影片
以上資料只供參考, 請與餐廳確認詳情
大家北上我哋就留港行下山好過去大圍紅梅谷望夫石下山來吃楊枝甘露不知道是不是剛剛下山，吃什麼都好香🙊大圍站雲疊花園附近這間興仁堂的椰香芋圓楊枝甘露都算平啦，芒果新鮮切粒，柚子粒是紅甜西柚，楊枝甘露，加上椰奶、芒果泥口感滑順濃郁，冷藏讓整體口感更清爽，再過幾星期天氣熱了吃冰凍甜品更美味。我們分別吃了他們家的其他幾款，椰香喳咋，核桃露，椰香紫糯米三色芋圓桃膠，燉雪燕等中式台式有凍有熱都不錯，糖水舖還有很多自製涼茶，下次再行山時可以飲下老闆很健談，話佢開始整自製的開心果巴斯克蛋糕🍰，仲請我哋食咗一塊，希望我哋比多啲意見，係好吃😋
繼續閱讀
在去會合朋友途中，無意中發現既涼茶鋪-興仁堂，店鋪坐落向大圍雲疊花園附近，因前幾天食咗好多煎炸同熱氣野，搞到個喉嚨好唔舒服，所以經過見到，就想去買枝涼茶（白花蛇舌草）飲下由於我要暖既，所以就入咗鋪等老闆調制，等待期間，發現除了有涼茶之外，仲有傳統既中式糖水和台式糖水，價錢唔貴，所以都買咗台式黎試下（$30-5款材料）俾錢走人，就已經急不及待開支涼茶飲，飲咗幾啖，過咗一陣，個喉嚨真係舒服咗，有之前漲住漲住既感覺，真係真材實料，但真材實料既唔只係涼茶，連糖水都一樣，啲料好多，我果碗就係叫咗芒果、西米、椰汁、桃膠、芋泥，一打開已經見到好多材料向面，糖水味道不太甜，好食料多，$30有5款料，依個價錢既糖水我已經好耐無見過，下次再經過我會再試下佢啲中式糖水
繼續閱讀
時間發生喺1月21日傍晚6:45左右， 話說牙肉腫，咁啱落車喺附近，見就腳就入去買清熱產品， 咁我問阿姐除左廿四味之外有咩係清熱， 因為牙肉腫， 咁佢就介紹左龜苓膏俾我，同我話要食2-3盅先見效。咁啱龜苓膏做緊特價，櫃上面貼左川貝龜苓膏，同埋靈芝龜苓膏，咁我問阿姐各有咩功效啦，阿姐就話功效一樣，只係川貝多咗化痰止咳嘅功效，咁我再問咁靈芝呢，佢話都話一樣囉，係川貝多咗化痰止咳唔功效，又叫我睇牆上面張紙寫晒功效，咁我開始黑人問號， 川貝就係川貝，靈芝就係靈芝，大家功效絕對唔會一樣， 咁我問多次，我話靈芝喎， 佢突然喝罵我，乜你聽唔到我講啲乜嘢咩， 嘩，我打左個突， 無啦啦俾人喝， 話晒我都係客，唔應該咁同客人講嘢， 我都係平心靜氣地講， 無挑釁之心，點知阿姐跳制， 咁我即刻話我自己睇張紙得喇😅 最後我都買左4盅龜苓膏走，但應該冇下次。龜苓膏比較淡，相信功效麻麻，淨係講服務態度都已經唔合格，該公司應該培訓吓員工， 總括嚟講有兩大個問題，第一員工服務態度好差，絕對冇可能喝罵客人，第二員工對產品認知欠缺， 除非佢係老闆， 咁我祝佢好運
繼續閱讀