影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
影片
相片
+87
九龍灣都登陸了第二間肉肉大米1.三件漢堡扒（原味、芝士、牛油果） （ $140 ）「肉肉大米」堅持使用日本產食材，提供由九州黑毛和牛與美國牛肉混製的現烤漢堡排、每日現磨的日本「虹煌米」及可生食的日本新鮮雞蛋。餐廳設有開放式吧台、開放式廚房和精米機、可以看到廚師備料和製作的過程。店員會先煎至五分熟鎖住肉汁，再於顧客面前慢慢加熱至喜愛的熟度。餐廳更提供多款不同的醬料供選擇，大家可按照自己的喜好自由搭配。白飯、湯和西蘭花喺可以任食，真係非常抵食。漢堡扒入口即化，香氣四溢。三款的口味各有吸引之處。原味可以吃到漢堡扒的原汁原味；芝士味可以吃到邪惡且濃郁的車打和巴馬臣雙重芝士；牛油果他他可以吃到清新且Creamy的牛油果漢堡扒。大家快d去試下啦💕
繼續閱讀
💕發現德福廣場開左肉肉大米，即刻去試。西蘭花任食， 邪惡感即刻消失🙆 套餐包括番茄蜆湯 及米飯🍚💕這次我點了兩款套餐，✨️分別是漢堡排套賽（牛油果+芝士）和芝土和牛漢堡排套餐。漠堡排的肉質非常鮮嫩，💛搭配的牛油果和芝士使整體口感更加豐富。牛油果的滑順與芝士的濃厚原來咁夾，讓人每一口都充滿驚喜。😝兩件芝土的搭配讓人感受到傳統與創新的完美結合，無論是口感還是味道都十分出色。 餐廳的環境也很舒適，店員的態度親切。肉肉大米的菜品不僅美味，還能滿足不同食客的需求。
繼續閱讀
上個星期同朋友去咗九龍灣德福廣場新開嘅「肉肉大米」，呢間日本人氣漢堡扒專門店真係名不虛傳！一入到餐廳，開放式廚房同吧台式設計已經畀人好有新鮮感，望到主廚即場煎漢堡扒，陣陣肉香撲鼻而來，真係令人即刻肚餓！環境同服務 餐廳面積大約1,400呎，44個吧台座位，設計簡約又帶點日式風，木質同金屬元素混搭，感覺溫暖又唔失活力。雖然係新店，但人氣超旺，建議早少少去攞籌，平日夜晚都要等一陣。店員好有效率，落單同安排座位一氣呵成，仲會好細心講解點樣燒漢堡扒同配搭醬料，服務態度一流！我哋叫咗幾款套餐試吓，主打係佢哋嘅和牛漢堡扒，用九州黑毛和牛同美國牛肉混製，每件大約95克，肉質厚實又Juicy！店員會先將漢堡扒煎到五分熟，之後放喺你面前嘅鐵板上，畀你自己調節熟度，呢個DIY體驗真是一個新鮮嘅樂趣！1. 原味和牛漢堡扒套餐（$95，2件） 呢個套餐真係高性價比！漢堡扒外層煎到微焦，咬落去肉汁四溢，牛味濃郁，配上日本生雞蛋同醬油，攪拌埋白飯一齊食，簡直係「白飯神偷」！米飯用日本東北「虹煌米」，軟糯帶黏，吸收咗肉汁之後，食一碗再添一碗都唔夠！2. 和牛芝士漢堡扒套餐（$110，1件原味+1件芝士） 芝士控一定會愛上呢款！漢堡扒上放一片車打芝士，店員仲會即場刨大量新鮮芝士絲，燒到半溶狀態，望到都覺得邪惡！芝士同和牛嘅濃郁味道混搭，入口香濃得黎唔會太膩，配埋西蘭花同味噌湯，完美平衡！3. 牛油果和牛漢堡（$140） 呢款牛油果和牛漢堡真是一個驚喜！漢堡扒用同樣嘅九州黑毛和牛，煎到外脆內嫩，肉汁鎖得好好，配上厚切新鮮牛油果，入口滑順得黎帶點清新嘅果香，完全中和咗和牛嘅油膩感。漢堡仲夾雜咗少少生菜同番茄，增添爽脆口感，搭配店家特製嘅日式和風醬，酸甜得宜，食完一啖仲想再食！呢個組合真係健康同美味嘅完美平衡，推介畀鍾意清新口味嘅朋友！配料同飲品 枱面有8款醬料同調味料，包括燒肉醬、蒜香辣椒醬、黃芥末醬同胡椒鹽等等，自由配搭好玩又唔單調。我最鍾意係日式芥末鹽麴，帶點鹹香同微辣，畀漢堡扒加分不少！另外，米飯、西蘭花同蜆肉味噌湯全部無限添加，味噌湯清而不淡，蜆肉好新鮮，飲咗幾碗都唔覺膩。肉肉大米九龍灣分店真是一個漢堡扒控嘅天堂！由環境到食物質素都好有誠意，$95-$140嘅套餐價錢，包2至3件漢堡扒仲有無限添飯同湯，性價比真係好高！牛油果和牛漢堡嘅加入令菜單更多元，無論鍾意濃味定清新口味都有選擇。唯一小建議係座位係高圓櫈，無靠背，坐耐可能會有啲唔舒服，但無損整體嘅美食體驗。下次同朋友再黎，必定要試埋其他口味，仲要早啲到避免排隊！
繼續閱讀
終於到九龍灣開肉肉大米喇!!! 有新店梗係要去打卡啦新店超旺場, 平日晚市去食排左陣隊先入得呢, 不過好在座位都多, 唔洗等好耐~九龍灣店係入座後用QR CODE落單付款, 非常方便~~餐廳主打和牛漢堡~ 今期有原味, 芝士同牛油果他他漢堡3種味道各有特色, 一定要試晒佢呀!!!整個套餐有和牛漢堡, 雞蛋, 仲有無限任添既飯, 湯 &西蘭花~調味料又有好多選擇, 仲可以調配出唔同既味道添呢!!呢餐超豐富呀! 食到捧住個肚走~~蕃茄蜆湯~~味道清甜, 有超多蜆丫!!職員會先烤漢堡到6-8成熟~然後放係座位前既鐵板再加熱至自己鍾意既生熟度和牛漢堡肉質軟嫩, 牛味濃郁~ 沾埋蛋汁一齊食口感更嫩滑芝士和牛漢堡和牛漢堡上鋪上車打芝士 & Mozzarella~半溶既芝士同漢堡味道好夾, 層次感豐富!!!牛油果他他漢堡牛油果他他配漢堡呢個組合非常新鮮~~加埋照燒汁惹味得黎又健康, 味道好夾店內抽煙系統幾好喎, 食完出黎個身都冇乜味
繼續閱讀
每逢週末，#小秘書 都好鍾意捐窿捐罅搵嘢食😉 得知 #日本漢堡排專門店「肉肉大米」選址喺 #九龍灣 #德福廣場 開佢哋喺 #香嘅 嘅第二分店，梗係要過嚟朝聖啦！餐廳以開放式設計，客人坐喺吧枱上，可以一邊欣賞工作人員悉心為我哋準備食材嘅模樣👀 由原塊新鮮 #九州黑毛和牛 同 #美國牛肉 混合，再搓製而成嘅 #漢堡扒 肉汁豐富，加上 #日本新鮮雞蛋 同 #日本東北虹煌米 一齊食，完全感覺到餐廳對客人嘅誠意❤️ 由於佢哋嘅食物價錢非常親民，$125已經包咗兩件日式漢堡扒+1件芝士漢堡扒，仲有1隻有日本雞蛋，同任食嘅白飯、西蘭花同埋餐湯🤩 啱晒為食嘅我哋！呢晚 #小秘書 一次過嗌晒三種口味... 一於吃個飽🤤原味烤漢堡扒🐮師傅將漢堡扒燒到微微焦香，直接由烤爐送到客人面前！離遠已經聞到陣陣烤肉嘅香氣😉 加配埋雞蛋黃放喺漢堡扒上面，口感真係非常Juicy呀🤤芝士味烤漢堡扒🧀厚厚嘅芝士溶化喺漢堡扒上面，師傅更即場喺客人面前將原件芝士刨成絲，雪花一樣灑落漢堡扒上👀 呢刻就好似睇緊表演一樣，好玩又好食🤤牛油果他他烤漢堡扒（期間限定）🥑牛油和啖啖肉，放埋喺漢堡扒上，再加上特製醬汁... 味道估唔到係咁夾🤤 可惜只係期間限定，想試嘅就快手啦😉餐廳整體氣氛同食物質素都唔錯✨ 除咗可以見到工作人員喺面前即製漢堡扒之外，間中仲會見到啲日本人出嚟向客人介紹新鮮嘅食材！睇到 #小秘書 心心眼😍都出晒嚟... 呢個互動真係夠晒貼心❤️呀！📍#肉肉大米（九龍灣）偉業街33號德福廣場1期1樓F23號
繼續閱讀