38
0
0
港鐵旺角站 E2 出口, 步行約5分鐘 繼續閱讀
電話號碼
93513394
開飯介紹
餐廳鄰近家樂坊,交通方便;按肉類及海鮮設有不同價位的任食火鍋套餐,另於自助食品區有自選肉類、蔬菜及飮品等選擇,適合和家人或朋友聚會。 繼續閱讀
營業時間
今日營業
11:30 - 20:00
星期一至日
11:30 - 20:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付 OpenRice Pay
其他資料
網上訂座
餐廳運作模式 - C類
賞訂座積分
當面支付
有關獎賞計劃
食評 (43)
終於係旺角搵到新開高質打邊爐! 今日免費搭車,出旺角買聖誕抽獎禮物,然後朋友聖誕前聚會,網上訂左呢間打邊爐,見佢價錢唔貴又放題任食,適合一班喜歡食肉的朋友。 去到餐廳,環境闊落坐得舒服,打卡位多,油煙系統齊全。餐牌上有4個價錢揀,由200至400幾,新開張有88折,任食任飲,共7種湯底選擇,最後選擇了248價錢。 叫左藥膳醉雞湯,湯底一來,聞到醉雞味,店員介紹用花雕酒經過36個鐘烹調,雞件超肥美嫩滑,就算煲耐左仲keep到唔鞋,係值得一讚!藥膳味濃郁又唔會苦,滋潤補身,而且加湯時,會加埋花雕酒,服務細心。甜品仲有韓國直送cheese cake或忌廉蛋卷,整體超有誠意。 火鍋料特別推介安格斯牛板腱和牛滑。牛板腱肥瘦比例好,食落有咬口。牛滑口感爽口彈牙,牛味濃郁。另加$28食蝦滑,超新鮮彈牙 😇 = “浦” 晚餐  $248/位  任食:美國安格斯牛板腱  👈推介!英國牛肋骨條牛五花腩牛滑  👈推介!俄羅斯豬梅肉俄羅斯豬五花腩特選雞脾肉雞腰子自助吧任選(丸類菜類魚皮飲品等等) 繼續閱讀
(以上食評乃用戶個人意見 , 並不代表OpenRice之觀點。)
📍肉浦團火鍋放題📮旺角通菜街1A-1L號威達商業大廈2樓A號舖.老實講人大左無細個果陣咁鐘意食任食火鍋, 以前追求飽肚, 而家更注重質素🤭.🙎🏽‍♂️話旺角開左間高質火鍋放題, 見地點方便就腳就即管試下有幾高質先.餐廳剛剛開業, 人流唔算好多, 環境乾淨整齊, 驟眼睇大部分配料同飲品都係自己出去拎😌.湯底有7款選擇, 有中式有日式, 有辣有唔辣, 亦有鴛鴦鍋 +HKD50, 最後我地揀左壽喜燒🍲湯底比較濃味, 睇晒啲重口味既人, 食物放左落呢個湯底入面, 吸收左醬油味醂既精華, 唔點豉油都夠味.牛肉種類好多, 有成9款, 我地試左6款, 介紹下啦~1️⃣安格斯牛小排咁多款牛肉入面最好味, 油脂好夠, 入口即溶2️⃣簿切封門柳切到好簿比較細片, 肉味最濃3️⃣澳洲M5和牛牛肩胛牛肉味濃, 可惜比較瘦, 入口榎身啲4️⃣美國安格斯牛板腱肥瘦平均, 肉味唔算濃, 相對無咩特色5️⃣牛腱肉牛肉肉味重, 口感有啲似牛展6️⃣牛五花腩肥既部分比較多, 食落感覺似雪花肥牛.除左牛肉, 呢個set仲有好多配料都好出色, 北吉廣島蠔好肥美, 越南虎蝦大大隻新鮮爽口, 雞腰子脹卜卜😈.自助吧亦有好多高質item, 包括台灣腸, 蟹棒, 滑豆腐, 牛柏葉, 土魷, 蔬菜選擇多達10款, 實有一款岩你口味👏🏻.正想埋單既時間, 店員話有甜品, 本身已經100%既我地面對店員誠懇既眼神決定要1件cheese cake🍰點知店員再推介忌廉卷, 好啦括出去試埋佢, 誰不知2款都好好味, 俾我地極速清晒🤫.芝士蛋糕芝士味濃郁好厚實, 忌廉卷蛋糕部分好綿滑, 忌廉打到好soft甜度適中唔會好膩😏.整個放題質素好高, 岩晒一班朋友去, 自己鐘意食咩就叫咩, 聖誕gathering未諗到食咩好又有啲大食朋友既話就好拿拿聲book定位喇📞.整體環境:👍🏻👍🏻👍🏻👍🏻食物味道:🤤🤤🤤🤤服務態度:🕺🏼🕺🏼🕺🏼🕺🏼物超所值:💰💰💰💰💰回頭基率:💨💨💨💨.#nonstopeatingdiaryhotpot #nonstopeatingdiary火鍋 #nonstopeatingdiarymongkok #nonstopeatingdiary旺角 #Callme火鍋之鬼 繼續閱讀
(以上食評乃用戶個人意見 , 並不代表OpenRice之觀點。)
女人街兩旁新開了不少餐廳,最近發現了威達商業大廈整棟改裝為食肆,進駐了很多不同的餐廳。 自從早前帶過媽媽嘗試任食火鍋之後,她簡直不能自拔,經常想問我何時放假再與她去任食火鍋。餐廳最主要分為兩大座位區,一邊幾乎全是卡位,另一邊即是梳化加座椅,空間相當闊落而且衛生良好地板乾爽(這個很重要,因很多任食放題啲地板都是𣲷黐黐的)。自助區蔬菜選擇非常多值得一讚,基本上你去單點火鍋會點的菜都有,最特別的當然係羽衣甘藍、冰菜、西洋菜、及蟲草花,單單是綠葉蔬菜都超過八款。加工遠慮選擇也不少但因當天主打想吃鮮肉及海鮮就沒有嘗試了。醬料區方面非常衛生,每款醬料都有蓋蓋住,最吸引我的當然是海量的芫荽、蔥花、日式芝麻醬,還有黑蒜醬油及花椒油這些比較少見的調味料(但用餐後發現基本上是不用調味料的,因湯底真的令食材非常入味,完全不需要沾任何調味。)湯底方面我們加了$50轉成鴛鴦鍋,分別點了蕃茄薯仔豬骨湯及藥膳雞湯。兩款湯底都各有特色,看得出是真材實料牙煮並沒有添加味精。蕃茄薯仔豬骨湯非常濃郁,用大量薯仔豬筒骨熬煮,適合放下任何食材,特別是牛肉。至於藥膳雞湯簡直是養生好推介,龍眼、杞子、冬蔘等藥材煲成,冬蔘味濃郁,單喝已經很滋味,再加以花雕酒醃製的滑雞件,湯頭更濃郁滋補。入座首先會奉上牛肉拼盤,有安格斯牛小排、牛五花腩、薄切封門肉、安格斯牛板膶及澳洲M5和牛肩胛。個人最喜歡的是安格斯牛小排,厚薄適中牛肉與油花分布均勻。媽媽最愛的是薄切封門肉,爽爽地牛味濃郁,實質是牛的橫膈膜。 除牛肉及雞肉外強烈推薦以下幾款食品:蝦滑、原隻魷魚、越南虎蝦、小籠包水餃及熟食吉列蠔。甜品也值得一讚,與其他火鍋放題店有別,並不是由甜品櫃自取的,是用餐尾段店員詢問需要款式再從廚房拿出,這樣就可以確保甜品新鮮衛生。芝士蛋糕很不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-12
1200 瀏覽
冬天打邊爐真係食極都唔會嫌多,見呢間鋪頭個名咁有GIMMICK,一於食下先得😝呢到有4個價位,分別係$198/$248/$298/$448選擇,愈貴就當然食物愈豐富愈高質😉今次我地揀左團套餐($298/每位),任飲任食120分鐘座位空間闊落,內裡裝修幾有心思同都幾UPDATE下,向D電影影片封面/畫面致敬😎落單用QR手機落單,主要有牛肉、豚肉、雞肉、海鮮可以ORDER,至於蔬菜丸類等就出面自助區拎😁醬料區飲品除左罐裝飲品之外,仲有自家製桂花烏龍、洛神花茶😉湯底揀左藥膳醉雞湯,佢係藥膳湯同醉雞分開上,職員建議未落料之前先飲個湯先,勁香濃藥膳味🥰之後再將浸喺花雕酒36小時嘅醉雞件加落去,再飲會變左另一番滋味🤩醉雞件好入味同嫩滑😋至於REFILL湯時唔係就咁加水,係加湯底之餘仲有加D花雕酒入去😍入座後會奉送牛肉拼盤,分別有澳洲M5和牛肩胛、安格斯牛板腱、牛五花腩肉、薄切封門柳、安格斯牛小排,一次過可以試晒咁多款唔同嘅牛,個人覺得薄切封門柳、安格斯牛小排肉味比較香濃,澳洲M5和牛肩胛食落個口感幾好😋食物陸續送上,都算出得幾快👍🏻海鮮勁新鮮同埋大大隻😍越南虎蝦:呢到D虎蝦勁大隻,隻隻都爽口彈牙勁鮮甜,所以ENCORE左好多次,極力推介🤤北吉廣島蠔:肉質肥美飽滿,就算淥完都唔會得返好細隻,食落去好鮮甜嫩口😋原隻魷魚仔:睇落新鮮而且充滿光澤,彈牙爽口唔會霉😁牛滑、蝦滑:又係極力推介👍🏻D滑打得好彈牙爽口,蝦滑味道幾鮮甜😋而牛滑原來係好似點心D牛肉球咁,有D莞茜喺入口,朋友就話味道食落幾香安格斯一口牛、薄切封門柳、澳洲M5和牛牛肩胛:就算再追加d肉一樣保持高質,呢個價錢可以無限任食呢d質素嘅牛肉真係好抵👍🏻鹿兒島黑豚肉:切得薄身,所以即使係豚肉,都唔使要淥好耐就食得,肥瘦比例適當,口感同味道都唔錯😉蔬菜類同丸類選擇唔少,d菜都幾新鮮爽脆,粟米同羅白清甜,丸類水準正常😄去到差唔多完嘅時間,每人仲有1份甜品,呢到都幾有心思,係呢D切件蛋糕,我地揀左原味芝士蛋糕、甜薯芝士蛋糕,食落軟滑而又唔落膩,甜度剛好😉以呢個價錢無論肉類同海鮮都好高質素,湯底仲要幾足料入味,而家新開張仲要有優惠,咁就更加抵食😎而且職員都會主動收碟同主動加湯,值得一讚👍🏻補MENU 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-16
0 瀏覽
位置喺旺角 女人街中間 非常方便 有少少韓式嘅設計 係比較新式嘅火鍋店 有四個價錢可以選擇 湯底就有六款 可以加錢變鴛鴦鍋今次簡左壽喜燒湯底 同團既餐 味道偏鹹 加咗湯稀釋會好好多 座位非常闊落 抽氣做得好好 打完邊爐唔會成身味一坐低先上 打卡吸晴肉類拼盤 每一款肉都有一個牌說明 之後上既肉都會有呢樣嘢係比較少火鍋店可以做到 嘢飲 菜 豉油配料 都要自己出去拎 擺位都整齊同乾淨 呢兩款茶係佢自己自製嘅 其他都係常見既飲品估唔到會有冰菜 呢款菜好少地方有 肉類方面個人推介 牛五花腩同牛小扒 肉類嘅解凍程度好好 牛味非常濃 色澤油花都好靚 同埋上菜速度真係好快 員工好有禮貌同勤快 收碟同加湯同收碟速度都值得一讚走嘅時候每人會送一件蛋糕作甜品 兩個鐘頭內絕對夠時間食 非常滿足既一餐 繼續閱讀
(以上食評乃用戶個人意見 , 並不代表OpenRice之觀點。)