聰嫂私房甜品

喺銅鑼灣食完飯之後通常都會有朋友提議食飯後甜品耀華街嘅聰嫂必定係頭三甲好彩而家有兩間排隊都唔洗等好耐就食得 lu 本身每次去聰嫂必定會食龍眼冰或者香蕉 pancake第一次食蜜瓜冰簡直係好味到爆開！！！啲西米好似透明爆爆珠咁雖然冇乜味咬落去好爽口口感特別蜜瓜粒好清新 新鮮如果可以多啲蜜瓜就好啦食到有啲唔夠喉想encore ......冰就夠凍咬咬吓會牙脾 tim 呀好鬼正 🤪下次去聰嫂都會轉呔食蜜瓜冰！必推！！！…查看更多

我哋喺隔離棟大廈食完晚餐之後，大家都仲未傾完計就諗住食埋個甜品先至走啦，咁啱記得隔離有間聰嫂又冇人排隊喎，平時係排咗好多人架嘛。入到去真係好大冷氣，我又唔記得帶外套，真係一路食一路震呀我每次嚟到一定食，椰果龍眼冰真係食10次10次都覺得佢好好食，佢係將啲龍眼同啲沙冰撈埋一齊，融為一體，完全係好香龍眼味，完全唔會覺得譚味同埋食到冰咁樣，好似食緊龍眼雪凍咗再絞碎佢嗰種感覺，再加佢啲透明波波食落去好有口感我都試咗一啖家姐嗰碗榴槤冰，都係超香榴槤味呀，下次都可以一試…查看更多

一向有食開，呢間頭一次去，極為失望。用嘅餐具都係一次性嘅塑料碗同埋碗，見到熱甜品黎嘅時候碗都變左形。朋友醬汁燉蛋白有毛髮，本人蛋白燉蛋白有烏蠅。甜品店有名氣有人流，就開始降低服務質素同埋加價。又一次失望嘅經歷，唔回頭，大家多D支持本地獨立經營甜品店啦，有時食野除了味道，仲要食佢地分堅持✊🏻…查看更多

呢個龍眼冰，真係食幾多次都唔會厭我自己最鍾意就係佢沙冰入面，有滿滿嘅龍眼肉，食完之後又唔會頸渴。而且配埋沙冰上嘅椰果同西米，成個配搭非常之好食。每次去銅鑼灣食完餐晚飯之後，一定會食呢個做飯後甜品🍮佢唯一一個唔好處，就係一定係好多人排隊，每次至少都要等15分鐘😖…查看更多

好耐都無經過耀華街啦！琴晚剛和朋友食飽飯，飯後甜品是必須的，所以就去了附近的聰嫂了，幾個月無行過呢條街，原來聰嫂已經開了兩間，一間在街頭，另一間在街中間，相隔幾個舖位，去到舖頭我如常點了我最愛的榴槤水晶珠，間舖細小但全舖座滿，唯一不好的地方是沒有洗手間，因為我詢問服務員洗手間在那裡？佢竟然答我無洗手間，其實佢另一間有點鮮唔會提議我去另一間舖用呢？一間甜品店無洗手間，難道佢地又不用上厠所嗎？下次我都不會去這間了，一次不愉快的飲食之旅😭…查看更多