影片
🚩 膳廚作為淑女得來又帶少少賣甩嘅我，由我第一日返工嘅時候已經好留意公司附近有冇三餸飯食🥹地舖就唔見有，通常都係好正式嘅餐廳Cafe🥲但點知點知行遠少少嘅工廠就有一間三餸‼️仲要好家庭式，feel到健康嗰一款，馬上gogogo🧡〰️〰️〰️〰️〰️〰️〰️〰️〰️〰️〰️〰️〰️〰️〰️🌈三餸飯 $45✨魚香茄子屋企嘅魚香茄子永遠不及出面好食，所以出街食飯必叫🍆茄子軟淋，肉碎份量俾得好多其他餸都未食，已經冇咗一半飯✨薯仔炆雞偏甜口，不過薯仔已經炆得粉粉爛爛好入味不過略嫌雞翼碎骨偏多✨炒蒜芯蒜芯最緊要夠爽嫩，依個就夠嫩不過爽脆度就爭啲可能係因為要keep住加熱✨蘿蔔牛腩睇色就知入曬味，蘿蔔嫩口無渣✨咕嚕肉酸甜搭配啱啱好，肉肉都係大大舊好得體✨菜心👉🏻所有飯都可以俾你揀炒飯定白飯，超有心！而且仲送埋中湯🍲依一餐令Kyla流下感動嘅淚水🥹
繼續閱讀
間中午餐我都會揀食兩餸飯, 因為可以食多個餸好似開心啲咁, 早幾日發現公司附近工廈樓上新開左間專食兩餸飯既飯堂, 標榜健康無味精, 所以同同事去試下, 上到去有明確指示牌指向飯堂單位, 非常容易就搵到飯堂內部裝修簡約整潔, 感覺乾淨得黎夠光猛首先去餸菜櫃台睇下有今日有咩餸好食, 都有數十款選擇, 最後我地每人叫左三餸飯, 一齊share就可以食到六個唔同既餸啦。而個飯就可以揀白飯或者炒飯, 好少兩餸飯店會有炒飯, 好有heart!我就叫左滷水雞髀、西芹菇菌炒豬肉同粟米豬扒配炒飯, 是日例湯係椰子雞湯, 飲落好清甜既椰子味, 一啲味精都無而揀餸嗰時一見到有滷水雞髀已經嘩左一聲, 仲要勁大隻, 滷得好濃郁, 夠哂入味, 而且食落雞肉仲好滑, 一啲都唔乾, 好好食! 西芹菇菌炒豬肉味道正常同適中, 豬肉有調味過之餘, 口感幾軟熟, 粟米豬扒調味都剛剛好, 好似茶餐廳食到既味道咁, 豬扒醃得幾入味又唔會太咸, 而炒飯味道正常, 係家既味道, 值得一讚既係啲飯食落唔會有陣味, 真係用靚米煮成既米飯, 食完啲餸同個飯完全唔會覺得口渴!我同事就叫左咕嚕肉、薯仔炆雞翼同涼瓜豬什配白飯, 咕嚕肉好似真係茶餐廳食到既味道, 肉質軟冧適中, 送飯一流! 涼瓜豬什同薯仔炆雞翼愈食愈有住家飯味, 調味同火喉都較到啱啱好, 唔會話放耐左就走味或者變味, 我地都好鍾意!另外飲品叫左凍檸茶同特飲芒果青檸綠茶, 估唔到比想像中大杯之餘, 仲要幾好飲, 特飲有大量芒果肉, 飲落酸酸甜甜, 好醒胃, 重點係唔會太甜, 平時我都叫開少甜飲品, 完全係我杯茶整體餸菜多選擇, 而家佢比既份量都唔少, 個人認為兩餸飯有滷水雞髀同炒飯底係超有誠意, 自家製特飲真係值得一試, 同埋真係做到健康無味精, 依個價位食到心機真心超值!
繼續閱讀