聯邦皇宮 (已結業)

最近能夠一家齊齊整整坐低食飯直係唔易，難得中秋正日一家大細都得閒，所以兩星期前已經訂好枱。未夠八點我同老媽已經到達並成功入座。等到咁上下，我哋等柯打叫菜 ，人一齊就起筷。大時大節，食嘅都係大路嘢，所以上菜都好快。今日隻乳豬有啲肥，但總算鬆脆。咕嚕肉用上鮮菠蘿，口感特別fresh。莧菜因為用湯上，所以唔覺肥膩，而我反而覺得可以俾多少少油。大斑兩味就只係不過不失。全晚最愛係碟蜜糖豆炒蝦球，鲜、甜、爽、彈。另一叫我欣賞嘅係胡椒肉碎勝瓜浸豆腐，味道配合得唔錯 。十個人食飽飽，價錢都算合理。👍👍👍

點了十二人龍蝦晚飯全包宴，套餐連甜點共十樣菜式，另包啤酒汽水，價錢約$3,500！龍蝦伊麵幾好味，但龍蝦細隻，無乜肉；乳豬拼盤、炸蝦球及竹笙浸菜苗正常，無特別；雞蓉燴燕窩味道較淡，但我不喜歡味道太濃，所以岩我；清蒸海班蒸得太老，魚肉唔嫩滑；乳鴿唔係即炸，所以皮腍；螺片黑豚肉的螺片有很重鹼水味，向經理反映後更換成花枝片，味道可以；大家都已經好飽，荷葉飯直接打包回家，但打包前都試了一口，味道偏鹹；甜品係芒果糕，大家覺得還可以！總括而言，味道還可以，不過不失，但不算抵食！

青衣城酒樓不多，第二次到聯邦飲茶。點心質素比半年前差了極多。蕾沙湯丸的粉團太多，一口咬下去是質感很差的粉，麻蓉沒味道。水晶桂花糕味道很奇怪，不單沒有桂花味更有少少酸的味道。鳳爪很難會不好吃，但這裡的鳳爪沒有味道。蝦餃也是沒味道不油潤。我對吃的要求不算高，但跟友人一致認為這裡的點心很有問題，收費也貴。好吃的有羅漢齋腸粉 及 馬拉糕。普洱是低質茶葉。飲茶幾十年第一次因為東西難吃而有吃淨食物。服務也不見得好，不會再來。

今天早上陪弟弟和媽媽來到青衣城洗牙後，我們便來到這間酒樓喝早茶了由於時間尚早的關係，有些點心暫時未能供應，所以我們盡量都選了一些早茶專賣的點心No.1 【香麻綠茶餅】 $19這個是我最喜歡的菜式之一，可惜它的味道卻比起稻香更不堪，真的讓人失望頂透！雖然綠茶餅是即叫即烤的，可惜外皮卻一點也不卜卜脆，完全缺乏酥脆香口的質感至於餡料方面，雖然綠茶蓉都算軟綿香糯，可惜它不單止缺乏了清香的綠茶氣息，而且更和清湯寡水一樣都是淡而無味，味同嚼蠟，讓人食之無味，棄之可惜No.2 【農家五糧糕】 $19雖然無論是它的名字和樣貌都讓人不太感興趣，但它卻是全場最美味的點心了五糧糕雖然沒有晶瑩剔透的外表，但是它的質感十分軟綿香糯，而且爽口彈牙，完全不會黏牙，其味無窮，珍饈美味另外五糧糕總共分為三層，最中間的便是紅豆糕了紅豆糕十分清甜可口，甜香四溢，而且甜而不膩，讓人食髓知味，鳳髓龍肝！No.3 【甜心紫薯卷】 $19雖然紫薯卷擁有漂亮的外表，看起來十分秀色可餐，誘人美味，可惜卻中看不中吃，它的味道只是一般而已由於是即叫即蒸的關係，所以紫薯卷的包皮十分軟綿綿，軟綿香糯，本來味道不錯的。可惜紫薯蓉太甜膩了，我們滿

Taste:3/5Environment:3/5Service:3/5嚟到聯邦皇宮 當然要黎食精緻點心啦 今次就嗌咗流沙包、馬拉糕、香煎蘿蔔糕、芋頭糕同招牌炒飯 二個人得二個胃 暫時剩係食得咁多 哈哈 下次再戰啦 當中最值得推介係哈哈笑流沙包 睇個圖案都幾q 原來唔只得賣相 食落都唔錯wor ！！流心做得幾好 一咬啲奶黃都流哂岀嚟 真係好有口福吖 又睇得又食得 呢點超讚 另外炒飯真係夠哂火侯 食得岀有煱氣 炒飯夠足料 有蝦、蛋、雜菜、豆等 呢餐都算大滿足

旅行前來聯邦皇宫飲茶係我的例行公事呢日來到例排叫咗川芎魚湯浸魚雲同埋金銀蒜蒸鮮魷，川芎味濃，送到來聞到陣味已極之吸引，而鮮魷係真嘅新鮮，金，銀蒜也配搭得宜，好好味。而亮點係第一次試嘅甜心紫薯卷，樣靚亦有好多紫薯餡，冇得輸

為方便朋友，今晚又來到青衣城晚飯，好一陣子無嚟，餐廳也沒太大變化。一心只想找個地方晚飯，又可坐得舒舒服服傾下偈，就鎖定了食中餐，但中餐選擇也多，平日的套餐也很經濟實惠，在我有選困難之際，朋友就提議去聯邦，我才發現原來我是第一次幫襯這間聯邦。環境舒適而且客不多，好啱三五知己嚟吹水。我地3人點了個4人套餐，有老火湯❨好味❩，貴妃雞半隻❨略咸❩，任選小菜兩款，我們選了咖哩牛腩煲，涼瓜班腩煲，食品整體質素不錯，服務尚算ok, 有甜品送❨真係好甜❩, 我們食到9點半，已是最後一枱。

今晚去咗青衣城聯邦皇宮酒樓食晚餐，叫咗個四人套餐$498，內容有：紅燒海味羮，清蒸海班仔（約一斤）、蝦仁炒滑蛋，一囗义燒皇，金銀旦浸波菜，仲另外叫多一枝大啤同埋一碗白飯！D菜式份量都好足夠！海味𡙡人均一碗有多，五六人也夠食，味道還可以！蒸條班仔都好新鮮，魚肉鮮甜，但畧過咗火一D！蝦仁炒滑旦就好得，D蝦好大隻，幾鮮甜，炒旦都好滑嫩！一口义燒皇都好靚，夠香夠腍，水準唔錯！金銀旦波菜，常食的普通菜式，水準一般般，但勝在大大碟！這𥚃地方寬闊，裝修新浄，招呼都好好，可以再去試下其他菜式！

其實都吃過聯邦皇宮很多次，不過多數是早茶...多人到核爆，反而夜市較少光顧，星期六的晚上偏偏又...少人到核爆，不過這正合我意，因為身邊圍繞著三個侍應服務我們，正所謂:"越多人服務，越覺得自己係Donald (Trump)"，享受這小小的優越感。"就算我唔整古做怪，D野食都黎得好快"，這頗出乎我的意外，很久沒有寫過這麼快的食評，通常拖拖下就無影無蹤，這裡的出菜速度之快泛起了我內心的漣綺，迫不及想寫篇食評。瑤柱貴紀雞($88)：快就快，但好像凍了些許，如果加熱一點會更好。魚腐鮮菌什菜煲($98)：頗為清淡的一道菜，畢竟追求越來越健康的生活。金粟脆魚塊($98)：還是凍了些小，熱辣辣好吃一點。連白飯晚茶花生($28+$28+$12)，埋單$387。我喜歡快，但如果犠牺品質的話，我會更傾向慢一些，因為真的未夠熱力四射，小菜當然要熱辣辣才好吃。

呢間茶樓，攞左號碼，明明有枱，成日收埋啲枱唔知做乜，益自己友，門口叫號碼只是裝飾，去第二間好過，青衣城唔係只得呢間茶樓都未曾入到去，寫乜食評，都未有用餐體驗！！！！

早茶都幾多選擇。本來個場都幾大,可惜加左D板間住左,冇咁開揚。侍應見到好似好多,但真正做o既唔多,有幾個直情態度惡劣。皮薄,叉燒冇雪味,豉油冇味,不過唔點豉油都ok。咸水角有4隻,但好似翻炸,食落口皮都煙韌,料都多。雞扎唔新鮮,魚肚乾爭爭,豬肚有陣異味,腐皮太薄,火腿過熟。仲叫左馬拉糕,冇影到。馬拉糕鬆軟

起初，我收到某餐廳寄去我公司嘅蘿蔔糕劵及年糕劵，老闆娘聽見，既然我兩樣糕都有，睇住佢喺枱面度數糕劵，仲話僅僅夠用喎！就連原先已買好嘅蘿蔔糕劵及年糕劵都慳番話唔使送俾我嘞！心諗妳理得我食唔食得哂抑或將餐廳嘅糕劵轉送朋友吖！員工福利都剝削埋！好嬲囉！她認真玩嘢！最近就話佢個家人病咗，食唔到咁多甜嘢，有個年糕可以俾我😒😒 問我要唔要？！就算我家人食唔哂，諗吓…可以轉送餐廳嘅糕劵俾朋友吖！好過益咗佢呀！所以，我用藉口話問吓媽咪要唔要多個？😏😏 翌日，跟她講，聲稱媽咪覺得聯邦出品比餐廳送給我的出品，質素較好！所以都照攞走！有見及此！老闆娘覺得…既然我媽咪咁欣賞聯邦的年糕，就連蘿蔔糕都留給媽咪嘞！因此，兩個賀年糕失而復得！老闆娘完全低估了我們一家四口的食量！兩日共兩餐，共吃掉四個賀年糕！聯邦賀年糕蘿蔔糕蒸製後，蘿蔔糕質感偏腍，夾雜很細小的白蘿蔔粒，如果大粒反而會嚐出啖啖清甜鮮嫩的蘿蔔絲；混合了瑤柱，臘腸及蝦米，香味四溢！口感豐富，是必備的賀年食品！椰汁年糕散發出陣陣椰子清香，入口帶煙韌又軟滑，香甜味美，甜度恰到好處！

今天我ah b一歲生日，媽媽訂了里間酒樓食飯慶祝。由於未齊人小朋友又肚餓，我叫左五隻乳鴿及蒸肉餅食，頂住個肚先。乳鴿都算可以接受，但個肉餅好厚，有D粉色，好似末熟甘，我個仔每晚都食蒸肉餅(每間餐廳有蒸肉餅既佢都會食)，但今晚佢只食一啖，跟住里個肉餅就無人問津到齊人時，我們叫了一個五千左右既十二人餐，再加散叫二斤海蝦(白灼，但無鮮味)，蒸鮑魚(D果皮苦苦澀味)，粉絲 蟹煲 常可以接受 唔可以唔提嘅， 佢條蒸海斑真係 韌 到阿媽都唔認得 蒸過火連個腩位都係 韌 㗎， 最後攞咗返屋企拆肉煲粥， 啲海鮮煮得咁差啲肉類都冇乜心機去食，對於我哋食海鮮嘅人嚟講今次真係好失望㗎但係成晚啲姐姐keep住 換骨碟， 都算殷勤，酒樓來講甘既服務態度算係好好， 到我哋切完蛋糕 ，好細心地幫我哋分埋蛋糕， 服務可以比七分。 啲嘢好食服務差我哋都會返轉頭，D服務好但啲嘢食吾好，就點都唔會返轉頭

食物不錯價錢合理，環境都不錯，乳鴿比預期好吃，雖然點了套餐，但上菜都有點慢，但都可以接受，價錢包啤酒果汁，十分化算，如果服務再好的就非常好，家常便飯的好選擇，會再幫襯。

一年一度的中秋夜飯。往往在這一類的家庭做節飯，吃甚麼或好不好吃不是最重要，最要緊的反倒是一家人可以聚首一堂傾一下食頓飯....來得聯邦這一類流水作業式連鎖飲食集團，在吃這一方面，根本就不曾有甚麼期望....要限時限候食，食的又是如此"行"的套餐....我想，但求填飽個肚就算了....習慣性地乳豬先上場。皮底下的脂肪多的是，很膩口；而且入口是涼的。要說它ok，是不可能了吧 ?!滿滿一大碟上湯焗波士頓龍蝦伊麵相反就較好，蝦肉厚甜度足；伊麵沒見糊糊的，在吸滿上湯及蝦汁底下吃，非常鮮甜的甚至比龍蝦本身更吸引....在那所謂的"彩虹蝦仁鑽石蚌"中，小弟專攻的是較素一點的西芹以及紅椒。對於那被泡及喇至淡mou mou的爽身蝦仁以及偏韌蚌肉，我自是全無興趣....在炸蟹拑中您自然找不到有很多鮮拆蟹肉，取而代之的是一團不知溝了甚麼下去，吃似彈牙但又鮮味欠奉的"蝦"膠....至於那"海皇翅"呢，只有幾條翅毛及碎竹笙浮游在一碗稀湯羹上，其水準就可想而知....花膠珍菌扣大玉掌最大的佳處是無論花膠以至菌菇到鴨掌到是大大隻的亳不欺場。而味道呢，只是將一大堆的蠔油獻汁淋在所有東西上後的味蕾感覺，這可以有多好吃呢