都乾淨嘅但$30碗嘅麵真係好少見 超級抵呀

呢間野大大話話我幫襯十幾年, 其他人通常都無留意呢間麵店, 因為太唔顯眼啦！！！！店舖裝修比較舊, 但只要你敢入去, 就會發現美食。我最喜歡食豬扒上海粗麵, 塊豬扒炸的, 脆卜卜, 大大塊, 碗上海粗麵加少少辣醬簡直一絕, 加多碟腐乳通菜直頭無得頂價錢仲好合理

長沙灣老舖，懷舊味濃。呢間老字號最出名就係炸豬扒同通菜。叫咗炸豬扒擔擔米線，腐乳通菜，其實仲有叫到凍檸茶。好快就上晒所有嘢，be honest，唔係懷唔懷舊嘅問題，啲食物嘅樣我真係覺得未必會好食。首先炸豬扒感覺上係乾身，果然，食落係薄身、柴同乾，我唔明白點解佢係最出名嘅食物，我食到一半就放棄咗啦。另外，擔擔米線唔係我expect嘅擔擔，佢只係一pat花生醬嘅物體放咗落個清湯度，有啲都係街坊價食上海麵食嘅舖頭仔都唔會咁樣整個擔擔湯底，老實講係好失望嘅，味道當然係唔好食，個湯同個醬都溝唔埋，成口漿住咁。腐乳甜甜地咁，不過我覺得唔知係咪成本問題溝左糖水，你見個漿都好稀下，有人會覺得佢係特別調製，呢樣見仁見智。我個杯凍檸茶最後無黎到，亦無追過佢，因為啲野唔好食，都唔想再追啦，我好respect小店，但我覺得真係唔好食，唔係我杯茶，就唔飲佢杯茶啦。

上兩個星期，路經保安道，想找興發，卻找不到，今日再來，终於找到，個門口非常起眼，要行入八、九呎先至係門口，做咗安心也非常猶豫推門而入，裹面有八、九張圓枱，裝修殘舊但都整潔。坐抵當然叫店內拿手出品。🌟精製豬扒米粉炸豬扒和米粉分開上，米粉纯天然無添加，碗内只有雪菜，非常清，炸扒后上，扒質非常薄但不影響口感，脆粉不厚，啱到好處，扒質不鞋好味。🌟腐乳通菜灼得青青綠綠，沒有一條淤黑👍，腐乳味濃鹹有甜味，非常可口。可能興發都開咗一段時間，大部份食客都是街坊，價錢又平，可返的食店。

呢間麵檔係讀書既時候成日同朋友黎食，就算畢業了都會約埋朋友仔黎食，滿滿回憶感🥰🥰店鋪唔係大，經過既時候可能會忽略左，但係入面有好多街坊黎食，食客同老板傾下計，充滿人情味！！♡特製豬扒河粉♡特製豬扒米粉粉上面係放左雪菜🥰🥰米粉係粗身少少，會彈牙；河粉係幼身，好幼滑！！主角：豬扒 🐷 係薄身，已經切好一條條，方便食。豬扒炸得好香脆，一D都唔油膩，肉質仲好鬆軟。一定要灑上胡椒粉食，更加惹味🥰🥰♡蠔油生菜本身想食腐乳通菜，但老板話冇通菜，所以就叫左蠔油生菜🥬菜上面放左好多蠔油，所以食落比較咸😅🤣

呢間可以話由細細個經常食到大，雖然見住佢加價，但加到依家都唔算貴，到依家嘅性價比都好高👍🏻👍🏻👍🏻- 炸豬扒米粉 $31豬扒大塊，但比較薄。不過，佢啖啖肉同冇骨架。肉質唔乾唔柴，有汁，加上我個人會加大量胡椒粉，辣辣地幾好食😋😋😋😋米粉份量都好多，就算叫左少米粉，都好似冇少過咁🤣🤣🤣佢啲米粉係較為大條，口感彈牙每次黎都係叫佢嘅豬扒食🤤🤤🤤🤤🙌🏻推- 蠔油生菜🥬 次次都係叫腐乳通菜，但今次冇通菜，所以叫咗蠔油生菜🥬生菜顏色翠綠，口感新鮮爽口。蠔油好鹹，要食啲米粉去中和返😆😆😆

有咩好得過等客果時搵野食呢?記得哩頭有間細細間舊式麵檔,讀書果時都會同同學黎食,平到食兩碗都夠錢比,今時今日價錢雖然加左,但都係咁抵食,隔近士多買到罐經典啤酒,入去搵位坐低,必叫一定係薄豬扒,佢絕對係恩物,大大塊,幫你切埋條,方便食,就係因為塊豬扒薄,所以真係炸得好脆,同埋一定熟,唔洗食生豬肉.一啖豬扒一啖啤酒,係爽既.整多碗牛筋魚蛋河,牛筋滷到好焾,一啜就滑入口中,夠曬入味,魚蛋就普普通通啦,河粉都ok,整多碟郊外油菜先健康架嘛,自家製腐乳醬好鬼好味,哩個價錢,食到飽,又好味,正呀.

👍🏻精製炸豬扒麵 $29豬扒炸得好鬆軟，薄身易咬口😋不過份量依然十足，成隻碟咁大，建議可以落胡椒粉，味道會出好多🤪麵係用上海麵，味道都ok既味道: 8/10性價比: 10/10-👍🏻腐乳通菜 $12通菜鮮綠爽脆😛😛加埋老闆秘製既腐乳醬，比起傳統腐乳無咁辣，多左小小甜味，食落更加惹味👍🏻連唔鍾意食菜既男小編都忍唔住食哂成碟😂😂味道: 9/10性價比: 10/10-📍興發麵家長沙灣保安道337號地下 

朋友帶路黎左呢間唔係幾顯眼既麵店食飯，原來呢到出名食豬扒麵，一於試下🤪———————————————🔸精製豬扒麵 $28好平！大大塊豬扒加埋碗麵都只係$28，我仲要食唔哂😂 塊豬扒幾薄，但幾香又唔油，配上海麵幾夾！！！評分：🌕🌕🌕🌕🌑-🔸腐乳通菜 $12又係好平！通菜好新鮮勁爽脆，腐乳幾香又唔係好鹹😋評分：🌕🌕🌕🌕🌗———————————————呢間真係又平又好食，唔錯！！！

古早隱細豬扒雪菜麵•古早豬扒雪菜面，豬扒醃得唔夠入味，炸得脆卜卜，揼到夠薄身，一啲都唔油膩，最怕食啲又鞋又癡牙嘅豬扒，真係好耐都冇食過咁好食嘅豬扒麵，水餃都好正，個皮夠薄，餡夠多，仲要係自家包，腐乳通菜嘅腐乳超特別，個腐乳係橙橙地色，辣辣地應該都係自己再調教，食咗咁多嘢再加一罐檸檬茶都係$102，你話抵唔抵，仲要係咁好食！

位於長沙灣老字號家庭式經營小店，兩夫妻多年共同經營店舖有很有懷舊風味，幾十年的裝橫如一日，簡簡單單，不花巧，喜歡這充滿人情味的小店。興發店舖門口，夠古早味。豬扒麵和腐乳通菜兩者也很高質。精製豬扒麵-別家的豬扒標榜厚切，不過這家標榜手打及薄豬扒，來到這店必點這個豬扒，手打至非常之薄，而且炸得外表香脆，即點即炸，夠配以雪菜上海麵，湯底清淡卻很配。腐乳通菜-這家的腐乳醬比其他店吃到的濃味，顏色比較橙色，幾特別，味道不錯。炸雞翼米粉，雞翼都炸得幾香脆。店舖環境

呢間位於保安道街坊店已經䇄立咗喺長沙灣區幾十年，雖然裝修簡陋，但價錢非常親民炸豬扒麵又薄又大，外脆內juicy,仲要醃得非常入味，都係廿七蚊咋！另一必食推介仲有菜肉雲呑，自家包製，皮薄多菜，平時打邊爐都會特登過嚟買生餃！注意如果你嗌麵佢係會俾上海麵，上面會有少少雪菜。。。。。