257
30
33
港鐵天后站 B 出口, 步行約13分鐘 繼續閱讀
電話號碼
29722266
開飯介紹
以口味獨特的肉骨茶作為店的主打食品,亦引入新加坡和馬來西亞多款菜式供食客品嘗。老少咸宜的肉骨茶可滋潤身體,補充營養。 繼續閱讀
特色
適合駕駛人士
營業時間
今日營業
12:00 - 15:00
18:00 - 23:00
星期一
全日休息
星期二至日
12:00 - 15:00
18:00 - 23:00
付款方式
Visa Master 現金
座位數目
30
其他資料
Wi-Fi
酒精飲品
電話訂座
加一服務費
食評 (338)
等級4 2019-08-19
472 瀏覽
星期六放假同媽子食飯,今日我地就揀左去大坑,諗住食完再行下銅鑼灣。而家大坑真係好多野食,而且唔係只得高級野☺,好多選擇呀。今次老媽子就揀定左食呢間新加坡菜。可惜去到天后站時黃雨,行到成身濕哂…😱肉骨皇係浣紗街最入,還好都唔係好遠,一條直路都入到去,由地鐵行去,落住雨都係7-8分鐘左右。叫做肉骨皇就唔係只得肉骨茶🥘既,仲有好多小菜選擇,而且睇menu價錢好抵食! 小店又有南亞風味💃🏼,唔算好多張枱,有D似家庭式作業,氣氛都唔錯。睇緊Menu時店員推薦我地like facebook/IG,就可以揀一杯冇酒精既飲品🍹,正! 😍我地就揀左石榴同青檸特飲,因為阿媽見到有個咖哩魚頭想食,叫返D冰凍既特飲好D~😇食得咖哩我就叫埋個油酥餅,再叫個沙津同海南雞飯,應該好夠食。先黎左特飲同沙津🥗,贈送既特飲都係大大杯足料,唔錯。沙津都有好多料,叫得做海鮮柚子🍋沙津都有好多魷魚🦑同蝦🦐,除左柚子之外,沙津菜就以椰菜絲🥬為主,再撈埋酸甜同有少少辣既汁,都幾惹味。如果個汁另上,我地自己撈應該會更新鮮更好食。不過佢本身都唔錯,汁同材料好食,而且份量都好多,4個人share都一定夠。海南雞飯賣相都唔錯,同埋我鍾意佢唔會用D好肥既雞🐤,有油香得黎唔會食到成口膏! 雖然個飯底唔係油飯,但雞下面又有新鮮芽汁做底,加埋D雞油汁食都唔錯。而且我地咁樣配搭,有D白飯🍚食一陣個咖哩🍛魚頭,正!主角黎啦! 個魚頭煲🐟真係好不得了,又大煲又香! 而且佢魚頭係用三文魚,所以好多肉🤤,而且仲要係我老媽既favorite,所以佢特別滿意 <3 個黃咖哩汁本物都做到唔會太濃但又有D黃咖哩同黃薑既香味,濃淡得宜。叫左個洋蔥油酥餅🌮真係好不得了! 個油酥餅新鮮熱鬧烤起,又唔會太油但又唔乾身,點咖哩食當然好味,就咁食都唔會太乾,因為原來佢中間仲有D洋蔥饀料,再炒左既洋蔥唔會太濃而又夠香,正! 呢個配搭真係好完美!慢慢食左個零鐘,雨都停哂時間剛好。為返每人都係200,抵食又好食! 媽子話下次要再黎試埋個肉骨茶🥘🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-20
412 瀏覽
最近唔係食打邊爐就西餐,食到悶悶地冇咩新意,呢日想食特別啲,同男朋友行完銅鑼灣專誠過到嚟大坑,試一間網上評語唔錯嘅星馬菜。大坑環境寧靜,地點又方便,可以係天后或者銅鑼灣行過黎,10分鐘都唔駛就到。.餐廳裝修略帶東南亞風味,我地睇完個餐牌就叫左馬來椰漿飯(HKD 88),臭豆參巴煎蛋餅 (HKD 88),柚子蝦沙律 (HKD 88),馬拉沙嗲6串 (牛肉,雞肉,豬肉,HKD 78)。至於飲品,就叫咗美綠恐龍同珍多冰 ,只要你like佢地facebook/instagram就會免費送一杯飲品!先黎既係沙律,分量啱啱好夠兩個人,沙律菜新鮮爽脆,酸酸甜甜非常開胃,而且有好多柚子肉,味道清新,仲有大量花生碎,食落香脆,同埋佢地隻蝦好大隻,處理得雪白乾淨,啖啖肉兼彈牙。跟住嚟既就係煎蛋餅,好有家的味道,蛋味濃郁,配料豐富,又香又惹味。再黎既就係串燒,肉醃得入味,燒得香口,味道唔錯;沙嗲醬更加係呢味菜嘅精粹,質感幼細,花生味濃厚,而且咸甜調味平衡得宜。椰漿飯帶有好清香嘅椰汁味,口感略帶creamy,飯粒軟硬度適中;雞翼外皮金黃香脆,內裡肉質保持嫩滑。美綠恐龍同珍多冰都好正,而且like咗facebook唔洗錢,飲落特別好味,欣賞佢地用上可循環再用嘅不鏽鋼飲管,為環保出一分力💪🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-28
498 瀏覽
作為香港的隱秘美食天堂,大坑一直都享負盛名,由拉麵到西餐,由fine dining 到中菜等等,最近又新增了一員:肉骨皇店子位置不佳,在大坑最入的位置,但星期五晚上九點也是全場爆滿,外賣/速遞單來個不停,我們點了幾個菜,實在意想不到的很飽肚。食物:咖哩大頭蝦$188南洋風的咖哩與別不同,內涵也是不一樣。第一大賣點是兩隻可比臂長的大頭蝦,外型非常搶眼,先行油炸蝦頭的膏鎖住,膏多而且脆口,蝦肉浸在咖哩汁中非常惹味,肉量也多。咖哩汁不算太油,裡面有幾顆薯仔(很粉很好吃,而且有預先烤過,所以依舊保持原型),茄子(這個是超軟稔入味,意外地夾!豆角也是意外地掛汁,不過就沒有茄子掛得精彩。檳城炒貴刁$88馬拉的國民級美食,跟干炒牛河很像,但他們用上黑醬油 蠔油等同炒,上色更濃味道更香,而且貴刁幼身,口感更細緻。材料用上臘腸,大蝦,雞蛋,豆芽,油香重,而且肉都是本身不重味的,所以跟醬料有很強化學作用,很好吃。馬拉盞炒椰菜苗$78相比之下有點失色的椰菜苗,同樣惹味但很多纖維,跟普通椰菜苗比有點老,而且炒得不夠乾身,可以更佳喔!服務也是合理,不過不失,畢竟這週五晚實在太忙,也不好意思打搞他們太多。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-20
385 瀏覽
今晚同媽媽食新加坡菜,這間有大坑的,這邊好多出色又美味可口的菜餚,上次來食過日本壽司、中菜,今次一於試一試新加坡的! 環境簡約乾淨簡單整齊,以當地的圖畫作設計,深色的餐具及綠色的燈飾,好特色又舒服的風格!服務友善親切,有效率的接待;廚師大師傅是地道的!牆上木板寫著多款獨特手工菜色,如:黑胡椒炒蟹、參巴魔鬼魚、麥皮蝦/蟹、亞囉螄蚶等等,而餐牌包含了好多吸引菜餚的圖畫及相片,讓客人可以更客易選擇喜歡的!我們2人點了3個菜餚,一同分享。1. 馬拉盞炒通菜獨特馬拉盞的咸香野味可口,加上紅辣椒的微微辣味,配上飯食一流;通菜嫩滑的菜葉及爽脆的菜莖,不同口感又健康!2. 咖哩大頭蝦好大鍋,大大隻大頭蝦,好香濃咖哩汁,大頭蝦好大好爽脆又美味,吸了咖哩汁更野味;配料有香脆可口炸薯仔,吸收了咖哩汁,超級入味;更有洋蔥、青豆,配搭極好!3. 菠蘿蝦球炒飯好香軟唔油膩的炒飯,粒粒分明;媽媽大讚好食,炒飯軟硬剛剛好,淡黃色顏色均勻,配上方形酸酸甜甜多汁的新鮮菠蘿,爽脆乾淨的大蝦、入味爽口的魚片條、彈牙的魷魚,好豐富美味! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-10
106 瀏覽
一直很少食肉骨茶,因好怕藥材味道會好濃,不過聽好多朋友話好好味架,所以都想試下! 店裝潢別 緻 , 橙色牆身掛上黑白星馬懷舊照 片 , 簡約中帶 有東南亞風情 。 場內環境不大,只有6至7張黑色木紋長枱,後方的一小角已是廚房位置。牆身以暖色系列為主,掛上了數個相,色調溫和,配上柔和的燈光下,有著家的感覺。肉骨茶有分大同細,今次叫左個細既試下,兩個人每人分到約兩碗,另跟上一小碟油條放湯用。「檳城肉骨茶」熱辣辣的用爐熱著,份量都唔少,主角「肉」煮得夠腍身,入面仲有金菇和豆卜,深啡色的湯底有濃而香的藥材味,甘甘醇厚的味道,不錯。最喜歡是店子很細心的用了小爐奉上,慢慢溫著肉骨茶,如果在冬天飲這暖暖的肉骨茶,很暖胃保身呀!! 開火滾了一會兒就可以食用,也不用擔心不知道什麼時候可以食,因為店員會密密過來幫大家看看! 食物的種類也不少,除了招牌肉骨茶,還有沙律/頭盤、小食、主菜、咖哩/喇沙和海鮮等,有好多都想試呢!終於點了星洲炒粿條、洋蔥油酥餅、 馬拉盞炒蘿蔔糕。當中想推介洋蔥油酥餅、 馬拉盞炒蘿蔔糕和洋蔥油酥餅,香香酥酥的印度餅,配搭味道較重的咖哩,絕妙滋味!馬拉盞炒蘿蔔糕, 蘿蔔糕外脆內軟,香脆可口,味道濃郁! 繼續閱讀
(以上食評乃用戶個人意見 , 並不代表OpenRice之觀點。)