肥仔燒 (已結業)

今日同老公試下食串燒去左附近呢間肥仔燒試食！鹽燒一口牛～多汁～夠味呢個係我個人最喜歡嘅！牛油燒粟米，唔會乾，又多汁！呢個真心覺得正！黑椒鹽燒羊架，多汁唔騷，7成熟剛剛好燒雞泡魚乾，鴨舌～好惹味～餸酒真係一流！帶子剛剛熟！仲有鹽燒虎蝦，蒜蓉燒元貝，廣島蠔，汁燒鰻魚，黑松露花枝丸，燒茄子🍆，日本蕃薯仔，都好食燒雞皮➡️脆原來我地2個人都食左好多好多野有啲食左先醒起未影相最後仲食多一個稻庭冷鳥冬～真係大滿足呀！

富安開左間新串燒舖 終於去試😋之前睇過晚餐menu 價錢中等今日撞岩下午茶時段，有另一個menu😝我見有第二個客睇緊夜晚menu 又拎黎睇睇原來而家都叫得😋咁我地最後叫左一串串燒 同兩個下午茶飯😆我叫左招牌粒粒鰻魚炒飯🐟🐠🐡 $40嘻嘻>< 無諗過佢咁好味 唔知係咪因為我太肚餓🤣 成個炒飯都有鰻魚汁😋側邊圍住啲葱 上面舖有蛋絲🍳🍳 鰻魚粒都唔少 但真係好細粒👶🏼 唔知關唔關下午茶事呢 個飯都幾細碗🙈女仔（好肚餓）就有啲啲唔夠🤣汁燒雞扒飯🐔🐔 $35男朋友就叫左呢個 個飯都係同一size 但雞既數量比得幾慷慨👍🏼👅 雞皮少脆 汁就係普通日本燒汁 整體無咩特別一口和牛🐮佢黎到既時候 我嚇一嚇🙈 我以為係好似葵廣嗰啲咁有一兜 但得四粒😢 但又幾鍾意佢🤤一拎上手 啲油係度猛咁滴🙈 入口好香牛味🤤係我鍾意既味😆口感好正👍🏼👍🏼 多多幾舊就好😭希望小店繼續做落去 會再黎呀💕

睇到fb有page大贊，特登走去試，可能有期望，所以失望。餐廳主要當然係食物質素，所以唔理服務、環境、價錢等等，齋講食物，係有少少失望嘅。食咗鵪鶉蛋、一口牛、雞翼、羊架、茄子、元貝、雞泡魚、啤酒一支。最好應該係嗰支啤酒，夠凍。全部加埋$366，2個人，真心可以食更好。茄子可以用難食去形容，蒜蓉生到「那」喉，完全無調未，又乾，真係將我最愛燒物糟蹋。羊架不過不失，調味適中，五成熟剛剛好，要讚！又一失敗之作，乾到無朋友，煮得大熟所以好浪費，無鮮味，蒜蓉又係生生地，可惜！鷄軟骨唔夠脆，直頭唔脆呀！唔脆即係食脂肪，好難頂！雞翼ok，唔難食。雞泡魚乾送酒恩物，可借唔夠脆，可以再剪幼d， 易咬d。一口牛，好食，多汁，夠味！其實咁嘅一餐平時一定會比負評，不過見廚房係一班後生仔充滿理想，唔想打沉你哋。不過都要中肯，係唔好食，有大大大量改善空間。食物材料有、位置有、客人有⋯⋯唯一食物欠奉，咁係咪要出力d先。既然花咗咁多時間煮，再留意多一d少細節，蒜蓉真係唔可以生上，太影響味覺。加油，有機會未必再去直至一日再見到有人讚，一定會再試！繼續努力！PS 唔好用紙碟上，好唔環保，食一餐串燒用n咁多隻紙碟，真係好浪費

開左openrice ac咁耐都未寫過食評🙈但真心覺得要推介 所以獻出第一次🙈🙈🙈星期六夜晚 同班fd打完牌 心血來潮口痕想食宵夜 之前又聽同學講過 我屋企樓下開左間串燒好好食入面啲人又好nice 所以就一班人落去買黎踩場試下落到去 因為係紅日 間舖都幾多人睇黎大家都覺得富安終於有似樣既宵夜食喇😂😂舖頭裝修得好簡單 但係就好有風格 一邊牆身用水泥牆有歐美風格另一邊則用白色仿磚牆加木牌展示餐牌食物方面食材選擇多 豬牛羊雞都有海鮮 蔬菜都有 對於素食既朋友都一樣有很多選擇我地人數眾多 所以可以叫野食既種類都唔少 好岩一大班朋友吹水重點係 舖頭啲人都吹得😂😂佢地會陪你地傾下天南地北 我諗如果自己一個黎食 都唔會覺得寂寞😂值得推介係佢個漢堡扒飯同埋冷烏冬漢堡扒大塊同都幾厚 啲醬汁同隻煎蛋溝合啲飯係好夾☺️☺️☺️個烏冬推介既原因係因為佢個沾烏冬個汁係自己調製既 不過我就略嫌有啲淡 可以濃味少少🙈🙈有進步空間😋😋雖然間野好食 不過佢既開舖時間就晏左少少 夜晚6點幾先開 如果收工食就差唔多 想食下午餐就唔得喇 好彩佢雖然遲開 但佢開到凌晨1點倒 宵夜岩哂👍🏻👍🏻👍🏻同埋由於佢即叫即燒既關係 所以可能要等

值得一試既平民串燒。雖然遠左小小，係馬𩣑山富安花園入面，不過價錢好抵，雖然鋪仔細細，但係服務超贊，味道都ok，係出面食串燒起價都廿幾元起，呢到十多元已經一串，扺食，會再約朋友再去食。

前幾日打完波同個friend去咗呢度食嘢 入到去之後個店員勁Hard sell 又話呢樣好食果樣好食 之後我哋分別叫咗兩支汽水 一個漢堡扒飯 一個鰻魚飯團 同埋一口牛 一口牛收我＄27蚊 得嗰四粒 仲要有啲韌 真係唔能夠接受 本身我個friend諗住飲其他嘢 但係佢哋話冇貨 剩係得果兩款汽水揀 餐牌上邊啲飲品其餘都冇 咁我哋只能夠飲汽水 然後個漢堡扒飯有陣怪味仲好似唔太熟 仲有啲生嘅肉粒係到 最後到個鰻魚飯團 個飯團細到你呢 兩啖冇晒 仲要勁鹹 嗰塊紫菜諗過毛巾 我真係以後唔會再嚟呢間野度食 食咗一次之後驚左