聰嫂私房甜品

營業中

休息中

一直好喜歡他們的甜品，下午茶時間經過他們這間新開的分店，同朋友忍唔住入去試吓，果然非常高質👍🏻👍🏻✨芝麻合桃露✨一上枱，黑芝麻及合桃的香味就撲鼻而來😍 一啖入口，濃郁香醇，口感豐富細膩。滲入的芝麻糊令合桃露更添層次，合桃的微甜與芝麻的微苦平衡得恰到好處。朋友近期需要考試，食完覺得暖心又補腦。✨椰皇燉燕窩雙皮奶✨女生養顏恩物‼️椰皇、燕窩、雙皮奶三樣都係滋補皮膚的好物。雙皮奶食落鮮嫩滑溜，質感細膩柔滑，入口即化。燕窩份量好足，不會蓋過雙皮奶的奶味，椰皇的天然甘甜清香與燕窩的滑潤可謂完美結合，每一口都是奢華又健康的享受。甜度控制得宜，不膩口，令人回味無窮。甜品款式多樣，餐廳環境明亮寬敞，地點方便，鄰近時代廣場，的確是聚會的好地方。想睇更多介紹，馬上Follow我啦😁。#聰嫂 #聰嫂私房甜品 #甜品 #港式甜品 #椰皇燉燕窩雙皮奶 #芝麻合桃露 #銅鑼灣美食#big_big_foodie #big_big_foodie食勻銅鑼灣 #big_big_foodie食勻香港

聰嫂甜品我成日都會食，最近佢銅鑼灣分店都開咗好就腳！店舖裝修得幾靚，同埋都係好多人要等位-椰皇榴槤燉雙皮奶🥥濃郁榴槤好香，果肉綿密，是真實果肉而非香精調製 。入面有雙皮奶，質地比豆腐花更滑嫩，奶香未被榴槤壓制。而且椰子糖入邊嘅椰子好易就可以用匙羹筆起成個！-芒果椰果冰🥭芒果冰則是夏日救贖，新鮮芒攪打成綿密雪葩，零冰渣感。有別於坊間色素冰，挖到底仍是濃郁芒果香。水晶珠咬下「啵啵」爆汁，神還原台灣夜市口感

銅鑼灣聰嫂返嚟了！係我中學回憶，即刻約朋友嚟試吓。佢嘅水果沙冰都好好食，我哋叫咗芒果冰仙草凍同士多啤梨豆腐花。兩款冰都好香甜綿密，士多啤梨仲見到一粒粒士多啤梨籽，證明真係新鮮水果打出嚟。上面嘅水晶珠脆卜卜，口感好得意。配仙草可以中和甜味又Q彈，豆腐花都好滑同夾。另外叫咗中式甜品杏仁蛋白茶同椰皇燉蓮子雙皮奶。杏仁茶好濃郁香甜，飲落溫潤順口，配上燉蛋白好滑嫩。椰皇個個超級豐富，有好多蓮子，又霖又綿密。仲有香滑嘅雙皮奶，椰肉，同充滿椰香糖水。聰嫂真係好好食嘅糖水舖，以後銅鑼灣食完飯又可以嚟飯後甜品了。

聰嫂既龍眼冰真係得佢做到咁出色！令人念念不忘 😻 未夠鐘食dinner，竟然見佢係銅鑼灣開咗分店！一定要食咗先啦 係咪 龍眼一如既往好清甜，再加上佢用龍眼汁打成冰，真係啖啖都有龍眼味！夏天食就更加正！解暑一流而榴槤冰豆腐花，就有成球果肉之外，個冰又係有榴槤味，豆腐花既豆味又唔會被蓋過 👍🏻👍🏻楊枝甘露就超級足料！成碗滿滿既材料 🤪食到尾都有！芝麻合桃露，一上黎勁香！又有芝麻香同合桃香！ 😍😍😍

陪住好多人成長嘅【聰嫂私房甜品】，返嚟啦！真係食一啖舊時回憶就返晒嚟😍 店舖位置都係同之前同一條街，味道不變，都係咁好食🥰🥥 我叫咗兩款 超懷舊人氣甜品：🔹 龍眼冰豆腐花滑到不得了，入口即化✨豆香味濃，配上清甜冰凍嘅龍眼冰，有兩粒冰凍龍眼肉，一啖即消暑！口感同味道都保持得超好～以前幾乎每次嚟都會叫！🔹 熱椰皇燉桃膠雙皮奶真材實料，椰香香氣撲鼻，燉得好滑好入味，桃膠份量都多，食落口感啖啖膠質感覺～暖笠笠好治癒，養顏又暖胃🫶

同朋友喺銅鑼灣食完晚飯🌙然後直落去「聰嫂私房甜品」食甜品😬.熱椰皇燉桃膠雙皮奶🥥單點$69💰椰皇清甜，加上濃郁椰汁😋桃膠Q彈滑溜🤎充滿膠質☺️雙皮奶奶香十足🥛椰肉亦燉至滑嫩👍🏻.榴槤水晶珠🍨 單點$59💰採用泰國金枕榴槤🇹🇭 榴槤入口綿滑甘香🤤加上榴槤雪糕🍦水晶珠口感清爽彈牙🫧.熱南北杏雪耳燉木瓜🥣單點$39💰木瓜軟腍甜美，帶淡淡南北杏香味🌰加上爽脆雪耳😗非常滋潤😌.黑芝麻湯圓配桂花糖水🍡單點$32💰黑芝麻湯圓軟糯😆黑芝麻味香濃😛桂花糖水甜中帶陣陣花香🌼

話說呢排銅鑼灣真係熱鬧到爆，各位甜品控注意啦——聰嫂私房甜品終於返嚟銅鑼灣啦！記得以前佢哋係呢度開舖嘅時候，成日排隊排到轉角，而家重返舊地，粉絲們個個都話「終於等到呢一日」！講到聰嫂嘅招牌，龍眼冰同榴槤冰認第二，冇人敢認第一！先講個龍眼冰，真係講究到極點。選用嘅龍眼全部係精挑細選嘅「石硤」品種，果肉飽滿多汁，甜得嚟帶少少清香，絕對唔會澀。師傅會逐粒剝殼去核，再用慢火熬成龍眼糖水，冰底係自家製嘅碎冰，濃郁嘅龍眼肉，頂頭再加新鮮龍眼肉，一啖落去，冰涼透心，龍眼嘅甜同冰嘅爽完美融合，夏天食返一碗，簡直係人生一大享受！至於榴槤冰，簡直係榴槤愛好者嘅泰國金枕高級榴槤，果肉搗成泥，香濃到隔住個街都聞到！冰底一樣係細膩嘅碎冰，拌勻榴槤泥之後，口感滑溜到好似雪糕，濃郁嘅榴槤味在口腔裡面爆開，甜中帶少少獨特嘅「回甘」，鐘意榴槤嘅朋友一定會覺得「勁過癮」，唔鍾意嘅可能會話「太霸道」，但呢種真性情，先係聰嫂嘅風格嘛！而家重返銅鑼灣，舖面比以前更有味道，不過個排隊人龍仲係一樣誇張。無論你係住附近嘅街坊，定係專程過嚟嘅遊客，都記得過嚟試返碗「童年回憶」，畀個龍眼冰同榴槤冰「洗禮」下，保證你食完會話：「呢種味道，

聰嫂宜家開多左 旺區都有齊哂夏日天時去食番碗舒服哂椰汁芒果黑糯米 紫米好軟糯，帶天然甜香 碗面有新鮮芒果切塊，酸甜多汁，下面就有啲芒果粒粒全碗都有濃郁椰奶，有熱帶風味 另一個凍既叫左龍眼椰果冰 係一貫既味道 係清涼解渴既夏日首選 泰國既龍眼肉甜味溫潤 食得舒服另椰皇燉蓮子雙皮奶 唔係普通蛋白而係原個椰皇作容器，燉出椰香雙皮奶 ，啲雙皮奶口感絲滑，奶香濃郁 叫左蓮子做配料，蓮子燉至粉糯，清心降火 成個甜品有椰子天然甜味，又有蓮子平衡杏仁合桃露好滑 堅果香氣濃郁 唔算太甜 味道幾好 夠健康

曾幾何時聰嫂係銅鑼灣最高知名度又最多人幫襯嘅甜品店，䇄立十幾年，然後因為種種原因執笠，到今日又重回銅鑼灣，去返差唔多嘅位置開舖，味道都係不變，芒果雙皮奶好香甜，芒果絕對唔酸，同雙皮奶味道好夾，龍眼冰好清新，特別適合夏天清清地，賣相非常華麗，份量黎講兩樣野都算足料，食完都唔會話好似冇食過咁。落單係scan qr code再即時俾埋錢先，人流都ok唔洗等得太耐，不過整體價錢就同舊時一樣偏向進取，如果有緣經過食返一次都係唔錯。