影片
很久沒來這裏了，今天心血來潮想吃菠蘿油，很自然地想到要來這裏，便於下班後趕來，來得及吃下午茶呢，還恰好坐到了卡位，真的很感恩。 食客還多的呢，十分熱鬧，但我卻坐了大桌呢。看到桌上的餐牌，才知道換了新餐牌，多了不少新餐，但可惜的是，平日惠顧某些下午茶餐，可以１元換購價值＄3.5的包點的，但新餐牌換了之後則沒有此優惠了。 我毫不猶豫便點了菠蘿油下午茶餐，其實我也很怕油膩，但好久才一次，都節制了這麼久，便放肆一下吧，餐飲點熱奶茶，我還多點了一個蛋撻，店員說給了我一個最好的。 菠蘿油以微波爐翻熱了，因此夾在其間的牛油都幾乎溶掉了，包身很軟，但可惜包上的脆皮不夠脆，包的質感也不夠綿密，但在這大冷天，能吃到熱的，都感到很不錯了；至於熱奶茶，也勝在夠熱，茶色夠深，證明奶茶夠濃，惜有一點點茶葉屑在杯底。 蛋撻的蛋味稍淡，而且不夠熱呢。 但整體來說，算是經濟，而且服務員的態度還不錯呢，有禮又友善。
繼續閱讀
唔係刻意走嚟食下午茶，都喺完咗第三堂崇拜，都成1:30pm，啲教會老友走晒無飯腳，記得表姪女依個時間仲晌太子上緊英文補習班，所以急電佢父母有無時間一齊食個晏，原來啱啱好，表哥表嫂正正就晌太子等佢放學，結果，由佢哋提議食興發，佢哋話久唔久放完補習班都會嚟依友食，因為1:45pm就有下午茶餐，又真喺比一般茶記早喎，仲供應到6:30pm添。環境跟一般茶記無異，細圓枱、卡位、麵包櫃……下午茶餐牌一張A5紙印晒，以港式麵包加杯餐飲嘅「精選茶餐」，賣$14-$15；亦有粉麵、公仔麵、西多、三文治搭杯餐飲嘅「休閒下午茶」，賣$22-$28。表哥提示一句，下午茶份量會細一截，所以建議另外晌「特色粉麵飯」餐牌中揀番一款，份量會正常啲，價錢又當然會貴啲啦，要成$40-$55架。生炒雞絲飯 $27依碟屬下午茶餐嘢，好細碟，好迷你吓，一位男性應該都唔夠食喇。就咁單睇單一炒飯嘅相，唔覺咁細碟，拍埋個正常份量嘅粉麵飯，咁就比較到。雖然份量少、料又稍為少，但個飯炒得都唔錯，炒得頗香，而且飯粒幾爽，喺油少少啫。乾炒豬頸肉河 $27都係下午茶餐嘅選擇之一，份量跟上述都喺一樣。棄牛用豬，仲喺豬頸肉，多份爽口感，而河粉炒得色澤「勻巡」，仲要包杯嘢飲，廿零蚊貨仔算喺咁喇。石窩菠蘿雞粒炒鴛鴦米飯 $40「特色粉麵飯」系列，價錢高一截，所以份量好「正常」，比起個炒飯炒河，可以講喺多成倍。菠蘿雞粒炒飯唔喺咩特別，就算以石窩上都只喺噱頭，反而揀佢喺因為用咗白米紅米鴛鴦米嚟做，睇吓咗做法效果如何。小弟家中都有間中食開紅米，煮飯時會加少少紅米同白米一齊煮，盡可能都會預先浸一晚，今次食到嘅紅米比家中所煮嘅稍硬，仲要喺炒添，所以口感唔喺太好，影響咗整體效果，覺得有啲可惜。奶茶，喺小弟去茶記嘅必然首選餐飲，興發沖嘅奶茶都幾好喎，既香且滑，飲到杯好嘅奶茶，對一餐飯嘅觀感都有住唔少影響架。間餐廳仲有啲額外優惠，如果惠顧上述嘅「休閒下午茶」，可以以$1.5換購$3.5嘅麵包，可惜星期六、日唔得，否則就整多個菠蘿包或雞尾包送埋杯奶茶。此外，仲有個升級優惠，就喺一個月內堂食或外賣累積滿$400，就送紅豆冰一杯或瑞士卷一條；滿$600嘅話，就送海南雞飯一份或蛋撻一打。好在可以累積計數，而且有成個月時間，擺明希望你長期幫襯，如果住晌附近，食吓早餐、嘆吓下午茶、搵幾晚嚟開飯，真喺唔難喎！
繼續閱讀
每晚9點的包$1個，好平而且質素不差波蘿包好大個，原價$3.5，我覺得呢個價錢一定合理，好多店$4個，但又細個，外相又差，又唔脆，呢度既又大大個，皮又脆，即使原價我都會買！紅豆波蘿包我覺得麻麻地，原因個皮不脆的，我下次都唔要紅豆啦叉燒包都幾足料，內部有好多叉燒雞批我覺得麻麻，可能我本身對雞批冇乜好感，有d細個，而且皮有d厚紅豆燒餅好足料，好大個，好多紅豆，正！提子包又係大大個的，好抵牙！麥包都ok麵包蛋糕極力推介，大大個都只係$5，係邊度搵牙！而且蛋糕好軟好好味！！麵包皮甜甜的，好好味，不太硬也不會太lum鮮奶球同另一個包好濕，早知不買子，而且冇味的，沙津腸包味道一般啦十字繡球又係冇味的，唔好買！我都推介牛角包，超大個好好味，有牛油味，皮雖然不脆，但硬身吃起來很有口感，因為不lum小法包好硬，牙都甩啦，又冇味，可能我不適合吃這種法國包！
繼續閱讀
星期六長週,本應平時就好"掹"水先起身.今朝因為要攞衫去洗衣舖.順便食埋個早餐.是日無埋心水,望一望MENU普通D叫左個..番茄煙肉三文治同熱奶茶$213分:不過不失.煙肉有煎過,但唔多油.杯奶茶都幾易入口,唔苦.雖然只係短短30分鐘.但見D WAITER都幾多野做但又唔會黑面,呢一點有時D大酒店都未必做到.好,打埋個電話俾個FD今晚食飯!
繼續閱讀
夜晚 8:50 入到去,點左一個海南雞飯, 一個雞蛋焗魚腸, 5 分鐘後餐茶湯到, 一般茶記質數, 15 分鐘後所謂海南雞飯到, 黎到見到已經好火, 根本就當食客白痴, 白切雞都不如, 雞咸又多雞骨碎, 雞油飯又淡又油, 白飯都好過佢, 夠膽死賣 $45. 個焗魚腸由 入去 8:50 等到 9:30 問個 侍應話 5 分鐘後都始終冇黎, 再等到 9:45 發老脾走, cancel 左 雞蛋焗魚腸,我忍唔住同個收銀講成個鐘都未有點攪, 佢又話"個餐又焗又蒸要好耐....." 大佬呀, 成個鐘, 食海鮮呀? 我同佢講個海南雞都好唔得. 好心同個廚房反映下, 佢冇答我即刻黑面. 呢間野以後都唔會再去.
繼續閱讀