影片
港鐵銅鑼灣站 E 出口, 步行約8分鐘
繼續閱讀
電話號碼
93171952
附加資料
只接受預訂
營業時間
今日營業
12:00 - 14:00
18:00 - 23:00
星期一
18:00 - 22:00
星期二至四
12:00 - 14:00
18:00 - 22:00
星期五至六
12:00 - 14:00
18:00 - 23:00
星期日
全日休息
以上資料只供參考, 請與餐廳確認詳情
205 瀏覽
喺社交平台上睇到短片介紹大坑居酒屋「肥後屋」，片中嘅食物好似好得咁，週四晚屋企冇飯開，所以就約埋薯爺一同去探索一番！網上訂座流程簡易；用餐前有專人聯絡，確認人數、用餐日期及時間，並告知店子只收現金、開瓶費同必先預訂菜式等詳情。暗藏於橫街內嘅小店門面唔係咁起眼，冇做定功課的話真係未必會搵到。一入門口就見到大大隻字寫出「禁止十八歲以下人仕飲酒」，莫非有好多人博懵？！用餐大堂一眼睇哂，室內空調充足，油煙味唔過份，餐桌地板都好乾淨，唯一正門同側門嗰幾塊落地玻璃窗勁多積，有潔癖嘅薯爺由埋位講到第二日，擺明堅介意！牆上嘅黑板寫滿精選項目。推介酒品前方擺有菂薂嘅招財貓仔，佢地舉起嗰隻手手彷彿正召喚着酒鬼們快啲飲多兩杯咁，幾棧鬼。一頁飲品牌日英對照，簡單易明。深覺開瓶費設為$80/樽實在抵玩，所以就帶咗樽新買嘅「神藏 祝米 純米大吟釀」孝敬長輩。點知未食到一半已經飲哂成枝，結果就加多樽哥哥仔推介嘅有機「奧丹波 純米吟釀」（$602/樽）。底面兩邊嘅餐牌同樣中英對照，款式都幾多。每位席上都擺有自用嘅餐具。和風沙律（$52）加牛油果（+$14）加溫泉蛋（+$14）：沙律嘅菜菜新鮮爽脆，另加嘅牛油果量足柔滑，清新可口。柚子汁燒蟶子（$72/隻）：已預先切開嘅蟶子厚肉得黎都好爽，無奈即使用咗柚子汁去調味都仍有陣陣腥味。汁燒鮑魚（$58/隻）：兩隻鮑魚同樣預先一開二，明顯大廚知道四人係叫黎分嘅，實在細心！鮑魚Q彈惹味，送酒一流！汁燒扇貝（$66/隻）：汁燒嗰件扇貝厚肉得黎偏韌同實。牛油扇貝（$66/隻）：反而用牛油煮嗰件食落爽潤啲。雞皮（$24/串）：雞皮串燒夠乾身，可惜韌皮得滯唔夠脆。洋蔥牛肉卷（$36/串）：卷物個餡就爽，敗筆在於出面件牛肉唔夠肥又冇乜肉汁。五花腩（$34/串）：厚厚嘅五花腩瘦肉過多，脂肪少，又嚡又乾，不吃也罷！虎蝦配柚子鹽（$56/隻）：橙白紋理鮮明嘅虎蝦爽甜脆口，輕輕點上柚子鹽即有效提升鮮香，尤其醒神。雞軟骨（$24/串）：油份過高嘅雞軟骨帶有一陣羶味，真心食唔過！清酒煮蜆（$58/碗）：細佬食到蜆有沙，個清酒湯汁仲有啲苦，完全唔掂當呀！雞肉軟骨棒（$36/串）：棒棒中嘅免治雞肉十分軟嫩，混入咗雞軟骨成功令口感加咗份脆卜卜，浸入蛋黃漿後即倍添香滑，！雞腎（$32/串）：雞腎粒粒雖則唔乾，但就韌到老人家話有渣（估計其實係佢自己牙力唔夠所致）。雞翼（$32/串）：雞翼一串有兩件，皮層尚算香脆，個人只係略嫌佢唔夠肥。牛舌（$38/串）：厚薄適中嘅牛脷熟到攣哂，所以都估到佢韌，不過最令人反感嘅係個胡椒味太勁，食第一啖已經打哂乞嗤，真係唔講得笑囉！黃芥末籽肉眼（$42/串）：平心而論，燒至兩三成熟嘅黃芥末籽肉眼係咁多款牛肉中最鬆潤多汁嘅一串，只係個芥辣味蓋過哂應有嘅牛肉味。墮落午餐肉（$28/串）：勁多食評推介嘅午餐肉切得夠厚，燒焦咗嘅外皮好香口，入面則保持軟嫩嘅質感，黏上之前雞肉軟骨棒剩餘嘅蛋黃漿先係神來之筆呀！粟米（$24/串）：鮮黃亮麗嘅粟米爽甜多汁，感激廚房幫忙一開四。炸雞皮餃子（$48/客）：即叫即炸嘅雞皮餃子夠哂熱辣辣，皮層脆就夠脆，不過就好油，好在配上柚子味秘汁可一解膩感，加上餡心幼嫩，都算勉強合格嘅。豬肉紫蘇梅醬卷（$34/串）：意外地，豬肉卷冇牛肉卷咁嚡同乾，散發出嘅紫蘇香甚為芬芳淡雅。安格斯肉眼（$40/串）：燒到黑哂燶哂嘅肉眼咬落韌之餘，個胡椒味實在太強啦！七里香（$34/串）：XO仔食過唔少雞尾，記憶中真係冇食過如此唔爽又冇彈性嘅燶雞尾，俗啲講句，似係雞界嘅老pat pat喎！冷蕎麥麵（$38）：哥哥好少評論，嗰晚只係講咗句話啲蕎麥麵太腍。芝士年糕（$24/件）：芝士年糕外脆心拉芝，輕盈不溜滯。香蕉朱古力（$38）：甜品炸到好似福袋咁，賣相都幾得意，個香蕉朱古力餡都好潤甜，但係個袋皮偏厚同油，如果可以做到好似芝士年糕個皮咁乾脆咁就完全唔同哂啦！銅鑼灣居酒屋「肥後屋」隱蔽不起眼，兩位年輕嘅服務生（Elvis哥哥同阿銘哥哥）同樣溫婉有耐性，且專業有效率。雖然廚房上餸速度控制得好好，最大嘅問題係食物質素極為參差，重口味嘅菜式疑似用上太多味之素，四人飯後都勁口渴（一滴酒都冇飲嘅哥哥都唔例外），搞到兩位長輩凌晨要食安眠藥先瞓得著，好難反轉頭囉！
繼續閱讀
係社交平台見到多䓤飯果條片吸引而來個飯好香牛油味好好食另外d 串燒都好出色芝士煙肉蛋串係我好鐘意嘅食物組合除左食物質素最抵讚就係全部店員都好有禮貌好helpful雖然全部都係男店員但大家都好輕聲細語服務態度一流提提大家間舖只收現金記著準備定先去
繼續閱讀
位於銅鑼灣相對寧靜嘅小巷，行過門口都唔容易發現呢間舖頭。今日食咗日式嘅午餐揀咗三款餸，當中有唔少素食選擇。舖頭裝修係日式和風簡約，播住一啲日式嘅復古音樂。叫咗三款餸包括牛肉卷，炸秋葵以及蕃茄奶油雞。份量唔少，擺盤亦都精緻。味道唔錯，但奶油雞就可以滑啲。總括嚟講$88，喺銅鑼灣區嘅日式餐廳嚟講的確係一個唔錯嘅選擇會推薦朋友嚟試吓。尤其是係素食嘅朋友，有菜式好多選擇。
繼續閱讀
Very delightful dishes at very reasonable price! But you’ll have to come early - good foods take time to cook and they are sold out fast!We sat down around 1330 and 2 of the 7 choices are already sold out. We received our food around 1345. The owner was very generous and offered to serve more rice for free! Hearing her chatting with other customers, sounds like most are returning customers. Will definitely try out their dinner some other time.
繼續閱讀
今日嚟肥後屋食午餐，大約十二點半左右唔洗等位小店環境唔錯，四人枱嘅座位係木枱櫈，都坐得舒服，其他二人枱就係椅背櫈，入座後店員送上清水我要咗1、4、8配飯追加都吸引，不過食咗先再決定，怕食唔哂左邊）明太子雞棒～雞棒有咬口㗎喎，我估有雞軟骨配埋明太子醬好味中間）日式雜菌薯蓉～薯蓉唔係蓉哂有顆粒薯仔可以夾嚟食右邊）照燒豆腐方塊～用紫菜包住豆腐切片再煎香，呢個淡味啲因為有薯容加碗飯已經好飽下次想試吓佢哋串燒、燒飯團🍙同其他食物
繼續閱讀