自家人酒家

營業中

休息中

就剛剛發生，落街去買個燒味飯，比完錢過燒味部比張飛，冇人？跟住見到個師傅廚房拎住個垃圾桶出嚟，未笠垃圾袋，即係剛掉完/換新啦，好喇，見佢換完過嚟睇張飛，就擰轉頭攞個外賣盒想裝飯，心諗，唔係呀？！你完全冇諗住洗手先架？！跟住我就出聲喇：師傅，唔該你可唔可以洗洗手先呀？個師傅背住我但見到佢定左定窒一窒，跟住先單手洗佢隻左手？！心諗你又嚟？你一洗唔洗兩隻？！佢都係求其用水沖下，跟住佢擰轉面臉同語氣都帶不滿個向樣下隻左手：拿，洗左啦，洗左啦，得未？限住我出聲：師傅你依家好不滿呀？！你掂完污糟野你冇意識我要求你洗手先有問題呀？！呢啲基本個人衛生嚟架！跟住佢斬完個雙拼，食具入袋後我拎左後，佢都依然係眼超超睥住我走。我平時好少何會投訴，但大佬呀！食肆嚟架！你做燒味係親手掂到啲食物架！一啲個人衛生意識都冇！都預咗佢悔氣咁出品架喇！如果唔見換左呢個燒味師傅，濃眉細眼！我之後都唔會再去幫襯，無錯，少我一個唔少。

就剛剛發生，落街去買個燒味飯，比完錢過燒味部比張飛，冇人？跟住見到個師傅廚房拎住個垃圾桶出嚟，未笠垃圾袋，即係剛掉完/換新啦，好喇，見佢換完過嚟睇張飛，就擰轉頭攞個外賣盒想裝飯，心諗，唔係呀？！你完全冇諗住洗手先架？！跟住我就出聲喇：師傅，唔該你可唔可以洗洗手先呀？個師傅背住我但見到佢定左定窒一窒，跟住先單手洗佢隻左手？！心諗你又嚟？你一洗唔洗兩隻？！佢都係求其用水沖下，跟住佢擰轉面臉同語氣都帶不滿個向樣下隻左手：拿，洗左啦，洗左啦，得未？限住我出聲：師傅你依家好不滿呀？！你掂完污糟野你冇意識我要求你洗手先有問題呀？！呢啲基本個人衛生嚟架！跟住佢斬完個雙拼，食具入袋後我拎左後，佢都依然係眼超超睥住我走。我平時好少何會投訴，但大佬呀！食肆嚟架！你做燒味係親手掂到啲食物架！一啲個人衛生意識都冇！如果唔見換左呢個燒味師傅，濃眉細眼！我之後都唔會再去幫襯，無錯，少我一個唔少。

叫咗午市套餐$178，個福建炒飯賣相味道一般，諗住食唔晒打包走，就向侍應取外賣盒，拎到埋嚟見到咁細個外賣膠盒仔一定唔夠裝，即刻同個侍應講，侍應死口話四四方方實夠裝，又唔肯拎個大啲嘅發泡膠盒轉身就走咗去，結果個膠盒當然係唔夠裝啦，搵返嗰個侍應，佢望一眼講句「唔夠裝呀，咁買多個盒囉」問佢拎個大啲嘅發泡膠盒，佢仲要企硬話樓面唔會拎發泡膠盒比客，真係違反常理莫名奇妙，咁食客就唯有無奈貼錢$4買兩個膠盒($2/個)。其實餐飯最尾個侍應呢啲咁唔合理嘅做法真係令人覺得整個用餐體驗好差好無奈。

星期三偷到時間下午茶🥰朋友介紹好耐無飲茶！佢係商場地鋪所以行過去有點熱，但去到坐滿人咁濟😆見到佢地話「食物保証新鮮」，就衝左入去！果然無失望👍🏻蘿蔔糕大大件，不過煎得少少軟身炸春卷色水麻麻地，但一咬落去好正呀！熱熱地仲脆卜卜🤭好好味叉燒腸入面嚿肉好大下🤣幾正好耐無食燒餓瀨，都不錯啊😌！兩個人食左六樣野（食食下吾記得影相）～飽飽好滿足但留意，可能人多所以上菜時間都吾快，如果趕時間就未必岩🥲

政府宣布唔需要掃安心出行和疫苗通行證，就約朋友一齊出去飲茶。就係附近美樂花園嘅自家人酒家。叫咗個鮑汁炆鳳爪：花生太淋，冇口感，鳳爪沒有鮑汁味道，唔好食。雪菜肉絲窩米：雪菜唔喊，有九王和芽菜，米粉又多，好大碗，份量十足，夠晒食。自家蝦餃皇：皮薄又幾煙韌，有好大隻蝦，正呀。蟹籽燒賣皇：肥肉和瘦肉比例適中，又有蝦肉和冬菇粒，而且每個燒賣上面都加上蟹籽，好食。𧐢皇鮮竹卷：裏面有木耳絲，紅蘿蔔絲和冬菇絲，加上𧐢汁，非常夾，又爽口。啲枱都隔得幾疏，可以傾吓計，又唔覺得好嘈吵。

天氣凍，晏左起身唔知食咩好…近近地去左附近美樂花園既茶樓，下午茶時間依然枱枱坐滿。兩個人叫左四個點心，燒賣、牛肉腸，豉汁蒸鳳爪同燒鴨湯瀨，食左百四蚊左右。呢度既茶偏酸，之前叫過普洱、鐵觀音都係有浸酸味…不過點心即叫即蒸，碟碟都係熱辣辣上枱，但係燒鴨瀨個燒鴨就凍既，天寒地凍，要夾硬浸落個湯度先叫暖少少😅😅可能夏天無呢個問題枱同枱之間都隔得疏，都幾岩慢慢飲茶，傾下偈。如果唔想行遠，呢間都算係唔錯既選擇🤣🤣

近排肩頸痛，每天早上到公園做拉筋運動。運動後便去飲特價早茶。我們於十一點半前到達，一口氣叫咗五碟特價點心。牛肉腸粉：腸粉皮薄而嫩滑，冇諗到牛肉餡有馬蹄和分量多，好味。。蝦餃：好大隻，蝦肉嫩又多，唔錯。好味道。。薑汁雞包仔：麵包鬆軟，有蝦有雞肉有薑汁，真材實料，好味。。牛肉球：好大粒，好似乒乓波咁大，還有馬蹄粒粒，好飽。比出面酒樓好味啲。粉果：有四粒，蘿蔔粒和花生粒比起其他酒樓多啲啲。味道一般，冇乜特別。。整體嚟講，環境乾淨，食物質素超水準，抵食夾大件，早知㸃心甘大件，我們就柯打少一個點心，我們食到好飽好滿足。

2022.10.01國慶梗係要車埋妳出街…..😬😬😬朋友話要去自家人食烤魚+燒腩仔，可惜燒腩仔一早賣晒，我都估到會冇晒，因為今日係假期，仲好多人、好爆，好彩仲有烤魚…..😋😋😋

2022.09.03嘻嘻！今晚提早食中秋節晚餐…..😬😬😬我哋叫咗四川麻辣烤魚、燒鵝、客家釀涼瓜煲…..😋😋😋個個都食得好開心…..☺️☺️☺️#職員好好禮貌#仲有甜品

下午飲茶，我地開左兩圍坐，因為會直落打麻雀同食晚飯，所以兩點幾去到嗰時，酒樓可以直接開廳房俾我地坐。咁好啦飲茶叫點心，有個望落似係駝背既點心呀嬸送餐，朋友斟茶，佢大聲喝：「嗱縮手呀！淥死冇命賠呀！」我地當堂成頭問號。我地全部大人大姐，明事理，你好聲好氣提一聲，我實就嫁喎，但點解要咁既語氣？佢擺低碟煎堆，我地叫佢剪一剪，同樣一句得埋嚟：「冇較剪！要就自己行去大排檔拎！」明哂。我地幾個女人仔講佢態度差就句句頂住哂，係到幾個男人拍枱先肯收聲，欺善怕惡，態度又差，大家如果想感受咁既服務態度就去食下啦。

時常覺得父親節總是沒有母親節那麼被人重視，但為表孝道是不能厚此薄彼的，節日一於簡簡單單地到了附近酒樓慶祝。今晚坐無虛席，好彩預早訂了位，挑選了幾道家常小菜，美味！😋😋😋燒鵝蒜蓉粉絲蒸元貝冬瓜盅椒鹽鮮魷粟米龍躉班塊菠蘿生炒骨炸大腸：炸得太乾壽桃包和羗汁糕

今日嚟屯門搵朋友拎嘢，大家都未食lunch，就落咗佢樓下睇吓有咩好食😌😌其實呢度附近都有幾間嘢食，不過我哋想坐得舒服啲唔使俾人趕走，所以揀咗飲茶🍵我哋得兩個人，所以叫得唔多嘢食，不過亦都令到我有驚喜喎🤩🤩首先個炸雲吞，上枱時熱辣辣，炸得好脆👍👍藥膳雞腳亦都好揼本，有7-8隻，好入味，藥膳個湯汁亦都好好味🥰🥰我特別特別好鍾意佢呢個燒腩卷，我平時聽就聽得多，公公好鍾意食，但我從來冇食過，因為覺得好肥，應該唔好食🤣🤣，佢呢個燒腩卷一上枱，我就覺得好吸引，熱辣辣不在話下，個包皮好薄，五花腩好大舊，配埋入邊嘅芋頭一齊食，一啲都唔油膩，好好食😚😚。我仲成夠食晒🤣，我下次再嚟一定會再叫

入屯門探朋友，嚟咗呢一間係屋苑入面一間嘅酒樓，估唔到呢一間酒樓性價比咁高，下次可以再嚟👍🏻👍🏻👍🏻招牌拔絲骨- 夠脆，又有拉絲，不錯二食澳洲龍蝦- 而家澳洲龍蝦抵食， 老闆介紹一種新食法， 芝士脆皮龍蝦! 鋪芝士係龍蝦面然後攞去焗脆皮, 皮好脆，啖啖焗脆芝士加龍蝦肉，好正❤️上湯龍蝦伊麵 - 呢個叫俾小朋友冇咁熱氣, 都好食蒜蓉粉絲蒸扇貝- 扇貝係蘇格蘭扇貝，超鮮 又肥好大隻香辣魚煲 - 老闆介紹我哋食呢個新菜, 大廚係喺以前寧記麻辣火鍋過嚟的，可以煮辣嘢一手。 比起出邊食嘅辣魚煲， 個辣味好香，好夠埋，吾會太辣，但個辣幾正，少少食唔停口，自己再加左幾樣配料打埋邊爐 🔥 😋辣酒煮花螺 - 辣野真係一定唔會失望, 辣酒煮花螺又係好夠味 , 正！總括嚟講所有嘢都幾好， 性價比高，有驚喜! 下次可以再嚟👍🏻