影片
由入店到離開都係好差嘅體驗，同埋唔建議香港人入去食，門口個收銀姐姐聽到你講廣東話都要用普通話招呼你1. 本人入店有吉位但唔比坐，用廣東話詢問點解，收銀姐姐用流利嘅普通話回答我提問：「那裡是給幾位的客人坐的，你一位就要拼桌。」搭枱唔緊要，但係明明我係香港嘅食店，員工係強迫講廣東話嘅顧客聽佢地嘅普通話。2. 到我用餐期間（接近食完），有兩位內地遊客同埋一位香港顧客入左黎，事關我坐緊四人枱靠走廊位置食緊嘢，兩位內地遊客已經坐左係我對面，然後係我食緊嘢期間（帶緊耳機睇電話），操流利普通話員工示意叫我坐入一個位，當時我帶住耳機，嘗試理解佢講咩，繼續用普通話示意我坐入一個，甚至對面兩位內地遊客都協助該員工示意要我坐入去？？？當刻我懷疑自己係咪去左內地消費？？？此時我用廣東話表示我差唔多食完好快走，會唔會係安排其他顧客坐入面，起碼唔會影響到其他顧客用餐體驗，該名員工又以普通話回覆我。3. 食物質素本人點了牛腩+水餃河粉，水餃都唔錯好食，可惜牛腩乾到食緊牛肉乾咁，河粉完全唔入味，需要加辣椒油中和成碗車仔麵嘅味道，味道有待提升。4. 埋單埋單走嘅時候，呢名操流利普通話嘅員工繼續以普通話進行對答。5. 總結希望以上留言可以獲得 貴店老闆/投資者正視，推廣留港消費+市道唔好前提底下，呢啲基本待客之道要做好，基本上尖沙嘴除左遊客旺區，同時都有操流利英文的外國遊客以及大部份上班人士/放假休息嘅香港人會係尖沙嘴任何食店包括 貴店用餐。如果 貴店主要目標客戶群係操流利普通話之遊客，建議可轉用簡體字餐牌，參考內地物價價格，只使用內地電子支付平台/人民幣，一定可以針對到 貴店期望嘅客戶群 - 內地遊客。
繼續閱讀
唔知所有職員都係老細定係真係呢間嘢嘅老細都鍾意請埋啲態度咁差嘅人！我未寫過食評都要出手警世😂除非大家都有鋪比人串，比錢買難受嘅癮，如果唔係我奉勸大家千祈唔好去呢間垃圾食嘢！入到餐廳好多吉位都叫我哋搭枱ok嘅，但之後發現差唔多每一個入嚟嘅客都會比佢哋串！有幾個大陸客人入嚟，聽到有個男人問呀姐有咩推介，呀姐好唔耐煩咁答佢「你鍾意食乜咪食乜囉！我點知你鍾意食乜？」咁就走左去！一直有人入嚟個呀姐都用啲唔好嘅態度叫人搭枱，之後我對面客人走左，嚟左兩個女仔，可能有個睇唔清楚個套餐係菜/魚皮二揀一就問左句，個呀姐好大反應態度好差好大聲咁講「梗係唔係啦！兩樣都有你就想啦！」搞到個女仔好尷尬講左句「我唔知先問下啫」。仲有，食食下聽到有個應該係我之前就入左去嘅女人叫左雲吞麵，點知個呀姐淨係將寫左幾錢嘅單放喺枱而冇落到單比廚房，之後個女人催單，兩個呀姐竟然大大聲喺度鬥卸膊話係對方冇落！最後一句唔好意思都冇就咁同人哋講好快整好🙄🙄最後，我同朋友食飯大家都想用alipay比錢想分單，另一個態度極之差嘅呀姐話唔得，但明明佢哋嗰啲只係一張手寫左有數字紙質好差嗰啲嘅紙（似拍戲嗰啲茅廁紙～驚大家冇畫面😂），完全唔係嗰啲咩熱感出單嘅紙🤷🏻♀️都被拒絕，算數！呢間嘢食物唔算好食，但又未去到好差，真係好一般！墨魚丸冇乜味，炸魚皮係勁碎嘅！真係唔會有下次！
繼續閱讀
收工又是一個人，但是夜晚的時候真的不太想吃多太飽，於是就在金馬倫道隨便找間麵店吃碗麵吧！經過肥仔記麵家，見到寫着全日32蚊，於是便走左入去了。入到去竟然坐無虛席，好彩都還可以搭枱，見到菜單上寫着有部分是32蚊，一些配料是36蚊的，最後我就選擇了鮮蝦雲吞粗麵。咁等了一會兒，麵到了，有4粒雲吞，都算是合理，而粗麵都煮得彈牙，沒有鹼水味，口感不錯，而湯底是大地魚湯，加些少辣椒油非常香口，最後好快食完回家了。
繼續閱讀
約了朋友晚上去文化中心看表演，未看先醫肚，走去尖沙咀區找到這間店。店內位置不擠迫，有圓檯又有卡座，由於不是繁忙時間，一個人也可以坐卡座，吃得舒舒服服。麵店最便宜是32元一碗麵，全日供應。除了散叫又可以加12元有碟菜和一杯豆漿或只加6元配飲品。在尖沙咀區來說不貴了。麵食種類多，常吃的雲吞麵，水餃麵少不了。我喜歡吃魚肉春卷，就要了魚肉春卷河粉，配上一碟菜芯和一杯熱豆漿。麵上檯，份量適中，有三條魚肉春卷，春卷皮是腐皮做的，質感軟軟綿綿，腐皮內包裹著的魚肉口感厚實，可慢慢咀嚼，味道不錯。河粉偏窄身，吃起來也是爽爽滑滑，容易掛汁。湯內有蔥花和韮黃，帶出淡淡香味。湯底也不鹹，吃完沒有感到口喝。菜芯每條已切半，菜身油油光光，易吃入口嫩。豆漿有熱度，豆味可以。簡單一餐，除了吃滿意，店員服務也有禮，餐後慢慢度步去文化中心欣賞演出。
繼續閱讀
本身只係叫個湯飯+0茶..等等下食品途中..黎左個菜.無為意.食左….跟手店員直接係我張單到寫埋多左既食物錢..話我食多左.要比埋錢….真係好唔順氣！感覺好似被屈錢咁….理論之下..最終都無收黎多左既食物錢..果下感覺好差.hard feeling…以後唔會幫襯！！另外好奇怪..叫個凍0茶走冰少甜…但個店員同舖頭D人講話佢唔識正..叫返佢地正…心諗凍0茶好難正架咩？唔咪只係唔放糖漿？少D冰就可以？？
繼續閱讀