肯德基家鄉雞 (KFC) (已結業)

剛剛去完旅行返黎就諗住食返d簡單快餐野，於是就落左樓下間家鄉雞度食下啦！本身都係諗住叫返個肯！獨食餐嘅m2餐香辣脆雞再跟個蘑菇飯。點知俾我見到個肯！大食餐嘅炸雞滋味盒。性價比方面都實在係太吸引啦！e個大食餐都係賣緊51蚊，而m2果個餐就係賣緊47.5，差3.5多個葡撻同埋粟米杯，於是就叫左佢啦。食落去都係無咩問題，發覺隻雞上髀好似比之前嘅更加滑，不過個蘑菇飯就稍為多汁左d，食到成手都係，其他野都無咩特別，都係接受到嘅，下次會再食。

KFC 呢期新野出得好密，今次係 ‘ 麻辣口水脆雞🐥’ ，同🤴🏻又食KFC啦！😁😁～～～麻辣口水脆雞🐥～～～雞🐥皮吸滿晒麻辣口水雞🐥嘅味☺️☺️，辣得來會有少少麻痹口感，真係幾辣😊😊！但有啲可惜雞🐥肉比較乾， ‘ 鞋 ’ 左少少！😐😐～～～麻辣口水脆雞🐥扒筒飯～～～醬汁係會分開2盒另上需要自己撈飯，不過都幾好，如果想少辣就唔落咁多😄😄，雞🐥扒肉質嫩滑過脆雞🐥，同埋有醬汁比較濕潤容易入口😋😋！～～～冬瓜檸檬🍋蘆薈爽～～～其實係幾好飲，唔會太甜冬瓜味有少少檸檬🍋味，但係蘆薈啫喱梗係吸唔到入飲管裡面，飲得好窒住窒住唔夠暢快😅😅

頭先去食，食食下見到有個職員拎住個佳寶透明膠袋，入面有三棵唐生菜，已經覺得怪怪地到食巴辣雞腿包時，望下條菜，梅到不行，個樣仲似唐生菜多過沙律菜🤣我究竟食緊啲咩

🤴🏻過黎陪我食飯，咁KFC又出新嘢，但韓式味道之前好似出過，但今次加多左個蒜🧄味，唔知好唔好味呢？😛😛～～～韓式蒜🧄香炸雞～～～首先唔係hea雞🐥，韓式醬汁同蒜🧄香味完全融入雞🐥皮內😋😋，香口酥脆😁😁，中甜帶蒜🧄嘅微微辛辣😚😚～～～韓式蒜🧄香巴辣香雞🐥翼～～～完全俾韓式蒜🧄香包圍着一啲都食唔到巴辣味🤣🤣～～～椰絲雞🐥尾包葡撻～～～可能冇乜期望呢個椰絲雞🐥尾包葡撻，反而非常有驚喜，內部真係平時食嘅雞🐥尾包甜甜椰椰嘅味道，熟悉嘅味道不一樣嘅口感！讚👍🏻👍🏻！

有新野咪黎試下囉滿心期待呢個超勁辣黃醬雞肉卷餐…結果係失望嘅個醬完全唔辣係一啲都唔辣咁個廣告就咪寫到勁辣啦雞卷入面啲菜又梅又爛舊雞勁細又無味醬唔多皮好厚完全唔掂落咁多錢廣告好心就做好食啲啦呢卷野一定無下次蘑菇飯就同平時嘅一樣啦而家無得叫多汁食兩啖已經無晒汁好慘呀…野飲叫左百事走冰但拎到上黎有冰唯有叫佢換個杯雖然百般不願意但最後都有換番杯同埋呢個舖唔知點解好臭一陣廁所味理論上kfc個舖位唔近海之戀個廁所喎

今日約咗🤴🏻特登過嚟試佢嘅新產品！唔知道有幾 ‘ 超勁 ‘ 呢？😆😆～～～超勁 · 辣黃醬雞🐥卷🌯～～～我同🤴🏻做好晒心理準備迎接 ‘ 超勁 ’ 辣🌶嘅滋味時，誰不知佢一丁點辣🌶味都冇，只係好普通嘅黃醬味，同時本來應該係綠色嘅菜就黃黃地、又霉霉地🤢🤢，雞🐥又唔見得好雞🐥肉味，我哋只係食到嘅餅卷皮味🌯同少少黃醬味😵😵～～～鴛鴦雙色雞飯～～～我同🤴🏻研究咗一陣，佢指嘅鴛鴦雙色應該係白色嘅白飯🍚加黃色嘅粟米🌽吧😯😯，皆因黃色嘅粟米🌽鋪滿晒整個面積，令到你每一口都feel到白飯同粟米🌽嘅存在😄😄。雞🐥塊味道唔錯，夠脆又香口😀😀

KFC今次同香港本地品牌李錦記XO醬合作焗雞🐥，捉埋🤴🏻一齊試吓先🥰🥰～～～XO醬封味錫紙焗雞🐥配白飯🍚～～～錫紙包住焗雞🐥令到有好多汁可以方便撈飯🍚，XO醬味道大約有6-7分，仲有幾塊超入味嘅蘿蔔配白飯🍚真係好好食😋😋，雞🐥肉就焗得太 ‘淋 ’ 欠缺左彈性，但今次口味取勝😘😘～～～XO醬巴辣香雞🐥翼～～～重口味之選，XO醬微辣鹹味大約有7-8分，10分推薦☺️☺️唯一缺點就係炸得太乾😀😀～～～焦糖脆餅葡撻～～～另一款聯成食品 ‘ Lotus ’ 餅乾葡撻，雖然佢係葡撻但味道似食緊餅乾，掩蓋晒蛋嘅香味😅😅今次嘅XO醬系列我同🤴🏻都好滿意😁😁

KFC又出新hea 雞🐥一於同🤴🏻去試吓先😁😁～～～蜂蜜🍯芥末脆雞🐥～～～雞🐥面上灑上一層粉末，係蜜糖🍯同芥末粉，蜜糖🍯同芥末嘅份量非常唔均勻，令到你食嘅時候會一啖甜一啖芥末咁😰😰。外皮就好脆口，真係只做到 ‘ 脆 ’雞🐥呢點囉😀😀～～～蜂蜜🍯芥末脆雞🐥卷～～～比起脆雞🐥好食好多，內有蔬菜🥬及蜜糖🍯芥茉醬，令到雞塊嘅濕潤度高咗，比較容易入口😄😄，同時蜜糖🍯芥末味都相對提高🙂🙂～～～蜜桃🍑冰茶梳打～～～一杯有少少蜜桃🍑味嘅有氣冰茶😅😅，不推薦成個餐係葡撻最好食😋😋

落左2張單（外賣）順路係荃灣買完拎返土瓜灣同屋企人一齊食點知返到屋企2張單 所有加購既食物一件都無比我員工訓練有待加強打電話又無人聽完全搵唔到人跟進大家下次拎外賣要打開check多次巴辣雞翼  2件x4  份，一份都無比，2張單都漏晒除左去門市外，投訴無門😭

好耐無食KFC，咁岩要食個快dinner，附近又唔太多快餐選擇就去咗KFC食個快嘅。見到新推出有款Milo恐龍迷你鬆餅，套餐價都唔算貴($49)就一試味道如何。嚟上手只有微溫，一打開蓋已經擺到有點亂，睇落醬都唔少，但卻無為鬆餅加分。鬆餅邊位偏硬又帶點乾，內裡就偏實，味道亦無乜美祿味，好似普通朱古力味咁。但鬆餅硬嘅情況，估計係一早已經整好擺咗好耐嘅結果。另外套餐仲有兩塊雞，雞肉都異常地乾同偏黑，炸到過咗火，真係唔太好嘅體驗，下次未必會再食，尤其係呢間分店。

肚餓，求奇揀個快餐醫下肚，隔離老麥爆多人，呢邊無乜人，横掂都係求奇食，廢事等位啦。嘟完個安心但店員都係唔信你，個櫃位收銀係出餐個陣要check你手機，就咁show比佢睇都唔信，一定要佢親手篤過你手機mon先信你唔係用假app，wft！佢掂完部手機有陣油囉，你老x污糟左！講返啲雞，叫左個乜野上校雞餐39蚊有三件炸雞，可以揀原味，辣味同焗雞，咁就揀左食最香唔嘅巴辣雞，新鮮炸起幾好食，個皮夠脆，入面啲雞都嫩，不過食三件雞都幾漏，同埋呢個餐淨係得雞食有啲悶，下次都係叫另一款有雞有蘑菇飯嘅先。

今次試下KFC新葡撻😘😘～～～朱古力🍫草莓🍓葡撻～～～想問下KFC啲新葡撻點解咁油嘅？上次個Kit-kat葡撻又係咁油，今次叫好少少🤏🏻，但都係油🙄🙄佢所謂嘅草莓🍓只係放啲草莓乾粒係面，但只食到草莓🍓微微酸味，沒有甜味😔😔敗筆就由朱古力醬爆發出嚟，好假嘅甜朱古力🍫味不特止，掩蓋晒蛋撻嘅蛋味😢😢，仲要好油！可唔可以改良下呢？🥺🥺最後用佢KFC app買任何食品可以+$1優惠券換到中汽水🥤，用黎冲淡個陣油膩感😓😓

今日收工一個人要去海之戀嘅donki 買少少野，買完之後就順便食晚飯啦，見到間KFC 剛剛開張，門口放晒花牌咁，咁就入去幫襯下啦！新開業裝修好靚，牆上有燈箱，門口有自助點餐，我望一望個餐牌，見到有個新嘅鴛鴦雙式雞桶飯餐，跟埋杯野飲，咁就試下啦！再以9蚊加多2隻巴辣香雞翼。等左唔洗1分鐘就有啦，非常有效率，咁就坐低食啦！雞桶飯餐包括1隻雞下脾，雞柳同埋蘑菇汁，飯就大大桶，非常抵食，而雞翼就細隻左少少，咁就食左隻雞翼先啦，雞皮好脆，夠辣，好味。咁住就個飯啦！雞下脾同平時食果款係完全一樣，好味，而雞柳就係無骨，啖啖肉，我就選擇左辣雞，基本上食落去就同其他分店無分別，食完之後就食埋個蘑菇飯啦，好滿足同埋好抵食，食完就返屋企啦！