9
0
0
港鐵銅鑼灣站 F1 出口 繼續閱讀
電話號碼
28829877
付款方式
Visa Master AE 現金 銀聯 JCB
座位數目
80
其他資料
酒精飲品
電話訂座 詳細介紹
加一服務費
食評 (9)
等級4 2018-07-20
34 瀏覽
心思思想食燒肉想了整個星期,終於來到星期五,可以大刷一餐!今次帶了同事上來肉料理廣!午市時間,人不算多,大概4-5枱客人。其實我一心想吃飛驒牛!而在云云套餐中,只有一個是有燒飛驒牛,亦是最貴的。侍應同時和應那是最貴但最抵的套餐!同事見我興奮地選擇那16件燒肉,他最後都選了同一套餐!因為每款最多只可要2件,所以我選了8款不同的。* 飛驒牛 - 里脊肉,臀骨肉,肩胛肉 *其實8款肉都很不錯,我只是特別偏好飛驒牛那種肥得來但不失牛味。臀骨肉較爽的肉質是我最喜歡。* 牛腹脅肉,牛腹排,牛胸腹排,外橫膈膜 *牛腹脅的味道較淡。牛腹排油脂比例較高,特別香口。牛胸腹入口鬆化。外橫膈膜則有筋。各有不同。* 沖繩AGU豬 *比起各款牛,較平凡。不過用生菜包着,再加點醬料白飯,亦很正。* 其他 *套餐其實還有前菜、沙律、蒸蛋、白飯、湯、甜品、茶或咖啡。蒸蛋是有忌廉的,有點西湯的模樣。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-05-31
878 瀏覽
最近上網見到介紹呢間餐廳食飛驒牛,突然諗起3年前呢個時間去立山黑部旅行第一次食飛驒牛,立即約朋友去懷念一下~報導話同屬壽司廣集團,記得之前朋友帶過我去食壽司好好味,咁應該有保證啦!我地係呢2個套餐揀左好耐~$1580 就會食到比較特別既部位,而且由大廚燒。$1080 就會食到較多部位。最後我地都揀左$1080 可以食到多d款又平d既套餐!前菜2款後面既鴨胸不太特別前面既以為係豆腐,原來用芝麻再加其他野做成豆腐口感,好特別👍🏻刺身3款冇諗過套餐會食到吞拿魚腩,真係入口即溶。另外仲有喜之次,皮好似輕輕火炙過,有一陣陣香味。用飛驒牛刺身代替平時軍艦壽司既紫菜,加埋海膽、三文魚子,唔識點形容😋海鮮紙鍋賣相唔錯,平時我對呢d鍋一般,但呢個鍋既湯好鮮甜,裡面既蟹腳蟹鉗好味,就連件魚都好好味黑松露蒸蛋黑松露香、蛋又滑薄切飛驒牛主角出場🎉一睇d雪花已經好正!提一提呢度係2個套餐既份量,1個餐每款只得一片輪到厚切飛驒牛出場雖然厚,但燒完都好淋,唯一大三角嗰款有d筋職員教我地要放邊邊慢慢燒,咁先好味主食可以自己選擇,我揀左冷烏冬。好彈牙朋友揀芝士火鍋,我都試左少少,好好食唔漏~最後仲有日本蜜瓜做甜品!今餐食得好飽又好滿意,邊食邊講返旅行既趣事~ 繼續閱讀
(以上食評乃用戶個人意見 , 並不代表OpenRice之觀點。)
等級1 2018-05-23
1004 瀏覽
今日一班識食既朋友約我食飯話要食好西, 一向食飯都係我揸旗,今次話要食燒肉,我諗黎諗去,香港地食日式燒肉既地方唔少,但一係好貴, 一係就質素麻麻,上網搵到呢間野新開無耐,見個餐牌價位都可以,於是幾條食肉獸就去試試。我地四個人叫左兩個set share再加小小散叫野食。一開始先黎一杯似酒非酒既桃味飲品,飲落甜甜地,有酒香但唔濃,清新既感覺為燒肉打開序幕(個杯好鬼靚)跟手係刺身,好新鮮蝦好爽甜,重點係個中拖羅,咬落去係爽口彈下彈下,跟住慢慢向你個口度溶化,我要強調一點,佢爽但佢一D筋都無,呢個好好食我一次過介紹兩樣野, 前面有冷盤有螢光魷魚,抹茶冷凍仲有三文魚,呢幾樣好普通,但後面個壺野就不得了,佢其實係牛肉湯,勁好飲,好清甜,飲落去好舒服,你會唔捨得吞,因為其實壺野唔多,俾多壺我都飲得晒紙火鍋賣相好靚,湯有靚蟹腳同蜆唔甜就有鬼, 個蟹腳好實淨好好食, 蜆十分肥美散叫的伊勢龍蝦刺身,我去過日本好多次,好小見到餐廳有伊勢龍蝦,可能出晒口, 今次見到有仲唔即叫,價錢都好似係$3xx, 但好可惜,自己唔爭氣,一食生蝦就有過敏反應,食左一啖想再食就已經不行了,即時被班友仔在風掃落葉式食晒,我真係好可憐準備主角出場就有醬汁去點點,呢個真係好特別,餐廳將醬油同盬分別打成泡,當熱既肉放上去時個泡會慢慢溶,味就入左肉裡面,好特別主角出場…呢個係其中一個set 入面既八款牛,我唔想寫太多字,講多無謂,牛好多人都食唔小,睇樣就知正唔正散叫之二,牛魔王,樓上個D點會夠,呢牛柳,我食3成熟,好味到癲,我無點醬油或盬黎食,都係個句, 靚野其實咩都唔點最好食到尾聲黎個芝士火鍋驚死你唔夠飽,呢個同一般意式或者瑞士的好大分別,第一佢無酒,第二佢比較cream, 食落味唔係好濃,上檯時個個都話仲點食得落,結果係食晒,煲底都食埋 繼續閱讀
(以上食評乃用戶個人意見 , 並不代表OpenRice之觀點。)
等級1 2018-05-17
700 瀏覽
好耐都無去日本,好掛住日本的飛驒牛,就去左肉料理廣,食全飛驒牛,一行6人,成餐飯食左3個鐘,精彩絕倫,並無冷場,我地叫左2set 懷石料理,雖然要成千六蚊一客,但係餐廳主廚親自燒牛肉比你食,又介紹牛既唔同位置,食法,口感既分別,上左一堂,值回票價。另外再點左幾款牛肉,講真,當晚食過既牛既部位超多,6條友搶住食,都唔知食左邊個位。但係就先食左脂肪比較少既部位,最後食比較肥美既部位。牛魔王一定唔可以錯過。牛脷控一定要食厚切,口感一流。仲有,佢個醬汁做成mousse 狀,非常特别,放上肉上即溶。黑松露配生雞蛋醬汁牛肉,再一件牛肉配海膽和一口飯味道複雜然後搣走面頭塊皮,食裏面唔燶果D,又真係又有層次,好正。個海鮮牛肉湯又係一絕,好鮮甜,略為太小了。生牛肉海膽軍鑑,我無食,但朋友話好好食,我始終都係覺得牛肉要煮熟先可以食。大家都好鐘意食燒大葱,叫左前後4客,原來大廚教要燒燶哂,好好食。講真係日本都無食過咁正又咁豐富既懷石料理。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-05-15
574 瀏覽
話說最後近升左職,諗住同朋友一齊去食餐好既賀賀佢😆作為和牛狂熱者🍖🥩 見到銅鑼灣有間新開既飛驒牛食🤤見就見得多喇,就真係未食過☺️ 就試試佢先💪🏼一黎到等fd有d口瘗癢,叫左d小食送下酒先🥂一客雞泡魚乾,一客芝士焗薯皮,味道五錯👍🏼人齊第一時間坐底叫野食🙌🏼 打住食飛驒牛既旗號黎諗都五諗就揀左最貴個個黎食☺️ 睇真d見到有另一set平d ge問左d 員工有咩分別,原來最貴個個係會有大廚serve你幫你煮埋🙌🏼 食靚牛緊係搵專家煮啦😝 不過食和牛之前,有d頭盤食下,刺身個樣望落都好新鮮🍣望埋d會見到有一層油脂形成既反光面,甲起上的黎軟棉棉連五食魚生既我都忍五住放入口,口感一口即溶,有一陣濃郁既魚香同甜味浮出黎🐟🐟額外叫左一客龍蝦刺身,黎到擺上枱佢仲識郁就知佢新鮮啦🦐有個黑松露蒸蛋又係不得之了🍨 蒸蛋蒸魚得岩岩好,口感滑溜熱辣辣加上香濃既黑松露既獨特口味,令本黎平凡既菜式變到高貴既感覺✨終於上到飛驒牛喇🥩 一黎到又係有九公格擺得靚靚啦✨✨講真燒起上黎真係分五到食左邊個位,不過簡單可以由幾個角度去分到1, 肉味 2, 油膩感 3,軟硬程度 4,厚度好好食就已經係基本啦,水平已經係日本既質素,一口即溶個d都五在話下有大廚服侍又有另一個感覺,單係呢到已經值8.5分其實食到呢到已經好食到識飛😇 但接落黎個幾度和牛,真係可以好食到飛出宇宙💥 顛覆你對和牛既感覺🔥食和牛平時就咁燒,點小小salt已經好好食但佢呢到就五同,有兩客和牛燒肉,即使係食完好耐都仲好深刻好似係你個口入面放煙花🎆落雨之後見到彩虹🌈其中一款係餐廳用秘制醬汁醃製既和牛🐄 廚師用鐵板快燒4,5s🔥 和牛仲係有小小粉紅色既時候就放入口🤤 濃郁既醬汁又五蓋過和牛既肉味🍖一咬入口,成口都比濃濃既肉汁充滿哂成個口💦真係五捨得吞落口😫 本黎已經覺得呢個好好食架啦已經升左上天堂🧚🏻‍♂️ 食埋下一味我都五知去左邊了廚師用壽喜燒既煮法,先燒熱左壽喜燒既醬汁🔥 再快速燒好和牛和牛燒好了後,就淋上壽喜燒既醬汁,再加上一隻農場雞蛋🥚同埋一片片既黑松露🌰 之後一淡過放入口💥💥由於好食到五知點形容,你真係要自己試過先知雞蛋既滑,黑松露既香,壽喜燒既甜,和牛既肉味再貴都值得😭 老實係hk真係好難食得到咁既水平☺️最後仲有甜蜜既蜜瓜🍈 同一個拉面,全部都係日本水平呢個價錢食呢d食物,真係超值👍🏼✨ 一定會再黎💪🏼 希望五洗等到下次升職先有得黎啦😆 繼續閱讀
(以上食評乃用戶個人意見 , 並不代表OpenRice之觀點。)