肯德基家鄉雞 (KFC) (已結業)

一早起身同朋友仔食早餐佢話要去奧海城食肯德基就陪佢黎上次經驗差本來唔想但佢話俾多次機會,又好叫左set 20 x2 ($23.5)兩個都由粟米腸仔通粉轉左鮮茄雞絲通粉另外朋友仔個香蜜鬆餅又轉埋薯茸雞扒係一貫既炸雞加汁飲品加3蚊要左凍檸茶但唔凍又無味朋友仔既mocha(+$5)更加係怪味香蜜鬆餅比上次食較油腸仔係細條版既司華力腸,ok唔油鮮茄雞絲通粉d粉雖然仍然係較淋無咬口但起碼湯底鮮甜唔會淡mu mu不過問心一個快餐店早餐都要二十幾蚊一個人真係有d唔抵

早幾日本來想在ＫＦＣ食晚餐，不過我同朋友都嫌貴最後冇去到，０個陣我先知周末有個超級抵食餐“皇牌１桶分享”，見好耐都未食過ＫＦＣ都想食返下，於是趁今日係周末所以一試！味道不過不失咁喇，最緊要狂食狀態下每人都係＄６０幾＾＾３－４人分量既餐我地２個人當然食唔哂，最後淨返３件雞＋２個萄撻＋１支汽水畀朋友拎返屋企。（朋友竟然話呢個餐好少０野食，未夠抵食呀＞．＜）汗｜｜｜｜

少吃KFC的炸雞, 無味又熱氣. 反而葡撻和新出的雞翼最好味. 個人認為, 她的葡撻是最好吃的, 比澳門鉅記新鮮出爐的還要好. 蜜蜜燒雞翼也很入味, 反而牛油香蒜雞翼卻令人失望.另一方面, KFC的食物愈來愈貴, 也是鐵一般的事實. $5.5一個葡撻, 三啖吃完. $42得6隻雞翼, 又沒有套餐跟, 只能散叫飲品. 套餐中除了桶餐外, 其餘的也不吸引, 像迫人散叫似的. 若非出示會員咭有折, 以快餐的level, 她可真expensive.

今朝去左睇早場買早餐入戲院食同朋友仔分別要左set18同20 ($23.5)每人有香腸通粉,雞扒同飲品另外我有香蜜鬆餅同腸仔朋友仔配既係滑蛋同薯茸飲品同樣係加2蚊要左橙汁可惜味道十分唔得通粉湯底無味d粉又淋無咬口腸仔得幾片雞扒又凍又淋仲要無啦啦加左d蘑菇汁上面腸仔味道較正常但油鬆餅外皮脆但無甜味朋友仔既滑蛋又係無味最好都算係薯茸咋overall呢個價錢食唔過早知買delifrance或者麥當當好過

琴晚睇戲前黎食飯叫左尊享晚餐set1and2即係家鄉雞拼薯格($32)拼沙津同燒雞拼蘑菇飯拼粟米($34)兩個餐都跟羅宋湯因為朋友仔話要飲汽水再加$6要埋汽水同士多啤梨布甸先講服務姐姐仔手腳慢不特止仲要我order咩餐都搞亂晒最後仲要俾少左個羅宋湯我唔掂幸好食物味道唔錯燒雞十分入味雞皮無乜肥膏連我都忍唔住食左兩啖雞皮薯格又夠新鮮夠脆沙津係酸菜加粟米幾好味家鄉雞,蘑菇飯同粟米相對普通左d羅宋湯有驚喜有通粉同足料配菜味道亦唔差兩個人都只係七十幾蚊抵食

I went there for breakfast...the service was ok! But, most of the table wasnt clean. I saw their staff still eating breakfast. OH My!

個人有個病態, 偏愛極端-- 巨型或者係迷你o既食物. KFC出左迷你腸仔biscuits, 估唔到咁迷你o既biscuits裡面都有大量o既腸仔片, 夠晒鹹. 而且可能油份高, 唔會因為細個就焗到乾晒. 好味!

9點幾係奧海城....為左快就去食雞啦...點知完原來呢間咁離普..我要辣雞..佢話要等,好,無所謂我等左三個字佢拎黎,一食落口,哇咁似番炸既.....一d都唔似平時個d雞..我要辣雞,佢d辣雞得幾粒辣粉,一d都唔辣,好似平時唔辣既雞咁。呢間係我食左咁耐雞記以黎最差既一間........

而家報紙成日有KFC o既優惠券. 爸爸有時都會換下d免費食品. 但係佢覺得齋換唔買好似唔係咁好意思, 所以每次都會額外買一兩份小食.尋日佢就買左客紫菜雞卷返黎. 雞卷用左雞脾肉, o係紫菜同雞肉中間有d麵粉漿. 我覺得紫菜同麵粉漿都係畫蛇添足-- 紫菜品質唔得, 無香味亦無食味, 而且雞卷凍左後, 紫菜淋晒, 只係覺得份外油膩. 加左o既麵粉漿令我覺得佢係"打腫面充胖子", 唔得老實.寧願佢樸樸實實整幾件雞寶我食好過...

2004年11月我同同事起在奧海城的KFC食早餐, 食食下我見到左邊鏡下有D野郁, 望清楚原來係一隻老鼠, 我地好驚, 啱啱有個Manager見到, 問我地做咩, 我地話佢知有老鼠, 佢即刻叫我地唔好出聲, 跟住開左後門趕左隻老鼠入去....之後我睇到報紙, 原來有好多人都o係KFC見過老鼠, o個次之後我到而家都唔敢去KFC食野.....

肯德基再度推出海鮮潛艇, 不過係第二集, 潛艇成員有別於上次, 今次有炸魚柳, 脆味蝦同爽味蝦.尋晚試左炸魚柳同脆味蝦, 即叫即炸, 所以都要等一陣. 魚柳都幾大塊, 好香脆, 但就當然係急凍貨色, 無魚味. 炸蝦就好迷你(尤其係拍埋落魚柳相比較), 不過都係好香脆.唔跟餐o既話, 每款潛艇成員都係$12兩件, 相對黎講, 魚就較蝦抵食!

成日聽到人話肯德基既蜜糖鬆餅好味,唔抵得,又走去買個試下。果然係好好味喎!食完就真正知道乜野為之外脆內軟!我鍾意鬆餅既鬆軟同味道,熱食仲覺得特別香添!不過外層又真係幾硬,有少少似餅乾,食完有少少喉乾。不過係好味既!

講起上黎都有d「娘」,因為我而家先至首次食肯德基既白汁雞皇飯。一向唔太去肯德基既我,去親只會食佢既鬆餅(實在係太正喇!)。估唔到個飯好熱好香,初時見到好多汁,怕會太多,但係食落又唔覺,因為原來飯既份量比我想像中多,而且撈埋d汁食都幾好味,唔係好硬既飯,不過雞肉當然唔及炸雞個種咁好味,但係可接受。

作為一間炸雞快餐店, 佢地炸食物o既技巧有待改進...食過佢個海鮮籃, 個蝴蝶蝦同粒麥樂雞差唔多大, 而且d食物好似翻炸過, 好大陣油益味! $36唔抵食!

可能係麥樂魚柳成功啦, 肯德基都推出左魚柳早餐...今朝同家姐落去食早餐, 一個叫左魚柳+腸,另一個叫魚柳+炒蛋, 兩個都配香蜜鬆餅同咖啡.個魚柳同supermarket o既魚手指質素相約,熱辣辣炸起味道梗係唔差!蛋乾得滯, 好似麥當勞好d(不過後者質素幾fluctuate...)個香蜜鬆餅劣評如潮, 但係我食落又唔係覺好差咋播...係無以前o個種牛油香, 但係連埋d蜜糖食都幾好丫!不過淨係得面頭有蜜糖, 食下食下就無味lu...如果有jam或者butter可能會好d!值得一提o既係, 而家麥當勞都會供應magazines俾人睇, 肯德基都應該考慮一下, 食早餐, 有份雜誌睇下先至得家嘛!