42
4
1
港鐵香港大學站 B2 出口, 步行約4分鐘 繼續閱讀
電話號碼
28112568
營業時間
今日營業
11:00 - 22:00
星期一至日
11:00 - 22:00
付款方式
Visa Master 現金 八達通 銀聯
座位數目
40
其他資料
Wi-Fi
加一服務費
食評 (50)
等級4 2019-08-26
567 瀏覽
Happy Friday同朋友黎到西環飲酒前搵好野食下先,今次就黎到呢度食可愛造型的點心!餐廳黎香港大學站只有幾分鐘路程,都幾易搵到!餐廳唔算好大,晚上有提供小菜套餐,但朋友想食點心,所以就散叫點心試試!傻豬叉燒包,賣相很可愛,有三個小豬的頭在籠內!包皮唔會好厚,叉燒餡都有好多,叉燒唔會好肥,味道剛剛好,熱辣辣好好食!杏香荔茸鴨,呢款樣子趣怪的鴨鴨,杏仁片為鴨的嘴部,炸到好脆口!荔茸鴨其實係咸水角,煙煙韌韌!富貴金魚餃,外皮晶瑩剔透,就好似金魚,顏色好靚!內餡味道有點像燒賣,因為有少少蟹籽係入面!馳名合桃包,呢款包外型有點像合桃,內裡的合桃餡都幾多,仲有芝麻,餡料唔甜唔會好漏,合桃脆卜卜!鮮竹牛肉球,好新鮮,有點彈牙,唔會蒸得過火!xo醬炒蘿白糕,蘿白糕唔會太碎,因為有xo醬所以幾惹味,如果可以再多少少xo醬味道會更佳!餐廳的點心價錢唔算太貴,食物造型特別,可以再黎! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-03
466 瀏覽
西環對於我來說這個地方不陌生,中學時期在這裡讀書,看著昔日的西環和現在真的改變了很多,現在的西環開通了地鐵之後真的很方便,加上越來越多不同的餐廳,真是一個好去處的地點。今日下午便相約了一位中學同學到西環這個地方相聚一下,我們在香港大學站附近的一間吃點心專門店嘆一嘆茶。中式點心配上西式配料製出一些新潮點心,都是一個有創意的買點。餐廳裝潢都是以金色瓦面的設計,感覺貴氣敦煌而室內同樣令人感覺高貴典雅。杏香茘茸鴨點心師傅手功很細緻製作出這樣可愛的小鴨,外層炸至微金黃色,一口咬落去甘香而芋頭蓉軟腍清甜,內饀有香菇、豬肉碎和西芹粒雜成,令味道更豐富,而且不覺油膩。墨汁芝士蝦餃外表烏萃萃的墨汁蝦餃皮很特別,內裡饀料的組合都是第一次吃的,充滿著芝士味道包圍著鮮蝦,真是中西合璧的元素。金沙熊貓 好可愛的熊貓頭的流沙包,流心蛋黃香濃、熱辣辣的時候吃是最美味的。XO醬炒蘿白糕份量是很適中,炒得也很乾身,蘿白糕較為軟身,體整都是中規中矩。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-25
188 瀏覽
放左工六點幾嚟到,全場已經半滿,好多枱都係一家人嚟食晚餐。原來呢到除左點心都仲有好多小炒,有啲似茶餐廳,仲有好多海鮮啊個啲,套餐仲幾抵。不過一心嚟食點心,點都要過左口癮先,下次先試小菜。呢到嘅侍應都好有禮貌,熱心,不時睇下我地有咩需要,令到我地都食得好開心。可能因為係小店,個侍應仲無啦啦請我地飲湯,覺得好有人情味。特色麻辣燒賣 $39好少點心店會有麻辣燒賣㗎,調味啱啱好,唔會好辣,主要係麻,夠香。燒賣口感中規中矩,但整體好食。金沙熊貓 $35打卡必點,仲好流心,佢地呢到流沙包個配方同平時岀面食開有啲唔同,有少少酸酸甜甜,特別得嚟好食,又冇咁容易漏,我相信我一個人可以清哂一籠,哈哈杏香荔茸鴨 $38又一個打卡之選,勁得意嘅賣相。入口雖然係炸, 但係絕對唔會油淋淋。我之前冇食過呢樣,好好食呀。豉汁排骨蒸飯 $52 (配時菜加例湯)好大份,兩個人份都食唔哂,最鍾意佢哋配時菜。豉汁排骨夠入味,份量都幾多, 佢好似啲酒樓得兩舊排骨。但例湯好足料,仲有紅蘿蔔同雞腳,冇落味精,媽媽煲嘅湯呀。食到好飽一個人唔洗一百蚊,下次嚟一定要食佢晚市小菜個套餐先! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-22
498 瀏覽
大學站對我來說並不陌生, 但今晚朋友約我來的這間點心店真在考起我。朋友話港鐵 B2 出口,轉左手邊向後行直入小巷盡頭就會見到。 因為朋友描述我正確,所以我出港鐵後一眼便看到 由其那金光閃閃的門面,加上十多級梯,令人感覺有點高高在上。 朋友早已開了茶等侯 茶錢$5/位她告知有抵食小菜套餐, $178 已經有一兩款小菜加炒菜一碟。但我事前已經做好功課, 今餐一於集中食點心。 店員也眷當窩心,主動問我們位子會不會太冷,更送了兩碗下火粉葛湯給我們,太令人感動了 。朋友很喜歡食香口野, 所以先點了兩款炸點心。杏香茘茸鴨$38 、 鮮蝦腐皮卷 $33 $38 以雀寵奉上, 三隻鴨仔可愛度爆登, 以杏仁片扮成翅膀, 要讚一讚點心師傅的手功很捧呀! 相信點心的概念是來自經典名菜 。欣賞過後,一口咬開酥脆的鴨仔,口感酥脆;錎料不只有芋頭溶,還有豬肉錎, 令味道更豐富,香而不油膩 。 另一款同是炸點心,[ 鮮蝦腐皮卷] 閃閃令的腐皮,很香很薄,鮮蝦也脆, 但我略嫌油膩。 所以接下來要食清一點¸如何為之, 當然是 $28 素餃晶瑩剔透,以澄皮包著清菜絲和香菇等錎料,吃時緊記合蘸點辣椒油, 頓時香味倍增。 $52 送清灼時蔬聽落好似貴貴地, 但我可以保証物有所惜。第一蒸飯粒粒分明, 絲苗米香突出。第二牛肉餅真心高質, 質感不會很膠,牛肉味突出之餘、有果皮香、亦有馬蹄的爽口,加上炸菜的咸香實;甜豉油增鮮,實在是無敵蒸飯。 附上 份量也不小。 造型點心店何其多, 這款點心以豬頭造型 $35三隻小豬頭被迫在一個蒸寵內, 真心可愛到一個點 。 一拎上手已經感到豬頭是軟棉棉加上雪白的外皮, 實在加分。 質感鬆軟,叉燒餡料滿滿,肥瘦比較是9比1;蠔油汁醬也不會太稠,甜香美味,這個蠔油錎調得相當有水準, 無論內涵和外顏值同樣高分。 另一推介 $39烏萃萃的蝦餃皮對某些人來說會覺得有點怪怪,但我就對它一見鐘情, 型到一個點!毫不遲疑地咬下開一半,看到蝦餃應有的材料, 最重要是加入了西式元素 令鮮味上增加了淡淡的咸香, 味道變得更濃郁, 爽口中亦帶點黏度, 非常藉得一試。 西區點心店我自問都試過不小, 給我的感覺是有點不同, 食物不是很街坊, 但客人絕大部份都是熟客。 點心水準是全西營盤區之冠,服務也細心到位, 超推薦! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-09-29
27 瀏覽
We are huge fans of dim sum and are so grateful to have found this dim sum place in the western neighborhood. Have been coming here almost every weekends with friends now for our dum sum fix! The barbecue pork bun is the most juicy one we have found in Hong Kong, not to mention it also got the cutest piggy look. The shrimp dumplings are fresh with thin skin. The lotus rice rolls are so flavorish with soft rice and lotus scents. Price is similar compared with other small dim sum places. Not expensive. On top of that, this place is clean with decent setting, so you could enjoy your personal space and time with your friends compared with other similar budget crowded dim sum places. ( and they won’t rush your out when you have finished your food). A real hidden gem! 繼續閱讀
(以上食評乃用戶個人意見 , 並不代表OpenRice之觀點。)