肆年八月米線專門店 (已搬遷)

芫茜皮蛋湯底 好甜好奇怪， 完全feel唔到芫茜皮蛋嘅味道， 可能因為佢落咗啲鹵水汁，啲鹵水汁太甜， 唔知係咪，總之就唔好味。鴨片即係鴨胸 冇乜特別 鹵水雞翼都係 普普通通 兩樣都唔可以話係好味。唯一米線係合格嘅 有煙韌口感， 但個湯唔得想食埋去都食唔落。…查看更多

雖然你係可能做米線出色，但你餐牌有飯餐，俾客人可以選擇，但你個飯真係垃圾到，成碗飯一塊塊，飯團甘既款，食到成肚火，班職員由頭到尾好似好忙，完全唔好再食，睇其他留言話隱世米線，唔出名就唔出名啦，隱世！佢點都唔會令我想試佢，成班員工好似散沙一樣，明晨冇野做，叫佢埋黎，佢又話等陣，之後又過黎，其他客叫佢落單，佢又叫等陣，原來係去執枱，餐廳又唔係爆場，咩野都好，客人永遠都係你既收入來源，點解唔做好d呢，咁細間鋪…查看更多

入面加埋都10張枱都冇都可以等成40分鐘先等到個外賣 我就當鋪頭人手唔夠 鋪頭位於村屋地方 周圍都係花草一啲驅蚊設備都冇 至少都點下蚊香啦見啲等位等外賣嘅人俾蚊咬或者俾烏蠅嬲我自己都要行黎行去廢是俾蚊咬 員工態度又一般 要人等咁耐一句唔好意思都冇一係鋪頭就貼張紙寫住話餐至少等30分鐘 買到個外賣返去 餐具都冇俾 又唔問下客人需唔需要唔係要求五星級服務 但最基本嘅服務都冇去食茶記都冇咁不滿 所以以後都唔會幫襯雖然食物味道係唔錯 平時都唔會寫食評 今次真係嬲左…查看更多

又要黎試我最愛既米線，肆年8月！今日叫左豬扒麻辣米線加凍奶茶，奶茶轉左做杯裝，雖然冇咁有風味，但反而好似大杯左，而且味道一樣good good. 麻辣湯夠味，豬扒都Ok, 會再翻兜…查看更多

大圍隱世小店米線🍜🍜——————————————💁🏻‍♀️麥芽啤酒滷什滙小鍋米線什滙包括滷鴨片、豬腸、雞腎、滷蛋 (幾足料！)雞腎易咬，其他配料都入味，但食落唔覺有啤酒味湯底係金銀蛋(皮蛋)芫荽湯，食落有口感，湯底唔算好清整體嚟講ok la🤔——————————————💁🏻‍♀️蒜蜜豬扒+麻香手撕雞(🌶)蕃茄湯米線麻香手撕雞有啲辣，不過辣得嚟都惹味手撕雞辣油太多，辣油鋪滿咗湯嘅表面，食落有啲油湯底係蕃茄湯，有蕃茄粒，但唔係好食得出蕃茄味(應該被辣油蓋過咗)蒜蜜豬扒好食，但下次唔會再叫手撕雞…查看更多