自己人

營業中

休息中

啟德新開咗間潮州菜「自己人」，真心要同大家分享！首先，重點嚟啦：只要你點任何一杯手調飲品，就可以免！茶！位！費！即刻每人慳返十幾蚊，叫飲品點都抵過叫茶啦～我同朋友嗌咗兩杯嘢飲：手打鴨屎香檸檬烏龍（$39）茶底好香，檸檬清新，解膩一流；爆珠馬蹄椰子水（$29）清甜到爆，入面啲爆珠咬落去「啪」一聲好過癮，仲有馬蹄粒添！講到食，必食首選潮汕生醃蟹（$189）！一上枱已經嘩一聲，蟹肉好似雪糕咁滑，醃得超入味，蒜香同醬油味平衡得啱啱好，食落鮮甜到不得了，絕對係返嚟再食之選！潮汕炸蠔餅（$89）即叫即炸，熱辣辣上枱，外皮脆到不得了，入面啲蠔仔又多又juicy，點少少魚露簡直係完美配搭。鹵水拼盤（$99）都好足料，大腸滷到好淋好入味，墨魚爽口，鵝片又唔會太鹹，送飯一流！另外孜然高原羊排（$149）都好出色，羊排唔羶，孜然味香噴噴，肉質煮得剛剛好，唔會韌。鮮荔枝球（$39）係驚喜之作，外面炸到金黃色，一咬開入面係流心芝士同蝦肉，鹹鹹甜甜好過癮！最後叫咗個海鮮紫菜炒飯（$89）埋尾，炒飯乾身唔油膩，海鮮料都多，紫菜碎增加咗口感，好滿足～總括來講，「自己人」性價比幾高，尤其是免茶位費呢招真係幾有創意，以後

真系好少寫差評但真系太差太難食同埋服務都好麻麻真系忍唔住要俾comment1.食物質素嗌咗七個餸，真心剩係的兩樣野食OK-滷水炸乳鴿，過於鹹，表皮都唔脆-老香黃雪山包，難食過去超市買急凍叉燒包，個皮完全唔夠酥，個餡好澀冇乜汁水-金魚戲水（湯蝦餃），餡入邊個蝦係Q彈，但係個皮好厚，無味，同埋啲湯完全就係清水+白胡椒-蟲草花紅棗燉烏雞，湯係有味嘅，但係就真係冇烏雞味，成盅湯得兩件雞，怪唔得出唔到雞味-鰻魚粢飯，真心係好l鹹，鹹到連鰻魚都食唔晒…-福果芋泥，唯一好味嘅嘢…唔多點評-沙嗲鵝腸，都OK嘅，但係鵝腸未完全清走啲肥油，有幾條係要自己鏟走啲油脂…2.上菜速度成餐飯係好似食緊dinner set咁上一碟，食完，先再有下一碟…真心唔明尤其係鰻魚粢飯，等咗成30幾分鐘先上到3.服務成間餐廳有好多個服務員，但係每次想嗌服務員都冇人睇到舉手，明明就喺枱前有五六個，個個都好似好忙，唔知喺度忙緊乜應該唔會再來食

睇到d foodie 介紹可以帶寵物去但得4張枱 所以一朝早打去問有冇得訂位職員表示只可walk in山長去遠去到 見到有空枱一問職員 有人留左位？我問一個鐘前打黎又話只可walk in點解到現場又可以留位？？？職員支吾其詞 一時又話客人去左廁所一時又話客人行個圈15分鐘返黎安排混亂 浪費客人時間！奉勸各位諗住帶寵物去食野嘅家長要有2nd plan就算你walk in見到有位都未必比你坐

我由AIRSIDE自己人開張以來，去過三次食飯，次次都好失望。第一次去我地在OpenRice 訂座，準時去到都要等好耐先入得。我哋五個人坐喺近門口嘅位，天花板不停滴水，搵職員反映都冇改善。食食下仲有個師傅喺我哋後面鑽野，lunch hour 有人食緊嘢嘅時候嚟鑽嘢？第二次去，我發現竟然冇幫我儲積分，好彩有留返張單。第三次去食，餐檯冇擺匙羹，我地有叫到炒飯，呢樣都算小事。最令人頭痛係佢哋嘅行政管理超混亂。迎新優惠搞到好複雜，條款完全冇說明清楚，撳入去得個QR code，第一次去仲未知有會員優惠；第二次去嗰陣收銀完全唔識點做，等個女職員過到嚟話原來要落單前同佢哋講要用迎新優惠，埋單時講喺唔得㗎；第三次去師傅話整唔切點心淨係得檸檬茶，咁果陣點解點心未售罄仲可以比人落order？嘢食係好食嘅，點心半價嘅話係幾抵食，但要比返正價嘅話我唔會去食囉。

今日嚟到啟德airside食飯，朋友介紹咗我嚟呢間新派潮州菜館- 自己人。食肆環境闊落時尚座位舒適，點心精緻，菜式新穎，有傳統茶亦有手搖飲品，傳統與時尚集於一身，絕對係打卡新潮點。金魚戲水：金魚戲水係湯蝦餃，造型超可愛，皮薄餡靚蝦肉彈牙 ，金魚於高湯暢泳非常吸精，打卡一流。鳳梨雀仔：可愛雀仔造型，外皮酥化，鳳梨甜酸到適中。羊肚菌燉螺頭：湯頭清澈透亮，羊肚菌與螺頭嘅鮮味完未配合， 令人忍唔住一口接一口。螺頭鮮嫩彈牙，湯頭鮮味濃郁，營養價值豐富。抱抱蝦餃：皮薄晶瑩蝦肉 爽口彈牙，一帶一小蝦餃造型好可愛。椒鹽鮑魚：大大隻厚身鮑魚，肉質彈牙鮮甜，調味恰到好處，非常惹味。百花紫菜酥：紫菜薄脆香口，有蝦膠墨魚膠粟米粒，墨魚膠嘅柔滑和蝦膠嘅彈性互相融合，充滿海鮮嘅鮮甜，添加咗香甜粟米令到整體口感更豐富。佛跳牆灌湯餃：外觀精緻，湯餃皮薄透亮餡料豐富，湯汁鮮甜美味。

餐廳裝修簡潔中見時尚，位於airside嘅7樓，居高臨下，窗邊卡位勁好view，坐得舒服。🥢鳳梨雀仔3件$39造型好可愛，外皮鬆脆，鳳梨餡料綿密中帶有纖維感，清甜唔膩。🥢金魚戲水(湯蝦餃)2件$49胖胖兩條金魚，打卡度高，餃皮煙靭Q彈，蝦肉餡料充實飽滿。🥢黑蒜蝦燒賣3件$49燒賣質地爽彈，帶黑蒜嘅甜香又juicy。🥢麻葉煎餃(普寧豆醬麻葉)3件$49餃皮煙靭Q彈，餡料充滿juicy嫩滑嘅麻葉，不油不膩，食落幾清新。🥢抱抱蝦餃3件$49蝦餃仔好cute，無論餃仔定餃媽都滿滿爽彈juicy蝦肉。🥢潮汕炸蠔餅$89外面脆卜卜，內裡軟嫩，蠔肉鮮甜juicy。🥢桂花黑醋海鱸魚$189海鱸魚已經拆肉，每件都炸到超香脆，甚至連魚尾都脆卜卜，而且份量都唔少。🍯福果桃膠薑薯$39Q彈福果、軟滑桃膠、綿密薑薯、煙靭芋丸以及甜香椰汁嘅配搭，好滋味。🍯酒釀丸子$49丸子軟糯Q彈，帶淡淡嘅酒香及桂花香，清甜潤喉。🍹手打鴨屎檸檬烏龍$39鴨屎檸檬配烏龍夠清新。🍹黃皮茉莉茶冷萃咖啡$36喜歡咖啡但又怕苦嘅朋友呢杯飲品超推介，有咖啡香之餘又唔苦，仲好有黃皮嘅酸甜香及茉莉茶嘅清香。🍺古血派深色啤酒$39香港製造嘅手工啤

味道係好嘅，不過安排有啲混亂。OpenRice book咗，再打電話去confirm 會帶狗狗，電話中staff話見到有booking，不過book咗到時都可能要等等。ok冇問題。去到，reception話狗狗係冇得book枱嘅!我話之前打電話嚟confirm過話OK喎。reception問：「吓？邊個話㗎？」我唯有坦白咁答：「我冇問佢叫咩名喎⋯」雖然係咁， Staff都盡量安排，仲開多幾張枱俾幾台狗狗客。點心選擇唔多，不過小炒頭盤嘅選擇都算多，仲有燉湯。為咗食中菜點心未必會再嚟，但如果同寵物同行想食中菜，呢度都係一個選擇。

之前食過荃灣分店既【自己人】❣️食過一次已經要帶埋屋企人去encore！好開心最近啟德AIRSIDE都開左新分店😍即刻要幫襯下🥢餐廳裝修得好靚，空間感大！有色彩繽紛既壁畫🎨充滿設計感❤️窗口位有落地大玻璃，可以一邊用餐一邊睇到出面既靚景🪟✨❥ 潮汕滷水炸乳鴿 $49乳鴿夠大隻，外皮香脆！咬落口超多肉汁💥好惹味😋❥ 潮汕炸蠔餅 $89炸蠔餅外脆內嫩，口感超好，充滿蠔既香味！🦪✨ 裡面既蠔肉份量多，粒粒都肥美新鮮又多汁，搭配少少辣醬真係提味又香口😍正😛❥ 豆漿蟹肉番薯葉苗 $89豆漿既香氣搭配蟹肉，仲有番薯葉嘅清新，食落特別開胃🥬😚蟹肉份量比想像多🦀蟹肉既鮮甜同豆漿嘅濃郁交融，口感層次分明！同屋企人食好適合點碟菜一齊share～夠大份🤣❥ 抱抱蝦餃 （3件） $49呢碟蝦餃有點可愛(⁎⁍̴̛ᴗ⁍̴̛⁎)每一啖都彈牙，蝦肉鮮美❤️餃皮薄透，包住豐富既蝦餡，咬落去即刻感受到蝦肉既鮮甜！食唔停口🦐❥ 鳳梨雀仔 （3件） $39賣概可愛到爆，有埋個雀籠，好啱打卡🤭📸味道酸酸甜甜，搭配鬆脆的外皮，口感一流🍍食落唔會太甜，岩岩好💕❥ 金魚戲水（湯蝦餃）（2件） $49必點🌟呢個湯蝦餃真係可愛到爆，外形似金魚🐟，賣相

啟德airside 新開潮式中餐館8月31 前11am-4pm「點心」有半價餐牌上有十多款點心其餘一律正價推介麻婆豆腐小籠包：一咬爆汁魚香茄子：似鹹水角 但內餡真係魚香茄子雪茄：造型好似 用黑芝麻扮煙灰 仲用個煙灰缸裝住其實係春卷 內餡係水煮魚茶位$15 per head但冇得揀茶葉話只有鴨屎香 但壺茶超級淡完全冇味新張期內好多staff但唔主動 語調唔太友善好多時都講「等陣」就無左回事隔離枱二人枱叫左好多次都無上到壺茶點心味道唔差賣相精緻但點心價錢係同區算進取 多數$49如果服務跟唔上正價就未必再去

可以講係創意點心 每樣點心餡料都唔係平時吃嘅餡但有點虛有其表,啱打卡,味道就真係一般般炸蠔餅• 啲蠔仔喺曬中間,側邊圍邊嘅全部都係粉漿黑蒜燒賣•三粒燒賣三隻皮唔同顏色 以為三個不同嘅味道,但其實一樣,係會食到有黑蒜味嘅有鵝肉嘅天鵝•個酥皮麻麻地,鵝肉都係麻麻地紅色粒荔枝•入面嗰粒蝦同埋啲芝士就真係鼻屎咁大粒金魚湯餃•蝦肉夠多算係最正常一樣乳鴿•比正常嘅乳鴿細隻少少,未做到好食地步雪茄春捲•酸菜魚口味,有酸菜魚汁但魚肉一條絲咁紅色波波球•入面係黑松露味嘅雜菌,就係咁樣啦，一塊包住黑松露著什菌總括：外皮表係靚，不要追求味道。 新張期間做緊點心半價,但原價都成60蚊 點心款式得十款 我都叫左6款

家人都愛吃中菜，聽說啟德新開了一間新派潮州菜「自己人」，趁著機會就約埋一齊去試試！餐廳裝潢時尚又有點點特色，環境設計現代感中又不失傳統味道。食物方面，除了傳統的潮州菜，還有餐廳的創新元素，讓客人帶來一些新鮮感。1️⃣金魚戲水(湯蝦餃)🍽️外形可愛，內餡鮮甜，蝦肉彈牙，有點驚喜。2️⃣黃皮燉鮑魚🍽️湯頭帶酸，令人開胃。3️⃣滷水鵝件🍽️滷得入味，鹹香濃郁。4️⃣佛跳牆灌湯餃🍽️外皮薄，內餡豐富，湯汁濃郁鮮美。5️⃣紅寶石粉果🍽️香菇及黑松露，散發出陣陣菌菇味。6️⃣沙嗲鵝腸🍽️鵝腸彈牙，沙嗲醬料，香氣四溢。7️⃣滷水大墨魚🍽️大大塊的墨魚，略厚一點，有嚼勁。8️⃣鳳梨雀仔🍽️得意有趣造型，賣相吸引。9️⃣福果芋泥🍽️細膩香甜的芋頭，入口即化。🔟金玉滿堂🍽️香芋及番薯的配搭，顏色吸引，味道甜甜的。

Airside 最近新開咗間潮州 fusion 餐廳「自己人」，啱啱試完，感覺幾特別！而且依家新開張，所有點心半價，真係抵食好多！ - 潮汕滷水炸乳鴿（$49）：鴿仔外層炸到金黃香脆，入面仲保持到嫩滑，滷水味滲晒入肉，好香口。 - 黃皮燉角螺（$69）：湯底好清甜，飲落有陣陣果香，角螺爽口彈牙，幾有特色。 - 滷水鵝件（$99）：鵝肉入味，油脂分布啱啱好，滷香濃郁又唔會死鹹。 - 豆漿蟹肉番薯葉苗（$89）：好有 fusion feel，用豆漿做 base，入口滑溜，蟹肉鮮甜，番薯葉苗又保持到嫩綠清香。 - 天鵝酥（汕頭滷水鵝肉）3件（原價$59，半價）：賣相精緻到唔捨得食，天鵝造型好靚，鵝肉餡香濃。 - 雪茄春卷（水煮魚）3件（原價$49，半價）：外皮脆卜卜，好似食西式小食，但入面有水煮魚嘅香辣鮮味，好有驚喜。 - 金魚戲水（湯蝦餃）2件（原價$49，半價）：打卡必點，蝦餃整到似條金魚咁游水，蝦肉爽甜，視覺味覺都滿足。 - 魚翅撈飯（位上）（$169）：飯粒鑊氣足，魚翅增加咗少少高級感，幾飽肚。 - 鮑魚東坡肉飯（位上）（$129）：東坡肉煮得腍身入味，配埋鮑魚夠晒

見新開張做緊點心半價， 一於入去試吓！裝修靚靚，座位夠晒闊落，坐得舒服我哋點咗：🌟 金魚戲水（湯蝦餃）一對金魚，就好像在池塘中游泳一樣，入面有爽口彈牙嘅蝦肉，配上池塘嘅湯汁，無論視覺同味覺一樣咁享受呀！🌟 鳳梨雀仔雀籠入面有三隻金絲雀，造型精緻，其實喺鳳梨酥來的，有好多鳳梨肉，唔會太甜🌟鮮荔枝球（蝦粒、芝士）造型係新鮮荔枝，又圓又大。外層脆皮為粒粒脆米，入面喺芝士蝦粒，相當有特色🌟 紫蓉八爪魚八爪魚造型嘅紫薯包，造型可愛，紫薯蓉好滑好香，甜度剛剛好🌟 佛跳牆灌湯餃大大隻灌湯餃，入面有海參、花膠、瑤柱、魚翅、鮑魚等名貴材料，配上湯汁一起吃，夠晒鮮味🌟 潮汕炸蠔餅食潮州菜又點少得蠔餅？蠔餅炸得好酥脆，入面嘅蠔好大隻，配埋辣椒醬同魚露一齊食一流🌟 潮汕滷水炸乳鴿既有滷水嘅味道，又有炸乳鴿嘅香口，皮脆肉嫩🌟滷水鵝件滷水汁夠香，鵝肉唔太肥又唔太瘦，肉質夠腍🌟 鮑魚東坡肉飯（位上）鮑魚同東坡肉炆到好腍，加上甜甜哋嘅鮑魚汁撈飯一流呀🌟 羊肚菌燉螺頭這個燉湯非常鮮甜，螺頭及羊肚菌嘅精華喺晒湯入面，滋陰養顏🌟 福果桃膠薑薯椰汁底嘅糖水，入面有桃膠、番薯、芋頭、芋圓等等，非常滋潤整體食物又靚又好食，令人賞

自己人GAGINANG是新派茶樓，融合了現代感與傳統元素，給人耳目一新的感覺。藝術感十足的牆面畫作，增添時尚氛圍。得意點心融入創意設計，以可愛的造型呈現，從暢泳金魚餃、可愛🦜鳳梨雀仔、到圓碌碌荔枝球，😍讓人一眼就想品嘗。🐠金魚戲水（湯蝦餃） 在水中暢泳的小金魚，維肖維妙。咬開煙韌的外層，內餡彈牙鮮美的蝦肉，鮮香美味。♨️鮑魚東坡肉飯（位上）東坡肉慢火煨製，軟腍香糯，油而不膩，配搭鮮味的鮑魚，鮮香四溢。在米飯倒上濃厚的醬汁，香甜滋味，風味極佳。🦜鳳梨雀仔（3件）可愛籠中雀仔，是酥脆的鳳梨酥，內餡填滿酸甜可口的鳳梨，清新的果香，甜而不膩。🍒炸荔枝球 蝦球外型酷似荔枝，炸至甘香吸引，蝦粒碰上濃郁的芝士，爽口彈牙，帶有淡淡的甜香。🔥潮汕滷水炸乳鴿外皮炸至香酥可口，肉質鮮嫩，滷水的香氣滲透，豐潤多汁，口感豐富。😋潮汕炸蠔餅酥脆的外層，包裹著白滑的蠔肉，蛋香濃郁，蠔仔肉汁鮮甜，沾上魚露，更加吸引。💕滷水鵝件鵝肉嫩滑，鹵得好入味，散發醇厚滷水香，豆腐口感滑順，又香又滑，充滿地道潮汕風味。🍞老香黃雪山包雪白色的叉燒包，惹味的叉燒粒，由鬆軟的包緩緩流出，令人回味。🧇台灣肉鬆飛餅（2件）薄餅油香四溢，包裹著