影片
此店員工和老闆態度非常惡劣。本人是將軍澳慧安園街坊，慧安園內這店，其中有一個女店員長期都黑面而且態度惡劣，上星期我到此店購買一份魚蛋和格仔餅，當時我拎咗好多嘢，兩手抽滿外賣，此店員強烈要我出示號碼飛取食物，但此刻我找不到。我向店員說當時沒人等緊亦未離開過，可否通融給我取食物，但該店員說沒飛不能拿食物走。我聽完好嬲~這是什麼食物條倒？可以隨意沒收顧客金錢而不能取食物,而且舖面沒有任何標示此項說明和執行。而且號碼飛只係代表次序而內容沒寫明憑票取食,商品條列亦沒此法例。唔見咗張洗衫單都可以攞衫簽張証明就得。後來我找回張飛取回食物，我說下次不要幫襯.但該店員大聲喝我話:“我哋係咁㗎,你地咪唔好幫襯囉!"既然如此,希望大家知道此店是聰明豆小食店。
繼續閱讀
平時食開既小食店冇開門 就試下附近既小食店叫左一個普通雞蛋仔 當時客人唔算好多 等左好耐都未有見排隊係我後面既人都走哂…以為係即叫即整 時間係要耐d點知拎到手 係凍既 仲要超硬超失望 無下次
繼續閱讀
慧安園商場一直係眾多學生黨搵食好地方，因為慧安園商場內有好多價廉物美嘅小食店，不過，今日去到聰明豆小食店，實在係令人太失望😅👎🏻小編去嘅時候正值下午食飯時間，由於趕時間，諗住搵一間人少少🥶，排隊唔使太耐嘅小食店醫肚就算。只見到周圍其他小食店都好多人排隊，只係得聰明豆冇乜人排隊，所以就揀咗佢，點知中曬伏🙂🥂小編原本叫咗一個$15嘅芝士撈麵，一來撈麵整得快，又算飽肚，點知等咗成15分鐘，撈麵都仲未整好。當小編向店員查詢嘅時候，店員一邊打機，一邊用極無禮嘅態度話:Γ整緊整緊」😃，又過咗15分鐘，小編再向店員查詢時，芝士撈麵仲未整好😫，店員話等多兩分鐘就ok喇，於是小編就決定等多兩分鐘🥱結果啱啱轉身，先見到男店員收起手機，休休閒閑走入身後面滿地油污嘅廚房👣，手都冇洗，開咗包撈麵煮。小編見到即刻反白眼，原來係根本未整👀最後等左差唔多40分鐘，小編就嚟瞓著覺😪，店員話撈麵(終於)整好😬，點知一望先發現，佢整錯麵。。。😑，小編要嘅係芝士撈麵，佢畀嘅係撈麵😐同店員溝通後，店員話再等多十分鐘，但小編趕時間，於是要求退款。結果男店員拒絕退款🤯，轉身走入廚房🧐之後一個疑似負責掃地嘅中年阿嬸突然由廚房沖咗出嚟，滿口鄉音大聲鬧小編浪費食物，整完食物唔要🤬😳，但其實小編要嘅係芝士撈麵，並非撈麵，於是堅持退款🤧好彩最後有係附近茶餐廳食飯嘅途人目睹全部事發經過幫手理論💪🏻，男店員(🐒)同掃地阿姐(🐷)先肯妥協退款🙌🏻總括而言，絕對不建議大家到聰明豆小食店，若果真係有需要到惠安園附近搵食😋，周圍其他小食店同餐廳絕對比聰明豆🤮更值得嘗試😣，期望聰明豆能夠改善其服務態度，衛生情況及上菜速度，最重要係明白需要以禮待客👊希望小編以身試伏嘅經歷可以幫助到大家😤
繼續閱讀
作為住喺寶林嘅居民，一直都有聽聞E一間小食店，對E間小食店亦都很期待，雖然聽過附近居民一直有傳聞話店員態度好差，但我認為未見過唔好妄下定論，於是今日去咗試一試。去到先發現不單食物同描述不符，向店員查詢後發現店員態度極惡劣，不但用粗言穢語呼喝顧客，更推卸責任，大叫著趕走顧客，真心覺得好失望。其實作為E類型嘅小店，真係好需要靠口碑做得好，但E一間小食店絕對唔值得再幫襯。冇下次，絕對唔會再幫襯，亦不建議其他人幫襯😓😕
繼續閱讀
本想試試，但事與願違食個秘製醬汁撈麵點諗到係咁個八爪魚丸簡直癲覆左我嘅食指對唔住，永不錄用 本身只係想光顧小店之心我食左兩啖真係頂唔順想掉左佢而最後就買左另一間玉子燒叫做彌補下心靈創傷
繼續閱讀