臻.茶 (綠楊坊)

係外賣平台叫左凍白桃茶加芝士 去到鋪頭拎飲品時 已經見到店員 一位中年女士 好不熟練要睇飲品調配紙 整完仲要係錯ge 俾左芝士桃桃我 仲強調係正確 我要拎起menu指反俾佢睇 先知係要白桃茶加芝士最後我得到 ge 係一杯暖ge 白桃芝士茶 沒有冰的 味道方面就好淡同 芝士好水 飲左幾啖掉左 好簡單一次外賣就可睇到有冇心做 唔怪得繁忙時間一位客人都冇 店員方面都係很差勁 所以各位如果想中伏 可以一試 唔係可慳返試有心小店 完全不合格ge鋪頭👎🏻👎🏻👎🏻👎🏻…查看更多

平時無飲開，不過昨日行過見到優惠，又有少少口渴，就心思思想試下。一望原來有幾樣野都做緊優惠，最後我揀左原價$42，現在優惠$34既芝士桑莓試下。無咩人買所以好快有得拎。比想像中大杯，一飲落去係雜莓沙冰既味，幾Fresh幾足料，味道唔錯。如果大熱天時拎住係條街度飲應該幾正，不過今日少涼既天氣就有啲啲凍冰冰。個芝士奶蓋就比例上少左啲，支飲管放左入去基本上只係飲到莓冰，芝士就keep住係最頂。試過想用支飲管搞兩吓，但結果啲芝士係個飲管口漏左出黎，可能我應該一開始就打開搞搞先🌝Anyway，最後飲左大半個鐘終於飲到底喇yeah，不過呢芝士就愈來愈少，因為芝士痴住左杯既上半，無流落最底，最後用左最底個少少莓冰搞埋個少少芝士，其實好好味，個芝士味係好正，可惜來得太遲🥲如果夏天又路過我應該都會想再飲。…查看更多

同老婆晌荃灣食完晏晝，再直接起步行轉短山，最後落返「綠楊」，見到呢間「臻・茶」唔太多人排，又可以用Openrice Pay，而我仲有少少Openrice Point，一於用埋佢，請老婆飲杯「百香果茶」。 鋪側嘅彩色燈箱，有晒餐廳嘅所有出品，或者晌收銀旁亦有整張餐牌，分為傳統奶茶、黑糖系列、邪惡系列、本店限定、芝士系列、梳打系列、季節限定、爽爽系列、水果茶系列及及熱飲。 此外仲有啲優惠產品嘅推廣，比正價平幾蚊。我埋到去落單嘅時候講話想扣Openrice Point，個店員堅持要我自己用Openrice個Apps落單，但個Apps會自設自取外賣會遲10-15min。但等等下都唔對路，見好多現場落單嘅人都有得攞，我就埋去問問，佢哋只會做咗現場落單嘅客先，Apps落單會排到後面先做，真喺唔知喺店家嘅問題，定喺Openrice嘅問題。滿杯百香果 $30就番老婆喜好，揀咗少冰、半糖，目測所見，睇店員沖嘅時候，落百香果漿都唔知有無杯量嘅1/10，所以，百香果嘅酸爽味好弱，有失滿杯之名，就算加咗半粒青檸，因為晌杯內浮浮沉沉，都幾難篤，所以，唔會太易飲到青檸嘅清香，基本上喺有少少近乎純茶一杯。 第一次接觸呢個品牌，由服務到飲品，感覺真喺麻麻地唔好。當然今次只喺試咗佢哋一杯百香果茶，不足以代表所有出品，但就足以令我唔會幫襯第二次啫！…查看更多

叫外賣平台  外賣自取叫左3杯野飲去到拎冇袋 問完話要加1蚊 ？？？ 我叫1杯2杯既都算 但事實唔係外賣自取仲有飲管唔係應該包埋？叫左杯珍珠奶茶超甜 另一杯奶蓋茶未攞已經溝勻晒 仲要一啲都唔甜 水果茶仲得個酸字…查看更多

之前飲過一次芝士火火 味道ok 都叫大杯同價錢平 但係有啲水水地 但呢個價錢都無話計較好多 但第一次去嗰陣店員態度已經麻麻地 所有野都勁大力擺上枱發晦氣咁 全店又得一個人 等左超過十分鐘先有 都算 叫攞完野飲就走今日諗住再去幫襯 行埋去落order 叫乜野飲都話無 (本身諗住叫火火多多 就話無火龍果 然後問有無苦瓜白玉 又話無苦瓜）自問自己問兩次個態度都好好 但店員回答語氣仲要極差 啲店員根半完全唔想做 超趕客 可以唔洗試（除非你想去受下氣）…查看更多