自家製韓國刀削麵 (山林道)

營業中

休息中

今日嚮尖沙咀收工，心血來潮去山林道行下。晚上黃金時段，昔日尖沙咀食街的人流不算太多，餐廳都比記憶中少。走到街道近乎盡頭，見到一間人流較多的小店 - 自家製韓國刀削麵。山西刀削麵就食得多，韓國的就未試過，望著店多張貼的食物照片，和記憶中在灣仔見過大排長龍的分店，就決定試試！點菜後不久便端上一碟泡菜，沒多久蒸餃和刀削麵都到齊了。效率真高👍🏻雙拼餃子餃子有兩款 - 大豬肉餃子和大泡菜餃子，單拼雙拼同價。我選了雙拼，可以一次過試兩款口味。餃子份量很足，難怪要在餃子前加個大字。我個人偏愛大豬肉餃子，餃子裡除左豬肉, 還有粉絲和香菜, 配料豐富。香菜襯托出豬肉的香味, 入口有滿滿的肉汁, 令人回味無窮!泡菜餃子除了豬肉的香味上, 再加上泡菜的味道, 酸酸辣辣的, 非常開胃。花蛤刀削麵花蛤刀削麵的配料豐富, 除了花蛤之外, 還有紫菜, 翠肉瓜, 冬菇, 還有蛋絲 。花蛤份量不少，每一粒都很鮮甜！拉麵入口煙韌彈牙。 刀削麵配上鯷魚湯底, 湯汁均勻地掛在麵條上，每一口都品嘗倒滿滿的鮮味！ 可以說是色香味俱全!牛骨湯刀削麵牛骨湯刀削麵亦係配料豐富, 有牛肉, 紫菜, 冬菇, 還有蛋絲 。 值得一讚係佢的湯

自家製韓國刀削麵，位於尖沙咀山林道，周圍非常之多餐廳唯獨呢間有啲爆滿，實有原因嘅😍店舖唔係好大，企理，韓國刀削麵🇰🇷自家製，泡菜蔥花任添，價錢親民👍🏻雙拼餃子，連蒸籠上枱🥟同一般見到嘅長條型韓式煎餃唔一樣，大大粒嘅蒸餃，大豬肉餃子，皮薄，餡入邊有韓式餃子必備嘅粉絲😄餡好多，整體都好好味😋大泡菜餃子，豬肉餃子上多咗少少泡菜味，唔辣，都唔錯😌雞髀刀削麵，牛骨湯底，味道清得嚟好夠味，飲落好舒服🫶🏻刀削麵都係拉麵咁嘅款，較為粗，但都幾掛湯、幾彈牙😎仲有薯仔，食下溶下令到個湯濃稠左👍🏻高質嘅韓式麵，原隻雞髀肉都幾嫩滑，連埋湯一齊食好味😻辣拌刀削麵，超吸引嘅賣相🤩撈勻晒啲紫菜、蛋絲、伴菜、辣醬同麵之後一齊食，口感豐富，辣醬辣得來幾爽🤤開胃又好味，麵條咁食特別彈牙，風味一流🤞🏻相當唔錯既韓國麵專門店，專心做好湯、麵同風味🇰🇷有心機係入面，鍾意韓風既點都要試下！🥳

平時食韓國菜多數都係烤肉、泡菜鍋、石鍋飯，但今次喺山林道發現咗一間主打自家製刀削麵嘅韓國餐廳，感覺幾特別，喺香港比較少見，所以特登去試吓佢嘅招牌菜。結果真係冇失望，整體水準非常高！花蛤刀削麵一試完呢道就知道，呢度嘅刀削麵係真材實料。麵質夠彈牙，仲帶住陣陣麥香味，口感好有層次。湯底係清清地嘅口味，唔會太重，啱啱好可以襯托出花蛤嘅鮮味，兩者味道平衡得非常好。花蛤份量亦都好足，啖啖都有滿滿嘅鮮味，呢道真係必試之選！炸醬麵炸醬麵係用返同樣自家製嘅刀削麵做底，整體味道同韓國本地食到嘅一模一樣，好濃郁但又唔會太鹹，黐埋刀削麵嘅醬汁，每一啖都充滿韓國嘅味道，正宗得嚟好滿足！如果你係韓國炸醬麵嘅粉絲，呢個一定唔會令你失望。牛肉蔥煎餅煎餅係一個好驚喜，煎得非常香脆，外層薄薄脆脆，咬落去滿口係牛肉嘅香氣同埋蔥嘅清甜味。呢個配搭好簡單，但完全凸顯咗食材嘅質素，食完一塊仲想再加單。整體嚟講，呢間餐廳係一個好值得推介嘅選擇，特別對於鍾意韓國料理或者想試吓少少唔同嘅朋友嚟講，呢度嘅自家製刀削麵真係一個好特別嘅體驗！

花蛤刀削麵 $68刀削麵唔覺得特別有咬口，定韓式係咁樣（第一次食唔太肯定）。加上花蛤全部都有沙…唯一一樣個湯底係鮮同清嘅！海鮮韭菜煎餅 $68餅好厚，唔脆但油，咁岩食到個一塊得一條韭菜雙拼大豬肉餃子 $58豬肉餃子好大隻，有手掌size！皮係有咬口同餡料有調味，泡菜味會辣辣哋#food_dai_tst🧑🏿‍🍳自家製韓國刀削麵 (尖沙咀)🍽尖沙咀山林道46-48號運通商業大廈地下20-27號舖#飲食 #美食 #食評 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #搵食 #食好西 #香港美食 #記錄 #尖沙咀美食 #窩夫 #甜品 #cafehk #cafe #coffee #coffeeshop #韓國菜 #刀削麵 #韓式蒸餃

第一次試自製韓式刀削麵，平日晚市都滿座，但流轉得好快🥢牛骨湯刀削麵湯色奶白，表面有少少油花，聞落已經有牛骨香氣。麵條入口煙韌，湯底飲落去超級順喉，牛骨味濃郁得嚟又唔會太膩，帶住啲清甜🥢雞髀刀削麵大大隻雞髀橫躺喺麵面，皮滑肉嫩，色澤金黃。麵條同樣係即削，帶有手工感。雞湯湯底清澈，飲落去充滿雞香，帶少少油香但飲完唔覺膩。雞髀肉質滑溜，雞皮帶少少啫喱感，咬落濕潤鮮嫩。雞湯浸住麵條，啲麵吸晒雞湯，食落去夠哂鮮甜🥢雙拼餃子 - 大豬肉餃子+大泡菜餃子每隻餃子都大大粒，紮實飽滿。大豬肉餃子皮薄餡靚，豬肉餡調味啱啱好，帶微微蔥香，肉質彈牙，唔油膩，大泡菜餃子咬落去微辣，泡菜香氣撲鼻，帶出爽脆口感

本人其實第一次食韓式的刀削麵😆。今次的餐廳係香港第一間韓國刀削麵店來！一於食下好唔好食先😏。 餐廳位置唔多只有五至六張枱，簡潔風的裝潢牆身有一邊印上一幅韓國夜景的畫，另一邊掛上了幾塊印上主打食物的木牌。 以下是跟友人點選的食物： 🦪花蛤刀削麵 Noodles Soup With Clams一碗湯底清澈面層曬滿蛋花、紫菜花和蔥花，配料有冬菇，韭菜內層藏著十幾二十多粒的花蛤十分豐富，營養價值高。未食先飲湯，湯底充滿了花蛤的海鮮鮮甜味和海鹽味。刀削麵份量都幾多，麵質煙煙韌韌跟湯底味道相當配合，食完整個人都好暖笠笠😬。 🐮牛骨湯刀削麵 Noodles Soup wit Ox Bone Broth面層同樣曬滿蛋花、紫菜花和蔥花，配料有冬菇，韭菜。奶白色的牛骨湯底充滿鐵質的營養價值。湯底味道幾香有淡淡的牛味而不油膩。牛肉味道濃，肉質唔韌唔“鞋”口容易咬開。 🥟雙拼餃子 Half and Half Jumbo Mandu分別是大豬肉餃子和泡菜餃子口味。韓式餃子跟中國式的餃子大不同，韓式的餃子是大大粒的。 大豬肉餃子味道：餡料的粉絲韭菜和豬肉相當充足擠滿了整個餃子內層，可以話啖啖肉韭菜味道剛剛好唔會過

為食花太郎 Fafafoodblog 🍴鯷魚刀削麵 78 蚊🐟鯷魚既魚味清得黎好香濃 魚味濃 個麵好爽口 自家製麵。蛋味香有口感 高質🍴牛骨湯刀削麵78 蚊🐂牛肉味香濃 有牛展肉 冬菇葱花紫菜等等 就甘落d胡椒同鹽就好好味 🍴牛肉葱煎餅68 蚊🐂牛肉切碎左d肉味滲哂落餅度 煎餅夠香脆 帶d葱香味 點d辣醬同醬汁就好好味#刀削麵 #韓國菜 #煎餅 #牛肉 #牛骨湯 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#自家製韓國刀削麵尖沙咀山林道46 至48 號運通商業大廈地下20 至27鋪~~~~~~~~~

朋友想食韓國麵，諗起佐敦有間韓國菜，之前食過一次性價比好高，仲係香港第一間韓國刀削麵，超級地道。花蛤刀削麵 ($78)呢款都算係招牌麵，花蛤鮮嫩juicy，而且份量幾多，刀削麵煙韌彈牙，煮得軟硬適中，食落有嚼勁又滑溜，而且湯底好清甜，蜆味濃郁醋雞刀削麵（凍） ($78)刀削麵冷食帶彈性，醋汁酸香令湯汁少少似水冷麵果款，雞肉絲嫩滑，仲有白蘿蔔絲同雞肉混搭，入口清新又有層次，適合夏日享用雙拼餃子 ($78)餃子size非常大，同時做到皮薄餡嫩，蒸得軟腍彈牙，有豬肉餡同泡菜餡，泡菜餃子辛辣開胃，豬肉餃子肉味香濃，同朋友share食都好滿足📌自家製韓國刀削麵 (尖沙咀)地址：尖沙咀山林道46-48號運通商業大廈地下20-27號舖

見網上好評特登黎試豆汁麵🤭坐低就有泡菜(free)大豬肉餃子 $58網上睇依間啲餃子好大粒一份有四粒 真係有成隻手指咁大豬肉餡好多 調味都岩岩好 好味😋牛骨湯刀削麵 $78主食叫左一碗多人推介既牛骨湯刀削麵湯底唔錯👍幾清 麵身好煙韌 粗幼適中 仲跟左幾片牛好夠飽豆汁冷麵 $78另外夏日炎炎都試左碗冷麵用豆汁做底 好期待～麵身都一樣係煙韌既刀削麵豆汁好～濃～郁～ 好似即磨咁 真材實料依款幾特別鋪頭唔算大 好早已坐滿哂好在turnover都算快 門口keep住有人龍去開山林道可一試！

尖沙咀山林道有好多唔同嘅餐廳cafe可以選擇，韓式美食餐廳都唔少。今晚經過就揀咗呢間「自家製韓國刀削麵」試吓。餐廳裝修簡約，坐得舒服。佢哋嘅自家製泡菜我個人覺得好好味。🍜 花蛤刀削麵刀削麵Q彈有勁，最讚嘅係花蛤份量多，成碗湯底清甜又鮮味，推呀！🍜牛骨湯刀削麵呢碗牛骨湯底味道濃郁，牛𦟌軟嫩入味，整體口感味道都唔錯。🫓五花肉泡菜煎餅賣相望落去有啲似中式年糕，不過味道完全唔同。泡菜煎餅煙煙韌韌，五花肉唔油膩，口感幾特別。

今日去咗尖沙咀試香港第一間韓國自家製刀削麵，一坐低就見到個menu好吸引，即刻點咗牛骨湯刀削麵、花蛤刀削麵同雙拼餃子～首先講個牛骨湯刀削麵，個湯好濃郁，牛味好重，飲落好溫暖。塊牛肉好入味，又淋又滑，刀削麵好有嚼勁，食落好過癮😋花蛤刀削麵個湯好鮮甜，花蛤好新鮮，冇沙，麵條同牛骨湯個款一樣彈牙，兩款湯底各有特色，都好好食～跟住到雙拼餃子，個餃子真係拳頭咁大，好足料！餡料好香，咬落去juicy juiey，食一個就好有飽足感🥟埋單的時候，總共235蚊，以呢個質素同份量嚟講，真係好抵食～間鋪頭雖然唔算好大，但係好乾淨，服務員態度都幾好，好親切～如果大家鍾意食韓國嘢，又鍾意食刀削麵嘅話，呢間店一定要試下，真係唔會失望架～

尖沙咀有間韓國餐廳，專注於刀削麵，吸引咗唔少食客，氣氛輕鬆。雞脾刀削麵🍜 湯底係用牛骨湯煮出嚟，刀削麵自家製，口感彈牙，真係好推介！雞脾肉質鮮嫩，配合湯底，味道非常入味，令人一試成主顧。炸醬麵🍝 醬汁味道濃郁，麵條滑順，食落去每一口都充滿驚喜，簡直係絕配。五花肉泡菜煎餅🥓 煎得香脆，五花肉同泡菜搭配得天衣無縫，口感層次豐富，吃完都想再來一份。自家製韓國刀削麵 📍山林道46-48號運通商業大廈地下20-27號舖 ______________________________ 唔好走住，記得follow 同like依個post ______________________________ #eilidh #foodie #自家製韓國刀削麵 #尖沙咀 #韓國餐 #刀削麵 #美食 #香港美食 #食評 #餐廳推薦 #美味 #泡菜 #煎餅 #麵食 #牛骨湯 #美食探索

想食地道又高質嘅韓國嘢，除咗燒肉炸雞，其實呢間自家製韓國刀削麵都超值得一試㗎🍜 
呢間小店喺山林道，雖然唔算大間，但啲嘢食真係好有驚喜！🥩 牛骨湯刀削麵：呢個係佢哋嘅招牌！牛骨湯底熬到奶白色，味道超濃郁但又唔會死鹹，配埋自家製嘅刀削麵，真係好正！刀削麵口感好Q彈，食落好有咬口，吸晒啲湯汁精華，真係停唔到口！🐚 花蛤刀削麵：如果你鍾意海鮮，呢個花蛤刀削麵就啱晒你！花蛤隻隻都好新鮮，湯底帶有花蛤嘅鮮味，清甜得嚟又好惹味，好似將大海嘅味道食晒落肚咁！🥟 雙拼餃子：點可以唔試埋佢哋嘅餃子？叫咗個雙拼餃子，一次過試晒泡菜同豬肉兩種口味！泡菜餃子辣得好過癮，豬肉餃子就肉汁豐富，兩款都好好食！呢度嘅氣氛好地道，好似去咗韓國嘅小店咁，下次一定要帶多啲朋友嚟試吓！💯

🍜 牛骨湯刀削麵湯底以牛骨精華熬製，乳白色湯頭濃郁醇厚，香滑滋補。刀削麵厚實有嚼勁，吸附湯汁後更添風味。搭配牛肉片、海苔絲、蔥花與雞蛋絲，層次分明，清爽中帶出濃香。🌶️ 江陵辣大醬湯刀削麵以韓國大醬為基底，各種辣椒醬調成的湯頭辛辣濃厚，帶有發酵豆醬的獨特風味。手工刀削麵煙韌彈牙，吸收湯汁後辣中帶香。配料有洋蔥、青蔥與蔬菜，口感豐富，味道較濃厚。🥟 雙拼餃子韓式豬肉大餃子飽滿Q彈，肉汁豐富；泡菜餃子皮薄餡香，以泡菜、粉條、豬肉為主，酸辣開胃，製喜歡！

餐廳地理位置好，裝修簡約乾淨。店員友善態度好。作為第一間韓國刀削麵，餐牌以刀削麵為主，另有餃子、煎餅等小食，價廉物美。難怪客似雲來。 ✦ 花蛤刀削麵花蛤味道鮮甜、冇沙，而且份量多，一配十幾隻。湯底清甜鮮香，有海鮮餚製嘅感覺，幾impressive。刀削麵有口感，彈牙爽滑。另有紫菜、鮮冬菇、蛋絲作為配料，賣相精美。 ✦ 海鮮韭菜薄餅上枱熱辣辣，外皮香脆，內裡口感煙韌。每塊都夾雜海鮮，主要係大大塊魷魚，好足料。 值得一提，店員不斷refill泡菜，亦為食客換水，好attentive。