肉慾

營業中

休息中

我係見到啲大胃王挑戰特大碗飯先知呢間嘢嘅，無奈我食量唔算大，所以都係揀返啲正常人份量😂但係想講正常size嘅丼飯都係肉比飯多嘅程度，勁誇張！我揀咗牛舌芯丼飯，厚切牛舌幾爽彈，而且帶淡淡焦香，撈埋甜醬油同蛋汁食，真係幾滿足🤭但係個人更鍾意朋友揀嘅封門柳丼飯，淡粉紅色嘅牛肉每舊都軟嫩無筋，肉味都濃啲🫡P.S.肉慾嘅門口有啲唔起眼，我兜咗幾圈先揾到🤣🤣同埋就係佢淨係開夜晚，早上去Cafe嚟！！

🍜 今日去元朗肉慾，小食牛舌彈牙香濃，經炙燒後保留了豐富肉汁， 問落去香噴噴，每一啖都散發著牛肉的原始魅力。安格斯封門柳烏冬則是靈魂的，入口即化、肉味濃郁， 重要不會堅硬 ， 因為有啲牛質素差少少會好硬， 他就不會剛剛好 非常想爽口， 搭配彈牙的烏冬麵條和濃郁日式醬汁，完美融合中西風味。整碗烏冬肉香與醬汁交織出令人回味的滋味。配上一杯冰茶， 簡直完美的配搭。💥元朗這家店絕對值得肉食愛好者一試！ 而且價錢合理 不會太貴 可以品嚐到有質素嘅食品

前排去挑戰佢個大胃王明明寫係飯丼，但煮好整好哂，擺出黎先話係烏冬！煮個陣已經見到，我以為唔係我嘅碗野？？？.唔理係咩原因啦你突然將個飯轉做烏冬，都唔問過人，真係好差。.仲有！碗入面仲係浸哂水一路食，d烏冬根本一路吸哂d水，好唔fair...一定超過佢本身嘅白飯重量！而且個烏冬唔彈牙，食得出係劣嘅烏冬仲要冇調味...感覺超差！！！好似比佢呃左 400蚊去挑戰咁。。。如果係我自己因為個飯量食唔哂，係我自己嘅事丫，心甘命抵呀，但突然轉烏冬唔通知人仲要咁多水係碗底，真係唔係太合理！.我最後連個alarm 未響就已經走左，因為個烏冬太難食，然後我去左食甜品.好差嘅體驗！要咁樣呃客人，真係不知所謂！

啱啱見到呢個小店賣肉丼，叫咗牛舌同埋牛板建！🍴厚切澳洲字格斯牛舌芯$138牛舌都爽口彈牙，都有牛味嘅，不過份量比想像中少啲，唔算話好多🍴美國精選牛扳鍵 $118反而牛扳鍵有驚喜食落去係三成熟有肉味，口感軟腍腍，醬油漬蛋黃鹹鹹地啱晒撈飯好多蔥啱晒送飯增加了香味！個飯都好足好夠食，有燒汁調左味。推薦指數: 7/10

這裏早上是cafe 晚上就變成了賣日式燒肉飯的小店😆所以肉慾是晚市限定的餐廳🍽️食物種類不算多 只有四個飯選擇～小店位置也不多 大概有10個座位左右🪑但好處是每個飯都是即叫即整 熱辣辣的🫶🏻📌白燒鰻魚鰻魚外皮很脆！絕對不會腥 愈食愈上癮🥹📌厚切澳洲安格斯牛舌心超厚切！整整1cm厚！口感偏爽口不會韌😆份量也是很足 餐牌寫明有5大塊牛舌的份量～📌美國安格斯封門柳牛肉味很足夠 整個飯的份量也很足！超多葱配搭醬油漬蛋黃吃 真的超有滿足感💞

元朗人有福啦🥳 可以得閒就去食下！餐廳應該日頭係cafe 夜晚就賣牛肉飯（？）小店只有11個位 每個飯都係新鮮即叫即整 熱辣辣🔥 所以上菜會有少少耐 但絕對係值得😋 美國安格斯封門柳🥩 ($118)食到第一啖真係覺得自己好幸福🤍✌🏻封門柳好淋 牛味好出 牛肉偏瘦 但係好juicy！調味方面主要都係用左黑椒、牛肉燒汁 重點係個隻蘭王蛋🥚 好滑 令到塊牛肉味道更豐富 再配埋大量蔥調味🫶🏻 送飯就一流！🍚(+$68) 牛舌心3片👅牛舌燒得好香 肉汁滿滿 重要好淋 厚度適中（大概1cm口感最佳）好彈牙 但唔會韌👍🏻😬難得入到來一定要叫埋！味道：🍚🍚🍚🍚.75/5 📍肉慾 (元朗)地址：元朗建德街71號地舖

呢間嘢最近成日都見到，搵咗一日去試😁間嘢實在太偏僻，搵咗好耐先搵到，當時大概6:20左右，已經有人喺度排隊😮6:30準時入座，因為係小店啲位都比較擠迫我叫咗一份封門柳 + 一份牛舌，嘢飲叫咗話梅梳打，一共$211牛肉平時食開五成，佢呢份牛對我嚟講有啲生😂不過都可以接受，封門柳肉都唔會太韌，不過如果多少少鹽就好味啦啲個人比較鍾意牛舌，十分爽口，封門柳就牛肉味重啲。肉嘅份量都OK唔少，食完會好飽😆我覺得最正就係佢個蔥嘅份量夠多，愛蔥人士超愛❤️！但個汁個味比較淡，重口味人士覺得如果再鹹啲啲就好🤔嘢飲我就覺得麻麻哋。整體嚟講，呢間值得一試不過個位置實在太偏僻🤣真係隱世小店

好老實講，我係睇到有社交媒體介紹呢一間只有限定晚市才會有牛舌飯，身為肉肉獸當然要嚟試食🧏🏻‍♀️晚上大約七點左右到步，店內情況已滿座，仲有幾張枱凳等入，不過等待時間尚算接受得到，大約15分鐘我便入座。🚘店舖喺停車場隔離，如果有揸車嘅朋友，唔怕冇位泊，而且入面可以完全望到出面情況‼️‼️我點了一碗🍚封滿柳$118，老公就點了🍚牛舌飯$138呢個價錢嚟講性價比好高😈***牛舌無影到***😿

高質有心小店🌻🌻🌻一開始見到有大胃王挑戰就去試下，雖然失敗左，但係好食到我成日返去再食！！已經變左我既飯堂😎😎😎老細燒肉好有功架🥸白鱔啲皮係脆卜卜既！！封門柳同牛舌都燒得岩岩好，外面香裏面軟淋淋🤤🤤🤤講起都想食

社畜小編今晚又做到夜一夜，返到元朗其實已經冇乜選擇，剩返啲連鎖餐廳，好彩小編近排聽講有間新餐廳 @mformeathk 開業，而且淨係做晚市，夜晚6:30做到11點，就過嚟試下。佢嘅位置比較偏僻，要喺建德街中間轉右入去先見到。住喺附近嘅街坊都知道呢個舖位本身係一間咖啡店，但咖啡店就唔做晚市。夜晚就交比呢間新餐廳，所以佢咖啡店嘅裝修仲保留喺度，如果舖位本身比較狹窄，所以都要等位。呢度主要係食燒肉丼飯，款式唔多，亦都可以另外加小食。我哋就試咗呢兩個：➡️ 澳洲安格斯厚切牛舌 $138餐牌寫明牛舌會有五整舊，但佢會再切開，所以最後會有十嚿以上嘅厚切牛舌芯。牛舌非常厚身，燒得好靚，外表會有燶燶哋嘅地方，但入邊仍然保持粉嫩。而呢度嘅牛舌爽中帶腍，油脂豐富，咬落去嘅時候會有油咇出嚟咁，油香四溢。不過間中都有一兩嚿韌韌哋，同食耐咗多少有啲膩，如果有啲檸檬汁中和下可能會好啲？至於呢度嘅飯係用珍珠米，灑上大量蔥花加少少燒肉汁，同附送一粒醬油漬蛋黃。所以唔使擔心個飯冇乜味，如果你將呢幾樣嘢撈埋，就咁食飯已經好好味。味道：8.4/10➡️美國安格斯封門柳 $118一嚟到賣相好靚仔，牛柳呈現鮮嫩嘅粉紅色，配搭蔥花

見廣告吹大食挑戰咁有趣就去試下本想挑戰三碗牛肉飯，但後來居然改活動，但唔緊要呢碗價值460元的，大大碗雜肉飯，其成本比盡都應該只值$60除左牛肉細碗牛肉少，整碗配料僅僅鋪滿碗面之後整碗都係飯，飯煮得唔夠軟熟，有點硬好難食，牛吞好韌，咬好耐！牛肉佔比少仲要筋位豬腩肉太肥又大舊460一碗佔比最多的居然係唔值錢既豬腩肉似呼是想佔空間想清貨多啲，唯一可以食既只有鰻魚，總括而言，去挑戰都預左比錢，但要物配價值，460元有大半的係白飯，肉質又不是靚如果好食都會值得推介比朋友，但現在碗飯只係想用飯去塞飽盡量令你食唔哂食材都係無誠意 460碗飯差過100幾既牛肉 ，唔會再來了～

放工返到元朗，見到呢間日式小店新開，又試吓囉，呢個位以前係cafe，都幾好味架，竟然執咗笠😩食物種類唔多，只有四個飯揀！我地揀咗白燒鰻魚🐟同埋美國安格斯封門柳🐂，兩個都走蔥，見到佢啲相原本應該勁多蔥嘅🤪🤪🐂牛柳有口感，入味，幾香，份量足👍🏻🐟鰻魚皮夠脆，不過略嫌燶咗少少，食落去有啲燶味😅🥚醬油漬蛋黃可以再濃味啲，我用嚟撈飯覺得唔太夠味😛🥤糖漬話梅梳打，幾好，唔太甜，大大粒靚話梅，飲完好舒服👍🏻埋單時老闆有問覺得野食ok嗎？ 用心嘅店主👍🏻👍🏻

叫左2份慢煮封門牛肉飯，同一杯糖漬話梅梳打。先講牛肉飯。牛肉份量充足，仲有要勁多葱，最特別係有一個自己整嘅醬油漬蛋黃，好食到再後加左一粒蛋。個慢煮封門牛夾埋個蛋同葱一齊食，好香好好食。本身只係打算行過試下，食左啖覺得好食先補番影相。另一個重點係杯野飲，糖漬話梅梳打，話梅大大粒，好有驚喜，好飲又順喉。老闆仲話啲話梅係自己釀，所以可能因為咁，成杯野個味好夾。絕對會再幫襯🙌🏻坐近廚房仲可以望住佢慢慢燒。見到個豬都燒得好脆，下次會試埋好食到可以成碗啪哂，啲肉多到係可以食到尾仲有得送飯。成餐飯食左270幾蚊，對得住價錢。

早幾日睇到社交平台有元朗友介紹呢間肉慾今日就特登約朋友嚟試吓呢度飲水、筷子🥢同餐紙巾都係自助嘅舖位細細有兩張二人枱同兩邊bar枱Menu 只有三款食物同三款飲品我哋叫咗個美國安格斯封門柳同美國精選牛皮鍵order嘅時候侍應有問葱嘅份量需唔需要加減我就冇為意諗住應該唔係好多就選擇不變點知嚟度份量勁多～對我嚟講飯都有好多店員提醒撈完先食兩款牛都好好味～份量仲唔係少食到好滿足佢哋而家搞緊活動只要一小時內食到三碗就只需要$2而報名費係三百蚊其實平過三碗飯咁啱就有人挑戰緊～但係就挑戰失敗食咗一碗幾～第三碗冇郁過大廚問我份量會唔會太多話多數女孩子都食唔哂嚟緊會執執個Menu呢間真係可以介紹返比啲鐘意食牛嘅朋友仔