影片
港鐵上環站 A2 出口, 步行約4分鐘
繼續閱讀
電話號碼
65530938
開飯介紹
主打肉類菜式和酒類飲品的西日式餐廳，如優質的日本和牛和清酒。你更可坐在吧檯座位，觀賞師傅烹調美食，交流對美食的追求。
繼續閱讀
營業時間
今日營業
全日休息
星期一至六
17:00 - 00:00
星期日
全日休息
以上資料只供參考, 請與餐廳確認詳情
-
網上訂座服務暫停
影片
相片
釜飯-大閘蟹·白菌·紫蘇花
CARVING 特色甜品
日本和牛他他
+1.7K
+60
食家推介
💕今日同老公去拍拖食晚餐🍽️今次去食一間比較高級嘅餐廳😋門口係比較平凡入到去都係比較少位置但感覺就好有私隱度☺️Staff安排我地坐梳化位今次嗌左枝純米大吟釀🍶評分：👍🏻👍🏻👍🏻👍🏻👍🏻好易入口，淡淡嘅米酒味好好飲A5和牛他他🐄評分：👍🏻👍🏻👍🏻👍🏻👍🏻用腐皮包住上面有魚子醬帶子刺身配忌廉腐乳撻有磯煮鮑魚，好特別我初初以為係貝殼，原來係用腐乳整嘅撻，磯煮鮑魚好軟腍，墨魚刺身好新鮮牛舌三味🐮評分：👍🏻👍🏻👍🏻👍🏻👍🏻由右至左食，首先係苦苦地嘅柚子燈籠椒，再到係Wasabi少少辣辣地，最左係加左乾花帶出蕃茄梅子味，連我唔食牛舌嘅都覺得好好味，肉質好似火腿咁好得意立鱗燒甘鯛評分：👍🏻👍🏻👍🏻👍🏻👍🏻大愛呢個甘鯛，魚皮超級脆魚肉超嫩滑，魚皮上有自家製嘅昆布蠔豉醬，下面有蕃茄莎莎味噌醬，兩種配搭相當夾，令到口感更昇華北海道椰子油 西冷評分：👍🏻👍🏻👍🏻👍🏻👍🏻油脂分布得平均，每啖都有肉汁，鮮嫩豐富
繼續閱讀
肉料理carving 係一間日式高級 fine dining 餐廳，比起傳統嘅 omakase 或者魚生刺身，呢度有一啲fusion 菜式，例如前菜係和牛，同時配搭魚子醬，非常香口有層次。鮑魚同帆立貝都好新鮮彈牙，非常開胃。而本身嘅大豆主題舖底望落更加吸引，望落更加高檔色香味俱全。阿根廷赤海蝦大大隻，食材本身高質，加上酸酸地嘅汁吊味，下面鋪咗水雲，即係一種藻類，令到口感更加豐富有層次😍上面有一條莖，啲紫色嘅花都食得架～三味牛舌顧名思義有三種調味，分別係wasabe,柚子燈籠椒同埋梅子蕃茄。山葵配刺身就食得多，襯牛舌真係第一次～辛辣嘅刺激感配住僅燒過半熟嘅嫩滑牛舌，刺激完再食返酸甜調味，非常有創意嘅一道料理～一夜乾三文魚約克布甸上面鋪滿鮭魚子，再灑上雪鹽調味，份外凸顯魚子嘅鮮味～布甸底令整道料理更多層次，一次過滿足晒三個驚喜！最後不得不提就係牛骨髓蛋飯同椰子牛，一隻牛只有少少牛骨髓，但係呢個位就係精華所在，非常甘香，用嚟送飯加少少蛋，令成個飯都充滿牛香。椰子牛除咗肉質鮮嫩牛味突出，仲有漬物五點，伴住幾款蔬菜吸油更加唔會覺得膩，非常貼心。總括而言，肉料理carving 每一道菜都用心製作，有一啲係創意料理，有一啲係食材高質，烹調技巧一流。以呢個價錢係港島食到fine dining 物有所值，推介大家工作辛苦想食餐好嘅不妨試試～
繼續閱讀
餐廳主打西日料理，dinner set有幾款Tasting Menu，仲可以揀餐廳嘅Wine Pairing😍店內座位唔算多，但勝在私隱度夠高，可以慢慢享用高級料理。✨CRAVING PREMIUM COURSE✨北海道椰子牛魚介嚐味套餐🍽️ 大豆題材 (魚子醬 • 帆立貝 • 鮑魚 • 和牛)前菜好吸睛，唔單止菜式設計特別，擺盤亦都好花心思。次序建議由淡至濃，和牛他他同魚子醬用腐皮卷包住，好有層次同口感。之後可以試吓帶子同銀魚配豆腐mousse，好重大豆味，帶子都好爽口。最後先食腐乳醬鮑魚撻，味道又幾夾。🍽️ 阿根廷赤海蝦赤海蝦鮮美，肉身好實，加咗魚子醬吊味，提高咗整碟菜嘅層次。🍽️ 牛舌三味牛舌慢煮之後好有嚼勁，肉質彈牙。有三款味道，由左至右食起，先食柚子燈籠椒，再到山葵莖，最後係蕃茄梅子。三款味道配搭都好特別，最鍾意蕃茄梅子嘅酸甜味，又冇蓋過牛舌嘅原汁原味。🍽️三文魚約克布甸三文魚子鋪滿成個布甸面，再夾住布甸皮同香滑嘅奶油，兩種唔同嘅口感結合埋一齊，好特別。🍽️ 甘鯛立鱗燒主菜之一，魚鱗脆口，肉質軟嫩多汁，用淋油方式令魚鱗立起，炸得啱啱好。魚身有自家製蠔醬，旁邊再加上沙沙蟹肉味噌醬，出奇地夾！🍽️ 北海道東原牧場椰子牛（漬物五點•伴菜）西冷牛味濃郁，簡單調味已經好出色，肉質口感軟嫩，油脂豐富，漬物五點非常解膩。肉料理とワインCARVING📍上環皇后大道中338號338 ApartmentUG樓1號舖
繼續閱讀
人生第一次寫食評，因為真係太差，接受唔到！唔想見到其他人再中伏😮💨千幾蚊食嘅嘢唔應該係咁嘅質素…..三文魚籽鮑魚食唔到鮑魚蟹食唔到蟹d 食材味道唔好話突出，直情感受唔到貴價食材唔夾都架硬整埋一碟海膽牛舌 單獨食每一樣都唔錯，但包埋一齊真心融合唔到 互相遮蓋曬對方嘅味雞肝黑松露 冇黑松露味，雞肝得個咸味白子餃子得滿口油膩熟成午阿辣根卷 除左個魚皮煎得幾脆 唔錯 但成分嘢由頭咀嚼到尾都感受唔到味道唔講我仲以為自己又中covid 喪失味覺日本和牛壽喜燒陪夢王卵：全餐飯終於有一樣嘢可以用好食黎形容，當然並沒有任何特色感覺得到，任何人都可以買靚食材係屋企輕鬆複製到….大閘蟹白菌紫蘇花：勉強過到骨有飯焦幾脆口，蟹膏份量剛好夠，不過都係衰在調味，冇乜心思調製過每一道菜都係內心淌血甚至想舉報去消委會😮💨😮💨來自一個小薯美食愛好者真心話搵食艱難，個人覺得不要浪費你d錢係度
繼續閱讀
本身見到啲評價覺得好似好吸引咁，但食完真係貨不對辦，嚴重懷疑係造馬咁嘅價錢比咁樣嘅質素講真覺得佢遲早會執首先，環境方面佢好落力想營造一個浪漫氣氛，但係環境迫，加上屋頂只係一個雨篷，所以其實完全做唔到，仲有少少夾硬嚟第二，食物方面，成千蚊一個人，比咁樣嘅質素，真係有啲過分，坦白基本上冇一樣係會有驚喜。所有食物都好唔夾個味，成個Menu比較正常嘅，其實得個壽喜燒牛，就連本身好期待嘅大閘蟹飯都令人失望，個甜品簡直不知所謂，茶記嘅西多士好食過佢一百倍。。。希望餐廳見到呢個post，可以認真考慮吓，係咪繼續用呢種經營方式欺騙消費者。食完係好飽，但係完全係谷住谷住，嬲到谷住谷住
繼續閱讀