影片
營業時間
今日營業
12:30 - 23:30
星期一至日
12:30 - 23:30
以上資料只供參考, 請與餐廳確認詳情
一直好喜歡他們的甜品，下午茶時間經過他們這間新開的分店，同朋友忍唔住入去試吓，果然非常高質👍🏻👍🏻✨芝麻合桃露✨一上枱，黑芝麻及合桃的香味就撲鼻而來😍 一啖入口，濃郁香醇，口感豐富細膩。滲入的芝麻糊令合桃露更添層次，合桃的微甜與芝麻的微苦平衡得恰到好處。朋友近期需要考試，食完覺得暖心又補腦。✨椰皇燉燕窩雙皮奶✨女生養顏恩物‼️椰皇、燕窩、雙皮奶三樣都係滋補皮膚的好物。雙皮奶食落鮮嫩滑溜，質感細膩柔滑，入口即化。燕窩份量好足，不會蓋過雙皮奶的奶味，椰皇的天然甘甜清香與燕窩的滑潤可謂完美結合，每一口都是奢華又健康的享受。甜度控制得宜，不膩口，令人回味無窮。甜品款式多樣，餐廳環境明亮寬敞，地點方便，鄰近時代廣場，的確是聚會的好地方。想睇更多介紹，馬上Follow我啦😁。#聰嫂 #聰嫂私房甜品 #甜品 #港式甜品 #椰皇燉燕窩雙皮奶 #芝麻合桃露 #銅鑼灣美食#big_big_foodie #big_big_foodie食勻銅鑼灣 #big_big_foodie食勻香港
繼續閱讀
同朋友喺銅鑼灣食完晚餐後想食糖水，就諗起呢間～ 記得幾年前第一次食已經覺得佢哋啲糖水唔錯，而家佢哋仲開咗幾間分店，中式糖水嘅質素保持到！🔸芝麻合桃露芝麻糊嘅味道較為突出，質感濃稠，芝麻味夠香濃，合桃糊都夠杰夠香！🔸芒果冰豆腐花 (加芒果粒)芒果冰加上豆腐花，啲冰都幾綿，芒果酸酸甜甜🥭，口感幾豐富！🔸黑芝麻湯圓配桂花糖水湯圓皮夠薄，口感軟糯，黑芝麻餡好香，桂花糖水幾清甜🔸椰皇燉桃膠雙皮奶椰子裡有椰肉🥥、桃膠、雙皮奶。雙皮奶好滑，有淡淡奶香，桃膠口感Q彈，整體唔會好甜，仲有養顏美容功效～
繼續閱讀
銅鑼灣食糖水好去處-聰嫂私房甜品柔和嘅燈光舒服嘅座位加上多款糖水可以選擇💯椰汁芒果黑糯米糖水經典既港式糖水🇭🇰黑糯米煮得恰到好處 軟糯而不爛帶有微微既嚼勁加上甜中帶酸果肉細緻多汁既芒果🥭同濃郁滑順既椰漿 甜度適中 龍眼椰果冰🧊🧊呢款絕對係招牌之一一碗冰用咗30粒泰國龍眼整成冰體質地介乎於雪花冰與綿密冰沙之間帶龍眼既甜香搭配椰果更滋味👍🏻芒果布甸🥭口感滑嫩細膩帶濃郁芒果香氣加埋淡奶仲好味😋
繼續閱讀
聰嫂甜品我成日都會食，最近佢銅鑼灣分店都開咗好就腳！店舖裝修得幾靚，同埋都係好多人要等位-椰皇榴槤燉雙皮奶🥥濃郁榴槤好香，果肉綿密，是真實果肉而非香精調製 。入面有雙皮奶，質地比豆腐花更滑嫩，奶香未被榴槤壓制。而且椰子糖入邊嘅椰子好易就可以用匙羹筆起成個！-芒果椰果冰🥭芒果冰則是夏日救贖，新鮮芒攪打成綿密雪葩，零冰渣感。有別於坊間色素冰，挖到底仍是濃郁芒果香。水晶珠咬下「啵啵」爆汁，神還原台灣夜市口感
繼續閱讀
銅鑼灣聰嫂返嚟了！係我中學回憶，即刻約朋友嚟試吓。佢嘅水果沙冰都好好食，我哋叫咗芒果冰仙草凍同士多啤梨豆腐花。兩款冰都好香甜綿密，士多啤梨仲見到一粒粒士多啤梨籽，證明真係新鮮水果打出嚟。上面嘅水晶珠脆卜卜，口感好得意。配仙草可以中和甜味又Q彈，豆腐花都好滑同夾。另外叫咗中式甜品杏仁蛋白茶同椰皇燉蓮子雙皮奶。杏仁茶好濃郁香甜，飲落溫潤順口，配上燉蛋白好滑嫩。椰皇個個超級豐富，有好多蓮子，又霖又綿密。仲有香滑嘅雙皮奶，椰肉，同充滿椰香糖水。聰嫂真係好好食嘅糖水舖，以後銅鑼灣食完飯又可以嚟飯後甜品了。
繼續閱讀