464
37
51
港鐵尖沙咀/尖東站 L5 出口, 步行約2分鐘 繼續閱讀
電話號碼
24680438
69028887 ((WHATSAPP))
開飯介紹
夜消磨好去處的串燒店,汁燒鮑魚絕不欺場。 繼續閱讀
特色
飲o野傾計
營業時間
今日營業
18:00 - 01:00
星期一至日
18:00 - 01:00
付款方式
Visa Master 現金 支付寶
座位數目
60
其他資料
網上訂座
酒精飲品
電話訂座
賞訂座積分
外賣服務
加一服務費
當面支付
有關獎賞計劃
食評 (577)
等級4 2018-11-09
148 瀏覽
第3次光顧這家串燒店啦!!!每次起串燒都會諗一諗去唔去呢間!!!因為第一次比我既感覺實在係好好味!! 見到佢好似又加左新野, 所以又黎左試下!!! 因為有小小唔舒服, 所以冇叫到啤酒, 有點可惜, 但呢間串燒店既啤酒真係好有特色, 而且款色好多, 名又好新穎, 唔清楚味道既話可以問下D STAFF, 同佢地講你想飲D咩類型, 例如甜D, 果味重D之類, 佢地都會介紹返!! 好好人架!!!今晚唔係叫左好多野, 但指定中意既我一定會叫!!就係鹽燒牛舌 $59 , 蒜蓉扇貝(兩隻) $59, 同埋 珍寶帆立貝(兩隻) $69, 次次都會叫呢3款, 唔使講梗係正!!! 牛舌厚身, 超有口感, 味粉味道適中, 唔會搶走左牛既味道!!! 帆立貝好粒啊!!! 咬落仲有汁B出黎!! 鎖得住D水份!!! 扇貝都算大隻, 不過我嫌佢蒜蓉過多, 可以少返小小!!!鹽燒牛舌    $59蒜蓉扇貝(兩隻)   $59珍寶帆立貝(兩隻)          $69安格斯牛柳粒      $79跟住叫左特別小小既柚子雞翼(兩隻) $30, 雞翼甜甜地, 好開胃, 蠔方面我地揀左個 金黃醬廣島蠔(兩隻) $59, 其實我唔知金黃醬係咩, 原來係沙律醬再加左粟米蟹柳同埋燒左面頭!! 好好味!!!超中意!! 下次佢會入左我個必叫LIST!! 另外當然唔少得小小蔬菜!! 叫左蒜蓉茄子    $49 同埋 燒韭菜    $25!! 韭菜唔辣!! PERFECT!!! 個汁咸咸甜甜咁, 好好味, 蒜蓉茄子都係同一個問題就係太多蒜蓉!!! 要減少返D先得!!!柚子雞翼(兩隻) $30金黃醬廣島蠔(兩隻)     $59燒韭菜        $25蒜蓉茄子    $49最後叫左個而家好HIT既黃金炸魚皮 $59, 新加坡個隻就食得多LA, 即整既都係第一次試!! 唔錯喎!! 個汁唔會好咸, 不經不覺就會食多左, 不過可能太脆口又冇啤酒既關係, 個咀入面食到有點介口!!!真係要有啤酒先得!!! 同埋多人會好D, 因為都好大兜, 多人SHARE會好好多!!黃金炸魚皮          $59 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-08
91 瀏覽
本身好鍾意食串燒,咁啱俾我搵到 一間串燒店 叫做"肚餓了串燒烤焗專門店",位置響尖沙咀好方便,所以立即過來試試吧! 餐廳面積唔算大,但都坐得幾舒服,仲見到有很多不同款的手工啤酒,可惜當日要揸車所以只點了可樂。 我們點了雞肉串 ( 兩串 )$39,鹽燒牛舌$59,燒黑豚肉$49,羊仔柳$32,蒜蓉扇貝$59,原條鰻魚$59,燒蠔拼盤6隻$168,蒜蓉茄子$49,棉花糖多士$29,罐裝可口可樂$18。蒜蓉茄子 ~ 超級大條的茄子原條上,香濃的蒜味,好香!原條鰻魚 ~ 鰻魚有少少腥,唔夠肥美,但因為我好喜歡吃鰻魚的關係,所以成條食曬。雞肉串 ~ 雞肉串超級抵食,$39已經有兩串, 雞肉大大粒很夠肉汁。鹽燒牛舌 ~ 厚切牛舌份量十足,雖然是厚切, 但燒得剛剛好,容易入口。燒黑豚肉 ~ 熟度啱啱好,肉汁仍然保留在黑豚肉裏面。羊仔柳 ~ 香噴噴的孜然粉味,但絕對冇蓋過羊串的肉香。燒蠔拼盤六隻, 有六種不同口味,包括有蒜蓉 芝士,自家製金黃醬,黑松露香菇醬,蜜糖, 蒜香勁辣。本身好想試黑松露香菇醬,但是當日冇這個醬啊! 燒出嚟嘅蠔完全保持到新鮮的味道,蠔汁味濃,size仲幾大隻添!蒜蓉扇貝 ~ 原本我是叫黑松露香菇燒扇貝的, 可惜當日沒有黑松露香菇, 所以改了用蒜蓉燒扇貝,新鮮的扇貝,蒜香味濃還有鮮甜的味道。棉花糖多士 ~ 食埋呢個甜品就啱啱好喇,餐廳好細心將棉花糖多士放到最後才上枱,賣相相當吸引,燒到金黃色的棉花糖,再配上朱古力醬,好好味!整體餐廳環境雖小但很有氣氛,串燒的質素唔錯,下次我會再來吃黑松露香菇燒蠔的! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-03
459 瀏覽
早前帶老媽去燒烤做了她的燒烤専員😑。還是讓人服侍的好,所以今次和朋友來這裡吃串燒。環境裝飾很有特色,稍高的座位如吧枱,超大的鐘,還有一排排的酒樽。雖然在商廈的6樓,但8點過後就很多食客了。點餐紙密密麻麻的美食,某些可以在Menu裏看圖,有圖有真相。微辣肉碎原條燒茄子,$49。很香麻辣味,微辣,保留了茄子味道。面頭很多肉碎,還有比較硬的炸蒜粒。很香口但不油膩。惹味汁燒雞泡魚乾,$49。喝酒時的良伴。甜甜的好有嚼勁。平時當小吃也一流。汁燒惹味翠肉瓜,$20。面頭很多孜然粉,翠肉瓜大件但感覺普通。燒新鮮冬菇串,$25。冬菇算厚身,雖然切半但吃著也有口感,燒得剛好,面層乾下層仍有水份。汁燒秋葵,$29。比較乾身,少少汁燒的味道,有咬口。鹽燒鴕鳥肉,$29。很乾身,一點脂肪都沒有,有點似吃牛肉乾。燒雞軟骨串,$39。夠爽口。燒黑豚肉,$49。燒得恰當,保留肉質的嫩。珍寶帆立貝,$69。啖啖肉,很肥美,燒得香囗,和刺身的口感不同。西京比目魚,$88。有入口即溶的感覺,味道清清帶甜,熱騰騰很好味,算多骨但分明。芝士丸,$20。像打邊爐的芝士丸,但很彈牙,芝士也不膩。棉花糖多士,$29。賣相吸引,也不是想像般很甜,很得意。雖然有點貴,份量也看似不多,但飽肚。我和朋友都特別喜歡茄子、黑豚肉和比目魚。因為吃時有喜出望外的感覺。另外沒有水,原本打算中途看著辦,還好食物不鹹,最終也不用叫飲料。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-18
884 瀏覽
今日放工約左個friend嚟食呢間樓上既串燒店七點到既時候個場都幾full 好彩朋友一早已經訂好檯 呢度食物種類都幾多 肉類海鮮菜類樣樣都要飯就淨係得焗飯 對我呢d鍾意食炒飯炒麵既人嚟講就缺左少少野咁落好單等左一陣野食就送到啦自家製惹味燒雞肉串(兩串) $39特別推介呢個雞肉串 $39有兩串真係幾抵食粒粒雞肉都好大粒 而且好夠肉汁肉質亦都好滑 滿足鹽燒厚切牛舌 $59牛舌一片片就食得多 但呢個係厚切既一粒粒 平時好少見就算厚切但都一d都唔鞋 而且好重味孜然粉羊仔柳 $32我唔食羊既就冇食呢個 但係我個friend話幾好食 羊既味道夠濃川式燒韭菜$25食串燒我一定會食韭菜 韭菜唔會燒到好乾 加入左適量既調味 食落好惹味肚餓了燒蠔拼盤(六隻) $168一次過可以試曬六款蠔 覺得係為我呢個選擇困難症而設既我自己最重要自家製金黃醬燒味道甜甜地既沙律醬配上濃味既蠔 兩者配合得好好而且特別開胃黑松露香菇醬我都好重要 我呢個黑松露迷對佢既黑松露味道滿意 而且上面真係配上好多香菇 係個比較濃味既選擇川式脆燒雞軟骨串(兩串) $39呢度既雞軟骨同平時食既有少少唔同佢冇咁乾身比較濕潤d既 但係食落都係脆卜卜好香口黃金墨魚嘴咀 $69呢個墨魚咀一上檯真係嚇親 我冇咩見過咁大粒既墨魚咀佢有好香既鹹蛋黃味 而且好有咬口佢既份量都幾多 而且一直食既話會有d流建議多幾個人一齊分享 絕對係抵食既選擇燒玉子 芝士蟹子味 $38呢個價錢有玉子燒真係好抵而且上面既蟹子份量超多 食落啖啖都有豐富既蟹子西京比目魚 $88呢個魚有成兩大片 魚肉好滑我好鍾意比目魚既味道 油香魚味獲得一個平衡 唔需要太多既調味冬陰功海鮮焗飯 $129冬陰功味道係超重 而且都算辣裡面海鮮份量都幾多 估唔到竟然會有幾粒大大粒既帶子食物既份量比我想像中既大我同個friend都食到超級飽 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-13
794 瀏覽
同事話好耐冇食過串燒,上嚟搵到間串燒店叫hungry bird😂放工即刻嚟試下😋鹽燒牛舌@牛舌超厚切,本身都都擔心會燒到好韌,但係肉質偏腍,咬落都幾juicy,雖然孜然味有啲蓋過牛味,但係厚切嘅口感真係好好秘製醬汁燒豬頸肉@份量好足,每塊豬頸肉都唔太厚,熟度啱啱好,外脆內軟,唔會燒到過熟變硬,肉汁仍然保留在內,秘製醬汁酸酸地有啲去油膩感,但係唔點汁已經覺得好好味芝士扇貝@扇貝有好多唔同口味供選擇,最後揀咗芝士味,扇貝雖有大有細,但係都幾新鮮飽滿,配上滿滿燒香嘅芝士,芝味濃郁蒜蓉燒原條茄子@燒香嘅蒜蓉鋪滿成條茄子,蒜蓉燒到微脆好香好惹味。火喉控制得好好,茄子夠軟身juicy,但係唔會燒到過熟令茄子肉腍爛蒜蓉牛油雜菌@食咗咁多肉想食啲蔬菜,牛油焗雜菌好香,主要係蒜蓉帶起菇嘅香味,但係食到最後牛油太多,有少少膩燒雞軟骨串@雞軟骨烤得好爽脆,唔會覺得太乾太硬綿花糖多士@9粒綿花糖幾乎鋪滿多士,燒到半溶嘅綿花糖同脆脆嘅多士,加上朱古力醬,香甜得嚟又唔算太膩 繼續閱讀
(以上食評乃用戶個人意見 , 並不代表OpenRice之觀點。)