肥仔茶餐廳

營業中

休息中

肥仔茶餐廳的海南雞飯與懷舊豬油渣麵，可謂港式風味的雙重奏。其招牌無骨海南雞飯（$56）配元貝冬瓜清雞湯，雞肉處理得宜，皮爽肉嫩，去骨後入口更顯方便；雞油飯香氣樸實，粒粒分明不黏膩，沾上黑醬油與薑蓉更提鮮。雖有食評指油飯風味偶有失準，但整體水準仍屬觀塘工廈區的平實之選。 懷舊豬油渣麵（$41）則重現老香港情懷——上海粗麵韌性十足，湯底以雞湯為基底，清淡中透出豬油渣的焦香；豬油渣分量慷慨，炸得酥脆不油膩，咬下時脂香迸發，搭配蔥花與冬菜，簡單卻飽足感滿分。 兩道主食風格迥異：海南雞飯清爽細膩，豬油渣麵濃郁懷舊，展現茶餐廳兼容並蓄的靈魂。惟店內環境狹窄、用餐高峰需拼桌，建議避開午市人潮。若追求地道港味與高性價比（人均$50-$60），此處仍是觀塘的隱藏版飽腹之選。

在觀塘開源道的肥仔茶餐廳，點了一客三餸車仔麵，香氣四溢的麵條上鋪滿了蘿蔔、雞翼和牛錦。麵條煮得恰到好處，有嚼勁而不會太爛，每一口都滲透著濃郁的湯汁味道。蘿蔔塊燉得入味，外軟內韌，吸收了湯汁的精華，甜中帶鹹。雞翼煮得火候十足，皮爽肉嫩，輕輕一扯便能分離骨肉。牛錦切片適中，肉質軟滑，醬汁恰到好處，不會搶去其他配料的風味。配上一杯熱檸檬茶，在寒風中暖暖胃，酸甜的滋味更能解膩開胃。五十二元的價格，在如今物價上漲的環境下，算是相當合理。這樣一碗有肉有菜的車仔麵，不僅能滿足味蕾，更能讓疲憊的身心得到慰藉。難怪即使在下午時分，店內依然客似雲來，盡顯老字號的魅力。

知道最近3:15至到6:00買三送一,就約晒同事一齊食啦我哋嗌咗三碗車仔麵 送咗個馬莎文咖喱我食嗰個係雞湯底 味道濃郁成碗飲晒都覺得好補 而佢哋嘅餸都比較多同埋好足料 每一碗都好大碗食完之後基本上唔使返屋企食晚飯，都可以醫飽肚啦 仲有個馬莎文咖喱 聞落去好香，但係食落去又唔係太辣喎 我哋埋單都係大約$150 $150有四份食物都唔算好貴 平均都係30幾蚊 下次我要來試吓其他湯底 因為聽佢哋講全部都係一早起身去煮湯底 同埋冇加味精

最近喺互聯網平台睇到話呢間車仔麵冇味精，就即管嚟試吓，牛筋好淋，豬腸好入味，冬菇都係好入味，湯底好飲，夠味又唔鹹，應該真係雞湯底，加咗佢嘅秘製醬汁，啱啱好下次再試埋個海南雞飯，睇吓好唔好食

冬菇，牛筋，湯底完全冇問題，秘製醬汁加埋個麻辣我先至覺得好食，令我最意外就係呢個豬扒，食到小時候婆婆做嘅味道，呢個豬扒，我比九分，就係隔離泊車30蚊一個鐘，不過都值得嚟嘅！

油飯唔合格， 無味， 唔香雞天加係fail, 唔入味， 老， 鞋成碟海南雞飯水平好低， 但奇怪？ 明明肥仔海南雞飯係幾好食架！服務亦唔合格， 茶餐廳， 又要搵位， 又要出去買飛。 服務態度亦比較差， 環境夾窄

夜晚影相影到好夜，效返器材到鋪頭都已經成點鐘，橫掂第二日都要出灣仔，算啦，喺鋪頭過夜算。一訓就訓到12點幾，肚餓，約人出黎醫肚，行過呢間，見到有車仔麵，好耐都未食過，就黎試下。入到黎坐底一睇餐牌就有啲後悔😅😅😅單點最底消費$41，唔包飲品。咁對某啲細食既人黎講都幾唔著數。而且，人地喺出面見到個牌有車仔麵，望真啲先見要收$41以上，要諗食乜（有部份人會留意唔到價錢，只睇有冇岩心水既野食，之後發現唔夠，要再選多樣），浪費左時間，餐廳要等客人選食乜食到41以上，前後加埋時間應該可以走多一兩轉枱😑😑，如果可以改做選一麵加2餸咁會好啲。食物睇落可以，不過要腩汁冇加，要再去問先補返比我。蘿蔔太大件，唔夠淋，如果切薄一半煮會好啲。牛腩唔夠淋，可能新加落去，炆得唔耐。其他都ok既。整體黎講一半半，我就覺得普通以下，工作放lunch或趕住食就會食既。但係平時行街既話，我唔會黎囉。

叫咗個車仔麵外賣，食食吓食到類似毛髮嘅物體。之後撩咗出嚟又見到有嘢飄過已經搞到唔想食…之後雖有繼續撩出嚟結果見到都唔少條…咁就無食到…因為唔知道係咩毛嚟…下圖為毛髮合照…慎入！PS，經外賣自取平台 已退錢...

用外賣APP落單，折完3個餸都只係$30幾蚊，算幾抵食。叫咗招牌香辣魷魚、滷水雞中翼、豆卜，秘制香辣汁配米線。車份麵嘅湯底用咗雞湯，十分濃郁，外賣會自動分湯，建議可以留返3分1湯就咁飲都好正! 另外，鍾意食辣嘅朋友推介必加辣菜脯，如果唔想咁辣，建議可以湯底要清湯，加辣菜脯吊味！😋📌招牌香辣魷魚份量唔算少，十分爽口，加埋香辣汁十分惹味📌滷水雞中翼有2隻，都算大隻，滷水好入味📌豆卜出色嘅湯底一定要配埋豆卜，索哂D湯同辣汁勁正!

A not-so-expected Me time happened and I found this restaurant nearby. In order to try everything as much as possible, I bought the afternoon-tea-set of Hainan Chicken soup with rice vermicelli, Braised Pork Knuckles and Fried Chicken Thigh with Fried Potato, apart from drinks.The portions might be small but considering afternoon-tea-set, the portions were expected to be small.The Hainan Chicken is tender but not quite seasoned even with the ginger scallion sauce. The soup, however, is really

原本啲麵包上面所謂既牛油蒜容已經好難食，永遠foodpanda外賣自取嗌走麵包啊茶走啊都當睇唔到嫁，但係又睇到我要轉炒蛋喎，唔係漏餐就係唔睇字，一時懶有程序又要對電話號碼，比個單號碼都唔拎得既，每一次拎完都要掉左個麵包，咁小既要求好難做咩？冇心做就唔好接foodpanda啦，最好笑叫3個餐，員工親手比得1個餐我，仲要話自己攞漏，我幾時知你地餐廳可以自己係架車拎外賣又幾時要對電話號碼啊？一時一樣，我係你公司做嫁？仲有啊，啲辣椒油同一包油冇分別，冇味冇辣，你地不如唔好供應辣椒油啦

其實係喺返工附近經過，見到好想食就入咗去試，一揀就係揀油麵，佢個油麵彈牙，想食「淋」嘅可能就唔太啱食啦，鹵水牛筋，香濃入味，如果你話Lunch諗唔到食咩，呢間一定平靚正

餸不齊，取了回公司才發現無比豬皮及蘿蔔，一共比多付了$21，等候時間又長，食物份量又少，價錢一點也不便宜，餐廳不大堂食也不見得坐得舒適，但食物味道還可以，不過整體勝價比不，應該唔會再幫襯

今日行過 見到依間好似新開嘅茶餐廳 開嘅位置似乎for 附近打工一族 一坐低 啲嘢食非常貴 一個車仔麵最低消費要41蚊 再開個食評睇 得兩個負評 我都係唔試車仔麵 揀個豬扒麵好似穩陣啲麵可自選咩類型都有 我揀咗米粉 但佢都唔平架 成51蚊 望落同我平時幫襯開嘅賣3-40蚊嘅質素差唔多 試下啦 依個真係最多值40蚊 唔會有下次 湯底無乜味 米粉軟硬都適中嘅 但塊豬扒得一塊薄薄的 算入味無雪藏味 正常啦 不過喱個價錢真係無下次 性價比極低 地點又隔涉 真係for打工一族。。。喱度嘅好處係佢好光猛又新開 環境都算乾淨企理 水同叫嘢食都係自己搞掂

今日下午去觀塘見到佢新開間車仔麵咪入去試吓囉，環境都唔差唔知點解一間車仔麵做到好似快餐咁嘅形式要人哋出去買，有咁多員工喺度點解唔可以落單叫嘢食呢？好彩我下午去到都冇乜人都可以買完飛即刻有位坐我今日叫咗個魚皮餃，鴨血，牛筋，香辣魷魚，瀨粉大辣加杯凍檸茶味道一般唔係話好好食，首先我今日食咗$78你話貴定唔貴都係衡量你自己嗌幾多嘢食，牛筋我覺得OK魚皮餃好似浸咗好耐咁完全好難食同埋唔熱嘅魚皮餃我第一次食，佢哋啲鴨血都係包裝來冇得講，最離譜就係佢所謂嘅香辣魷魚前後得四件每件係10 cm闊度，其實會唔會過分咗，難聽啲講觀塘廣場檔車仔麵都好過你，最後就係一杯凍檸茶呢杯凍檸茶真係經典未飲過一杯檸檬茶係冇茶味而好甜，咁嘅$78大家會唔會去食呢？呢個屬於個人意見