臨家麵館

營業中

休息中

大腸沙茶麵自家製沙茶湯底完全冇沙茶醬味，花生味都無，還有些酸酸地，微辣、好奇怪😳大腸得薄薄的5-6片，亦都唔入味我要咗扁粉，咬落去好有咬口，不過好似放咗成啖粉落口咁好難食！紅燒牛肉麵牛肉有啲韌，味道一般湯底都係一般，不過不失要咗扁面，比扁粉好食少少🤏座位好窄，坐得不舒服特別是腳長的人另外冷氣唔夠，所以好熱，食到出晒汗小插曲：我們坐係二人枱正想叫野食，突然叫我地起身，要讓張枱俾四個人，我哋讓咗張枱，坐咗另一張好迫嘅二人枱，隔離嗰張枱嘅人走咗，附近仲有好多二人枱有位，佢都係要安排人坐我哋隔籬張枱，但我哋張枱已經好近走廊，啲人又喺度斟水，已經食得好辛苦不推薦這間餐廳

📍**臨家麵館** — 酸湯控必Mark！今次同朋友殺入元朗，試咗間超有驚喜嘅麵店！佢哋嘅**紅酸湯系列**真係一試難忘，仲要下午茶時段（2點後）送飲品，CP值爆燈💥❤️ 今次試咗兩款招牌湯麵，真係好食到舔碗底😋✨**紅酸湯蚵仔台灣麵** $55一上枱就聞到超香酸辣味🌶️！湯底濃到好似打邊爐湯底咁正，飲落酸香帶微辣，勁開胃～蚵仔又大又鮮甜，完全冇腥味！配料多到嚇親：豬肉碎、雙菇（雪白菇+鴻喜菇）、高級嘅羊肚菌，仲有清爽菜絲同大量芫荽蔥，每一啖都超滿足😍✨**紅酸湯虎皮鳳爪台南扁麵** $51鳳爪控必點！啲鳳爪燜到超入味，一啜就骨肉分離，膠質滿滿💯扁麵掛湯能力一流，索晒酸湯精華，食到最後一滴湯都唔放過！⚠️**小踩雷**：麻辣大腸 $35呢個就真係普通咗啲，味道偏淡唔夠香，可以skip～💡**下午茶攻略**2點後order主食即送飲品🍹，慳返$10幾蚊，性價比超高！建議叫多個朋友share兩款麵，一次過試晒招牌～📍臨家麵館地址: 元朗同樂街31號地舖💰$60-80/人🌟推薦指數：4.7/5（湯底贏晒！）

好味，台灣麵煙煙韌韌，口感一流，魚片好滑，不會有腥味，沙茶醬湯底值得推介👍，環境方面乾淨，同事服務態度好好，很細心，真心推介，價錢合理，下次一定會再同朋友再次幫襯。