170
27
29
港鐵天后站 B 出口, 步行約13分鐘 繼續閱讀
電話號碼
29722266
開飯介紹
以口味獨特的肉骨茶作為店的主打食品,亦引入新加坡和馬來西亞多款菜式供食客品嘗。老少咸宜的肉骨茶可滋潤身體,補充營養。 繼續閱讀
特色
適合駕駛人士
營業時間
今日營業
12:00 - 15:00
18:00 - 23:00
星期一
全日休息
星期二至日
12:00 - 15:00
18:00 - 23:00
付款方式
Visa Master 現金
座位數目
30
其他資料
網上訂座
Wi-Fi
酒精飲品
電話訂座
賞訂座積分
加一服務費
有關獎賞計劃
食評 (242)
如果唔係住喺大坑嘅親戚提一句,都唔知道呢條街嘅盡頭有間正宗肉骨茶食。一坐低老闆已經熱烈推薦我哋嗌肉骨茶,咁既然佢間野個名叫肉骨王當然要試吓佢嘅手勢啦,一上枱開火出煙嗰一下,肉骨茶嘅味已經強烈湧入。以前從來都唔鍾意食新加坡嗰隻肉骨茶,因為胡椒味太重基本上都食唔到其他味道,反而馬來西亞嗰隻重藥材味嘅肉骨茶就非常喜歡,以呢度嘅就係馬來西亞嗰種。藥材味真係超級濃郁,一睇個顏色就知道,肉質亦都非常軟稔,所以成煲俾我哋清晒。海南雞亦都係佢令一個出名嘅菜式,其實我就唔係好鍾意食有雞皮嘅雞,不過佢軟滑嘅雞肉其實真係幾好味,我都知食海南雞吃雞皮係會畀人鬧㗎喇不過都係會照去雞皮架哈哈。呢個炒蘿蔔糕真係極度推介,醬汁甜甜地,炒到非常入味,而且一口嘅size好適合女士食,一入口即溶嘅感覺真係非常好。最後係甜品,呢個加吔焗麵包磚,個包真係冇得頂外脆內軟而且超級鬆軟,加埋少少甜既加吔真係冇得頂!不過我哋嗰日係平日去所以老細話有時間整呢個甜品,如果係星期六日去嗌嘅話可能唔會冇㗎,因為係限量嘅而且功夫非常多,所以想食嘅朋友記得早啲打去訂又或者平日先去食啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-11
601 瀏覽
秋高氣爽,趁今天天朗氣清,不如來一趟小出走!是的,今晚我們來了大坑吃宵夜。 這個小區,真的潛藏了不少好吃的隱世餐廳, 值得久不久來發掘一下, 為平淡的生活加添色彩!今晚吃什麼? 就是連 鄭秀文丶許志安 也要來買外賣吃的秘製肉骨茶。小店雖然 位處大街的盡頭,但是要找到它,其實也不因難。現在時間約九點半,餐廳內人不多丶坐得很舒服。 由於大家都吃過了晚飯的關係,所以只叫了一個小的肉骨茶,和兩件蝦餅作宵夜。飲品方面,則點了店家自己煲的熱薏米,還有桔仔冰。秘製肉骨茶(小)肉骨茶用瓦煲小煲盛上。 一打開煲蓋, 茶葉丶藥材混和了排骨的秘製肉香,便立即撲向了我的鼻腔! 令福福郎垂涎欲滴, 巴不得立即嘗試一口。肉骨茶的湯色呈現深深的啡色, 「湯面亅很清澈, 沒有油膩的感覺。 湯喝下去很厚重,沒有過濃的藥材味, 「肉味」跟「肉骨茶香料亅的味道很平均丶沒有誰的風頭被誰蓋過了的問題。如果要整體評分,以5分為滿分,我會給這煲秘製肉骨茶4.5分, 因為它真的是好味道啊!炸蝦餅(兩件)蝦餅是現炸的,炸得脆脆,入口鬆軟,很好吃。熱薏米水自家製 homemade 的熱薏米水。。。 薏米煲得煙煙韌韌,很有咬口, 喝下去很清潤,很順喉,十分適合秋天乾燥的天氣飲用,正!凍桔仔冰朋友則叫了凍的桔仔冰, 我沒有試飲,但看來賣相也不錯, 你說呢?吃完宵夜步出餐廳, 微微的秋風吹在身上,感覺十分爽啊!! 好一個完美的晚上。。。。🦉+ ==============================立即訂閱我的食評吧!福福郎想 跟你分享上班族的苦與樂丶貓頭鷹的人生觀丶美食和「金句亅啊!Relax,and just subscribe! 。。。🦉============================== 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-08
61 瀏覽
早一日買完比朋友,佢醉到無食都食唔到,今日好反就直頭坐低食。午市套餐都幾優惠,點咗海南雞飯,油飯香氣不錯,食落較乾,一粒粒分得太明,直頭有小小未煮透嘅感覺。雞件唔香,似咸雞,肉質偏乾帶點粗鞋。比薑蓉非常合理,但另一邊嘅雞醬係咩嚟?另一個午餐,肉骨茶配飯。同琴日外賣嘅一樣,香但唔濃味,喜歡清香嘅朋友就應該會鐘意,但個人鐘意濃味多啲。堂食就會用個鍋仔一路保持溫度。另外點咗個沙嗲串燒,五分鐘唔使就出嚟嘅炸串燒,肉質油淋淋,都無認真食個肉就比面頭嘅酸沙嗲汁嚇一嚇,唔敢食了。同店家反映完,照收我錢就走了。 繼續閱讀
(以上食評乃用戶個人意見 , 並不代表OpenRice之觀點。)
今日忙到嘔,冇咩胃口,但都想食好西,於是泥到呢間我最喜愛既大坑食店清清地,岩女仔食。炒得幾香,特別係d麥片通常叫左個淡味既會配返個重口味既菜式互補食食下蘿蔔糕開胃返,因為堅好味馬拉盞其實係蝦醬d friend,蝦仔發酵而成,有幾重口味可想而知。加左少少辣椒去炒,達到小辣,非常惹味值得一讚係蘿蔔糕雖然好易散,但係呢度煎得好,每面都脆,欣賞如果你鍾意我今次既分享,請你馬上立即宜家就俾個♥️同關注我😬按我個頭像然後按「關注」🙇🏻‍♀️ 繼續閱讀
(以上食評乃用戶個人意見 , 並不代表OpenRice之觀點。)
筆者以前有一個新加坡男朋友,以前成日去新加坡仲記得佢帶我去食果間叫松X,當時第一次食就愛上左肉骨茶~依兩日突然轉凍,又唔知知食乜好我提議朋友一齊去食~~我地叫左小肉骨茶一打開蓋就聞到很濃香既藥材味,同軟滑既豬肉條配搭得恰到好處。喝左幾啖已經即刻出汗~~好暖身~正因為我係一個飯桶,只係一小窩肉湯,我居然可以送左三碗白飯! ! !哈哈😄 食到停唔到口。我仲嚇親朋友~咖哩雞肉農夫包好味,咖哩好濃稠~~我個人好豬肉~所以我覺得肉骨茶好食D。但朋友鐘意依個多D,佢係包怪~哈哈仲有我地叫左薏米水好彩我地黎得早,初時唔洗等就入得食到一半 發現門口排滿人。。。。。。。想當年,最期待既既係去新加坡見面哈哈。當異地戀咩都做唔到既時候 我就會食肉骨茶 解一下思念~~時間過得好快。。 唔知佢依家點呢。。。 繼續閱讀
(以上食評乃用戶個人意見 , 並不代表OpenRice之觀點。)