肯德基家鄉雞 (KFC) (已結業)

KFC不時都會推出新口味的炸雞，最近就有法式黑鑽松露點脆雞，睇廣告覺得好吸引，於是專登去試吓。我地一行4個人叫咗個桶餐加一人餐，總共有8件炸雞，不過炸雞不算大件，望落份量好少。炸雞外脆肉嫩，上面有少量香草，再另外配一包黑鑽松露醬，一打開包醬，聞到好香濃的黑松露味，但炸雞點埋個醬食落就無咩特別，個人覺得普通原味炸雞較好食。而KFC葡撻一向都係我鍾意嘅食物，今次一樣好好食，層層酥皮相當鬆脆，蛋好滑且甜度適中，焦焦地嘅面，令葡撻變得好香。

餓餓地行過附近KFC聞到D雞味勁香勁想食，忍唔住走入去買左個餐再加多幾件雞先返屋企，拎到返屋企都仲熱辣辣脆卜卜!狂惹燒雞，雞件焗得金黃色，食落好少好少辣，味道辣中帶甜真係好惹味，皮香雞脾仔既肉嫩滑好味，雞胸肉略有少少'鞋'口，但味道搭夠! 香辣脆雞，雞件炸得金黃香脆，食落口啖啖脆卜卜，辣辣地非常惹味! 仲有我最鍾意食既葡撻熱辣辣撻底非常鬆脆，中間蛋漿又滑又香，甜度又岩岩好，葡撻永遠都焗得咁靚，個撻面唔會過燶! 黑椒蘑菇飯，個人蘑菇飯都係比較鍾意KFC，多汁又多蘑菇，辣辣地既黑椒味岩晒撈飯食加多杯凍芬達，承惠幾十蚊!

中秋節的早上，亦是往荃灣開會的日子。以往也是先嘆完早餐才回去，這天當然也不例外。這陣子KFC新推出了綠茶鬆餅，對於半個綠茶控的我嘛，自然要說句終於有機會試了！早餐時段共推出兩款綠茶早餐，除了這天選的一款外，另一款則配上通粉及薯餅，價錢同樣是$21。綠茶鬆餅滑蛋餐 $21看著這份早餐，先不說綠茶鬆餅，倒是想說說對那滑蛋的感慨。還記得當年KFC的滑蛋較麥當勞的來得多一點人性化，雖然份量偶然會時多時少，但不論看起來還是吃下去都是一份用心炒出來的食品。現在呢？KFC的滑蛋已經變成尺寸一致，吃起來更似機械式的製作、更似煎蛋多於炒蛋的滑蛋。好吧，說回了那款新推出的綠茶鬆餅。入口沒有綠茶味的鬆餅，說它是香草味可能會更貼切。以綠茶食品來說，都算是最虛有其表的一款。吃KFC鬆餅，還是最原始的香蜜鬆餅好。

突然想吃肯德基的雞翅了。點了四式雞翅拼盆一盒5只，全翼2只，香烤蜂蜜味和香辣味，雞中翅3只，兩個口味，和風紫菜味和香辣脆脆味。就是想吃，滿足口慾，味道麻麻地，但也滿足了

因為有coupon又想食薯餅加順路, 今日去KFC買咗個芝士雞肉粒牛角包餐送薯餅。因為趕時間, 所以買外賣兼邊行邊食。首先襯熱食個薯餅先, 個薯餅好明顯炸過頭, 再炸就會燶咁款, 原本已經只有5mm厚, 白色薯肉部份只剩下2mm左右, 如果你係盲目地喜愛香脆口感, 咁就好啱你口味, 但我覺得脆與淋之間得唔到平衡, 而且好多油, 唔好食。跟住到個包, 第一啖可能食到比較多芝士, 芝士味幾出, 而之後都只係食到芝士同沙律醬, 雞肉只有三數粒, 就算食到雞粒都食唔到雞味, 好失敗!飲品要咗蜂蜜綠茶, 蜂蜜同綠茶既味幾平衡, 無話其中一方搶走對方既味, 算幾好飲。起碼係奶茶咖啡之中多一個選擇。其實$23買個咁細既包加飲品都有少少貴, 我見有coupon送薯餅先買, 但下次就算有coupon都要諗真啲值唔值得買。

前日(27-6-2015 Sat)晚,同男友落荃灣睇太陽眼鏡,咁o岩,我有KFC優惠劵,以$68.00買拿坡里Pizza脆雞2人套餐,有拿坡里(Pizza)脆雞2件,家郷雞4件,辣汁蘑菇飯(大),家郷雞皇飯(大),巴辣雞粒同汽水(中)2杯.我o地o黎到,見到買o野食條龍好長,我就坐o係o度等,等呀等,等呀等,等成25分鐘男友至買o左返o黎.我o地影好相開餐,睇見o個兩件拿坡里(Pizza)脆雞就覺得兒戲,竟然o係炸雞上唧啲茄汁,沙律醬同加極炒香草就係.我先食一件,味道都幾豐富惹味,內裡o既雞肉嫩滑同多汁,唔錯o既.之後食家郷雞,由於家郷雞係原味,所以味道好淡,唔惹味,不過口感一樣.然後食家郷雞皇飯,加o左少少黑椒,惹味少少,OK.巴辣雞粒呢?真係好巴辣,我食兩粒就唔食喇.而辣汁蘑菇飯同樣係好辣,不過蘑菇味都濃,但都係唔o岩我食,食幾啖就唔食,俾埋男友食.而汽水係冇冰o既,幾好.o衣o家睇睇coupon,發覺俾少2件家郷雞,有冇攪錯呀?男友話好多人要呢個餐,咁係個個都俾少o左定蝦男友?衛生:等成25分鐘,見到收o野o既亞姐都幾勤力,一見人o地走o左,就差唔多第一時間去收同抺枱.味道: 3

KFC呢個大桶飯餐真係O岩哂飯桶$21 其實就係雞皇飯加上炸雞粒,份量巨型,大男人都能食飽,味道就係白汁,加上少少黑椒和香料既辛辣,夠多汁,撈咩都得.$21 蚊仲想點但係貪心既我又點能唔加番幾隻雞翼,要左6隻,3隻豉椒3隻紫菜.紫菜味比較香,下得夠多紫菜粉,豉椒就唔似豉椒,似椒鹽,夠咸帶少少辣椒味,亦有炸到乾左既豆豉.呢6隻野貴過個飯嫁

之前間唔中都有食開, 至同事走了後就很少買....因為隔離果間吸引差今星期食了2次, 今朝食完忍不住即時想出食評....先講排隊...我真的想爆粗...得2個COUNTERS , 都唔係問題...係企左成5分鐘, 都無人係COUNTER 面前有2條不知是不是隊, 得個5個人排JA見D STAFF 行來行去...但唔知做咩....人地又不是1個人買好多個餐....怪不得只有大陸客人...$12 番茄湯通粉 + 奶茶碗通粉細到....雖然價錢平, 都預左咩都無但不至於小朋友都未必食飽?而且通粉及湯都不夠熱....通粉明顯過份淋及平價貨番茄湯一試就知用茄膏加勁多水...反而杯奶茶比隔離果間好飲, 係我估不到的 $16.9 芝士雞肉三文治+ 奶茶老實講想再飲多次奶茶,及以前食過幾好食再買一打開...O下...細份左咁多....以前大份很多而且我相信係韌到用刀切不開2面明明係烘過...又淋又韌料又少...我仲要食多包餅先夠飽......成$17 , 我寧願俾多$3食另一間啦以價錢,品質及服務來說....係下等...怪不得大部份係大陸客人

28-4-2013 (Sun)朝早同男友起身後去食早餐,因為呢日要買餸,咁就落荃灣食,而我又有KFC o既早餐coupons,咁就o黎呢間啦.我o地揀o左三個餐,有原價$16.80,coupon價$14.50o既扒芝士雞肉多士餐,$25.50, coupon價$12.00o既香蜜鬆餅+香脆薯餅餐同$25.00o既Classic醒晨雞扒餐送鮮茄濃湯通粉.餐飲本來要兩杯熱奶茶,一杯凍奶茶,但凍奶茶要加$4.00,咁我就唔要凍奶茶,改為全部要熱奶茶.好快就執好晒畀我,個女仔重好心地提醒我小心啲攞.我o地影好相就郁手喇,我先食半件扒芝士雞肉多士,熱騰騰o既,打開睇睇,嘩!芝士多到呢,但雞粒就好少,唔同coupon相咁吸引,不過佢o地將面o個塊多士切開一半,方便我o地.芝士真係好多,攪到好鹹,多士幾脆,不過我真係食唔到雞肉乜滯.再飲啖只加一包糖o既奶茶,只飲到淡淡o既茶包茶味,絕對唔合格.之後食半份其他o野, 鬆餅好細件,外層甜甜地又脆,內裡就淡而冇味同軟軟地,都OK o既.薯餅有啲炸過龍,外面o個啲有啲硬.雞扒o既皮香甜,雞肉唔乾亦OK o既.而腸仔係烚同冇乜味.食完呢啲都飽喇,最後食埋半碗鮮

近來的新推廣...蜂麥脆雞...蜂蜜夾燕麥, 食匀甜夾脆。套餐$33.80包括2隻蜂麥脆雞+巴辣雞粒+滑滑薯蓉, 另外$18買了4件巴辣香雞翼, 分別是蕃茄芝士味及紫菜味。蜂麥脆雞全件都沾有蜂蜜, 燕麥皮確實有幾分特別, 不過皮下脆雞乃是普通辣雞件。 巴辣香雞翼的味道都好足, 要茄味有茄味, 要紫菜有紫菜味。套餐加$5換購朱古力布朗尼蛋糕3粒, 细细粒bite size, 味道不過不失唔會有驚喜。 反而那件軟心朱古力葡撻就有驚喜, 朱古力香濃, 葡撻又甜又滑, 互相輝映。套餐加$6換購雜菜雞肉湯, 雞肉嫩滑, 雜菜也很豐富, 冬日飲碗暖在心頭。

幾個月前參與PPS的繳費推廣，卒之收到他們寄來的贈券，一件炸雞鎚及一杯汽水，為免夜長夢多忘記使用，所以，第一時間用了它吧！當然一件炸雞鎚及一杯汽水成不了一餐的份量，所以追加一個超值選的燒雞腿芝堡，售價才$10，這樣的份量就成了我的一份午餐了。燒雞腿芝堡絕對是超值之選，雖然味道單薄了一點，只是漢堡包夾著一塊照燒雞腿肉，但份量可是很十足，燒雞腿肉又厚又大件，肉質也不賴，咬下去未至於嫩滑非常，但沒有嚡口的感覺。相反，炸雞鎚就差了一大截，不單止外貌有些支離破碎，竟然吃下時十分嚡，一向KFC的炸雞甚有水準，今勻就的大跌眼鏡，且來得有點意外。

KFC出了新產品－「封味鍚紙烤系列」，看到鋪天蓋地的廣告，這又挑起了我這個雙子女的好奇心。想試這個封味鍚紙烤雞，有三個套餐，兩個一人餐和一個桶餐。不過個人認為那些的價錢都不太吸引…我直接問店員能否只買鍚紙烤雞，要＄23.8，就這樣吧…我滿心歡喜地打開鍚紙，接著…我杯具了。我覺得廣告上那只供參考的鍚紙烤雞跟我買的落差很大，雖然都是雞的上下髀。鍚紙烤雞的香草味挺大的，有點鹹，錫紙內有很多油和汁。雞過熟了，肉不滑，皮沒有了彈性，有點像吃富貴雞的感覺，但富貴雞的味道當然豐富得多！吃炸雞，運氣夠好的話，我還能吃到皮脆肉嫩的，鍚紙烤雞就說不準了。KFC強調這是「封味鍚紙烤系列」的香草味，想必會再推出其他味道吧？不過我未必會再試了。

今日(24-9-2010 Fri)同男友起身後去KFC食早餐,因為有coupon.去到時只開兩個counters,所以有人龍,我要o左一個$10.00,有香脆薯餅同香蜜鬆餅餐,飲凍奶茶.而幫唔舒服o既男友買$13.00o既煙肉蛋熱烤卷同鮮茄濃湯貝殼粉餐,要熱檸水.等o左陣就執齊o野,但收我$26.00,我返埋位疑惑o緊,想返出去問問時,隔離o既一位婆婆話男友個餐$13.00,我話咁我o既$10.00喎,但諗吓,可能凍飲要加$3.00,咁就冇出去問啦.男友o既煙肉蛋熱烤卷扁’撻撻’咁,而鮮茄濃湯貝殼粉依然係本身個膠碗都已經好細,份量重要得一半,杯熱檸水又細杯,好彩呢個只係$13.00,否則原價$19.80都唔o黎食.而我o既香蜜鬆餅甜甜地,幾好味;脆薯餅比麥當奴o既大件,味道就只係差啲啲,但可以接受o既.凍奶茶呢,睇住個男仔畀o左好多奶,不過幸好唔太甜,茶味亦都有,可以o既.今次冇試亦冇問男友o既早餐,所以只就自己o既食物評分.

今日(24-7-2010 Sat)見男友可以早起身,就同佢落荃灣行同去荃灣廣場影相,然後o黎荃新天地o既KFC食早餐.原來呢o度o既早餐全部都唔包o野飲,要加錢o既.我o地揀o左$24.80o既5號’至尊雞扒全餐’,有秘醬燒雞扒,滑蛋,香蜜鬆餅同鮮茄通,加$3.00要熱奶茶,同$16.80o既秘醬燒雞熱烤卷,加$3.00要凍檸茶.買到埋o黎,只須一個盤就載得晒全部o野食,份量真係小到估唔到,飲品比普通茶餐廳細小,估唔到通粉重過份,o衣o家睇返,原來變o左貝殼粉o既通粉冇鮮茄.食落,貝殼粉漿晒個口,湯味係蕃茄味還蕃茄味,水還水.滑蛋唔太滑,雞扒都冇乜味,香蜜鬆餅原來冇汁蘸到係唔好食o既.,熱奶茶比麥當勞o既好啲,因為有茶味.而秘醬燒雞熱烤卷就係上次男友由北角買過o黎o個件,同樣有蕃茄蛋同雞肉,味道同上次冇分別,而凍檸茶呢,只有檸檬味,冇乜茶味.咁o既質量,唔怪得呢o度咁易搵位啦.服務:有熱奶茶都可以漏畀糖同攪攪捧.

我不否認, 若果不是因為前輩們話檸辣脆雞好味, 我唔會特登去食, 若果唔係因為去到見到個廣告都幾吸引, 我唔會放棄用報紙coupon俾正價都食還好, 都無令我失望, 檸辣脆雞餐賣$34.8, 有兩件檸辣脆雞, 兩件巴辣香雞翼, 一個大辣汁磨菇飯, 一杯凍汽水, 話貴唔算十分貴, 是一貫炸雞上校既價錢先吃辣汁磨菇飯, 味道依舊, 包括只是微暖的飯, 有時會黐住成舊野的飯, 唔辣的辣汁, 不多的磨菇, 可惜, 沒了哈迪斯的磨菇飯, 我就只能在炸雞上校找尋那只有五成功力的磨菇飯主打的檸辣脆雞, 在雞皮上明顯看到有大量的辣粉, 莫非所謂檸辣脆雞, 只是在普通炸雞上灑粉?跟普通炸雞一樣, 兩件雞是一雞胸 & 一雞脾或雞翼, 先咬一口雞上脾, 完全推翻我疑慮, 辣味先動, 檸味後攻, 過癮! 辣味明顯同巴辣香雞翼唔同級數, 我個咀直頭有點麻辣感, 兩三下已經攪掂, 再吃一口巴辣香雞翼, 完全覺得佢係無辣味一樣吃過雞翼, 準備對付雞胸大魔頭, 為何叫大魔頭? 因為雞胸那雞皮面積大, 辣粉也相對地多, 在細味那雞皮的時候, 雞胸那跟雞脾不能相比的肉汁就流出來了, 那肉汁充滿了檸檬味, 那才是此雞的秘密