聰嫂私房甜品 (已結業)

同朋友食完飯，時間尚早，覺得要食埋甜品先滿足～朋友話想食呢間，搵左陣終於到，好彩因爲早去到唔駛等位～不過呢度位置唔算多，枱同枱之間有D逼，坐得唔係幾舒服。唔算好多選擇，難得大家都食榴槤，所以叫左榴槤黑檽米同榴槤pancakes。黑檽米比想像中多，唔算好甜，食到後期有D飽，榴槤都幾香幾濃，不過太少唔夠多。Pancake有兩件，入面有D cream同榴槤肉，不過我地都覺得太甜，同埋榴槤肉如果可以再多少少就好。

由大學時期開始食聰嫂，果陣仲係廿幾蚊一碗，今次黎到旺角分店，一個蜜瓜冰已經要＄４２，仲要用細細個膠兜，好似唔會重用，感覺唔環保。因為細兜左好多，三兩下就食晒。冰底唔夠凍，好快溶，無之前咁綿滑，好似普通ｓｏｒｂｅｔ咁，唔會再食了。

呢個鮮雜果水晶珠，嗰啲生果好甜嘅。芒果，蜜瓜同西瓜都好甜。佢中間會有啲芒果沙冰嘅，跟住底下呢就舖滿咗好多西瓜 價錢就要58元。食完飯，有小小口渴啊，食呢個生果盤就啱曬

食完晚飯個感覺仲係好空虛， 返屋企途中見到聰嫂， 即興入去食糖水，晚飯食了吉列牛怕熱氣叫咗碗鮮雜果椰汁涼粉$58 ， 然後再叫杏仁茶燉蛋白$39。鮮雜果椰汁涼粉～ 望落都幾大碗， 有士多啤梨，芒果，香蕉，西瓜，蜜瓜和哈密瓜， 芒果超級酸， 其他幾款生果普通啦，冇乜特別， 椰汁和涼粉比較少。杏仁茶燉蛋白～ 杏仁茶有點稀， 蛋白口感太實， 整體味道一般。聰嫂甜品的價錢都唔算平，味道普通， 覺得佢新開嘅時候質素好過現在， 有進步嘅空間！

小妹以前好鍾意食聰嫂，次次同朋友出街食完飯都要食返碗冰做甜品不過人大左，通常食完飯就直接解散，好少再食甜品今日難得再encore即刻叫返我最鍾意嘅蜜瓜冰試吓<紅豆蓉水晶珠$35>朋友仔件見有個紅豆蓉水晶珠新出幾得意，叫左個試下隻味都OK嘅，好似飲緊紅豆冰咁，比起蜜瓜冰紅豆蓉嘅呢個刨冰係用粗嘅刨冰食落去更加有口感<蜜瓜椰果冰$42>蜜瓜椰果冰係小妹嘅最愛基本上每次去到一定要食蜜瓜味，依然係最清香嘅味道不過感覺上份量就好似細咗啲，同埋加價加咗好多明明以前食嘅時候都仲係$30頭，而家已經要$42啦

同朋友食完晚飯食糖水，去左聰嫂！平時去開將軍澳果間食，第一次喺旺角食，原來價錢係有唔同的，可能係旺角鋪租比較貴啦，所以價錢都高d！最鐘意食水果冰類既甜品，尤其芒果，所以會繼續支持聰嫂！

喺旺角 朋友又話想食甜品 問到有冇咩好食小編我第一時間就諗起聰嫂嘅蜜瓜冰🤤但每次嚟都要排隊👫👭👬👭👫蜜瓜椰果冰🍈 $42必點一定係蜜瓜冰🤩一直都鐘意食蜜瓜 而食過呢到一次就鐘意左 難以忘懷👅蜜瓜冰顏色好靚 好清新 比人感覺好舒服❤️每啖冰都好綿密 而且超重蜜瓜味食完都仲成個口腔充滿蜜瓜甜🥰但對小編嚟講 佢有個唯一敗筆就係佢啲透明珠珠並唔係西米 而係好爽口嘅甘露果凍😢不過就有好多人為佢嘅甘露果凍而食喇芒果椰果冰🥭 $45芒果冰就不過不失啦🧐雖然啲冰都係啖啖有味 但始終芒果嘅甜品成日都食到 而個人覺得味道都唔會差太多變相會少左個獨特嘅記憶點✨如果大家食過邊到有特別好食嘅芒果甜品 好歡迎介紹下🤗椰汁意大利涼粉🥥 $35佢嘅造型真係似足意粉啊😆但起曬泡嘅外貌就不太討好而實際上嘅味道都係普通涼粉 口感亦一樣 只係外型唔同姐所以呢碗就真係三碗嚟講最普通嘅😢就係椰奶涼粉😀

夏天又係食芒果嘅季節 朋友介紹話呢度芒果甜品好食 .聰嫂menu唔多選擇 啱哂d選擇困難症嘅人嚟 唔洗揀好耐.今次叫左楊支甘露同芒果椰果冰 個份量好細 同埋2碗個味道差唔多 🤣期望太大有d失望添 .楊支甘露d材料多過芒果冰 感覺抵食少少 但都$49 又唔係特別好味 我唔會再嚟食lo 芒果椰果冰d芒果可能唔靚 勁酸😖 其實面個d材料都好普通 但賣成$45碗真心唔抵食 除左性價比低之外 間鋪頭d位都好窄 坐到背貼背咁 唔太舒服 有人話呢度另外出名係龍眼冰 不過我唔會再幫襯呢間野

原來旺角新開了，因為下午五時吃，所以🉐️我二抬客人芝麻合桃露，結撻撻，芝麻一劈劈，賣相唔靚仔，食下好甜呀又一碗合挑露，一樣結撻撻，好甜訝，同銅鑼灣店差天共地⋯⋯😔

聰嫂而家已經開到周圍都係 有一晚同朋友去完旺角食飯就嚟咗食甜品芒果椰果冰食落去好重芒果味 椰果嘅數量亦都唔會話太少我比較特別嘅係芒果奶昔雙皮奶 雙皮奶唔算話太滑 不過平時比較少甜品鋪可以整到所以都可以試吓

和友人去完貓貓cafe，吹水玩貓， 還未盡興，去了 聰嫂甜品食糖水， 之前從未食過， 以為都是一般的糖水舖，入去看了餐牌，見款式不是很多，嚇了一跳， 其他糖水舖的餐牌也會密密麻麻十分多選擇， 點了一個椰皇燉蓮子， 和一個芝麻合桃露， 價錢不算十分平， 試了一口 椰皇燉蓮子， 蓮子肉入口即化， 內裏應該加了椰奶布甸， 香濃好味，好溜 一口接一口也不會覺得漏， 友人吃的芝麻合桃露， 見他吃的樣子心滿意足， 想必也十分好吃， 原來只要每樣嘢也做得好食， 也可以不必太多選擇

咁熱既天氣，食完飯忍唔住食甜品。聽聞呢間龍眼左冰好出名，不過我係芒果迷，就嗌左芒果椰果冰，芒果冰真係好重芒果味，而且唔係嗰種溝左糖水既冰既味道，加埋杳椰果口感更豐富，不過啲芒果肉就偏酸。

咁多間糖水舖，真心覺得聰嫂係好好食，佢嘅龍眼冰真係清甜到入心，係第而家搵唔到有龍眼冰食，最重要嘅係佢用真嘅龍眼打成冰，唔係淨係冰加糖水咁簡單，所以次次都要叫嘅推介甜品。朋友就叫咗芒果乳酪燉蛋，原本以為好普通嘅芒果燉蛋，但原來佢係用蛋白燉左之後，再加上芒果汁，同埋新鮮芒果，呢個配搭都係第一次食，暖暖嘅燉蛋配凍冰冰嘅芒果汁，仲有超甜菲律賓呂宋芒，呢個價錢簡直係好抵食。不過咁，要食聰嫂都要有一番耐力，就係起碼要排隊等成半個鐘。

人哋話女人愛甜品！我就覺得係三五成群飯後一定要甜品，男男女女傾吓講吓食吓減吓壓😌😌😌旺角發X食得多，隔離原來開咗間聰嫂實在太太太高興啦😍😍😍佢地芒果真係好好味，又香又甜😋我至愛係佢地嘅芒果涼粉同埋芒果椰果冰，用新鮮芒果起肉做咗芒果冰，加入椰果，西米，再加芒果肉！椰果煙煙韌韌，西米脆卜卜，食落口感好豐富，食完透心涼！其實除咗芒果，如果同類型甜品會出埋菠蘿口味，咁就perfect嘞👍🏼

食完晚飯黎到。左右兩間甜品店都人山人海。好彩等左一陣就入得。店舖比較細。坐得比較迫。侍應都好難先可以喺座位間穿梭。大伙兒不約而同一齊叫龍眼冰。超濃龍眼冰底。濃度就好似原粒龍眼打冰咁。冰打得夠細滑。配上爽脆水晶珠同椰果。配搭得宜。食完清甜消暑。可惜索價$49。真係有啲貴。一食完侍應就講有人等緊位。原本都諗住快食快閃。不過見有啲人陪人淨坐就繼續坐。感覺不太公平。見證住佢由將軍澳小店變到喺哂旺區開店。價錢亦都變到就快奔5。明白租貴人工貴。慶幸味道冇變。