聰少甜品 (已結業)

最近佢做緊七款甜品買一送一，連招牌嘅龍眼椰果冰都有份，分量都冇減少到！不嬲都鍾意食佢個龍眼野果冰，龍眼好清甜，啲冰綿綿地，有香濃既龍眼味，仲有脆卜卜嘅大西米(唔知係咪叫西米) 好有口感👍🏻另外芝麻湯圓就正路啦，微煙韌，芝麻味香濃又唔會太甜！…查看更多

芒果西米露，係我咁大個仔食過，最難食既離譜。朋友的龍眼冰，芒果冰都中哂伏。試過就明。大家吾怕伏，不防試下。份量少，價值吾平，可能因為忙，員工狀態感覺有點發夢。呢個無得怪。友人點了的芒果椰汁冰，只能用過分來形容。材料小，咪道差。4人來吃員工點了2個就走了。最後埋單175蚊。完全吾值得比175去食，坐位方面算正常，環境衛生一般，4人去食4人不滿意。離開時，好想飲水，芒果太甜。 絕對會比低分，吾明點解有咁少dislike…查看更多

係tst食完dinner，行多一陣街之後決定食d甜品🍮，見到聰少係附近於是入去試試。榴槤pancake唔錯，賣相吸引，榴槤香味唔算濃烈but榴槤控可以一試。芒果奶昔雙皮奶麻麻！朋友食左一半放棄唔食😆杏仁核桃露普通，個人覺得兩者香味都唔夠突出，同埋較淡...甜品款式選擇偏少......會俾人覺得呢個偏貴嘅價錢或者有更好嘅選擇😂，哈哈，有競爭才有進步，不變的真理～唔算中伏，偶爾食一次亦無傷大雅😂😂…查看更多

向來都沒有吃過聰嫂或者聰少的甜品，聰嫂甜品好像很多年前已經大行其道，以往好像在將軍澳有店舖，但是一向也很少到該區，而且好像也以榴槤食品為主，因此一直都未有嚐過。這一輪天氣都冷了些少，因此，吃甜品的店舖都沒有那麼多人， 10時許左右，進店都可以隨便坐下。很少吃甜品店的果汁制品，但又不想長期吃來吃去差不多東西，於是接納人們意見。點了一個龍眼椰果冰冰，原來那些冰冰都不像刨冰或者剉冰那樣，像雪花冰的一樣的，雖然吃起來比較冷，但亦都不算太過粗糙的冰粒。椰果數目不多，大大粒，應該都是買回來的普通椰果。大口大口吃那些冰，未必會吃得出有什麼味，但是細意品嚐，就會吃得出冰粒內有點龍眼味，除此之外，冰粒其中亦都有些龍眼肉。還有更清楚的一點，就是吃完之後，感覺龍眼生津止渴的效果非常見效🙊😏。芒果糯米糍普通的，就是薄薄的皮，包着內裏有忌廉以及芒果，你說是任何一間甜品店的出品，也好像分別不大🤔。難怪有人都說這兒的服務態度差，替我們下單的店員不太有表情，以及說話沒有尾音；想不到另外那個戴眼鏡的店員，就比較上來更加差，完全是只會沉醉於自己手機中的世界，下單也悔悔氣氣。在這間中少甜品店，排排坐，聊聊天聽到耳熟能詳的音樂。就是因為在出餐的洞口下邊有一部細小的喇叭，店員在播放周杰倫的歌曲。碰巧，在一群友人之中，有人喜歡葉振棠、有人喜歡中國有嘻哈、有人喜歡西洋流行、有人喜歡北歐樂隊。竟然，就在這一刻，大家都表示曾經聽過這麼一支歌曲，歌詞當然記不住，但是旋律又很熟悉🤔。大家都在競猜叫做什麼歌，夜的第七章、止戰之殤、以父之名、四面楚歌，定還是什麼？眾說紛紜，因為有時候，如果買了唱片，就會直接放到唱碟機去播放，如果不是專程去揀選喜歡的曲目，就讓它一直播着，而期間亦都很少會上前去看看封底，這一支叫做什麼歌曲。然之後，因為連播幾次，不需要知道歌曲名字，也能跟着琅琅上口。真有趣，反而在這些機會可以重新聽到以往熟悉的歌曲，重新溫習，溫故知新。…查看更多

奇怪兼垃圾到不得了的服務😡😡！座位安排奇怪，混亂，叫落單行都唔行過黎，望都唔望你，側住身向空氣問，食咩，要你遠遠嗌過去。態度奇差，落單想既野食無，諗諗想轉揀乜野，佢等左幾秒話，你諗完話再嗌我啦咁。本身呢間已經係特別貴，又少選擇，仲要咁既態度，係咪老細無出糧？？😡😡😡😠…查看更多

食完正餐，老婆話想食個甜品，但咁啱行到尖東，心諗應該都無，諗住去7仔買個豆腐花比佢算😂😂😂😂點知見到聰少甜品，又唔係聰嫂，又新開，一切都好奇幻😂😂😂天助我也問過原來都同聰嫂有關，好，點餐，食過先講枱邊有部電視仔介紹下，幾揼本叫左兩樣杏仁茶燉蛋白呢個係蛋白燉好一半位置，之後上面倒半碗杏仁茶咁，唔太甜，ok椰汁意大利涼粉係唔係意大利唔知，不過啲涼粉一條條，甜甜地，加埋啲椰漿花奶，都幾正裝修，餐具，甜品都特別，可 encore!侍應生仲話，如果有紅館飛尾比佢，仲可以有10蚊 coupon，大家記得唔好掉，同去試下呀！…查看更多

同朋友去完食西餐後，未傾夠！又再搵甜品食下！佢地話唔要食窩夫多士！我諗極都諗唔到！突然諗好似有間聰字系列既係尖沙咀！即刻搵下！原來係聰少！Yeah 可以食 龍眼冰！去到竟然即刻有位 👍🏻👍🏻朋友下令唔俾食榴槤 🤣🤣🤣 咁我只好叫番龍眼冰啦！好耐冇食！龍眼冰都真係勁足料！好清香既味道！又唔會好甜！好正！朋友叫左芒果冰涼粉同合桃芝麻糊，佢地都話好正！我有試芒果冰涼粉，食得出係全芒果！價錢絕對合理！唔花巧夠生果就得 👍🏻👍🏻 頭先果餐大家請我！呢餐平既我架啦 🤣🤣…查看更多

好有特色嘅西米露平時嘅西米露通常都係果汁做底再加西米不過聰少嘅西米露就係生果冰加西米另外再有粒粒脆珠我通常都鍾意食之前將西米藏喺冰入面之後西米就會變硬有種 「生米」嘅感覺口感好得意一行七人試咗好多款味道包括龍眼、蜜瓜、芒果同埋榴槤呢度最出名應該係龍眼冰每一啖冰都有粒粒龍眼肉非常足料而我食嘅蜜瓜冰都係好新鮮絕對唔係加色素加調味芒果就更加唔使講非常香濃 冰嘅質感打得好滑我自己唔鍾意食榴槤所以唔知道榴槤冰正唔正不過食榴槤嘅朋友就好欣賞佢…查看更多

👁‍🗨 榴槤水晶珠💲49聰嫂同聰少對大家黎講都應該唔會陌生啦，今次黎到我係龍眼、榴槤同埋芒果冰之間掙扎左好耐，最後揀既榴槤冰果然無令我失望😛面頭有好多爽口西米同埋一堆榴蓮蓉，下面係榴槤果肉同冰混合成雪葩💁🏻‍♀️驚喜既係，就算變左雪葩，都仲係有住好濃郁甘香既榴槤味，勝過一堆既榴槤蓉，絕對滿足到我呢個榴槤控😍而且入口真係好冰，夠曬透心涼，不失為夏日消暑良品😎🔛 整體評分（7.5/10）…查看更多

同朋友食飯最好梗係食完飯之後去食甜品啦，又可以再吹水！雖然近年開咗咁多不同的甜品店，但係作為中國人始終都係會掛住一啲傳統的糖水例如紅豆沙芝麻糊等等。不過今晚朋友話想試啲特別野，但我又想食傳統嘅糖水，於是乎我哋就嚟咗聰少甜品，因為這裏新舊派的甜品都一應俱全，而且睇個名都知佢同某出名的糖水舖是一脈相承啦。嚟到呢度龍眼椰果冰是不可缺少的餐點，椰果煙靭配合大量的龍眼，仲加少少碎冰簡直就是完美的配合最重要係食咁多次質素都仍然係咁好味龍眼一年四季都係咁清甜，真係好想問吓店主究竟啲龍眼喺邊度入貨另外我哋帶多咗個合桃燉蛋白，呢個可以話係驚喜之作！合桃炒得香甜還有少少焦香味可以感覺到，但記住唔係燶味而係炒合桃時所發出的香氣。配合嫰滑的蛋白一齊食滋味無窮如果冬天黎食就更加啱。…查看更多

聰嫂聰少的龍眼冰係非常有名堂，相信大家都知道！是日做完運動，同友人決定要補充一下糖份（比自己的藉口），二話不說就選擇了聰少！ 聰少的龍眼冰係必點的，啖啖都有龍眼肉，對於有敏感牙齒的友人來說，有可能會覺得太冰涼，所以佢兩啖就放棄了！ 而對我來講，簡直係解暑的良品、冰涼得來又有龍眼的甜味，絕對不是假甜，又有龍眼肉的口感！而友人的楊枝甘露，屬於不過不失，所以我還是忠情於招牌菜-龍眼冰！PS： 理大的師生出席員工證/學生證，就可享有9折優惠！實在是買返campus/ hall做甜品的首選！…查看更多

好正的榴連飄香，我未食完就要打食評啦，好足料，大大舊的榴連肉加爽滑的西米同白涼粉，個底有濃郁奶香加榴連香。大大碗，抵過去買舊榴連食。一定係一個人嘆榴連非常好的選擇。…查看更多

聰少龍眼冰真係夏天一流！！！！又係聰少啦！我最愛就係佢既龍眼冰，好足料又夠清涼，一上黎就聞到陣陣龍眼味，佢既配料椰果同小珍珠完全能夠令冰既層次提升，但又唔會搶左龍眼冰既風頭！而最重要既龍眼冰，好得呀！食到一絲絲龍眼肉！有心思！而不得不提尖東呢間鋪既裝修，好正，因為近紅館關係，牆上有一幅牆貼滿左演唱會飛，好有特色！而成間鋪既theme類似班房，又乾淨，算係好有心機既design！一定會再幫襯！！！！…查看更多

這一夜，在附近吃過晚飯，意猶未盡，來到這間店舖設計新穎時尚，以長身貯物櫃和怪獸做裝飾的「聰少」吃甜品。 只得數頁的彩色餐牌內中西甜品的選擇都不太多，見在必食推介中有一款「芒果奶昔雙皮奶」（$45），看來既特別又吸引，便叫來試試。這店位處尖東，入夜後人流不旺，店內客人不多，不旋踵，以店中特別製造，內有圓形凹位的長身木盤子盛載的「芒果奶昔雙皮奶」便已送上。這特色甜品中已切成數塊的芒果份量不少，深黃色的果肉挺誘人的。芒果味道雖不很甜，可也不酸。被淺黃色芒果奶昔覆蓋著的雙皮奶質感有點像布甸，口感挺滑，奶味不太強，混和了芒果奶昔的味道之後，感覺尚佳。雖然這夜的晚餐吃得不是太飽，所以要來溝貨，不過這次即興溝貨的行動都算幾成功呢！…查看更多

聚會後食飽飯但又想再見耐啲，就決定食埋個甜品先🤣可能是星期四10:30去到也不用等位，之前幾次行過也見很多人等位😖Lucky😎我地叫左幾款Share食😋第一樣芝麻糊很香不會很稀甜度適中，而且比較滑。我和友人也覺得呢個芝麻糊算高質😋然後楊枝甘露我們也覺得比較普通，沒有什麼驚喜🤣但一向楊枝甘露就是穩陣之選，所以都好味既第三樣是糖不甩，口感很煙韌好似平時食抹茶甜品的白玉😋😋😋本人最喜歡吃有口感既野❤而且糖不甩的花生碎很香很脆，所以整個口感好夾👍🏼最後一樣是龍眼冰，見鋪內介紹呢個甜品所以試下佢🤣果然呢個真係同佢地個介紹一樣每一淡都可以食到龍眼肉👍🏼因為一碗龍眼冰用左30粒龍眼去整，整碗龍眼冰很清甜夏天食一流❤絕對會覺得透心涼😏…查看更多