影片
以上資料只供參考, 請與餐廳確認詳情
燒賣冇乜魚味，懷疑因為蒸得太耐，同一粒燒賣竟然可以有兩種口感，一邊太淋，另一邊個皮乾硬，硬到差啲以為有魚骨，勁難食.....😡望住老闆娘一路𢳂一路dum左啲唔靚既燒賣，以為佢想確保質素良好，點知都係難食😵😵辣醬普通，同平時蒜油差唔多，但唔夠味同唔夠辣......原本諗住支持吓小店，見呢間都係燒賣關注組推介，期望好高，但係大失所望，未食過咁難食嘅燒賣，食完呢份即刻搵返同區另一間燒賣頂癮.......
繼續閱讀
嚟到裕民坊，我一定會探下興發熟食嗰個牛杂婆婆同埋幫襯下佢既牛杂。婆婆已經唔認得我咯，佢老而不休，我十分欣賞佢呢份毅力。慣常地我點了一份最大$60蚊既牛杂，婆婆問我食過牛沙瓜未，仲特登剪咗一串比我試下，好味的。傾下傾下就剪好咗我份牛杂，婆婆好慷慨，比咗好多件牛膀比我，仲有腸，肚，肺，全部都係兒時既味道，唔係度度都食到。
繼續閱讀
唔夠半個鐘內食咗兩間唔同嘅燒賣，個胃同個心都打晒交！响瑞和街食咗間話好有名嘅燒賣同魚蛋，啲粒燒賣又腍又冇彈性，魚蛋又硬，直頭係「名過其實」！嬲嬲地九秒九衝返落去裕民坊幫襯阿姐(人地叫阿婆，但我咁嘅年紀叫人阿姐適合啲)嘅燒賣。佢個燒賣係標準嘅級數，唔係話特別標青，但佢個神級秘製辣醬先至係精粹所在。佢個辣醬特別在係加咗比較少見花生粒(應該係)，加上蒜香、辣椒、豉油等，將一個望落平平無奇嘅魚肉燒賣提升到另一個境界。記得之前個燒賣係10蚊10粒，家下加左$2蚊，但都覺得抵食，值得去支持一下。
繼續閱讀
每次想食小食都會幫襯呀婆，燒賣十蚊十粒好抵，可以同陳皮魚蛋兩溝各5粒，牛柏葉大大串，魷魚加辣椒醬好好食😋有要求要魚蛋彈牙 燒賣質素點點點就唔係架啦，大家都係街坊食份人情味，同埋真係唔係差
繼續閱讀
燒賣 $10/10粒燒賣關注組推介嘅燒賣，因為主理人係一個婆婆，我又叫佢做阿婆燒賣。.我其實對燒賣冇乜要求，因為對我嚟講個辣椒醬先係重點。鍾意呢款辣椒醬有渣，唔係淨係辣椒油。入邊仲有大量花生，食落又香又辣帶點甜味，食完兜燒賣，𢳂埋入邊啲花生落嚟食，滿足。.
繼續閱讀
您可能會有興趣的...