影片
以上資料只供參考, 請與餐廳確認詳情
今次專登過嚟屯門景峰搵食，試吓呢間街坊小店「脆味批」，果然冇令我失望！即叫即焗嘅脆批熱辣辣，仲有好多款小食選擇，絕對係平民美食之選！🔥 招牌脆批 即焗即食芝士海盜皇批：簡單但最考功夫！批底焗到金黃酥脆，芝士份量十足，拉絲效果滿分夏威夷批：火腿配菠蘿嘅經典組合，酸甜開胃，細路仔最鍾意辣肉腸批：鹹香辣肉腸配爽口洋蔥，味道層次豐富小食蜜糖雞翼：即炸雞翼外皮脆到不得了，蜜糖香甜唔膩，我一個人可以食晒一碟脆薯皇：粗切薯角炸到外脆內軟，灑咗啲香草粉，送啤酒一流💯 性價比超高一個脆批加杯凍飲都係$50有找，仲要份量十足。老闆仲好貼心，見我哋兩個人食，主動幫我哋將個批切開兩份，服務態度加分！📍 總結雖然鋪頭唔算特別大，但食物質素絕對拍得住連鎖店。特別欣賞佢哋即叫即製，保證新鮮熱辣。下次要試埋佢哋嘅千島海鮮批，聽講都係人氣之選！
繼續閱讀
住附近試過外賣食過一次，味道一般之前無堂食，呢排經過見到有堂食就試吓同員工傾下偈先知原來佢哋呢排轉左老闆，啲嘢食唔同曬餅底都係師傅即日搓，好脆好味咗好多！😋下次會試埋炸雞！價錢平過其他連鎖Pizza舖好平，性價比高👍🏻12寸大批，夠曬2個人食啖啖肉
繼續閱讀
炸雞配蒜蓉包係我好鐘意嘅一對絕配。炸雞啲外皮炸到金黃酥脆，一啖咬落去，啲肉汁就會噴出嚟，好滋味。佢啲肉質都好嫩，一啖咬落去，啲肉汁就會噴出嚟，好多汁。而且佢啲香味好濃郁，香氣四溢，一聞到就食嘴水嚟。至於蒜蓉包，佢係一個鮮蒜蓉包裹住嘅軟綿麵包。麵包外層酥脆，內裡係鬆軟嘅口感。而蒜蓉嘅香氣好濃郁，一啖咬落去，啲蒜蓉嘅味道就會散發出嚟，好香好濃味。蒜蓉包配炸雞，可以將炸雞啲油膩感中和返，同時又增加咗味道層次。
繼續閱讀
由於我去附近HKTVmall攞嘢，所以順便去呢度買個Pizza，反正未食過，諗住試吓啦，所以叫咗個二人餐，加大左個Pizza所以$148。呢間店好黑暗，似乎只係做外賣？但係外賣唔知點解要加一蚊，究竟點解呢？無從稽考，因為呢度冇人回答的。呢度嘅食物難食到爆，諗住咩都試吓，所以叫個二人餐，點知個忌廉湯，得半碗都唔知有冇，好明顯係用粉開出嚟，完全冇料。雖然價錢平，不過真係好難食，佢個意粉，我已經係即刻打開食，但係裏面都係爛晒，點解可以爛蓉蓉嘅呢？理解唔到呢間Pizza店，竟然最難食係Pizza，唔係講笑，真係好難食，冇乜醬汁，食唔到蕃茄醬味道，好乾身，好硬，整體超級難食，我覺得便利店嗰啲仲好食，早啲唔加大，最終係食唔到一半，掉晒最奇怪係之後我發現佢冇比一罐汽水我，我問佢哋廚房，完全冇人回應，問門口職員，冇人回應，問中年職員，冇人回應，佢哋淨係自己傾偈，真係黐線到爆！呢度真係好得人驚！
繼續閱讀
試咗外賣芝心素pizza，第一次試，出奇幾好味，餅底鬆軟，賣相吸引，也算是多料，有菠蘿、蕃茄等等，家人都讚，難得有素Pizza做到這個水準，欣賞欣賞！會再幫襯的！
繼續閱讀