胡子小店 (已結業)

今天經同事介紹，去了後面街間胡子買精選午餐，因為抗疫優惠，外賣自取可以減$6，見咁抵食所以就買啦，我同同事各買了咖哩雞飯及口水雞飯咖哩雞飯$32： 咖喱有少少辣，汁都算多、雞扒夠大塊口水雞飯$49： 雞都叫滑， 麻辣汁好食，開胃送飯都一流講真，喺宜家呢個時勢，減價後$32一個lunch 其實真係窮人恩物，食物質數可以，價格一流，同區真係唔多！ 會再幫襯！ 

同朋友係胡子買外賣，收錢時話有抗疫優惠，但只可用於正價食品，我地叫餐，所以無用。成都麻辣雞翼豬扒蘿蔔薯粉+熱飲 ($61)另一個成都麻辣雞翼腩肉豆卜薯粉+凍飲 ($57)最初有個阿叔比錯左下午茶餐牌，價錢差唔多多一倍，都算，返到去一開發現一個粉係無蘿蔔，打電話比佢地，有個阿姐接電話，攪左一輪話退返錢比我地，但之後無左影。食到最後仲發現加左料。。。價錢同份量不成正比，連衛生都。。。區內大把好西，呢間真係無下次了！

依間餐廳外賣自取可以減$3（只限制套餐）之前試過醉雞，醉雞好濃郁酒香味，醉雞汁唔會太過咸，啖啖酒香中帶少少咸香味！所有雞都係已去骨，只係雞翼位置帶骨，依個方法好細心！方便大家食用.雞肉質鮮嫩，雞原本已有少少咸香味，唔會淡.雞皮完全唔會有肥膏，雞皮好薄唔油.份量都有成大半隻雞.今次試口水雞，口水雞都算暫時係荔枝角區最好味嘅一間，口水汁屬於咸中帶甜、麻中帶辣！就連口水汁都要拎嚟送飯！食晒成個飯，最後發現有隻(烏蠅BB)係口水汁入面！所以衛生就一般般！

今日lunch落雨唔想出街食 就嗌外賣今次揀左胡子小店套餐自取的話係平3蚊所以就自取之前已經食過一次醉雞飯上次就覺等酒味都幾夠 雞亦都好嫩滑只是飯嘅份量比較少 唔係幾滿足若然要加飯就要加5蚊 又覺得唔係幾花算而今次試口水雞又有點不一樣了口水雞麻麻辣辣幾好食個汁都好好下飯 而今次飯量比之前多左但係飯可能換左牌子 食起黎乾乾地 粒粒都好分明又唔係生米 感覺同我地平時食白飯果種軟糯差好遠總括黎講雞係唔錯份量都幾多 白飯很是一般份量也很一般

今次諗住早d4點去食連文記喇～點知上到去都係食唔到😒上次行完香工見到有間食車仔雲南酸辣同麻辣米線既鋪頭想試下～終於可以黎試吓～鋪仔細細十張檯到～店內裝飾一d都唔襯食辣米線😅餐牌就係呢張剔剔紙～我叫左胡子湯麵餐～雲南酸辣湯底～2辣～粗上海麵～辣腩肉～食麵梗係飲啖湯先～個湯都ok~但比我想像中一般～雲南酸辣真係配米線或薯粉好d~我配左粗上海麵好似唔係好夾咁～到個腩肉～好好味～可以用出色去形容～佢似即整舊腩肉～唔係一早整定再上果d~醃得好夠味煎得夠香又～我老公都有一齊食～佢食雲南酸辣1辣～薯粉魚片頭同豬大腸～ok冇特別～我望到隔離枱叫左水魷～個樣都似好食～等我下次試下先～值得一提跟餐凍飲先加3蚊～好抵～

去荔枝角睇中醫突然之間好想食車仔麵，但係附近唔多見有諗住走人去深水埗食文記，但係問過朋友之後話附近都有間唔錯嘅選擇，好彩朋友講清楚係邊，如果唔係真係唔知點搵呢間鋪，真係行過左都唔知，過咗食飯時間入到去冇咩人唔使等位，見到落單紙有喇沙湯底，車仔麵店好少有就叫呢個唔使五分鐘就嚟咗，先飲一啖湯好濃郁蝦同椰汁香味，仲有其他香料味道飲落香濃順喉，點左佢哋嘅豬油渣，一睇外型就知道好脆，食落口比起一D專做油渣麵嘅鋪頭更加香口美味，滷水豬腸一食就知滷嘅時間足夠，夠入味同夠淋，豬扒就正常唔會太乾夠入味不過有些小硬，麵底叫左摻摻，係米粉同油麵溝埋食落兩個層次，仲有D掛湯奶茶就普普通通，有茶味但係有小小澀味

叫外賣雲南酸辣湯底，走配菜冇走到？好懷疑自己係食緊成都麻辣湯底？因為個湯一啲都冇酸味！打去問佢，係咪搞錯咗湯底，佢又無？淨係知道食緊一碗全部都係辣油面嘅粉，啲面冇味。。。食譚仔好過。。。真係幾失望。。。