影片
招牌菜
食評 (9)
我本身住係洪水橋，但沒有食過這間泰國菜，但見佢晚餐價錢幾合理所以同老公去試下，侍應叫我地坐大枱因為當時無乜中細枱，當時大枱已有兩個人坐緊，隔左一陣佢地走左有七個人入嚟，侍應同佢地講我地就食完叫佢地等我地張大枱，但當時我地只係食左一陣，跟著侍應就不斷比壓力我又無話幫我轉細枱或講唔好意思，最終我打包左一個飯返去食，我覺得這間泰國菜的侍應服務態度好有問題，我地應該唔會再去食。
繼續閱讀
泥到呢間泰國餐廳 感覺伍太岀名但入面既菜色絕對適合愛泰國菜既你炒金邊粉 呢樣絕對係泰國餐廳必有既菜色 色香味俱全 賣相亦好好 配料豐富 食落惹味配埋啲花生碎 完全冇得彈綜合串燒 有牛 豬 雞 燒岀泥惹味香口 配埋佢地秘製醬汁 必食！另外推介既係原個椰青汁 甜到不再話下 食埋啲果肉食就算熱量再高都已經伍再理會喇岀餐時間快 環境乾淨 由於伍太多人識得所以伍會爆棚伍需要等好耐
繼續閱讀
與一大班朋友運動完後搵野食~本想去的餐館又沒有位! 經過呢間泰菜，老闆娘又好有誠意叫我地食! 就一於試一試! 一行6人! 由於店內不算大，坐得都好逼下… 【泰式拼盤】: 賣相不算很精緻，味道都是一般沒有特出。但就適合一大班朋友食!【泰式肉碎生菜包】: 肉碎整得幾好味! 有點兒辣，但味道香口! 配生菜包一流! 【泰式燒豬頸肉】: 豬頸肉ok~ 肉質不算上級但燒得幾香! 反而旁邊的Source就好特出~好好食! 雖然有點兒辣，但絕對值得一試! 【泰式菠蘿炒飯】: 呢個炒得麻麻地! 比起其他的泰國菜館，呢個炒得冇咁香! 味道都冇咁豐富! 但勝在份量多!【泰式海南雞】: 都係麻麻地! 雞肉不夠嫩，味道入唔到雞肉裡。要沾旁邊的辣醬才好少少! 【雜菜粉絲煲】: 差! 成個煲只得一個味~就係好重的麻油味! 呢個煲可算是拉底了整晚的食物質素! 不建議叫呢款!【金不換炒金邊粉】: 幾好食! 金不換的香味特別，炒香了的金邊粉吸收了金不換和其他泰式醬料味道! 好食! 金邊粉更有少少蝦肉配合起來。 【飲品: 芒果椰汁西米 / 椰青】: 好味我鍾意! 夠甜~ 椰汁又香! 芒果都好甜! 椰青ok! 總結:因為個雜菜粉絲煲太差和食物價錢較為貴，不能夠比好評! 只可OK! 不過價錢真係比一般的泰國菜館貴呀! 地點又不是旺盛的地區，價錢調底會更吸引食客光顧!
繼續閱讀
很久以前已經約定男友請我阿媽食飯...昨晚終於實行了...帶媽去吃我經常去的這間...可能位置偏僻...平日假日都不太多人...♥ 生蝦刺生 ($58)♥ 每次去都必吃...好喜歡點的醬...酸酸辣辣的!♥木瓜沙律 ($32)♥泰國菜裡我最喜歡的...試過很多都不好吃...這間都是我必點的! ♥酸辣鳳爪 ($38)♥大碟...不太辣, 都不錯! ♥泰式炒雜菜 ($32)♥沒什麼味道...好淡! ♥金不換炒金邊粉 ($38)♥有獲氣...都是大大碟! 不過金邊粉有點碎... ♥梆青大菜糕♥這個是送的, 好清甜!其實前前後後還吃過其他菜式...不過沒有拍照...♥脆豬肉炒介蘭 ($48)♥ 介蘭爽甜, 脆豬肉似豬肉乾♥蝦醬炒飯 ($38)♥ 惹味!我常去吃lunch...雙併泰式湯粉連凍飲品都是 $18, 抵啊!
繼續閱讀
本人非open rice會員，但有一事不吐不快，各看官如前往該店享餐，切記萬分注意該店食物的衛生！事緣簡略：我在該食店附近的地方工作已近１０年，該食店亦已開業最少５年，我和公司其他同事亦時刻幫襯該食店午餐外賣。經過：２００９年３月５日星期一，午餐外賣了一盒 泰式海南雞飯 + 清檸疏打 = $32.00 回公司後將該飯盒食了大半時，發現有支深啡色野凸左出黎！用羹了開睇下．．．我當時第一個反應係ｕｒ左一聲吐左啖飯出黎，差ｄ就嘔．．．（成個晏晝心裡都好唔舒服）原來這是一隻有毛的蟑螂腳（曱甴）（睇樣應該是大曱甴的）立即打電話該食店投訴，聽電話的首先只是連聲說不可能後來只淡然說句 "咁換過盒" 囉～我還和她說我影了相不信我可給她看，但遭拒絕。礙於該天中午十分大雨而且我公司離該食店約１０分鐘腳程～我於是建議明天才來換一盒，因為遇到這種事，那還有胃口再吃？該食店亦知道我們公司間唔中幫襯因此應承。隔天去取時，她煩厭地說：我呢度做咁多年都未試過咁樣，你唔好“洽”我！比番錢你，唔做你生意喇，你以後唔好再黎幫襯！！！．．．當時反應是ｏ咀～跟著心想；嘩！這是什麼態度，好後悔無即時打去食環處投訴，因都幫襯久了費事麻煩，而且呢區食野周不時遇到這種情況我也算了，只是沒這次咁得人驚～因此我要上來投訴希望看官小心，現附上恐怖相片２張，請看一下假若是“您”遇到這個情況，您會點做？
繼續閱讀