興利咖啡奶茶

營業中

休息中

香港區搵早餐 坐得舒服通常都唔好食 今次嚟到灣仔駱克道街市熟食中心呢間興利 終於食到啲以前嘅風味 叫咗個雪菜肉絲米兩隻熟蛋 轉咗牛奶多士 加埋杯凍奶茶 都只係40蚊 非常抵食 本人鍾意食多士 呢間嘅多士係薄身 但係咬口鬆軟 絕對對版 雪菜米雪菜新鮮 米粉爽滑 好食 仲有條生菜送畀你 唯一爭少少係杯奶茶 但係都算係唔錯 應該係隻奶冇咁靚 所以唔夠香 但係整體嚟講 最近真係搵唔到一間咁抵食又好食嘅早餐 由於始終係喺熟食中心入面 環境始終冇其他舖頭咁舒適 但係簡簡單單嘅早餐十零二十分鐘 我覺得真係唔需要太講究坐嘅地方 呢間嘢真係值得推薦 希望長做長有

今日又嚟到灣仔呢一邊， 其實都係想搵一啲抵食嘅早餐😉😉 所以嚟到街市就係最好嘅選擇喇， 之前有食過呢個街市嘅隔離舖， 今次就試下興利， 突然間想食下意粉所以叫咗佢哋嘅b餐， 一嚟到發現呢個榨菜雞絲意粉🤗 好多料， 完全畀佢覆蓋曬成個意粉， 食落去都覺得幾惹味，😋😋之後叫咗早餐必叫嘅火腿奄列， 感覺唔錯😙😙 最後發現原來可以加兩蚊轉奶醬多士， 真係超抵食😁😁 熱鴛鴦就係普通餐廳嘅感覺， 冇咩特別🫢但係三十零蚊叫個早餐咁豐富， 真係覺得非常之抵， 下次都會再嚟

🐯隱藏灣仔鬧市中平靚正美食🐭 ⭐️按「更多」睇詳細食評😋月尾喇，又係時候食平啲！ #懶惰二人組 去開會展就搵搵灣仔有咩好食，今次我地就去左灣仔市政大樓嘅熟食中心既「興利咖啡奶茶」覓食。《陳皮冬瓜鴨腿湯飯》 $46🐭每次見到鴨腿湯飯都會忍唔住點黎食！呢個湯飯嘅湯好好飲！唔好睇佢顏色清清地咁，飲囉味道香濃！冬瓜同冬菇都煲到你好腍同入味。湯飯會跟一大碟白飯，不過白飯就硬左少少啦！湯飯黎會將白飯「車」落個湯度，浸浸下都會變得軟身啲既😛《菠蘿雞粒炒飯》 $43好似泰式菠蘿炒飯咁！炒得又幾香口喎！最正係個飯面會有啲肉鬆，令到炒飯甜甜。肉鬆又提供另一個口感！另外都點左杯檸樂同凍奶茶，奶茶嘅茶味好濃！🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物大大份，價錢又平！而且味道真係唔錯㗎！💚餐廳位於熟食中心，有冷氣，所以夏天嚟到唔怕熱喎！因為餐廳位於熟食中心，所以唔好期望環境係超級整潔果類啊！💛服務方面，快靚正！Rating： 懶惰鼠 😻😻😻😻懶惰虎 🤩🤩🤩🤩📍興利咖啡奶茶灣仔軒尼詩道225號駱克道市政大樓2樓熟食中心💰人均消費：$50⏰營業時間：06:30-16:30 #懶惰在香港 #lazifooday

今早要去灣仔工作，所以提前了一點去駱克道街市吃早餐。好久沒來這裡了，看到熟悉的四眼姐姐，不禁聊了起來，她說已經有三四個星期沒見了。今天我點了醒神早餐C：餐肉麵、火腿奄列、多士和一杯熱咖啡，總共只要33蚊，真是超值！🥰早餐的味道一如既往地好，尤其是那碗餐肉麵，湯底鮮美，讓人精神為之一振。火腿奄列的口感也相當不錯，多士外脆內軟，搭配熱咖啡，真是完美的一餐。跟四眼姐姐聊天的氣氛也讓早餐時光變得更加愉快。每次來這裡都能感受到溫暖的社區氛圍，讓我不禁期待下次再來。希望可以經常來這裡享受美味的早餐和愉快的交談！

今日去熟食市場搵驚喜食過另外一兩間 今日試下興利老闆叫我試炒公仔面 內心100個yes 不過都係食個相對無甘邪惡嘅炒飯安格斯牛柳粒炒飯！牛份量好多wor 仲唔係碎濕濕 大大粒架唔un 同入味架炒飯底仲好好味呀 唔會太咸同太油可以再黎食過~~試今日sold out的鰻魚炒飯

鮮蝦魚卵燒賣燒賣口感Q彈 是好吃的燒賣😆極品蛋撻蛋香味很濃 蛋撻口感也蠻軟嫩的！法蘭西多士口感滿濕潤的以為內餡會爆漿結果沒有 有點可惜🥲炒飯炒飯粒粒分明 味道上比較清爽

灣仔駱克道熟食中心真係有好多食店，而且大部份食店嘅食品水準都真係幾好，我嗰日中午去咗熟食中心食午飯，本來想去中記食飯，但因為全場食客爆滿，只好過隔離舖嘅興利食飯，熟食中心場內設有冷氣，環境比較舒服，坐位就普普通通，我叫咗個紅咖喱雜扒飯＋凍奶茶，雜扒飯有豬扒、牛扒同雞扒，肉質幾好，都煎得唔錯，飯粒分明，紅咖喱汁微辣又夠香，杯凍奶茶認真大杯，解渴一流！店舖阿叔同阿姐服務態度幾友善，整體感覺真係唔錯！開飯熱點

早上起床吃早餐不知道去哪里。突然心血来潮上到这个湾仔熟食中心。这个接近半世纪的熟悉中心以前读书的时候经常来。因为楼上有图书馆和自修室，曾经留下了很多回忆。以前这裏是露天的地方没有空调地方又比较脏。但经过几10年的改变后变得非常乾净舒服。而且空调强劲，WiFi也超级快，加上这裏无论小炒或碟头饭都非常便宜，所以有很多上了年纪的人在这裏吃饭。早餐点了番茄牛肉乌冬+火腿奄列及多士+热斋啡才35元。牛肉和番茄非常多佈滿整个汤碗。牛肉尚算新鲜嫩滑。火腿庵列不过不失，想休闲宁静的吃一个早餐这裏不失为一个不错的选择。

唔洗講咁多，一個字：平！係灣仔食個lunch閒閒地都要$60，糧尾唔通真係食麵包咩。駱克道市政中心有好多平食又見得下人嘅餐廳，今次就直角假身扭過佔地較大門口間中記嘅伙記，長驅直入盡頭嘅興利。一坐底呀姐就問我食唔食扒，我望一望價錢，雖然唔貴，但糧尾嘅我就有啲手緊...都係睇返a la carte...最後點左個芙蓉蛋飯，本身無乜期望，但原來有驚喜！一揭開，竟然有章魚🐙！蝦仁、叉燒都好足料！ 熱辣辣，好好食！所以唔好睇少呢啲街市嘅食店，唔睇環境（其實都算企理乾淨）真心正，cp值高！下次各位可以試下埋邊呢間興利！

重遊舊地，有一段時間學校放午飯，我會獨個兒來吃。原因無他，我喜歡吃魚，喜歡熱鬧，喜歡這裡的人不受拘束。時日至今，我以為只有我自己二十出頭才喜歡吃這種被標籤＂Boring＂,＂Old-fashioned＂的蒸魚。 想不到是叮叮也很喜歡，而且我倆未曾相識時，也不約而同會在午飯前往這裡，就為一個梅菜蒸鯇魚。 就三年前就沒有太大分別，無論是價錢、食材或是服務，也是貫徹始終。 我喜歡吃魚尾，肉質更嫰滑，但較為多開叉魚骨。有厚厚的魚皮鎖住魚汁。叮叮喜歡吃魚腩，（其實她是食物就ok）每口都是大塊魚大塊肉，魚骨較明顯。梅菜明顯比以前少，只靠薑絲癖走腥味及熟油提升鮮味。配熱飲品也是＄３５，沒有太大價格變動，卻又保持到品質，令人贊嘆。 假日雖然缺少了上班一族，但仍然有附近地盤的工作人員，眼看粉麵也是大盛的份量，絕對係價廉物美。 自己喜愛的，也恰巧是叮叮的喜愛的。是一種默契。我們可能在灣仔上課上班的日子中，曾經在這擦身而過，留下線索讓我們遇上大家。

灣仔位於商業區，要找平價地方午膳一點都不容易。幸好還有駱克道市政大廈，位於3樓的熟食中心有供應超值午膳，炒粉麵飯一應俱全，今次我就去左興利餐廳食午飯。咸蛋蒸肉餅飯飯是另上的，超大碗飯，份量勁多。肉餅都好大件，肯定食得飽。肉餅肉質鬆化，帶一點點咸味。上面放了幾條菜，食肉之餘又可食少少菜幫助消化，食得健康一點。食完很滿足捧著肚子離開，這餐埋單只是34元，非常超值抵食! 離開時繞了熟食中心一圈，發現還有更便宜的午餐， 只是 30 元，下次有機會再幫襯!

一般人都覺得熟食市場好污糟，又焗又熱，但係我就覺得夠地道！灣仔呢個都幾正，價錢平又有冷氣，最重要係有wifi又無人食煙！今次試下興利，叫左個粟米汁公司飯，所謂公司飯，即係我地叫既禿飯，有腸仔，餐肉，火腿，蛋，呢啲係早餐通常都會食到既食材！先係個粟米汁，味道咸左d，但幾Creamy，夠汁，粟米量一般，至於食材就無乜特別，要讚既就係餐肉係切左粒的！同事叫左廈門炒米，第一要讚，份量超大，兩個人都夠食！$34勁抵！料多炒得香口有鑊氣，老闆叫一碟炒一碟，碟碟熱辣辣，蛋絲同火腿絲都幾多！Like！呢個時代，呢個價錢，有冷氣有資素，食飽咪走雖，唔使太在意個環境！

前文說過，我第一次來駱克道街市光顧的食店，就是這一個叫做興利的茶檔。因為傳統中文是右至左來排列的關係，而倒過來讀好像更加之順口，我寫臉書同博客時，把這店打成了 "利興"多次，查了Openrice才覺悟，改返你做 "興利".....打這興利之前，我還真的要 double confirm才行。這 "興利" 也是一間茶餐廳式的茶檔。感人的就是下圖戴眼鏡的伯伯，腳子有問題的，"ug" 下 "ug" 下咁去服務大眾，睇得出老頭子是非常的辛苦，但看得出他依然是樂在其中。 我的食品，是心癮中的豬扒公仔麵。這豬扒質量好，味道好，可以令我大叫一聲好味呀。(就是要誇張一點。) 原因就是這個豬扒，醃得十分之入味，連肉既內心都有豉油味，雖然知道他們利用了鬆肉粉去令此豬扒變腍，但超入味的扒，加上濃味道的麵湯，令我食得很是開心。奶茶熱力不夠，奶味夠但茶味淡，而這個是唯一的不足。 是一家有人情味的小店，事隔幾年再訪感覺還是同樣的親切，這街市的茶檔小店，雖然不吸引，但去開的人，個個都是有感情交雜的。

搞定了事情, 反正要去還書, 便前往駱克道街市, 嘆嘆茶.多間食店, 多間茶室. 主要是坐低食個午茶, 剛好行到興利店前, 便坐下來一個珍寶腸沙律.下午茶, 人不多, 旁邊有小休的伙記們在打啤牌. 靜休有時不必要找一家高檔食肆, 有冷氣的熟食市場, 原來也不錯.珍寶腸, 行貨東西, 不致評. 但其沙律是純水果, 蘋果, 椰果 等等. 還有提子. 吃落亦不錯. 奶茶一般吧, 夠熱是叫好的原素.比起隨便挑的街邊茶餐廳來得好.