胖老爹美式炸雞 (糖街)

肥老爹美式炸雞其實好有台式夜市 feel，一路行過已經聞到炸雞香味。叫咗肥雞丁、波霸花枝丸同台灣直送甜不辣，全部即叫即炸，要等少少時間但出品都好熱辣辣。雞丁外皮脆到有聲，入面仍然多汁唔鞋；粉漿唔算太厚，唔會一咬落去得晒炸粉冇雞肉。花枝丸好彈牙，咬開食到粒粒花枝，配上胡椒同辣粉幾惹味。甜不辣就好有台灣味道，外面微脆、入面煙煙韌韌，邊行邊食幾過癮。調味可以揀唔同辣度，我揀咗小辣，加蒜蓉同少少椒鹽，味道平衡得幾好，又唔會咸到要狂飲嘢。份量以價錢嚟講尚算可以，兩個人 share 幾款小食都幾滿足。鋪頭開到夜晚一點，好啱收工或者睇完戲想食少少邪惡宵夜嘅時候嚟買一袋走。整體係一間會令你諗起台灣街頭炸物攤檔嘅小店，唔算驚為天人，但想簡單食啲香口嘢解下口癢，都係幾不錯嘅選擇。…查看更多

說來慚愧，去過台灣無數次，竟然未食過《胖老爹》，經過銅鑼灣見到，估唔到開响一個唔太起眼嘅位置。佢嘅餐唔係太多選擇，所以我哋寧可散嗌。我哋揀咗三樣嘢，有「胖雞丁」、「台灣直送甜不辣」同「波霸花枝丸」，全部都係即叫即炸，所以等候需時。「胖雞丁」炸得唔錯，能做到外脆內軟，雞肉冇冷藏嘅臭味，而且醃得好入味，咸香味剛好，而且份量都唔少，送啤酒一流。「台灣直送甜不辣」同樣做到外脆，內帶甜不辣應有的煙靭口感，內帶清甜嘅魚香味，冇丁點腥味。雖然同雞丁嘅味道接近，但完全係兩種唔同嘅口感同美味。「波霸花枝丸」有四粒，外皮脆卜卜，內裡Q彈有口感，而且有軟滑嘅花枝粒，食落十分爽口，咸香味令到花枝丸嘅味道更加豐富。價錢佢唔算話貴，食到咁優質嘅炸物，我覺得係值得。…查看更多

外賣自取後，雖然相隔超過半小時才食用，但皮脆而且不太濃味或鹹，雞肉嫩滑、有腌過，食嘅時候有肉汁，係十分有水準嘅邪惡食物，叫咗招牌雞腿、雞全翼同埋無骨雞腿排，包裝冇漏油，亦冇焗到啲食物淋咗，仲穩妥實淨。如果雞扒隔多陣油再入袋，我畀滿分。…查看更多

喂，呢間舖頭真係癲㗎——**冰鮮雞即場落油鑊，等足20至30分鐘**⏳ 但一上枱就知值回票價！拎上手**燙手到咁**，脆皮「咔嚓」一聲裂開，**肉汁居然多到滴落枱**！💦 咬落去啲雞肉**嫩過BB仔塊面**，明明係雞胸都滑溜溜，雞髀位仲離譜，**連骨縫都滲出雞湯精華**，完全冇雪藏味！ 問過師傅秘訣，原來**冰鮮雞比雪雞肉質更彈**，佢哋仲要**每日換新油**，炸粉薄到似層金紗，脆得嚟唔油膩。即叫即炸雖然耐，但睇住廚房**計時器叮叮叮**，阿姐夾起成隻**金黃流星鎚**咁嘅炸雞，等嘅時間都變埋享受～ 配埋杯**冰凍酸辣青檸梳打**，酸爽劈走油感，一個人KO半隻都唔滯！**熱辣脆皮×爆炸肉汁×嫩肉三連擊**，食完即刻明點解人龍長過彌敦道——**呢啲先叫真正炸雞啊！** 🍗💥…查看更多

今日試了一下這間台灣過江龍胖老爹美式炸雞，點了一份無骨雞腿排。雞腿排肉質不錯好有肉汁，不是番炸的，但是炸粉同調味都一般。辣椒粉是獨立包裝的，呢點我覺得幾好。價錢唔算貴，雞排都好厚。…查看更多

聽講呢間炸雞係由台灣開過嚟嘅過江龍我無響台灣食過第一次幫襯就係呢一間佢即叫即炸一般要等15分鐘左右但係真係值得等新鮮炸起，有肉汁但最重要係，食完唔會覺得好油膩如果你都鍾意食炸雞你應該會好唔滿足於麥當勞、KFC、豪大大等呢一類快餐店嘅質素以前無得揀，迫住你硬食但依家呢一間一定係銅鑼灣首選唔敢講話係全銅鑼灣最好食嘅炸雞但如果計埋價錢肯定係性價比最高（如果可以堂食，就未必係咁嘅價錢😅）（掛住食唔記得影相）…查看更多

見到台灣YouTuber同埋朋友推介，一直都好想試呢間炸雞，終於有機會試吓佢🤓叫咗招牌雞腿、台灣直送甜不辣、洋蔥圈。招牌雞腿好Juicy，買完都等咗半個鐘到先至食，但都仲keep到係脆嘅，同埋入面有肉汁。味道其實有啲似Jolibee。但我覺得呢間好似冇咁油。炸甜不辣都好食，煙煙韌韌嘅魚漿，但個人覺得呢款甜不辣甜咗啲🤔以前食嘅甜不辣冇咁甜，唔通係台南嘅甜不辣。洋蔥圈正常發揮，洋蔥有大圈有細圈，都有好多件🤓感覺幾抵食，唔油膩。…查看更多

🇭🇰Hong Kong - Causeway Bay📍Fat Daddy 胖老爹每次台北必食嘅胖老爹原來係香港開咗，上次新年經過冇開，今次去開銅鑼灣終於可以試到！今次叫咗個單人雞腿餐試一試，必有上腿下腿雞全翼同一罐飲品！呢度係一間外賣店，所以冇任何位置可以食嘢，所以我哋行咗去維多利亞公園坐低食！第一樣要讚吓嘅就係佢真係即叫即炸，所以買完要15-20分鐘左右。但不得不說即炸真係好好味！個人比較中意上腿同下腿嘅味道，呢個炸衣會比較重味啲，而雞全翼味道會比較淡小小。正體黎講味道就係不過不失，但呢個炸雞確實比KFC、麥當勞Juicy好多，一咬肉汁爆出黎。下次黎會再試下其他小食，今次太飽無食太多。台灣咁出名嘅胖老爹黎到香港好似無乜討論點，可能宣傳唔夠到位。同埋位置比較偏，去銅鑼灣行街都一定唔會經過。但確實係一間幾唔錯嘅炸雞，有機會一定要試下。📍銅鑼灣糖街8號樂聲大廈地下G05號舖…查看更多

Openrice 有優惠，所以買咗兩隻雞全翼原價$18特價$16。味道可以唔會太重口味，附加調味料唔夠味可以自己再加，肉質 juice 及嫩滑。即時炸所以等左20分鐘。…查看更多

今日經過維多利亞公園就試吓呢一間之前喺上網見過有人推介嘅炸雞餐廳，餐廳位置比較近維多利亞公園喺地鐵站行過去，我諗大概五至到7分鐘路程，喺皇室堡商場附近，都唔算太難搵！唯一注意嘅係餐廳只有外賣，並不設堂食。我哋就叫咗一個炸雞餐，有一件上脾同一件下脾，餐廳嘅炸雞都係即叫即做，而且會比膠手套同埋辣粉，方便顧客自己選擇辣，炸雞嚟講都非常脆，雞肉亦都非常多肉汁，好juicy, 可以講話比起大型連鎖嘅餐廳用心製作，鍾意食炸雞嘅朋友都可以外賣試吓…查看更多

聽聞銅鑼灣新開咗間外賣炸雞店🍗今日去開附近就去試一試!胖老爹美式炸雞🐥應該係來自台灣嘅~.價錢方面都幾相宜小食廿零蚊就有交易，而一人餐最平係$42美中不足嘅係無得堂食不過要提提只供外賣 ，店面無位置比人食嘢如果食小食就簡單，街邊/邊行邊食就可以👍🏻當正餐就要諗定點食啦～.今次因為晏小小仲要食正餐就叫咗個雞軟骨食$24即叫即炸，都等咗一陣唔算好耐 Acceptable😉份量都唔少，好香口會再encore🩷…查看更多

山長水遠去到諗住試一試呢間炸雞，叫咗一個5號餐加招牌雞腿加4個小食，check完四個小食都齊咁諗住冇事，個雞桶滿到成座山咁想check都check唔到，返去就見到個招牌雞腿冇俾到我，舖頭電話仲要打極都冇人聽！…查看更多

2月底來香港開分店見到有朋友講果時已經想試了,1個人路過買左單人餐外加2隻雞中翼單人餐就雞上腿同雞下腿各1配野飲42元,2隻雞中翼18元價錢:單人餐價位OK啦,香港冇咩好要求             但個雞中翼就好貴下,2隻好細隻收18元另外去到即場叫真係要等10-15分鐘左右,新鮮即炸童叟無欺好.上面缺點講完,講講優點首先即叫即炸,大家諗都知一定熱...仲要熱到我想即時食都唔得炸出來既成品都好接近完美,外脆內嫩,又多肉汁其次,個雞肉真係好掂特別係雞上腿同下腿,話係選溫體雞肉最後就係個成個配套,附送一包胡椒鹽同一包辣粉,個辣粉香/辣/夠味仲有附上一對膠手套 (雖說唔係好環保)整體而言,唔好講9成,至少比香港市面7-8成既有關炸雞/炸野相關既店舖都要好食上不少如果有間開係荃葵青,1個月至少去食1-2次…查看更多

塊雞扒外脆內軟，而且新鮮炸起，所以仲熱辣辣🥵以一塊外帶雞扒嚟講完全合乎性價比。味道完全冇得彈，而且仲提供胡椒同埋辣粉，辣粉唔算太辣，連我唔食得辣嘅人都入到口。差少少嘅位就係因為新鮮炸，所以無可避免咁要喺出邊等10至15分鐘。…查看更多

📍胖老爹美式炸雞 (銅鑼灣)銅鑼灣糖街8號樂聲大廈地下G05號舖好吃到哭了😭我立刻要爆炸😶‍🌫️呢間嚟自台灣過江龍炸雞店 Bu 真係超級愛開業短短嘅時間已經食咗幾次我覺得喺銅鑼灣區黎講佢又真係唔算貴每一個order都係新鮮即炸 落單後大概20分鐘左右啦，就有得拎大家可以選擇打電話去落單，或者某外賣APP落單後自取 咁就可以節省等待嘅時間啦每一件都係熱辣辣脆卜卜現場食啲雞肉仲好多汁 超Juicy其餘就算我拎返屋企凍咗食都一樣咁出色🚬已經深深咁樣俾佢迷上咗我最鍾意佢 啲調味料🧂雖然就咁食啲雞已經好夠味但係佢竟然有我最愛嘅胡椒鹽😭😭本人比較懶惰所以私心推介：無骨雞腿排胖雞丁一啖放入口爽丫～…查看更多