72
12
1
港鐵朗屏站 C 出口, 步行約13分鐘; 位處鐘聲徑,大坑渠旁
繼續閱讀
開飯介紹
元朗頗有人氣的港式小食店,招牌為肥姐蠔餅,深受街坊歡迎。
繼續閱讀
營業時間
今日營業
14:00 - 01:30
星期一至三
14:00 - 01:30
星期四
全日休息
星期五至日
14:00 - 01:30
以上資料只供參考, 請與餐廳確認詳情
食家推介
相關文章
又係做孤獨的美食家既時候啦,中午放飯係元朗食左午餐覺得唔多夠喉,諗起呢間元朗都幾多人講起既蠔餅婆,就諗住買份蠔餅食下吧。肥姐中午2點開檔,有時會早少少,我今日行過未夠2點都已經有人買緊,呢度除左蠔餅仲有無骨鳳爪,飲品有紫貝天葵,雞骨草呢d涼茶賣,咁就唔怕熱氣啦。炸蠔餅蠔餅似係用炸既方式做,主要用粉漿加蠔仔,即叫即做新鮮熱辣,落單後5分鐘左右就食得,鐘意芫荽既朋友可要求落多d,唔鐘意就開聲講唔要啦,炸蠔餅新鮮做起好香口,相對比較油膩,蠔仔份量唔算好多,有時一啖入口都係炸粉,不過味道尚算唔錯,加埋佢既秘制辣汁味道更升華,我係即場加完拎走的後悔無叫肥姐俾多包我。食完覺得都要叫還可以,40蚊一份唔貴間中食下都ok,但好驚豔又唔算,叫做平平地食份蠔餅過下口癮。
繼續閱讀
好多年前入到元朗經常會買蠔餅食嘅小店。已經好耐冇食過, 今日經過梗要買番件嚟食吓。叫咗外賣蠔餅1件。落單後,即叫即炸。拎住一邊行一邊食,味道依舊好味, 餅漿非常惹味香脆,如果可以多些蠔仔就更加好, 話咁快就一陣風咁食晒。
繼續閱讀
肥姐蠔餅婆馳名蠔餅 -$40難得黎元朗, 除咗香蕉仔之外,梗係要食埋附近嘅肥姐蠔餅婆。新鮮蠔餅即叫即整,蠔肉大大粒😋,餅底煎得脆卜卜, 同新鮮嘅芫荽好夾,連埋蠔餅一齊食食落口感更加清新。🍒排隊嘅人唔算多,叫完等5分鐘就有得食。👌
繼續閱讀
夜晚食咗啲嘢,唔係好夠喉又口痕痕想食啲小食,行過教育路大水渠邊見到肥姐蠔餅婆,去買番份返屋企食先。等緊肥姐煎蠔餅嗰陣時,佢介紹泰式鳳爪,話酸酸辣辣,味道好正。又好,加多一份!一煎好就馬上開車返屋企嘆。返到去蠔餅仲熱熱地,加少少魚露仲帶出蠔嘅鮮味,個邊仲有啲趣,無得頂。👍跟住試埋啲鳳爪,肥姐俾咗啲秘製嘅辣椒醬,大中小辣,適除尊便。我鍾意食辣,所以落晒成包。濃濃嘅酸醋加埋勁辣嘅汁,簡直係挑戰你舌頭上嘅味蕾。話咁快兩公婆就清晒呢2樣咁正嘅小食。睇吓幾時再去搵肥姐又食過,不過記住佢逢星期四放假㗎!
繼續閱讀
肥姐嘅蠔餅性價比係幾高嘅首先個份量好適合掃街每次經過元朗兩個人去食一份係啱啱好嘅炸得好脆 味道好夠味如果鍾意食辣嘅朋友可以加辣醬辣辣地食就更加惹味但係而家去食嘅時候感覺啲蠔嘅份量少咗好多可能物價貴咗啦所以食得冇以前咁爽而且天氣熱嘅時候更加唔會想去食因為多數都係外賣拎走附近地方亦都冇乜位置可以食企喺舖頭附近食亦都好熱特別係舖頭個位西斜肥姐又開舖開得比較晏企喺舖頭食撞正西斜就更加熱
繼續閱讀
您可能會有興趣的...