197
10
1
港鐵銅鑼灣站 D4 出口, 步行約5分鐘 繼續閱讀
所有分店 (3)
電話號碼
28016330
營業時間
今日營業
12:00 - 22:00
星期一至日
12:00 - 22:00
*最後下單時間:21:00
付款方式
Visa Master AlipayHK 支付寶 現金 銀聯 Apple Pay 微信支付
座位數目
72
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座
外賣服務
加一服務費
以上資料只供參考, 請與餐廳確認詳情
食評 (216)
等級4 2024-03-24
388 瀏覽
Check in Taipei之前起中環的時候,都去過好幾次。最近發現搬了去銅鑼灣世貿中心。今日去試下,一入去覺得同以前中環的店感覺好不同,裝修感覺豪華,空間闊落,餐廳盡頭的座位可以看到維港!雖然裝修較之前的店豪華,但是食物價錢也是差不多。蒜香三色台腸前菜叫了這個蒜香三色台腸,台腸彈牙,三款味道各有不同,份量十分多,一邊傾偈一邊食住等下一道菜!海鮮炒王子麵蛋餅呢個海鮮炒王子麵蛋餅結合了我喜歡的材料。麵炒得香口,蛋餅夠薄夠軟綿,入面仲有不少海鮮,再配上滋味的醬料,每一口都好滿足。蒜泥台灣水蓮我第一次食過台灣水蓮後就念念不忘,香港很少買到,只有某些台灣餐廳才有。它的口感是十分獨特,這個前菜非常開胃,口感爽脆,味道清新,配上蒜泥醬,令人食到停唔到!黑蒜牛肉麵主食叫了黑蒜牛肉麵,這裏的牛肉麵選擇幾多,有不同的口味。牛肉煮得好軟好入味,而且牛肉份量幾多,湯底蒜味濃郁,帶出有別一般牛肉麵的獨特風味。芋泥3Q拿破崙把拿破崙、芋泥、肉鬆和麻糬放在一起,真是很新穎的甜品。拿破崙鬆脆,芋泥滑溜香甜,還有芋泥蓉的質感,3Q口感源於不同口感的食材,有芋泥的香綿,有麻糬的煙靭軟熟,肉鬆的鹹香和鬆脆的拿破崙,每個食材各有其特點,但是食落覺得十分匹配,互相輝映。因為是即場製作,所以上菜需時,但是只是大概10分鐘, 絕對值得等待。銅鑼灣嘅 Check in Taipei 相比之前的中環店更有水準,不論是環境、菜式和服務都十分好。十分適合相約朋友、家人食飯傾偈,甚至情侶撐枱腳也不錯。 繼續閱讀
(以上食評乃用戶個人意見 , 並不代表OpenRice之觀點。)
最近同朋友去咗銅鑼灣世貿中心嘅臺北棧 Check in Taipei 餐廳以淺粉紅色為主色 燈光柔和打卡好靚💕 而且環境好大坐得好舒服!有好多唔同嘅台式食物 仲有大量邪惡嘅麻糬/芋泥等等 好睇又好食😋 ♡ 芋泥3Q拿破崙 HKD$108由芋泥 鹹蛋黃 麻糬 肉鬆製成 超邪惡但又好好食~口感真係超級超級豐富!拿破崙口感一切開好好好酥脆👍 仲好香牛油味~~ 麻糬煙煙韌韌同肉鬆芋泥都超夾😛😛 佢有幾間分店 而呢個係銅鑼灣分店先有嘅甜品!♡ 明太子麻糬蛋餅 HKD$98佢有好多款蛋餅我都想試🤣 最後揀咗呢款!好好食!上枱熱辣辣~面頭仲有好多明太子醬同埋櫻花蝦 而且拉絲嘅效果勁吸引XD 唔係講笑真係超多明太子同埋麻糬😱 同蛋餅呢個配搭好match🧡💛 明太子/麻糬fans一定會鍾意~♡ 鹹蛋黃芋泥球 HKD$78同樣賣相好吸引嘅一款小食 一粒粒咁樣好可愛💜 外脆內軟~~ 好香芋頭味!鹹蛋黃同埋芋泥呢個配搭又係好邪惡😛 ♡ 招牌牛肉麵 HKD$116 加溏心蛋+HKD$8見係招牌所以叫嘅牛肉麵!湯底好正好濃郁牛肉份量仲好多~ 仲有特製嘅辣牛油 加埋落去一齊食好惹味❣️♡ 木瓜牛乳 HKD$52本來掙扎咗好耐要芋泥牛乳定係木瓜牛乳🤣 見其他嘢食都已經揀咗芋泥 所以今次就叫咗木瓜xdd 牛奶好香好滑 木瓜同牛奶呢個配搭冇得輸🧡🤍 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-04
606 瀏覽
忽然台灣菜癮起,原來銅鑼灣都開了Check In Taipei,馬上去試試。店內裝修華麗別緻,非常適合打卡!髒髒鹹蛋黃芋泥蛋餅軟糯蛋餅內包滿綿密嘅芋泥,外層灑上芋頭粉及鹹蛋黃碎,顏色非常奪目!招牌滷肉飯 肥瘦各半的五花肉滷得香濃入味,醬汁鹹淡適中,與白飯拌勻,肥而不膩,再配上溏心蛋及醃蘿蔔,真是百吃不厭!明太子甜不辣 甜不辣口感Q彈扎實,不會黏牙,食落唔會覺得油膩,配上明太子醬滋味更有層次!黑芝麻奶奶麻糬必食的奶奶麻糬,麻糬口感非常軟綿柔順,帶點冰涼的感覺,甜度適中。黏滿脆口的芝麻粉吃,口感層次十足。觀音兵用上萬壽無疆杯盛載嘅Cocktail,真係別有一番風味!鐵觀音茶加入Vodka調製而成,易入口之餘,更能突顯茶味香而甘醇。芭樂苦瓜汁 結合了芭樂一和苦瓜的天然風味,帶來了一種清新的口感,更是一種健康和營養豐富的選擇!總括來說,這店用傳統的食材加上創新的烹調演繹,真是令人喜出望外! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-26
482 瀏覽
-臺北棧 🌸講新潮 講有特色既台灣菜既話 一定係諗起臺北棧之前食過海港城分店後 聽講銅鑼灣分店會有啲唔同所以今次就去埋銅鑼灣分店試下唔同既菜式貪心既我今次點左好多款 但果然樣樣都冇令人失望🥩 蒜香三色台腸 ($68)近排真係有鋪台灣腸癮 見到呢度有就即刻點!三色係墨魚 黑椒同原味 外層煎得香脆 伴蒜片 夠惹味🥢 麻婆臭豆腐 ($68)台式做法既臭豆腐 無論係嗅覺定係味道都好夠臭🫶🥬 魯肉伴台灣A菜 ($88)用上新鮮油麥菜 伴魯肉食 如果再多啲魯肉就更好😆🍆 櫻花蝦烏醋茄子 ($48)冷盤 - 茄子清甜 + 鮮香櫻花蝦 + 微酸醬汁 好開胃🐟 原條鰻魚起司玉米蛋餅 ($188)呢個賣相係相當震撼 因為真係放左原條鰻魚上去份量十足 入面仲有大量粟米同芝士 食完已經好飽另外可以自己調較木魚碎碎既份量呢~ 🍜 黑蒜牛肉麵 ($128)個人幾中意呢個黑蒜湯底既牛肉麵 會愈飲愈上癮揀左手工刀削麵 雖然屬於厚身 但都好掛湯🌟🌟🌟🍚 橘色海皇涮涮鍋粥 ($338)🌟🌟係當晚最有驚喜既單品 🌟🌟係昆布湯加入豚骨及大量蝦殼 還原火鍋後既湯底味道非常濃郁 再放入臺北棧御用九號米煮成橘色之後仲有加入豐富配料 包括蔬菜 蝦 蟹肉同蜆肉 熄火後放入日本 「新紀元卵」 蛋味香濃 色澤鮮豔係食用前加入少少蝦油 蔥花 同紫菜絲 食落非常惹味同埋全程都有專人服侍幫你煮 唔洗擔心仲錯步驟~🍰 芋泥三Q拿破崙 ($108)餅底鬆脆香口 中間夾住手作芋泥同麻糬 多重口感🍰 Oreo奶奶麻糬 ($98)我上次食完翻尋味 因為麻糬奶味香濃 軟糯綿滑 連埋Oreo 碎碎一齊食 口感更為豐富好味呢~🍰 萌萌傻鴨 ($108)每日限量供應單品 - 前排見到好多人打卡就已經想試傻鴨整體係椰香奶凍 周邊綠色係班蘭金寶而灰色係竹炭海綿蛋糕 造型趣緻得黎又幾好味~🍹手打香水炭燒檸檬茶 ($48)係臺灣變奏版既手打檸檬茶 飲落茶底濃郁芳香香水檸檬同炭燒檸檬既味道都好突出 唔會互相蓋過🍹蜂蜜苦瓜汁 ($48)完全好似食左成個苦瓜咁 好彩有加左啲蜂蜜 中和返個苦澀味 飲完感覺好健康😎 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-23
388 瀏覽
眨吓眼又話過咗年啦😎⋯⋯新年最大嘅願望大家就係身體健康,萬事勝意🥰⋯⋯每天都係食拜年嘅菜式,當然係中菜⋯⋯非常懷念台式料理⋯⋯而家餐廳通常都好迫夾🙈⋯⋯這間餐廳環境非常舒適,樓底超高🥰座位非常寬闊,而且非常整潔🥰仲有我最愛嘅甜品添!價錢仲非常實惠!蒜香三色台腸肉質肥瘦均勻!烤過嘅香腸用蒜片炒香!超級惹味!蒜片炸得非常香脆!口感Q 彈!黃金鹽水雞芭樂撈粉皮呢個菜式非常清新!加埋佢特製嘅黃金醬汁!😋新年撈起撈起!🎉🎉鹽水雞,非常鮮嫩!海蜇非常新鮮,又爽脆!原來加埋番石榴係咁夾嘅甜甜酸酸!大白菜非常惹味!又爽脆又酸甜!特級菌花菇魯肉飯滷肉肉質鹹香鬆軟!入口即溶!味道超香濃!飯粒晶凝通透!非常有咬口!特級花菇非常入味!加埋木耳,非常清新!芋泥三Q拿破崙拿破崙超級香濃鬆脆!充滿牛油香氣!頂層鋪滿鹹蛋碎!正👍🥰加埋芋泥和麻糬⋯⋯口感相當豐富!這款甜品超正!伯爵茶凍芋圓呢款甜品係台式嘅signature!份量超大⋯⋯芋圓~珍珠超煙靭⋯⋯伯爵茶凍好香伯爵茶味!加埋仙草和綠豆!呢個甜品不可不點! 繼續閱讀
(以上食評乃用戶個人意見 , 並不代表OpenRice之觀點。)